chasiutung好用推薦：超容易甩 畫好左眼線一夾完睫毛 眼尾就無左一忽 而且不防油不防汗 眼皮出油眼線必定溶 不適合我

Kura好用推薦：呢支眼線筆嘅效果真係麻麻地，雖然平，但對於新手黎講好難掌握，好難畫到條靚嘅眼線，防油防汗都ok

Jan好用推薦：質地輕盈水潤 流動性高 塗開後會有油潤感但唔黏膩 吸收快 感覺透氣 無香味 敏感肌可以每日用 唔會致痘 似乎有修飾皮膚功效 望落去變得細緻且有光澤

JuneL好用推薦：它具有高效防曬指數，乳液狀的質地幾容易推開，推開後肌膚唔會出現泛白情況，質感唔會覺好黏lup, 都算清爽的，唯價格有點貴，加上如果無敏感，基本上唔會用到它。

lingbb好用推薦：- 秋冬最乾既時候上粉，不少得bobbi brown既皇牌冬蟲草精華粉底液。 - 一小滴就好易推。推到半塊面，因為配埋佢既精華非常smooth非常滋潤既感覺，帶有光澤既finish - 之前覺得自己乾肌時一定好需要用所以買咗成枝，結果就用極都用唔完 - 香港天氣比較潮濕，對我黎講唔係成日都用到，一定要天氣乾時先好用，香港既冬天又唔耐，乾既日子都唔耐， - 如果熱一點就會好易溶🥵。 - 天氣乾無咗佢又唔係好得，有時皮膚乾但天氣濕，我會集中用係乾既位置，出油位置就避開 ，希望快點用哂 #我的秋冬愛用彩妝

Hazel好用推薦：佢有淡淡嘅中藥味道，唔算勁流質但好水潤，搽上塊面有種涼浸浸嘅感覺，延展性都唔錯，不過遮暇力一般．

CC好用推薦：用咗呢一隻牌子嘅防曬不少於五支，雖然佢唔係物理性防曬，但係防曬能力係非常之高，比起其他貴牌效果更加好。 基本上日日出街都會搽佢上塊面度，用咗差唔多成年幾，塊面明顯係比身體白1-2度。 質地輕透，流動性高，搽咗上去延展性唔錯，唔會假白。對敏感混合性皮膚亦友好，有少少🤏🏻提亮膚色嘅感覺，自然有健康，同埋搽咗感覺出遊比其他品牌嚟得少👍🏻

Kaying Yeung好用推薦：去泰國冇曬黑 有衝動想俾滿分嘅防曬💯 本人皮膚狀態：混合偏乾+超易黑加難白翻 依家係日日都會搽佢 無論係日常出街/沙灘/野餐/露營/旅行🧳 今年中去泰國兩個星期 日日曬，但係都冇曬黑到！點解咁清楚，係因為我粉底顏色冇變+背脊冇搽所以背部明顯黑過身體其他部份😭 質地：搽完唔係成膜 係變粉霧狀 滑滑地 使用方法： 一個5蚊銀大細for我塊面 特色加缺點：好防水，要用卸妝水卸，洗面奶卸唔到！ 防曬真係好重要！如果想美白/抗老，防曬絕對係最basic要做到嘅嘢

TY.s好用推薦：講翻我一開始點解會搵防曬先！ 主要系日常行去反工既路上曬黑左ಠ_ಠ 由於我一開始覺得「查身既話. 應該防曬噴霧好啲wo, 一泥快啲啦. 每日朝頭早反工都趕頭趕命甘　」 如事這，買左某牌防曬噴霧，用後感就吾系甘好啦，好立痴痴ಠ_ಠ 因為初接觸，我就以為系我吾識用。 好啦，甘我用多日。 然後就奶哂野，超級痕，啲毛囊爆哂出添。一粒粒勁密集又肉酸。 到最後要睇醫生，原來我對防曬某成品敏感（詳細系咩我吾清楚，無去驗）然後要搽類固醇先好反( ･᷄ὢ･᷅ ) 甘我心諗「吾會掛，吾通無防曬岩我用？」 我吾信！去搵到呢個牌子既防曬！一開頭無研究甘多，試左藍色蓋果款上手，OH!!!! 好乾爽\(≧▽≦)/ ！同之前買果支噴霧差別系「巨大！」 然後就諗「防曬噴霧吾岩我用姐，呢隻系揸既！無問題既！」 HA!!!!!!! 奶野( ´▽｀)又敏感，哈哈…… 好啦～我都系吾死心，覺得個防曬質地好正！好乾爽！好舒服！ 再去睇「咦？粉紅色呢一隻防敏感wo！小朋友都可以用！再試多次！今次都系吾得就….以後吾x再試！(｡ì _ í｡)」 YA!!!!( ´▽｀) 我終於成功搵到一支超乾爽！吾立！吾敏感！既防曬！！！超

lepetitblanc好用推薦：多謝@cosme 同Shiseido Anessa 抽中邀請試用低敏配方防曬 而家好多人買防曬之前都會諗化學同物理防曬 我諗都係各有好處各有壞處 呢支低敏聽講係6個月大BB都可以用，岩哂我呢啲油底敏感肌 而且我買防曬都唔係好睇佢化學定物理性，睇質地最緊要 收到產品我當然有每日好認真咁試用啦，比我想像中清爽 第一日，就係正常skincare後試呢支，base,粉底，碎粉，五六個鐘過後同平時出油嘅情況差唔多 第二日 護膚後防曬，base ,碎粉，我覺得個妝好似比平時貼啲 第三日 護膚後防曬，粉底，碎粉，呢日比起第二日早咗少少出油 第四日，護膚後防曬+碎粉，今日驚自己少咗base同埋粉底膚色唔夠均勻所以落多咗少少碎粉 我覺得第四日個組合係最好最貼服亦都最持久 可能越少野越好啦 最後張圖就係喺手度推開咗 如是者我覺得咁樣試咗幾日效果都幾唔錯又慳返好多時間 都真係幾好用，會介紹俾朋友試 用完會再買

