立體感 推薦好用產品

Sarah好用推薦：鑽光閃片好靚，好顯色，配合其他眼影做疊加效果好好，可點眼頭/眼下作提亮。

Circlecyy20好用推薦：偏向珠光重d 而底色唔算好顯色 所以比較多用做眼影最後提亮既一步

Noel好用推薦：個人一向少用日系及韓系眼影，但是看到 Etude House 九宮格 Maple Road 就覺得很燒 🔥 這個大地暖調棕紅色實在太美了❣ 收到這盤時，不禁要驚呼，所以啞色的眼影都太深色了吧❓當下就覺得非常不妙了😅 慶幸韓系比較歐美眼影的顯色能力較弱，即使 Maple Road 的顏色比較大膽，上到眼皮也不會太深色或誇張👌 粉質方面，啞緻色的眼影粉質不錯，沒有飛粉問題。閃粉色很飽和又順滑👍而亮片色就稍為差一點，如果能更細緻就 perfect❗雖然配色方面比較秋冬季，但是春夏使用都沒有問題，是一盤很日常，人人都能 carry 的眼影。 包裝亦是我欣賞的類型，方方正正，一切從簡👍 比較品牌的十色眼影，這款透明盒包裝更方便啊！

Kura好用推薦：眼影顏色搭配好靚，適合嘅妝選擇都好多，粉質都算ok，但係價錢偏貴

LorraineTsung好用推薦：YSL 迷魅水嫩護唇釉💄 呢支之前一直都係我既大愛💕 色靚👍🏻仲要一啲都唔乾👍🏻 係我身上一啲都唔覺係假潤🤔 持久度都有但唔會難卸👏🏻 平起過往既唇膏呢支更加值得買😍 . 色號:2 上手偏粉但搽上咀就會偏紅啲💕 上咀顏色(見圖二) 另外仲有支8號但更加偏愛呢支2號💄 而且顏色都好日常唔難襯👆🏻

MaikoAoki好用推薦：雖然 YSL Beauty 的迷魅亮彩唇膏的滋潤度已經非常出色，但基於自己的嘴唇太乾，所以買迷魅水嫩護唇釉來試試看。 第一支入手的是 N° 4 Spy On The Nude，有著淡淡的粉紅色，使用後令人氣息更好，觸感則是水嫩不黏膩。不過因為是唇釉，持久度不及迷魅亮彩唇膏。 後來收到一支 N°11 Hook Me Berry 作為禮物。看似深紅，不過效果絕不誇張，也有優雅感。 兩種顏色都推薦。

mcosmetics好用推薦：YSL呢支彩蜜唇色漆亮系列同佢個名一樣，搽出黎係有光澤但睇落唔油膩，而係嘴唇睇落幾juicy咁🩷 質地好輕盈，少少滋潤感。我揀左416號色，鐘意薄搽blend開睇落好有血色感☺️佢有明顯香味，係一陣果香味少少甜，個人覺得幾好聞，介意香味嘅話最好去counter試試先～掃頭扁平好好搽：佢會有少火stain, 抹嘴大約留30-40%顏色：搽完過左兩個鐘嘅效果，面頭嘅光澤稍為減弱：

Sophia好用推薦：YSL彩蜜唇色漆亮系列#403是個很顯氣色的玫瑰紅色，有一點點螢光色調，黃皮的朋友也非常顯白。質地就如其名，漆光感十足，非常水潤，色澤飽和，瞬間提升氣場，適合年末Party或節日聚餐等重要場合。持久度中等，飲水會沾杯，需要補妝。但即使顏色掉了，嘴唇亦不會顯得斑駁或乾燥。 由於質地水潤，容易不小心塗出唇線外，建議先用其他唇膏打底，再用這款由唇部中央開始搽，能更精準地完成妝容。年末想嘗試令人眼前一亮的唇色，不妨考慮一下#403💋💋💋

inkitsung好用推薦：Crystal Duo Lipstick 系列💄💄 一個透心涼既設計，出面clear層有角鯊烷保濕成份，包住入面發色既color層～ 自然漸變唇色1支就攪掂曬～👍🏻👍🏻 成個系列一共有10色，我今次試既係💋OR260💋橙色 由於主打係"透潤"，個人覺得顯色度唔算好高～ 以我呢d無色唇黎講，一係打底再搽，一係搽2-3層就會效果好d~ 至於講"潤"，普普通通喇～ 但整體都易搽易推，以呢個價錢絕對抵買！👍🏻👍🏻

