不泛白(防曬) 推薦好用產品

ChingLam好用推薦：好記得我特登去專門店問過，專櫃姐姐話依支係一半物理一半化學原理嘅防曬。 所以佢除咗唔易敏感之餘，仲可以做到輕薄嘅感覺 搽上面後好快成膜，妝感比較啞緻 夏天搽佢都唔會過分出油，控油效果不錯 不過防曬我會成日轉來轉去用唔同牌子 所以就冇長時間使用佢嘅習慣

cindysyy好用推薦：原價$320，萬寧特價一支$220送7粒潔顏粉😳 遇上特價都可以值得一試，如果只搽面大約可以用到一個至個半月！美白就唔多覺，但起碼做到唔敏感同透薄😙

lingbb好用推薦：- 試完大驚喜！考慮入手正裝 - 質地係薰衣草紫乳霜帶點珠光，剛搽上面真係覺得塊面好紫好奇怪，而且有點厚身，但過多一陣，顏色會慢慢同皮膚溝埋一齊，令皮膚有提亮唔會死白之餘，毛孔有收細，皮膚好靚嘅感覺，泛紅都唔見埋，只需要局部作遮瑕就可以完成底妝。 - 就咁定妝就出門，回家除口罩無甩妝之餘仲keep得幾唔錯，一整日下落塊面唔會好乾唔舒服冇敏感 - 推介俾唔鐘意粉底只想調色，又有多個好選擇👍🏻

Kpl6be6好用推薦：薫衣草色調正好用嚟較正偏黃膚色～質地幾潤～因為已有SPF 35 PA+++～所以唔會額外再搽一層防曬～只會薄薄上多一層粉餅就出得門～

Scarlett好用推薦：日本製造絕對是信心保證，質地清爽易吸收，不會黏著皮膚，細細支方便攜帶。性價比高，粗用也不會心痛。

kameari好用推薦：買了好幾次因為真的很便宜，會查面，油肌來說有一點笠，但也不會太黏笠是可接受，但很怕防曬效果不好，所以多數會用來查手。

Kura好用推薦：係我用過最好用嘅物理防曬，質地係cream妝，上臉容易推開，有調整到小小膚色，唔會泛白，同埋完美阻隔到UVA，UVB同埋藍光，用完夏天出街都冇晒黑到，30度防曬超級適合日常出街搽，價錢合理，同埋夜晚易卸妝，我會再回購 #夏日必備保養

kameari好用推薦：質地雖然唔太厚身，但都係有啲焗會出痘痘，色澤上有少少深不夠貼個肌膚，而且油肌會出更多油。

可好用推薦：此BB霜質地比較偏向乳液狀，擁有一定的流動性，推開後感覺乾爽不油膩，有乳化成粉的感覺，就算不使用定妝產品亦可以持妝三至四小時。此產品的一大優點是防曬力度十分足夠，單獨使用此產品前往戶外活動亦沒有曬黑的情況！ 妝感比較偏向霧面，但出油後會出現卡粉的狀況，需要比較注意補妝的問題。同時，塗上後比較偏向自然妝效，液體比較偏向肉粉色，有白裏透紅，自然提亮的效果，但遮瑕力大概只有三至四成，對於眼周暗沉以及痘印都沒法完全遮蓋，需要搭配其他遮瑕產品，才可以完成比較完整的遮瑕力，比較適合喜歡自然妝感的人。

Anna好用推薦：一上面會有油潤感，等一陣就成膜，感覺輕薄，唔覺有泛白，都唔黏立。但係補塗幾次後，發現鼻翼兩側甩皮，可能太乾喇，乾性皮膚一定要做好保濕。防曬效果唔錯，行山、去水上樂園，面部都冇曬黑。另外，佢都唔太致粉刺，就算補塗2次，加戴口罩，都只生左少少粉刺。

