Erminia好用推薦：要有耐心一點等待才可以撕除 效果還可以 但不能完美地把它撕下 總是會一塊塊的（可能是個人問題）清理還未乾部份會有點麻煩

balabababa好用推薦：感覺同同系列白色包裝馬油冇大分別。清除到臉上油脂，但黑頭粉刺清理就不明顯。 呢支冇白包裝咁夠保濕，用後唔算非常乾，但需要事後補濕。 ※需要有合理及“均一”厚度才撕得乾淨。搽太厚等乾需時，需要效果沒有提升。搽太薄又撕唔到。

HE1DY好用推薦：水盈飽滿的質感，搽後皮膚水令令，水感一流，有爆水珠珠的感覺。用後皮膚漸感彈滑，潤澤透亮肌無難道。淺藍色牙膏狀設計亦頗能吸引注意。

jhope0725好用推薦：呢支野係乳液質地，用落去係奶白色，但係質感都算水潤 優點：佢含有積雪草成份，係護膚品常用嘅去痘去印成份，用耐左會覺得皮膚有改善，但又未至於唔會再生暗瘡或者暗粒。由於佢質地都算水潤，保濕力尚算不錯。性價比來講，對比起其他去痘嘅產品，呢一枝算係價錢比較容易入手

R.Mir好用推薦：自從年紀開始大，亦同時開始出現角質問題。除了去美容院，也要定期自己進行角質護理，才可以防止脫皮和暗粒的問題。而對比傳統簡單的磨砂工具，這個皇牌產品更加有效地軟化角質，令日常的皮膚保養程序可以得到更好效果。 每當我發覺護膚品不吸收的時候，我都會使用這個產品去角質，頓時會有顯著改善。而且用量省，一套可以使用9個月至1年，值得購入。

🌸好用推薦：拎咗sample試咗一次 用完皮膚好滑唔乾燥 粉刺明顯有改善 可以考慮購買

ehwicka好用推薦：使用化妝棉擦拭肌膚，可以得到明顯可見嘅細緻效果，配合正確手勢還能幫助去角質

Pinky好用推薦：倒出嚟係透明水狀質地，流動性高，要配合化妝綿抹，比較清爽，洗完面第1步調理膚質，無乜特別大功效/感覺，價錢較貴

Kylieee好用推薦：見kol推薦佢有明顯美白效果而一set購入 其實唔覺佢有特別白左 不過個人感覺氣色好左 雖然係為左美白而買 但佢令我驚喜嘅 反而係去粉刺白頭嘅效果 完全意想不到 因為長年下巴/嘴角有一大堆白頭 擠又擠唔到 又硬刮刮咁摸到好「杉」手 用左呢set差唔多一個月 每日先乳後水 用化妝棉拍打 下巴白頭存在感低左好多 縮左水咁 同埋都冇咁吉手 所以都幾鍾意呢set ❤️ 乳液岩岩上會有啲笠同油 但時間長左其實唔補水 雖然係ex 但都唔夠潤 近排天氣熱啲就好返少少

ZoeTung好用推薦：第一次用先乳後水嘅產品 乳液黎講佢唔算太痴笠笠質地 算快吸收 而且有泵頭都方便 用完一支 （有配合埋化妝水） 感覺塊臉有白到 同有補濕 但用完未有皮膚好好嘅感覺 加上價錢少貴 未必會再回購

WSY好用推薦：用完之後真係即刻feel到塊面好有透明感。不過啲面膜質地較硬同黏，好難洗得乾淨，但整體好好！

Noel好用推薦：酒粕的"支支裝"面膜，重重一包，可按個人需要，去調整份量👍喜歡這個設計，感覺比一罐罐的包裝省塑膠。面膜的流動性中度，米白色帶點膏狀顆粒，帶點清酒味不難聞。 塗到面上容易推開，亦幾好玩🤣 不過敷上面的十分鐘有點難搞... 因為地心吸力的原因，面膜會從下巴及鼻尖位置滴下，衣服隨時 gg... 面膜滋潤度 ok，美白效果一般，試過就夠了。