葉子🍃好用推薦：色號RD464,唇膏出面設計係透明，再包住入面閃粉唇膏，顏色無色差，夠自然，簡單易用，顯色，仲有美容液成份夠滋潤，不顯唇紋，只係持久力一般

YY好用推薦：Nars粉狀胭脂好出名，近排佢地廣告大推液體胭脂。雖然是歐美牌子，但係佢嘅形狀胭脂屬於粉橘色調，好適合香港女仔使用。 未搽勻之前顏色偏濃帶點閃粉，染暈開成個妝容變得粉嫩，透明係少女感🥰感覺比其他胭脂亦更容易掃得均勻，好自然嘅效果。加上oragsm 顏色帶金閃粉，好有陽光感覺☀️ 建議將胭脂液先點喺手背，然後用胭脂液逐少逐少點上面頰，慢慢疊加顏色。呢個方法上胭脂液唔會破壞底妝😍質地係水潤質感嘅胭脂液，有水光肌嘅感覺🧚🏻 試過有啲偏水狀嘅胭脂液好似上咗面冇乜色，但nars 呢隻新品上完真係有色，有一種做完運動少少白裏透紅嘅感覺，有一種氣息好好嘅氛圍感!

940727.0好用推薦：依個胭脂液早排上網見到佢有得拎試用裝,於是我就拎咗嚟試吓用。當時是喺手上面見到佢嘅質地係磨砂面，而且有少少閃粉。搽喺塊面度每一個角度都會見到光澤，超級好睇。

Fng好用推薦：Excel AB05 肉桂米啡色， 啱黃皮膚用，跟底妝好融合， 妝容透亮， 如果想顯色嘅話，要上多幾層。

iliya 好用推薦：漸變色嘅胭脂可以因應衣著打扮及場合配合唔同妝容使用，性價比超高！

Josephine Lau好用推薦：103號色 很顯白的顏色，未到正紅色，可多塗2層，顏色就會更紅。 滋潤度還可以。

Fng好用推薦：cdp 色號101 Pouty， 帶啡調裸粉色 ，妝效自然，啱曬 黃皮膚，搽上含柔滑貼服 ，唔會顯 唇紋， 而且有滋潤感， 持久到一般。

zetalhc好用推薦：搽完覺得上色度顯色度唔錯，嘴唇都顯得豐盈同埋有光澤，而且有啲立體感嘅效果，持久度都唔錯

Noel好用推薦：趁CP網店優惠，就要快快入手的唇膏，今次分享一下秋冬愛用3色，Foolish、LA Lady、Lay Over。這三枝中，LA Lady 更加係我的竉兒，氣場恩物，詳見圖四的試色💕 Foolish 橘色就非常趁紅葉季節、Lay Over 係氣場入門色，帶啡調。 唇膏價格廉宜，遇到折扣優惠更加欠買。唇膏筒係玫瑰金管包裝，唇膏身上印滿星星🌟 設計上盡見心思，兼顧了品質和價格👍 唇膏帶有椰子香味 🥥 個人超愛❗塗到唇上很順很滑，不用護唇膏打底也ok。加上顯色度＋飽和度超高💕 而且唇膏的膏體夠硬身，夏天用也不見得軟或易斷，滿分！ #我的秋冬愛用彩妝