Yannesyan好用推薦：質地清爽，透薄，有SPF 50+ PA++++高防曬度，戶外活動時用有好好防禦能力！當我只搽防曬冇再化妝時，戴完口罩會見到有白色點點係臉上，但當我再on top化妝加碎粉就冇呢個問題！所以我用佢一定要加上碎粉了

lingbb好用推薦：- 俾妹妹燒到入坑。 - 全新絲滑配方, 有SPF30 PA+++，夠夏天平時用。 - 含21%氧化鋅Zinc Oxide的專利配方，能阻擋100%UVB和99%UVA。 - 雖然價格比較貴，呢款防曬賣點係有抗衰老﹑日常保濕﹑防紫外線三合一，另外成份天然，無添加任何化學成份，不刺激皮膚。 - 薄薄塗抹一層已可做到防曬效果之餘，仲可用作日霜或妝前打底霜用，真係一枝就可以出門口！ - 呢枝仲適合小朋友、暗瘡、敏感和任何皮膚，做laser朋友都適用， - 質地輕透清爽，唔油膩，的確係幾好用，如果想一枝搞掂哂，又追求成份既朋友可以考慮呢枝👍🏻

UglyMaa好用推薦：Mi Ming Mart經常Hard Sell這件貨品。坦白說研究上它的成份是很好的，100%物理防曬沒有太多化學防曬成份。塗在臉上雖然不會泛白，但非常非常乾。 個人覺得大部份防曬只要不是身體防曬，其實沒有什麼立黐黐或者泛白問題。不過通常都很乾，特別在冷氣地方尤其明顯。我還在尋找一隻不會吸乾面部水份的防曬。

Karen好用推薦：使用方便，可日當埋日霜用，當make up base用時同粉底都好配合

kameari好用推薦：用咗幾次試用裝，覺得呢個系列油肌未必十分適合，尤其如果是怕油笠的話。質地不錯，防曬度數都很好，不過試臉後會有一點油，唔夠清爽。但個人又未去到覺得抗拒感。也沒有出痘痘或者是過敏，所以都可以。

Fng好用推薦：新年出街拜年，同friends或者親戚 又indoor 又outdoor ，喺唔同地點穿梭一整日，要有足夠防曬， 同時妝容要keep得long lasting，唔溶妝。我屬於混合偏乾性皮膚，Decorte multi protection sunscreen 係一隻非常水潤嘅防曬乳，我會喺上底妝前用，佢聞起嚟似淡淡茶香，防曬糸數有spf 50+ /PA++++，無論戶外戶內都唔驚曬黑，而且質地水潤，流動性強，容易推開，好快吸收 ，上臉後不油膩，唔會死白，有滋潤感，與後續嘅粉底唔會打交，不搓泥，好用💯🩷， 出街一整日妝容keep到靚靚。

Nicole 好用推薦：乳白色無味質地，有流動性，延展性一般，都算易推開。 塗上後不會泛白，使用感無功無過，成膜速度中等，但是會有點油光。

Jasmine Yuen好用推薦：Curel 主打低敏，如果買俾小朋友用，我會諗起呢個牌子先 夏天一定要用防曬，我買呢支俾小朋友用，完全無敏感。 搽手腳身體都ok, 係物理性防曬，用完少少泛白，仍可接受範圍。 不過流好大汗嘅時候，會流白汗😅

Tjhinn好用推薦：質地清爽 ，貼服透薄不會焗，敏感皮膚都用得，不過上臉有點白

Connor好用推薦：呢款防曬噴霧我特登買嚟for户外運動用，首先佢防曬系數絕對夠，無色無味，噴霧略嫌唔夠細膩，噴上皮膚到會明顯有一噠噠，需要用手推返開，同埋都有小小粘笠感；但佢防水方面都算唔錯，仲夠持久，可以keep到4、5個鐘，同埋我用咗佢出去户外大半日都冇曬黑到👍🏻 至於佢聲稱噴咗有涼感，我就唔多感覺到啦。

