monmon好用推薦：一個字 “正”, 一年四季都用得，特別冬天乾燥時用，她有很微細的粒子，可以作輕輕的磨砂及較深層次的清潔，除去面上的角質層，用後除了感覺皮膚很乾淨，滋潤，而且用後再塗上護膚品很容易吸收。 雖然價錢頗貴，但有150ml ，每次用很少便可塗上整塊面。先取出約 1cm 的分量，塗抹在面上打圈作磨砂，然後直接敷在面上作面膜，待 5 分鐘用清水洗去。效果一流。

蝦米好用推薦：可以當急救mask用，敷完塊面感覺有左光澤

Tsyyy好用推薦：請看圖片 呢個mask真係屈機 清潔力強 又唔太乾 用完啲黑頭白頭浮哂 再一次過吱走好爽 可惜SF上經常無貨 唔知門店有冇 另外個火山磨砂都想試 下次的target^^

choichoi好用推薦：帶如草本精油般的香氣,當中含有一些粗大顆粒 , 在按摩時溫柔一點會比較沒那麼刺激皮膚, 有種每個毛孔都比清潔好的乾淨感而且不會緊繃

Katrina好用推薦：呢枝peel off mask主要係去清潔毛孔同埋去除老廢角質。用法係先搽咗乳液，再查呢一個mask.等大概15至20分鐘就可以慢慢撕咗佢。用完之後皮膚望落好似滑咗明亮咗。但撕嘅時候我自己覺得比較麻煩，所以用一枝後未必會回購。

choichoi好用推薦：以撕拉式面膜而言它用後也能令肌膚有一種保濕感，能看見少量淺層白頭被拔出。題外話是它跟韓國某大牌的撕拉式面膜不同，人家是由上而下撕掉，這款則從外向內將其撕下

choichoi好用推薦：粒子尚算幼細，用後不會感到緊繃及乾燥感，可清除表面老化物，感覺皮膚光滑得多

lucrezianoin好用推薦：日本買平少少, 雖然都係貴, 但係唔係日日用所以都ok... 磨砂粒子都幾圓滑, 唔會好傷皮膚, 但係有效去角質. 用完都唔會太繃緊, 幾好用!

Kuma醬好用推薦：每個星期做一次身體磨砂， 產品味道唔算香，味道是比較自然天然嘅香味， 無法令你感到relax嘅香味， 磨砂質地比較粗糙，不能太大力按壓皮膚， 習慣使用完身體磨砂後，再用沐浴露洗刷一次， 雖然使用體驗不太完美， 但磨砂完後皮膚滋潤度上升， 在夏天唔用身體護膚亦可以。

choichoi好用推薦：勝在味道好聞不刺鼻又舒緩，用後當下皮膚的確比較細緻光滑但不算持久，幸好滋潤感是有的且實在；質地濃稠，嗯，樣子像極了魚子醬（？） #冬季保養

Cici Wong好用推薦：本人敏感肌，所以一直唔敢用磨砂類產品，最近朋友介紹我呢隻溫和去角質產品，係凝膠質地，不含磨砂粒子。 我的用法：乾手乾面搽，主要係鼻眼額頭下巴打圈，面部輕輕帶過，會有d白色擦膠碎物體出現，再用清水洗。我一星期大約用2次，如果油肌可能4日都得。 用後感：用完好舒服，完全無敏感。本身擔心控油款用完會繃緊，但好彩無呢個問題。如果想溫和類去角質嘅朋友可以試下。有個缺點就係味道比較奇怪，用分量比較少，好快用完。

mandy好用推薦：Bio-essence Deep Exfoliating Gel 是Bio-essence 第一代 的皇牌產品 專門為溫和去角質而設 是Peeling 類的去角質護膚品 能像擦子膠一樣 擦出 彷如白色擦子膠碎 的角質層 及 死皮 敏感肌也可安心使用 含保濕成分: 矽靈, 甘蔗萃取, 丁二醇 及 硫酸鹽軟骨素 去角質成分: 糖槭萃取 鎮靜消炎 及 修復成分: 腺核苷三磷酸 Deep Exfoliating Gel (Oil Control) 為第二代的 皇牌去角質產品 特別為容易出油的痘痘肌及 油性肌而設 加入有助消炎抗菌的 茶樹成分 用法跟第一代相同 敏感肌也可安心使用 含保濕成分: 矽靈, 甘蔗萃取, 丁二醇 及 硫酸鹽軟骨素 去角質成分: 糖槭萃取 鎮靜消炎 及 修復成分: 腺核苷三磷酸 鎮靜消炎 及 抗氧化成分: 茶樹葉油

Hazel好用推薦：尼支好用，調理角質去黃去暗沉效果理想，一星期用一次已經足夠，一支可以用好耐，所以唔算貴。

choichoi好用推薦：最近的天氣不穩定導致暗瘡大爆發，發現它雖擁有美白成分但不會很刺激，用後痘疤有減淡且明顯

Nyaaa好用推薦：GEL狀，擦拭式去角質美容液，要用棉花拭擦上面。拭擦後棉花明顯抹到毛孔污垢，塊棉會黃黃地；不含酸類，溫和地二次清潔毛孔及美白。 每晚使用了一個月，毛孔有比較潔淨、收細，美白暫未見效，提亮及去印有少許成效

Jan好用推薦：在洗面後第一個步驟用 搭配同品牌的棉花打圈抹 可以溫和去角質 質地係少少稠的化妝水 去角質方面無太大感受 反而感覺好保濕喔 追求去角質的話有不少代替品 如果皮膚非常乾燥或敏感又想日常去角質可以一試

chymiaaa好用推薦：用完之後覺得幾唔錯 去角質能力做得幾好 我大約係一星期敷兩次 化妝嘅時候見到個妝容會貼服啲 呢個價錢來講幾好！

Kathy好用推薦：佢係屬於撕除式嘅mask 均匀搽上面，等大概15分鐘乾左，就可以由上而下咁慢慢撕落黎 次次fu完都覺得塊面乾淨左又滑左好多，幫我去曬d角質 Keep住一個禮拜用一次 上妝都貼服d

carriechan好用推薦：感謝@cosme 提供試用這款產品的機會。 包裝設計十分好，很好倒出，不會弄髒邊邊。 質地方面是水狀，但塗上臉後有一點粘和油膩的感覺，有少少扣分，冬天可以接受，如果夏天會有一點油。強烈建議晚上使用，用完爽膚水後，再用這個，大概圖中分量，然後再用精華面霜。試用14天後，暗粒明顯少了，變得很容易擠出～～膚質真的會光滑了，皮膚會變通透。 用後有生幾粒痘痘，但是因為裡面含有水楊酸，會令一些未發出的痘痘加速代謝，疏通毛孔，所以是正常的情況。 十分推薦這款產品給有痘痘暗粒困擾的人使用。

jhope0725好用推薦：感謝@cosme揀我作為其中一個試用者！ 呢支精華液倒出嚟嘅時候係較為水潤，但搽咗上面之後，佢會有少少油性感覺，我比較喜歡晚上使用，之後再配合其他乳液或面霜，如果係朝早用，略嫌油膩 連續用咗18日以上開始，會感覺皮膚瑕疵減少，角質層開始變得冇咁厚，黑頭有幾明顯減少嘅跡象，慢慢見到皮膚本身嘅光澤同紅潤。我認為呢支產品嘅效果真係幾顯著，尤其是一個月之內已經見到明顯調理角質效果 唯一美中不足係佢嘅氣味有少少似火酒，係上面嘅時候稍稍不完美~