mandy好用推薦：Excel 絲感輕羽美肌粉餅 Featherize On Powder SPF35 PA+++ #FO01 粉餅連盒及海綿 $209/ 粉餅 Refill $149 Excel 的3合1眉筆及4色眼影盤都是名品及熱銷產品, 而本次試用的絲感輕羽美肌粉餅也很好用。 Sana 旗下的開架化妝品牌Excel 在一眾開架品牌之中, 是定價最高的粉餅, 這難免令人有更高的期望。 Excel 絲感輕羽美肌粉餅的粉盒設計非常簡約優雅高質,跟其他的可愛系開架化妝品牌完全走不一樣的路線。 Excel 絲感輕羽美肌粉餅 有著令人喜愛的超柔滑質地,我試過其他的開架粉餅, 粉質都真的不夠Excel的滑嫩。 Excel 的確是貴一點, 但卻是真的很有實力! 但如果大家對價位比較執著, 那也可以嘗試具口碑的Cezanne 及 Visee。 Excel 絲感輕羽美肌粉餅 共推出4色供大家選擇, 分別是較淺色明亮的FO01, 標準色FO02, 標準色(偏粉調)FO03 及較深色的FO04。 基本上淺膚色選FO01, 中間色選FO02 或 FO03, 看那種色號較適合, 較深膚色選FO04。 Exce

貓餅好用推薦：偽素顏的好幫手，開價品牌嚟講算係幾平，粉末好細，質感輕薄，修飾毛孔能力唔錯，但係控油力一般

natanatalie好用推薦：佢嘅外貌真係滿分💯 當時買佢嘅時候，仲買左多一個送俾閨蜜做禮物🎁 外表滿分，但內涵就好似一般般，首先攞粉都唔係太方便，顯色度一般，持妝度正常，不過就有一陣淡淡香氣，化妝見到佢聞到佢心情應該會開心好多！😄 用佢做聖誕 #禮物 一流！🥰

Katrina好用推薦：論外貌佢真係攞足一百分，買佢嘅原因都係因為佢好靚，帶有陣陣香味。但佢嘅顯色度一般，持久度算唔錯。但真係好難攞粉，同埋唔知佢幾時用哂。價位唔平，我唔會回購。

iliya 好用推薦：呢款單色眼影粉質幼細，整個系列一共有 99色，由日常使用嘅大地色系，以至浮誇嘅顏色都一應俱全，而且顯色度高，讚！

Noel好用推薦：眼影包裝貫徹品牌的簡約美學，方方正正一粒，的式可愛。 日本雜誌經常可以見到 Addiction 癮彩眼影，先不論產品質素，設計時整個系列有 99色，由日常使用的大地色系，以至時尚/誇張顏色都一應俱全，相當具話題性❗值得一提，個人很欣賞它的顯色度，算是日牌數一數二了👍 顯色 🌟🌟🌟🌟🌟🌟 持久 🌟🌟🌟🌟🌟🌟 粉質 🌟🌟🌟🌟🌟 價格 🌟🌟

Katrina好用推薦：無意間睇到佢嘅介紹短片，效果驚艷到我立刻入手。完全冇令我失望。一搽嘅感覺係立即融化並包裹咀唇，非常容易推開塗抹。上咀後有微微清涼感，質地非常滋潤但一啲都唔痴笠，唔會痴住頭髮。完全係乾咀救星，非常啱秋冬用。不顯唇紋，非常有光澤感，完美玻璃唇妝。 顯色度亦相當不錯。 缺點就係佢唔係不脱色，同埋要小心控制扭出嘅份量，因為冇得扭返入去。除此之外效果我係十分滿意。我呢枝色號係slip , 非常易襯，就算超淡妝都啱用。呢個秋冬嘅大愛唇妝，必定有佢份。 #秋冬愛用美妝

何何好用推薦：我買既色號係Haze, 如果喜歡潤身lipstick既人一定要揀❤😂👍超滑身，一搽咩嘴唇既紋都冇晒，coverage又高，有一陣mint味☺️涼涼容易接受。壞處就係一啲都唔持久😂但其實其實好處已經好正了😍 #我的命定唇彩