Angie好用推薦：夏天成日都周身汗，補防曬真係一件好痛苦嘅事，不過呢款防曬噴落去有一種好冰涼嘅感覺，所以補得好舒服🤭

Susu好用推薦：用咗YSL嘅product好耐，呢個防曬係想買到滿額贈所以入手嘅，本身冇睇過任何評價，但呢支防曬比我想像中更加好用，質地比較水潤，吸收，不黏立，後續嘅底妝都冇打交嘅情況，個人嚟講推薦夏天使用，建議入手

Desse好用推薦：就算用開同一條line.. 都未必所有同系列產品都啱自己用.. 我今次算上咗一課.. 全效輕透空氣感防曬 SPF50+/ PA++++ 揀防曬.. 除咗度數要度次外.. 我自己嘅基本原則係.. 唔黏立.. 唔搓泥.. 唔油膩🧏🏻‍♀️ 呢支… 我會覺得唔啱我用🪻 🪻油膩感重 由一開蓋已經見到流動性好高.. 但唔係水狀.. 而係黏立嘅油狀 對於混肌.. 已經想卻步 🪻吸收度低 上臉半個鐘都依然油膩.. 要tissue off 先可以唔滿臉油光地出街.. 更別提要上妝 如果皮膚屬乾肌 又好想好想入手試.. 建議你搵sample size試咗先.. 我自己就唔掂啦..🪻

Hazel好用推薦：見佢減價，而且近排防曬棒好火又好似好方便，咪買來試吓，佢有我鍾意嘅橙味，感覺清新，用嚟搽面感覺唔均勻，所以我最主要用來搽身，貪佢唔會好似防曬乳液咁流到周圍係，而且佢包裝輕巧，帶出街補搽一流！

Noel好用推薦：因於防曬棒使用方法便利，基本上扭出產品，往臉去劃就ok👌 所以就購買了早前很火的 AHC 藍色防曬棒。（沒有購買紅色，因為藍色標榜清爽）但我有點後悔，因為在網上購買，沒有試用，雖然是柑橘味道，但就有點化學味，不好聞。而且塗到面上感覺很厚重，明明只畫上一層，面部已經很焗，似是舊時的防水太陽油，感覺焗促。

lingbb好用推薦：- 有淡淡甜橘味幾清新，質地好透薄，易推，上面後冇泛白問題 - 化學性防曬，好清爽，對我黎講有啲乾

jhope0725好用推薦：介紹: 化學性防曬，50SPF，PA+++ 優點: 無色，用完唔會泛白。佢做到好透薄，好吸收，非常清爽，皮膚冇負擔。質感似gel，延展性好高。預揸上面都係一個5蚊硬幣就可以覆蓋到。由於佢唔係好厚，即使用普通洗面膏都可以去除，當然如果係比較敏感嘅皮膚就建議用卸妝水，徹底去除。 缺點: 防曬效果就平平，一般外出而言都冇大問題，但户外運動就不建議。始終防曬度唔算太高。 建議：久不久就要補揸，以確保佢覆蓋全面。另外都可以keep住防曬效果。

bibubibu好用推薦：呢款防曬霜非常水潤 上面好容易推開搽哂全面 而且吸收好快 好清爽 夏天用都一樣舒服 雖然佢係藍色嘅液體狀 但搽開係透明嘅 唔會有泛白問題 不過都冇任何調色效果 用佢之後化妝效果都好好 皮膚夠哂水潤但唔會太癡手 味道方面就有少少香料味 不過可以接受 整體好好用 會想買貨裝

Noel好用推薦：這份試用在 @cosme 店舖購物時獲得，雪肌精的 UV Defense Tone Up 👍總體感覺頗驚喜，會將這個 SPF 加入 wishlist 🙌 這款防曬霜是粉藍色包裝的一枝，產品是粉紫色的，擠出來是有點白色粒粒，過一陣會融入整體中，或可用手指混合。 防曬霜幾好推，帶中度流動性，由於防曬系數不算很高 SPF 35 PA+++ 所以質感比較 light 👍 這個紫色防曬真的不錯，能夠明亮膚色，而沒有一層 white cast，感覺幾好❗滋潤感覺不錯，只上精華液沒有用面霜，上這個防曬都感覺舒服，不乾不甩皮❣

