Mustela 用家評價

超級好用有效嘅修護膏已經用左n支回購左n次瓶口超細可以精準咁控制用量基本上身體同面有任何狀況都可以用佢適用於修復及舒緩由外在因素引起的局部皮膚問題： 1) 紅疹、敏感、尿片覆蓋的肌膚敏感/發紅 2) 面部及唇邊肌膚紅疹/奶癬 3) 水痘、蚊釘蟲咬 4) 輕微抓損、刮傷及燒傷 CICASTELA® 萬用膏專為舒緩初生嬰兒和嬰孩可能引致細菌感染的局部性不適肌膚（面部和身體）而配製白色冇味乳霜質地輕盈易推易吸收唔黏立 係1支超級萬用cream 買支係屋企 全家人都用得 自己習慣隨身都會帶備1支 遇到有狀況時可以即時用 立刻舒緩到肌膚問題 最重要係修護效果好明顯 夏天俾蚊咬搽左可以止痕 冬天𠝹到手搽佢傷口癒合快d 春秋轉季皮膚唔穩定 好易經常出現敏感問題 用修護膏都可以舒緩修復 2月泥緊會有bb展舉行 網上或會展應該都會有優惠 大家可以趁低吸納 買定幾支看門口 產地：法國 購入日期：2024-05-13 購入方式：Mustela website 入手價錢：HKD157.5 (維他命換片護膚膏123 100ml + Cicastela®修護膏40ml) 原價

多謝 @cosme 的試用讓我與我的孩子有機會使用Mustela牛油果萬用修護霜！ 有小孩的家長都應該聽過Mustela這個牌子，我的孩子有嬰兒出生到現在三歲也是用Mustela的產品洗澡！所以一聽到Mustela 的試用，我便立即申請！🤭 Mustela牛油果萬用修護霜是法國製造取自三個產地來自秘魯的牛油果，提煉出新鮮初榨牛油果油，牛油果糖及抗氧化的多酚，當中蘊含99.7%天然成份，獲有機認證，能為肌膚提供滋潤、修復和保護的功能。更可長達24小時修護及改善肌膚屏障。 產品的質地及氣味：的確是牛油果的顏色！因為是無添加的產品，所以沒有特別的香味！因為沒有其他的香味，讓我更放心讓孩子使用。 在試用這7天，我與我的孩子一起使用！一起來看看Mustela牛油果萬用修護霜的滋潤效果！ 下面是用在我身上的前後比較圖！在這個冬天，洗完澡都十分乾！我的皮膚更會癢到睡不了！不停地抓！塗Mustela牛油果萬用修護霜後水份大大提升！Up! Up! Up! 而我的孩子十分害怕黏著皮膚的乳霜！但Mustela牛油果萬用修護霜一點都不黏著皮膚，水份又大大提升！Up! Up! Up! 而值得一提是它

泵頭設計 可以洗頭沖涼 係1款全身用嘅髮膚沐浴啫喱透明啫哩狀無色無味加水可以產生微泡沫 小朋友出世後一直持續用緊 產品溫和唔刺激 低敏無香料配方 可以簡單輕易過水沖洗乾淨 企係度洗頭都完全唔怕 產品用左不刺激眼睛配方 而且蘊含98％天然來源成分 好安心咁俾小朋友用 每次產品做優惠都會入手備貨產地：法國 購入日期：2024-08-02 購入方式：Mustela website 原價：HKD80/300ml (HKD0.267/ml) 回購：10/10

小朋友出世已經用嘅潤膚乳牙膏唧唧裝設計 單手已經開得到 使用上非常方便質地輕盈非常清爽塗抹後好易吸收 做到即時保濕 最鍾意冇香料 同埋低敏配方 俾小朋友用好安心 每日沖完涼搽 做到鎖水保水效果 非常適合作為日常使用每次遇到有優惠都會買定幾支看門口產地：法國 購入日期：2024-08-02 購入方式：Mustela website 原價：HKD115/200ml (HKD0.575/ml) 回購：10/10

用左止痕補脂膏，可以好有效咁舒緩紅癢，只要5-10分鐘就肉眼可見明顯退紅，而且都無咁痕，大大舒緩不適。 佢質地滋潤度剛剛好，易推開又不會太油膩。成份方面添加天然益生元，係非常之好既重新平衡皮膚微生態既成份。

轉季時候，皮膚易出現敏感/泛紅，依啲時候就想揾啲無咁多香料天然啲既護膚品。 依排Mustela好多網紅介紹，我就買左支冷霜潤面霜。雖然依個牌子專出Bb護膚品，但Bb護膚品，其實大人都用得。我係買嚟茶身既🧚🏻 Mustela既Cold cream 好稀身 ，坊間乳液質地。依支係有隻蜜蜂🐝加入左蜂蠟成份，但好難聞 ！成陣壞左既油膱味🤢我都係用左幾日先開始習慣陣味～ 濕度低既日子🛁沖涼後茶一次，全晚都無再r過。保濕效果好好，滋潤度高👍🏻不過再凍啲就要需要用其他body cream🧴 對於依支cold cream，我重視功效多於味道👅Mustela仲有其他系列唔同味，應該無依支咁臭

