&be

藥用UV透明蜜粉餅

本身用開碎粉，不過次次搽嘅時候都要倒出嚟，搞到周圍飛粉，同埋去旅行嘅時候帶出去真係無咁方便，成日都好驚會喺化妝袋入面倒瀉，所以最後決定轉用呢款 &be 透明蜜粉餅。 我自己係用化妝掃上嘅，不過用落發現其實都係會有些少飛粉。不過同碎粉相比，蜜粉餅感覺上好似襟用啲，無消耗得咁快。 整體效果我覺得不過不失啦。佢嘅保濕度做得啱啱好，用完唔會覺得太乾。以我嘅乾性肌膚嚟講，夏天用都好合適，控油得嚟又唔會倒吸皮膚水分。如果想搵一盤方便帶出街、表現平均嘅定妝粉餅，呢款都可以考慮。