Anna好用推薦：初時都唔係好信朋友的介紹，但誠意拳拳下，我還是買咗支黎試下，一試之下，真係覺得非常滿意，我買既係02色號，回購咗兩支，真心推薦俾各位朋友仔。

LenaC好用推薦：彩妝私心推介♥️ Kiss me 嘅呢款唇釉筆完美結合唇膏、唇掃功能 好鍾意佢柔軟扁平既掃頭 濃密得嚟柔軟 擠出嚟嘅量啱啱好 唔會太多而且個掃嘅設計手殘人士適用 輕易勾畫鮮明輪廓唇蜜質地好完美緊貼唇部肌膚 塗抹後令唇色更均勻亮麗 提高水感光澤 亦唔會好黏膩 持久度都ok 唔會易甩色呢款係我迄今用過最好嘅唇釉蜜

Bear好用推薦：日本旅行時選購的22號顏色，超。好。用。 看前面評論說亂塗都好用真的沒有說錯，由淡粉紅到櫻花色然後浪漫玫瑰粉，最後小小紫調的深色勾畫出眼型（全部超級顯色）；閃粉部份塗眼頭和眼球下方，整個甜美韓妝造型就出來了！

cheng2001好用推薦：自己用緊23號色 - Almond Canelé 杏仁可麗。 打底色已經比我用到凹左，要留意整體色較深同顯色，所以要輕手d。閃粉效果都明顯，妝容比較適合外出約會。 我常用打底色，仲可以用右下角深色畫眼線，中間色就可以提亮臥蠶，帶出bling bling大眼效果。 Overall都幾滿意，一盒細細盒眼影有齊曬三個功能，對於鍾意化閃粉眼影既人黎講，cp值都唔錯！

Jane好用推薦：絲滑唔乾，就算十零度用都好潤，唔顯唇紋，new nude深唇人用唔太顯色，用黎做打底應該唔錯，會想入埋其他色。

lamsofina好用推薦：3CE的新品奶唇泥是我看了又看，很想嘗試的唇膏。果然沒有讓我失望。唇膏塗到唇上很順滑，啞光的質地特別高級，也不會讓嘴唇覺得很乾。唇色是 Whip Red 蘋果紅，紅色不會誇張，反而是溫柔漂亮的紅色，塗上出非常自然顯白，讓人看上去氣色變好。唇膏有淡淡的香 氣，而唇膏的銀色管直接可以當鏡子，塗唇膏的時候特別方便。

LorraineTsung好用推薦：Visee既眼影我真係好鐘意💕 眼色好靚之餘仲好顯色又百搭👈🏻 而且質地好滑唔飛粉👍🏻 . 我今次入手既係 GR-7 但我相中無用到綠色！用左橙色做主色😉 感覺即刻好日系🥰又唔會顯眼腫👍🏻

Noel好用推薦：Visee 四色眼影，係個人覺得最欠買既日本開架眼影組合❗顏色組合超實用，顯色度，持久度等等既表現，都很理想，而且價格親民，非常值得推介❣ 先分享購買主因，係因為：電視廣告超級燒🔥 睇了廣告之後，就燃起必須要入手的購買慾🤣 我手上的顏色係 #PK-3 正正就係 Model色號❣ #PK-3 係偏紅既大地色系，日常翻工超好配搭，個人可以用這盒，化出2個眼妝 👌 產品本身而言，四色眼影中，最淺色，左上角有點Cream 狀，包裝上亦註明了 “glossy base” 值得一讚👍 講求快速上妝時，有了這一格做打底，就唔需要再找眼影底膏🤗 另外三色眼影均為粉質，很soft，手指或者眼影掃，都能輕易沾取眼影😍 配色方面，右上近玫瑰金色既眼影深得我❤ 無論眼尾色配暗紅色 / 深啡色，都超級襯💕 如要挑剔，就係顯色度，同歐美眼影比較，日系眼影顯色度略低一點~

chasiutung好用推薦：Ysl明彩筆 2號色 當時我想買遮瑕 店員推介我買依款 質地水潤 用後感覺一般 遮瑕度低 黑眼圈同痘印都遮吾到 聽朋友講依支係提亮筆/光影筆之類 但因為我本來係為遮瑕而買 所以顏色用作提亮都無乜效果

