JOSERISTINE 彩豐 好用推薦產品
JOSERISTINE 彩豐 推薦產品一覽 80 件
Kiki2024好用推薦：買左一套黎用，有護髮素、洗頭水、沐浴露、潤膚乳，仲買左支暖薑精神黎按摩。 呢個系列真係好重薑味，護髮素、洗頭水用完唔會痴笠笠。沐浴露、潤膚乳冲完成身都有薑味🤣仲有啲暖暖地嘅感覺。 支精油都唔錯，用佢黎揉子宮附近，真係有助暖宮。
<看全文>格仔餅公主好用推薦：回購咗幾次，人越大越嚟越虧，間唔時攞嚟按摩聞到嗰浸薑味除咗好舒爽仲感覺個人「補」啲？而家覺得薑味好好聞呀，唔使下下用啲好甜嘅精油按摩，間唔時可以參住用幾好，如果唔鍾意死甜嘅按摩油嘅朋友可以一試
<看全文>
Kmggigi好用推薦：最近用完支沐浴油，睇Cosme 發現依支彩豐 White Musk 沐浴露評價好，性價比又高， 所以就喺網上商店購入咗，一用就覺得物超所值！ 單睇個價錢~HK$ 40就有 1000ml， 真係性價比極高，適合一家使用 佢嘅 White Musk香味真係好好聞，係熟悉嘅氣味🤣 唔屬於刺鼻嗰種濃烈，帶有淡雅高級嘅自然香氣， 每次用完皮膚仲會留有淡淡嘅餘香，持久度唔錯👏🏻 依款沐浴露嘅質地係屬於輕盈啫喱狀， 起泡能力都唔錯！ 只需要少量就可以搓出唔少泡沫，清潔力亦唔錯，可以有效去除汗水同油脂，特別適合夏天使用 重要係用後唔會覺得皮膚乾燥或者繃緊， 咁嘅價錢咁嘅效果真係無嘢好投訴😆 總括而言，如果你鍾意淡雅香味， 又想搵一支大容量又平靚正嘅沐浴露， 呢支一定係唔錯嘅選擇！🥳
<看全文>natanatalie好用推薦：推薦呢款沐浴露俾大家！🛁 首先，佢價錢算平，無記錯三四十蚊有一大支，而且購買都好方便，除左有門市網購，印象中萬寧都有得買，唔怕買嗰陣好麻煩！😝 重點來了，包裝好lady，比起同品牌嘅包裝靚好多，放喺浴室心情都好啲！🥰 一打開，佢嘅重氣不得了，有一陣清香而不俗套嘅香氣，氣味好有高級感！加水起泡嘅清潔力亦好出色，用後肌膚會好嫩同水潤光澤，加上熱水嘅蒸氣，佢嘅香味係會維持喺浴室一段時間，每次行入去索到呢陣味，心情都會好好多！🙆🏻♀️
<看全文>
zetalhc好用推薦：個人非常推介呢支潤膚乳比容易出疹或者出風癩嘅人用～我自己轉季好容易會出疹，加上出汗會好容易皮膚痕癢。夜晚沖涼用左呢個lotion之後即時會覺得唔痕，而且可以舒緩紅腫，用一個星期左右d疹就會退曬。呢個lotion質地比較水潤，夏天用唔會覺得黐立立，香氣好淡好清新而且都容易吸收。最重要係大大支都只係幾十蚊，性價比非常高！
<看全文>Sophiaso好用推薦：上個月突然間起濕疹，痕到不得了，經過彩豐門口見到呢支BODY LOTION 諗住都係試下，用完皮膚濕疹位嘅痕癢真係減少左好多，夜晚都唔會突然痕醒左，超推薦，值得試下。
<看全文>
GinGin好用推薦：雖然成份係有生薑精華，不過完全感覺唔到有暖感覺，不過質地依然濃稠同好保濕，同埋有薑香味，我喺特價時買左3支，都抵
<看全文>貓餅好用推薦：好平好大枝，但功效一般，黑糖唔係好黑糖，有啲甜味，但唔夠滋潤，但為普通沐浴露是可以的
<看全文>
葉子🍃好用推薦：味道微甜，黑糖味幾特別，顏色係深啡色，加水後唔會起好多泡，但都沖得好乾淨，有清爽感，本身有啲位乾燥痕癢，用左痕少左，沖完都仲有保濕力，但又未去到滋潤度高
<看全文>940727.0好用推薦：我幾鍾意去彩豐行買嘢，因為佢哋嘅產品同埋價錢性價比好高。另外佢哋嘅產品好少會令到我敏感。呢一支黑糖沐浴露味道唔會太甜，另外洗完皮膚唔會乾澀
<看全文>