mandy好用推薦：Su:m37° Secret Multi Pad 奇蹟活酵肌密淨膚精華棉 $290/ 70片 功效: 去角質、鎮靜補水，急救肌膚，提升肌膚彈力 奇蹟活酵肌密淨膚精華棉既不是卸妝棉片， 也不是爽膚水棉片，而是可以用來去角質及舒緩補濕， 急救乾燥或敏感肌膚的精華棉片。 奇蹟活酵肌密淨膚精華棉一面是柔軟印花面，另一面則是光滑面， 印花面可以去角質，而光滑面可以舒緩、補濕肌膚。 使用時，先用印花面溫和去角質。由於奇蹟活酵肌密淨膚精華棉 含有奇蹟活酵肌密注氣精華，可以溫和去角質而不傷肌膚， 去角質後，肌膚已十分水潤清透。 接著，用光滑面敷面最少5分鐘，可以急救乾燥或敏感肌膚， 即時令肌膚水潤保濕，擊退泛紅敏感，穩定膚況。 如果肌膚泛紅敏感嚴重，可以先放奇蹟活酵肌密淨膚精華棉在 雪櫃冷藏30分鐘才敷面。 奇蹟活酵肌密淨膚精華棉含有滿滿的奇蹟活酵肌密注氣精華， 使用感非常溫和保濕清爽舒適，完全沒有黏笠感， 使用方法也很方便簡單，可以隔時快速敷面。 是一款非常優質高效省時的急救護膚品，乾燥或敏感肌膚 可以買一瓶備在家中隨時急救肌膚。

Ni好用推薦：一面比較粗糙 用來擦拭臉部角質過厚的地方 一面比較光滑拿來濕敷 有柑橘香氣 用完感覺蠻不錯的 會想購買

Hazel好用推薦：佢有擠暗瘡前後護理，暗瘡貼好薄，好貼面，只要乾面貼就唔易甩，佢哋各做到吸膿及修復功能，唔錯．

lingbb好用推薦：- 有分開before同after貼：before係痘痘初起時用 ，after係痘痘生完退印時貼。 - before幾好用，非常貼合暗瘡，第二朝會連埋暗瘡濃脹起身，易除下亦吸得好實，晚上唔會移位 - after真係有助瘡痕修補得快，瘡印快啲埋口 - 買開medicube可以加購試試，湊合運費😛

choichoi好用推薦：WASO系列全都跟「食物」有關，這次大推的磨砂不單是概念連內容也來自豆腐（大豆卵磷脂）。 當中的顆粒非常溫和偏水凝，不單是質感，形狀也是小小一顆（有3種不同大小形狀的去角質微粒），但集結起來時感覺比那種大顆粒的清潔度來得更細緻及溫和，於皮膚按摩後會化為白色屑屑。 如果不幸在長痘痘亦可安心使用，把力度再放輕柔一點吧～很好推且易清洗，不會帶走肌膚水份令臉頰乾乾，能輕鬆清除到角質廢物，皮膚摸著也嫩多了，後續產品的吸收程度感覺亦提升。 早前我的下眼周附近長了顆小油滋粒（我可是使用溫柔之力），嘗試用了幾個星期後有減退的情況出現，希望持之以恆不會白廢🤣。 硬要挑剔的話是味道偏濃和香精吧～不過沒有過敏而且去老化角質的功效不錯所以會繼續回購。

jojoma123好用推薦：內含的磨砂粒子十分幼細,即使大力一點按摩,也不怕弄損肌膚,潔面後,鼻頭上的黑頭，以及鼻側的粉刺好像有點兒改善,不過用後最好立刻塗上保濕面霜,以免覺得乾燥

Becca好用推薦：別人推介使用，用了一個月 個人覺得效果一般，沒別人說的那麼神 就是沒什麼明顯功效的感覺吧 用完一瓶應該不會回購

R.Mir好用推薦：之前我一直用開架的爽膚水，但肌膚開始出粒粒，而且有脫皮的情況。我開始轉用這支 Shiseido 的神仙水，它有真正去角質的能力，令我肌膚的狀況有明顯的好轉。自此就沒有粒粒和脫皮的狀況。