Ming好用推薦：一直都用開Anessa嘅防曬產品，不得不說佢哋嘅防曬產品真係好好用，好容易推開，味道又清香，又防水又防油，防曬指數好高，去行山一定會用佢。

bearbear246好用推薦：呢款係凝乳質地 防曬效果不錯 出汗出油都唔甩 但質地唔夠清爽

chasiutung好用推薦：昇級版個氣墊粉盒嘅設計真係好靚黑色金色皮革設計既高貴又型格 我用嘅色號係b25 有日系奶油肌妝效 妝感服帖 上臉遮瑕度一般 黑眼圈位置同痘印需要另外用遮瑕液遮 妝感吾厚重透薄透奶油肌妝感我混油肌夏天持妝大概四小時左右開始出油 有輕微浮粉用紙巾印下都ok 無用定妝產品個妝都keep 得幾好 整體感覺吾錯 秋冬使用無咩點出油 控油同持妝效果都好理想 右邊係恆時啞緻氣墊粉底B30 左邊係昇級版輕透無重羽毛氣墊粉底B25

lingbb好用推薦：- ysl cushion外型從來唔會令人失望，黑襯金色ysl字非常型格，摸上手都好有質感， - 粉樸印有金色ysl字，而且樸嘅質地非常柔軟舒服，絕對高質 - 氣墊有spf 50 加咗好多分，夏日炎炎出去補防曬都好足夠 - 質地好creamy但唔厚身，好快就化好底妝，真係做到氣墊快速而又完美地化好個妝 - 夏天用咗好多次都好滿意 - 遮瑕度中上，圖中我無用遮瑕膏，遮蓋咗我8 成泛紅位置，好出色，matt finish ，令成個妝容都好無瑕，用定妝粉輕輕定妝就出得街🥹 - 係戶外行走持妝6 小時+ 帶口罩=都無乜甩妝 - 中途有用碎粉補一補（個人習慣） - 雖然無溶，但感覺好似有輕微氧化 - 非常適合戶外走動、需要快速上妝又唔想額外拎防曬既你😍

bibubibu好用推薦：呢支防曬嘅防曬度適合日常使用 質地少少癡手 但喺面上都算容易推開 等一陣會成膜 塊面會白咗少少 感覺唔會焗住塊面 但有黏住嘅感覺 最大問題係會同其他產品起擦膠碎 用咗幾次都有呢個情況 如果妝前使用唔推介

Imelda 好用推薦：質地水潤易推不黏膩，防曬同時護膚，用普通潔面乳洗面就可以，唔駛特別卸妝，用過好多其他品牌，最後都係揀返佢

chasiutung好用推薦：Ysl恆時輕透霧光粉底液 spf20 新版同舊版都有買過 先講講皮膚狀況 我膚色黃皮1.5白 混油敏感肌 夏天出汗同出油量都算多 有痘印 質地: 舊版質地偏杰 無乜流動性 超快乾 新版Ysl恆時輕透霧光粉底液 質地同舊版吾同 粉底液流動性強 上妝更好推 更輕薄 色號: 新版我買嘅色號係Ln4 舊版係b25 新版色調偏黃調 舊版色號氧化後偏紅 對我黎講新版色號更合適 新版粉底液改善左粉底氧化暗沉嘅問題 💕 妝感: 舊版嘅妝效更奶油肌 出少少油後反而妝感更靚 不斑駁 無溶妝 有種出油後同粉底自然融合嘅感覺 新版嘅妝效更霧面更雅致 控油力更強 妝感更輕薄 上妝後有點乾 鼻翼眼底會卡粉堆積 妝前要做好保濕🫶 持妝： 新版嘅控油力更強 但持妝效果沒舊版好 半天左右會斑駁同少量溶妝 舊版不太控油 但出油後妝效仍然好靚 一整天妝感都好靚但會少量暗沉 總括： 我個人比較喜歡舊版嘅奶油肌妝效 喜歡新版嘅粉底流動性 喜歡新版嘅色號同埋改善左粉底氧化暗沉嘅問題 兩支整體都算吾錯

zetalhc好用推薦：適合油性肌嘅粉底液，用全日同埋係炎熱天氣都唔容易脫妝，但係遮瑕力不太高，痘印同黑眼圈唔係好遮到。不過overall性價比唔錯，質感幾透薄同埋唔致敏，一支夠半年日日用

siujune好用推薦：Clarins 這瓶定妝噴霧, 不但令妝容貼服, 更能令皮膚保持濕潤, 而且帶有淡淡的香氣, 使人覺得療癒。噴頭的噴灑份量細緻, 令人覺得定妝的份子都能均勻地噴到臉上😊

Kura好用推薦：定妝效果好，水珠細膩，味道好聞，用完出街夏天出街個妝都唔會好快溶，值得推薦，價錢唔算貴 @cosme #夏日必備彩妝