&be 好用推薦產品

chewyfruit好用推薦：日本& be雙色遮瑕膏（河北裕介監修）實測 &be 係日本知名化妝師 河北裕介 創立嘅品牌，主打「快、靚、正」嘅簡單化妝理念，佢嘅雙色遮瑕膏係皇牌產品，好多日本同香港美妝KOL都大推！ 外觀同設計 · 「一盒搞掂」理念：一個長方形細盒，一邊係深色（遮瑕色），一邊係淺色（提亮色），中間有隔開，唔怕混色。設計簡約，有品牌一貫嘅天然感。 · 附送專業雙頭掃：呢個係 超大賣點！一邊係細密纖維毛掃頭（用於精準遮瑕），另一邊係海綿頭（用於暈染邊緣）。支掃質素好好，唔係「贈品級數」。 質地同妝效 · 奶油慕斯質地：質地好順滑，似濃稠嘅奶油。非常貼服，唔會浮喺皮膚表面。 · 滋潤度中等偏高：對比IPSA，&be更加潤同軟糯。乾肌用會好開心，但油皮夏天就要做好定妝。 · 光澤感自然：唔係全啞光，亦唔係韓系水光，係一種皮膚自然透出嘅光澤感，好靚。 實測表現 1. 遮黑眼圈（重點項目）： · 效果卓越！因為質地潤，好少會卡入眼底細紋。 · 用法：先用深色格遮黑眼圈（如果係嚴重青黑色，建議先用少量橙/蜜桃色校正），再用淺色格喺淚溝位置提亮，用支掃嘅海綿頭輕輕拍開邊緣，效果非常自然，做到「嘭」起

Miranda好用推薦： 質感：軟糯奶油慕斯，乾肌冬天恩物 呢盒遮瑕嘅質地真係幾驚喜，係好軟糯順滑嘅奶油慕斯狀，用手指一捽已經化開，完全唔覺得乾硬。佢比起我試過嘅IPSA更加滋潤同軟糯，尤其係冬天用，眼下一啲都唔會顯乾紋或者卡粉。完妝之後望落唔係全啞光，而係有一種皮膚自然透出嘅光澤感，妝效好靚，乾肌或者中性肌嘅朋友應該會好鍾意。 使用感：雙色實用，新手友善 使用感方面，呢盒嘢設計得幾方便。一盒有米黃色+橙色兩隻色，中間有隔板分開唔怕混色。日常可以咁樣用： · 黑眼圈：先用橙色校色打底，再用米黃色提亮淚溝 · 痘印／泛紅：兩色溝出貼膚色之後用附帶嘅遮瑕掃點上去 · 法令紋／暗沉位：用米黃色輕拍提亮，視覺上即刻飽滿返 對於新手嚟講，兩隻色已經夠用，好易上手。附送嘅雙頭掃仲係一個大賣點，一邊係細密纖維毛掃頭（精準遮瑕），另一邊係海綿頭（暈染邊緣），唔係普通贈品級數，質素好好，就算係化妝新手都容易掌控。 持久度：有優點亦有隱憂 持久度方面，我認為好壞參半。 · 優點：喺冬天或者冷氣房入面，混合肌/乾肌全日都保持得幾好，只有輕微暗沉，效果好貼服。 · 缺點：官方所指嘅持久力喺潮濕/炎熱天氣會明顯減弱。如果

maylam好用推薦：一直知好出名但冇用過 因為自己少用美妝蛋 今次去日本買咗 一試覺得即刻明點解咁好用！ 個美妝蛋好實 就算乾上都可以好易咁上到底妝 覺得遮瑕度同貼服度有增強少少 最正係佢好多類嘅產品都上到 無論係流動性強定弱嘅foundation, 粉霜 甚至我用黎推開膏狀修容都做到 絕對會回購！(雖然我覺得勁耐用應該有排先壞

C好用推薦：&be黑色化妝海棉喺日本好hit 經常缺貨 去過多間藥妝店先買到 可快速上妝 冇咩粉痕 唔會好食粉 亦都可以乾濕兩用 唔錯👍🏻

wingbks好用推薦：朋友介紹，平價化妝品💄品牌，去日本必掃！ 買咗碎粉，春夏季幾啱用，但秋冬太乾要做好啲補濕先！

Sanna Cher好用推薦：左邊是直接塗抹，右邊是用手延伸的效果。 眼影筆的調色總是比其他眼影產品更為符合日常妝容，簡單而具妝感，不但可以單一使用，而且用手就能延伸，使用起來沒有難度。使用前後分別，是令眼妝有深邃感，有妝感，而且冷暖色通用，能搭配任何顏色的胭脂。完妝的照片

mysecretgarden好用推薦：本身用開碎粉，不過次次搽嘅時候都要倒出嚟，搞到周圍飛粉，同埋去旅行嘅時候帶出去真係無咁方便，成日都好驚會喺化妝袋入面倒瀉，所以最後決定轉用呢款 &be 透明蜜粉餅。 我自己係用化妝掃上嘅，不過用落發現其實都係會有些少飛粉。不過同碎粉相比，蜜粉餅感覺上好似襟用啲，無消耗得咁快。 整體效果我覺得不過不失啦。佢嘅保濕度做得啱啱好，用完唔會覺得太乾。以我嘅乾性肌膚嚟講，夏天用都好合適，控油得嚟又唔會倒吸皮膚水分。如果想搵一盤方便帶出街、表現平均嘅定妝粉餅，呢款都可以考慮。

TsuenMa好用推薦：日牌&be，睇櫻花妹嘅世界好似係一個唔錯嘅產品，睇到佢哋嘅post推呢款primer，所以喺行藥妝嘅時候，就入手咗一試。 呢款產品會有兩個色，分別係橙同粉紅，粉紅色會有助提亮色調，橙色聲稱都有助均勻膚色。本來其實係想入手粉紅色，但係冇晒貨，照入手左枝橙色試吓，但感覺冇聲稱均勻膚色嘅作用🥹 產品有一浸淡淡嘅橘子香，我自己就覺得幾好聞；但係如果對於味道敏感嘅姊妹們，可能就未必適合。 然後仲有一個致命傷，產品嘅質地偏潤，如果用喺香港嘅環境下，會覺得太濕太笠；但係如果你係超級乾肌，可能就會啱你使用。 而我自己係混合性偏乾，但係我都略嫌佢太潤，所以如果要用呢支Primer之前，就唔會上得太多保濕嘅產品，以免之後上妝產品會搲唔實皮膚。 產品本身有防曬功能，SP F50，PA+++，成個concert Combination係好無敵，但係奈何佢實在係太濕太潤，如果要上足夠防曬量，塊面應該笠到黐咗線；但係如果喺上Primer之前再上防日曬，感覺又會太厚重，好難做到輕薄透氣嘅妝感。 所以用呢支產品，都要揀吓日子，可能係陰天，或者主要係室內活動嘅時候，先至可以用得到。 總括而言，對呢隻產品

C好用推薦：喺日本買嘅戰利品之一 本身對佢期望好高 但用落有啲失望 佢有高防曬系數同輕微調色功能 質地滋潤偏笠 啱天氣好乾嘅時候用 唔適合香港悶熱潮濕嘅天氣 試過用佢打底 上粉底時會起擦子膠碎😟 或者佢啱單用好啲～