JOSERISTINE 彩豐 好用推薦產品

jessicachu好用推薦：多謝 @cosme 邀請試用 JOSERISTINE 彩豐 皮奧寧防痘．身體護理噴霧！我用咗大約一星期，同大家分享用後感。 我一到夏天就係典型「一油就出粒粒」嗰種，出多咗汗、皮膚一焗，背脊同心口就好易冒返啲紅紅哋嘅暗粒同小痘痘。呢支噴霧正正主打背部、前胸同上臂呢啲自己又睇唔到、又難搽藥膏嘅位置，啱晒我。 質地方面我好收貨——係好輕盈嘅水狀，噴上身完全無負擔，噴完輕輕一推開就好快吸收，唔會黐笠、唔會濕立立殘留一層喺度，著返衫都唔覺焗。噴嗰下仲帶少少清涼感。而且我幾鍾意佢嗰陣茶樹味，清清新新，唔會惡到攻鼻，聞落好舒服。除咗消炎防痘，噴完亦有種補水感，唔會好似某啲祛痘產品噴完乾巴巴。 至於用法，我習慣沖完涼、抹乾身之後噴，簡單快捷。真係要吹毛求疵嘅話，噴出嚟嘅水霧唔算最幼細，要用手推開。 效果就係最令我驚喜嘅部分。噴完第一次，第二日已經見到患處嘅粒粒明顯消咗炎、退咗紅，冇再谷大。連續用咗一個星期，新冒嘅粒粒都少咗好多，背脊同心口整體乾淨、平滑咗，皮膚狀況穩定咗。以佢親民嘅價錢加上噴一噴就搞掂嘅方便程度，作為夏天嘅日常身體防痘護理，我覺得好抵用，會繼續keep住噴落去。 可以見到噴

konrinn好用推薦：產品測試心得分享 測試背景 膚質類型： 混合性偏油肌膚 測試環境： 濕熱天氣，長期處於冷氣環境 特殊狀況： 測試期間經歷生理期，肌膚狀況較不穩定 今次試用同時使用三隻產品,分別係 1. 皮奧寧祛痘強效消炎膏 2. 皮奧寧祛痘清爽乳液 3. 皮奧寧防痘,身體護理噴霧 分返三篇評價。 3. 皮奧寧防痘．身體護理噴霧 使用便利性 噴霧設計相當貼心，噴出的霧狀細緻均勻，不會黏膩也不會弄髒衣物。無論是在早晚使用都很方便，特別適合難以用手塗抹的身體部位。 使用感受 產品沒有強烈刺鼻的氣味，使用時有清涼的薄荷感，在濕熱天氣下使用特別舒適，能帶來即時的清爽感受。 功效表現 這是三款產品中效果最為明顯的一款。針對胸口部位的大小粒粒問題，使用後有顯著的改善效果，不僅數量明顯減少，原有的粒粒也逐漸消退。可能是因為身體肌膚冇咁出油，比臉部肌膚更容易看到改善效果。 整體評價 三款產品中最推薦的一款，使用方便且效果顯著，特別適合處理身體部位的痘痘問題。

zetalhc好用推薦：個人非常推介呢支潤膚乳比容易出疹或者出風癩嘅人用～我自己轉季好容易會出疹，加上出汗會好容易皮膚痕癢。夜晚沖涼用左呢個lotion之後即時會覺得唔痕，而且可以舒緩紅腫，用一個星期左右d疹就會退曬。呢個lotion質地比較水潤，夏天用唔會覺得黐立立，香氣好淡好清新而且都容易吸收。最重要係大大支都只係幾十蚊，性價比非常高！

Sophiaso好用推薦：上個月突然間起濕疹，痕到不得了，經過彩豐門口見到呢支BODY LOTION 諗住都係試下，用完皮膚濕疹位嘅痕癢真係減少左好多，夜晚都唔會突然痕醒左，超推薦，值得試下。

Kiki2024好用推薦：買左一套黎用，有護髮素、洗頭水、沐浴露、潤膚乳，仲買左支暖薑精神黎按摩。 呢個系列真係好重薑味，護髮素、洗頭水用完唔會痴笠笠。沐浴露、潤膚乳冲完成身都有薑味🤣仲有啲暖暖地嘅感覺。 支精油都唔錯，用佢黎揉子宮附近，真係有助暖宮。

格仔餅公主好用推薦：回購咗幾次，人越大越嚟越虧，間唔時攞嚟按摩聞到嗰浸薑味除咗好舒爽仲感覺個人「補」啲？而家覺得薑味好好聞呀，唔使下下用啲好甜嘅精油按摩，間唔時可以參住用幾好，如果唔鍾意死甜嘅按摩油嘅朋友可以一試

Miaomiao好用推薦：彩豐行呢支老薑沐浴露真係好啱冬天用。佢有薑根精油，搽上身覺得好暖，仲有蔗糖同透明質酸，保濕效果一流，用完皮膚唔會乾爭爭。燕麥成分仲可以舒緩皮膚，啱晒皮膚敏感嘅人。 質地幾濃厚，擠兩下就夠搽全身，薑味好香但又唔會太甜，聞到已經覺得好舒服。沖完涼成個人暖笠笠，仲好滋潤。如果你怕凍或者皮膚乾，呢支真係可以試吓。店家推薦係坐月嗰陣買黎用既~ 唯一缺點係價錢小貴🤣

shadow影子好用推薦：一路用一路可以聞到淡淡的姜嘅味道，而且lotion質地容易推開，使用後神奇地可以感覺到微微發熱，都幾舒服，同埋都啱冬天用。