JuneL好用推薦：它質地呈白色凝乳狀，帶點微香, 伸延力很好, 推開後不會有泛白情況出現, 很容易就能被皮膚吸收, 更可以用在眼皮上, 不會因是凝乳狀質感而覺得油潤, 而是十分清爽的!  塗後再上妝, 化妝時間比以前快, 妝容方面都能保持持久,真的是一支集多功能的防曬乳液呢!

菇粒好用推薦：這枝用了超過10枝 特別喜歡這產品賣點: 面霜 + 防曬二合一。 平日搽完toner後就可以直接上這個防曬，還有點潤色效果，面色會變好 ，但又不會過白，很適合亞洲人黃皮膚。 混合皮膚既我，喜歡簡單護膚。 會一直購下去

sami.mew好用推薦：清爽好吸收的一款防曬乳，很容易推開，上臉不泛白，可以同時作為隔離霜來使用～

choichoi好用推薦：我使用FASIO的第一款產品就是防曬系列，除了甘噴霧，話這個也大推，我主要用來直接當臉部防曬，不焗促也不致敏，夏天用剛剛好。

mandy好用推薦：Naris Up Parasola Fragrance UV Spray SPF50 PA++++ Naris Up Parasola 美容液防曬噴霧  Naris Up Parasola 美容液防曬噴霧 是非常好用又抵買的防曬噴霧, 全身連頭髮都可以噴。 一般市面上的 防曬噴霧 大都以防曬成分為主, 不會添加太多美肌成分, 然而 Parasola 美容液防曬噴霧 卻含有不少美肌成分, 具保濕、抗偉化 及 鎮靜消炎 的功效。 Parasola 美容液防曬噴霧 細細枝帶出街用也很方便。 外型設計則以粉紅色作主色, 帶淡淡甜美的花香味, 非常好聞。 由於帶香味, 所以也可噴在頭髮去除異味。 Parasola 美容液防曬噴霧 噴灑得非常均勻細緻, 防曬噴霧略為冰感, 使用感非常舒適。 Parasola 美容液防曬噴霧 的討好香味令人想一再使用。 作為開架品牌推出的 防曬噴霧, Naris Up Parasola 美容液防曬噴霧 不只便宜也很高質,  比其他開架品牌更為優秀, 是性價比很高的防曬噴霧。 含防曬成分        : 桂皮酸鹽, 2，4-雙((4-(2-乙基

choichoi好用推薦：大部分的防曬噴霧都有一個缺點 就是噴出來不夠勻導致白色粉末一堆～白白的一片很煩很醜 Parasola卻不會 其霧化程序做得很好 , 是噴嘴做得出色的關係吧 帶有淡淡的花香 用了好幾次發現除了透薄的質感之外 使用過的地方也不會顯得乾燥 防曬力也不錯 每朝唔開遮出門係空曠地方行返工成10幾分鐘都唔會曬黑

Phia好用推薦：沒有酒精又沒有礦物油，而且價錢非常便宜於是買來嘗試。質地是白色乳液狀，中等流動性，沒有味道。上面卻非常容易推開和吸收，不會泛白，保濕不會油膩，化妝前打底也很舒服，感覺像搽保濕乳液，而不是矽靈滑滑的感覺。不會影響妝感也不搓泥。用完第一支面上沒有生粒粒，所以已經回購第二支了。

mysecretgarden好用推薦：夏天諗住買支防曬搽身，揀左好耐，最後都係揀左呢支，見佢成份天然，唔駛擔心敏感。 質地水水地，好似lotion咁，過一陣吸收左就唔笠，價錢又抵，會回購的