孕期有濕疹～醫生推薦我試吓用Mustela～保濕效果幾滿意～用完好咗好多冇咁痕～而且成份溫和～之後連bb都可以一齊用添👶🏻🫶🏻

有機認證的，成份天然，沐浴油質地半透明狀，流動性不大的。 即使濕水揉搓後都幾乎無咩泡既，所以性質係十分之溫和。 沖涼過水後感覺潔淨，都好舒服不會痕癢，適合皮膚敏感或輕敏肌、乾燥肌使用。

之前試過同款潤膚乳，今次試埋呢款水份潤面霜，質地係比較軟身既cream狀，一推好快吸收晒，摸落好滑，薄到好似無搽野甘，因為油肌怕太潤，夏天都係夜晚吹冷氣時用，第二朝都仲好水潤，好似敷完面膜飲飽水甘，建議秋天用最好

冬天我最喜愛用嘅產品就Mustela 特強止痕補脂膏。 由細到大每逢轉季到冬天我的皮膚很大機會出現濕疹，避免出現甩皮、紅、痕的症狀，搞到皮膚又唔靚，又痕又辛苦。 上個月開始我搵到呢支Mustela 特強止痕補脂膏，呢個牌子嘅產品比嬰兒都可以使用，佢嘅香味唔重，查完吸收得好快，仲有好足夠嘅保濕度，足夠滋潤我嘅皮膚。至少痕嘅情況慢慢減少，可能每日要補五至六次，慢慢慢慢減少到兩至三次。 而家比較鍾意用一啲天然冇太多香料嘅護膚品，每日沖涼之後用/同埋我都會帶一支迷你裝出街用。如果有濕疹嘅你試過好多牌子都唔work，推薦你哋試用呢支Mustela 特強止痕補脂膏，可能會有驚喜。 #秋冬護膚神隊友

向都好鍾意牛油果🥑，因為佢係superfood，食落肚固然健康，但原來而家仲可以外用⋯ 一唧出嚟好驚喜，真係牛油果綠，好靚，仲要真係好creamy👍，一推開就好易搽勻曬！適逢我隻手因為戴完手鏈有啲敏感，用佢就啱曬！ 本身有少少痕癢，沖完涼搽佢已經好快冇咁痕，過多幾日，仲消紅消腫咗好多。 不過最鍾意佢嘅一點係：好多時搽完Body Lotion🧴會有種油淋淋嘅感覺，所以會等到臨瞓前先搽，但往往因咁就唔記得咗搽，攪到成日又痕又乾；好彩佢係好快吸收曬，肌膚雖然唔會油淋淋，但好似入面注滿水份咁，冇咗乾紋，所以而家可以一沖完涼就用佢，保持全身都有靚肌膚！ **因為冇呢種油淋淋嘅感覺，屋企嘅男士同仔仔都唔抗拒冬天用佢，一支lotion照顧全家！

有次路過店舖俾個牛油果🥑吸引左，買左佢返屋企，品牌主打嬰兒產品，成份絕對有保證，呢款水份潤膏乳，夏天秋天用保濕幾好，質地軟身，白色膏狀，一推好快俾皮膚吸收，用後水份有提升，唔會黐立立，仲有陣香味同摸落好滑，已經用完又再買

多謝cosme邀請試用，收到試用嘅時候適逢新年最凍戈幾日，keep住用左兩星期再返黎寫review～ 首先包裝風格討喜，顏色係低飽和度嘅綠，睇落好舒服。味道方面我本身預計會係牛油果味/草青味，但聞落又唔多似。我自己對味道冇咩所謂，最緊要係功效，而且因為事前都知道佢係無添加香料，有定心理準備。如果真係好介意味道嘅人要小心啦～ 質地方面，佢係好易推開，類似市面大部分嘅handcream嘅texture，我本身好驚佢會好油，但其實反而係好清爽，吸收得好快（利伸乾肌，油肌可能感覺唔一樣都未定？），搽勻上臉過一陣已經唔笠，唔會好似成層油浮係臉咁，呢樣係加好多分。不過可能因為咁岩撞正新年好凍，濕度得20幾30%，我覺得佢未夠潤。到後尾40幾50%濕度再用返就ok，訓醒塊臉係彈潤感覺。 因為佢係多用霜，我都有用黎搽手搽身，感覺會適合過搽臉，因為個滋潤度會岩岩好。總體黎講，如果用作臉霜，我會推薦係春/夏/秋三季用，冬天就等氣溫有返16度以上濕度40以上再用，如果唔係應該唔夠力。用作手霜body lotion就一年四季都適用。

質地厚實，乳液狀 非常容易吸收 本來是買給寶寶晚上塗面的，但寶寶不喜歡有香味，所以我自己使用，非常驚喜 ，用在化妝之前使用這面霜，保濕效果非常好 而且不黏立，很快被皮膚吸收  10分喜歡 我覺得敏感肌或者乾性皮膚非常合適使用 潤而不黏

呢枝Mustela 有機認證牛油果萬用修護霜蘊含99.7%天然成份，連咀唇都用得。 獲得法國ECOCERT認證，全素配方，無添加Paraben防腐劑、香料、酒精、羊毛脂等刺激物，就連初生寶寶及孕婦都可以安心使用。 佢嘅質地柔滑，容易推開，而且吸收得快，搽完好夠潤。 萬用修護霜適用於身體任何部位，例如面頰、嘴唇、頸部、手腳、肘部、膝蓋等都能使用，值得推薦俾大家💕