Noel好用推薦：與 bestie 一起購買 YSL 明彩筆，當時超火紅，無人不曉❗當初我硬要把這枝當成遮瑕產品使用，結果很崩潰，拍出來的照片，用了明彩筆的位置很奇怪😅 還是不要遮下眼了，只用作提亮吧！例如額頭及鼻子，掃上薄薄一層，再拍開，有助明亮該範圍。明彩筆的質感很保濕，又容易控制份量，自帶掃子，超方便👍

agnessstang好用推薦：很喜歡的氣墊粉底❤️ 不是新款 已經係2年前出嘅 今年先買嚟試🤣 簡潔嘅奶油白色包裝 粉撲係菱形 尖尖可以更仔細咁上鼻翼、眼底、嘴角呢啲位置嘅底妝 我用嘅色號係Halla 係自然偏白嘅顏色 妝感透薄 唔會有厚重嘅感覺 但遮瑕度幾唔錯 除非係好嚴重嘅黑眼圈同印🐼 大部分嘅黑眼圈、痘印、泛紅都遮到 而且可以喺需要遮瑕嘅位置疊加多一兩層上去都ok 但依然keep到透薄感 減少咗後續遮瑕用量 遮毛孔都唔錯 好容易拍勻 自然透薄嘅光澤+裸肌感✨ 持妝度唔錯 十幾個鐘成個妝都係完整 除咗鼻有少少油 粉盒同粉底補充裝係分開買 唔知係我裝得唔好定點 冇辦法完全合實個粉盒:(

natanatalie好用推薦：#我的崇光感謝祭必買氣墊粉餅 一直對氣墊粉餅都有少少保留，因為我係油肌，好怕用完會油光滿面。。。😞 直到試左NARS水光氣氣墊粉底，我就知揾到一款啱我嘅氣墊了！🥰 佢有超高SPF 50+/PA+++防曬系數，好適合香港而家一年有十個月都係夏天嘅暴曬天氣！而家妝感有自然水感，加上光線折射，會令妝容睇落有韓妝嘅奶油水光肌感覺！夏天用持妝效果都好強，因為佢有保濕成份，一啲都唔乾，但又唔會笠，好適合油肌！❤️

Fng好用推薦：喺日本專門店買 addition胭脂液，買咗三隻色 分別係#24， 21 ，26 (圖片由右至左排列)， 最sharp嗰隻係26號色 ，有非常輕微螢光感，佢哋上臉嘅顏色 跟 樽身嘅顏色一樣， 我買這三隻色都係暖色糸，適合黃tone皮膚 。塗一層， 點一點喺面頰中央，用手指輕輕按壓拍勻， 延展性十分高， 出嚟妝感好透薄，好像皮膚透出來的自然紅潤感， 就算新手使用，都唔會一達達， 同埋 佢妝效持久，去到夜晚都唔甩妝， 這方面值得一讚。 同埋佢咁大支，應該係用一世都用唔完🤣🤣🤣。

橘子貓好用推薦：#06 Tadzio 外表跟指甲油一樣的胭脂液，我這枝是套裝𥚃的迷你裝，5ml 小小枝已經好夠用。顏色是桃紅色的，在瓶身看似好豔好可怕，但輕拍上臉就是元氣好臉色的草莓粉紅。 每次只需要一點點點用量，就可以用手指輕易抹出均勻、顯色的胭脂。胭脂在臉上很快由液體轉為粉狀，牢牢的巴在皮膚上。胭脂液轉粉狀後就很難再推薄，尤其如#06這般鮮色的，所以一定要少量多次去疊加，我第一次用掌握不好一次取太多份量，立馬就變成了： （🔴—_—🔴） 持久度很不錯，戴妝大半天也最少留有有8成顯色度。 總體使用感受不錯，會考慮購入其他顏色。