防水 推薦好用產品

Gloria好用推薦：好多謝@cosme 提供了DIOR恆久貼肌亮澤粉底液的體驗 今次體驗色號：1N本身皮膚蠟黃，又希望妝容自然，不想「兩截色」 所以揀左1N的自然色用手背到試色 可以睇到上粉後，兩者膚色非常相近，好像都沒有化妝，但左邊好像「白一d」？ 其實粉底液是帶粉紅色珠光色調，將原本暗黃的膚色調亮了，變成了和原本膚色相似的自然粉嫩膚色，並沒有變白，但皮膚看上去乾淨很多。放大了面部瑕疵最多的地方，清晰見到粗大的毛孔和黑眼圈，上粉後可以見到粉底液填平了大部分的毛孔，黑眼圈淡了，臉上的色斑，痘印依然存在，但膚色乾淨了很多。再來一張左右對照圖 （左：沒有 右：搽上粉底液）， 沒有使用特別上妝技巧， 只是簡單抹上粉底液再用粉撲印開，就這樣簡單，膚色就變亮了，輪廓向上提升了，而且顏色自然，有光澤，亦很貼服，妝感不重。就算只是簡單化妝上粉就可以出門。 因為夏天容易出汗溶妝，所以我化妝會偏向自然簡單，這支DIOR恆久貼肌亮澤粉底液，可以輕鬆做到「偽素顏」，而且妝後又不黏笠，很滿足到我的需要！

長崎良美好用推薦：多謝@Cosme 比我試用Dior恆久貼肌亮澤粉底液！今次試用嘅係1N色！平時用開氣墊粉底，但其實粉底液上妝係比較貼服啲，所以就試試佢！開頭將粉底液唧出嚟嘅時候覺得有層油？後尾諗諗下先記得自己未搖下枝粉底直接唧咗出嚟😂😂但個質感真係幾舒服，輕輕一堆就得，又唔洗上到好厚，薄薄一層就搞掂✅又咁啱近排塊面好易泛紅，Dior恆久貼肌亮澤粉底液真係一層就可以輕輕遮到泛紅位置！🥹塊臉唔洗做紅桃了🫶🏻 跟著出咗街大概5個鐘左右，其間無補過妝，個妝依然係到🫶🏻無甩過！無乜氧化！ 我係T位尤其鼻翼位最易出汗出油，咁樣都無甩妝，對T位易出油嘅我非常友好❤️而且1N對我嚟講係偏近自己嘅膚色，所以臉頸唔會出現兩截色，素顏霜都慳返😂卸妝後肌膚依然覺得好水潤，唔會乾澀好似唔夠水份咁，整體嚟講Dior恆久貼亮粉底液真係好水潤，我咁大個黑眼圈都遮到，而且T位出油都唔會甩妝，真係勁正！

Chloe好用推薦：佢係一支有SPF50+高防曬系數同PA++++， 質感水潤，容易推開，而且唔黏立☺️搽上面亦唔會泛白❣️ 我上妝前會用黎作妝前底霜，用完之後嘅粉底會更持久貼服😍 性價比高，已回購多次💗

A&R好用推薦：防曬指數50度以上，保濕有防水，好容易推開，唔會好油淋淋，一搽上手好冰涼的感覺，保濕得嚟又有防曬功效，做妝前打底效果不錯，仲可以提亮膚色。性價比高，值得購入。

zetalhc好用推薦：粉撲好柔軟，好容易可以均勻地上蜜粉，呢個粉控油同修飾毛孔能力非常好，可以令妝容更加貼服同埋持久

Karman28好用推薦： 已經回購第三次，粉是偏淺粉淺肉色，上面後覺得妝容會變得霧面一點，控油和定妝效果也不錯。最喜愛係佢個粉撲，十分軟，而且很容易清洗，每次港完像新的一樣。

Kitty 好用推薦：各位姊妹！最近試咗RMK呢支「UV水漾防曬乳」SPF50+ PA++++，真係要同大家分享吓！作為一個住喺香港嘅混合肌人，揀防曬最怕又黏又焗身，但呢支真心有驚喜～ 💧質地超水感： 一唧出嚟係偏水狀嘅乳液質地，推開嗰陣好似搽緊保濕精華咁，完全冇傳統防曬嗰種「漿住」嘅感覺。我通常用五蚊銀份量就夠搽全面，連眼皮位都唔會拮眼。 ☀️清爽度滿分： 最驚喜係成膜速度！大概30秒左右就變乾爽，摸落去有啲似絲絨粉嗰種滑溜感。試過晨早8點搽完去行花市，大汗疊細汗都冇出現「流白汗」嘅尷尬情況，個底妝仲keep得好貼服。 💦保濕力驚喜： 以為清爽=唔保濕？錯啦！入面有透明質酸同埋蜜桃精華，試過唔搽妝前乳直接上粉底，都冇出現龜裂紋。不過乾肌姊妹可能都要加多層乳液打底。 🌴潮濕天氣實測： 呢幾日濕度90%嘅魔鬼天氣，下晝3點補咗一次防曬（用紙巾印乾面油再拍上），完全冇結塊或者「起擦膠碎」。成日戶外活動都冇曬到面紅紅，防曬力夠穩陣！ ⚠️小缺點要提： 1. 對香味敏感嘅人可能要試過先 2. 價錢稍貴，不過用量慳都算抵用 💄上妝貼士： 建議等完全成膜（約1分鐘）先上粉底，用拍打方式上妝。試過配搭氣墊粉餅同

Steph好用推薦：係回購超過兩支嘅防曬，雖然已經出咗新嘅版本，但係呢一支都係我好鍾意用嘅防曬產品。 本身有化妝嘅習慣，以前成日都想搵一支唔會有擦子膠水，同埋唔會太厚重嘅防曬產品，遇到呢一支RMK之後一直都使用冇再轉過。因為佢真係可以做到質地透薄，就算喺化妝之前疊加skin care product，搽base，再上粉底，乾粉等等，佢都冇令到其他化妝品出現擦子膠碎，亦唔會因為搽咗防曬，而令啲foundation浮粉，而且感覺係好薄好唞到氣。 希望新出嗰支RMK防曬都係咁好用啦！

Jcxjessie好用推薦：呢個牌子嘅睫毛膏打底同埋睫毛膏都係我暫時覺得幾好用嘅一set! 我隻眼會出油，所以有時用唔同牌子嘅睫毛膏都會甩咗落眼底，不過呢個牌子就冇出現呢個問題 同埋佢嘅刷頭係幼細嘅，睫毛膏打底嗰個就係好似梳咁，查完出嚟根根分明👁️👁️ 而睫毛膏嗰個係細刷頭，可以連眼尾嗰啲細細嘅毛仔都搽得到

LenaC好用推薦：平時用mascara 最驚有熊貓眼 我用過幾款mascara 始終都有少少熊貓眼 或者甩一兩條fibre mascara 可能因為我塊面比較易出油啦 但呢隻mascara 就keep得幾好 由晏晝到放工返到屋企都無印落去 質地方面 呢款mascara 望落雖然有啲糊狀杰杰哋咁 但塗上去出奇地貼服 眼睫毛根根分明 唔會幾條眼睫毛痴埋一齊咁 個刷其實就無咩特別 同其他mascara既掃差唔多 如果有機會 可能會試吓佢既mascara base 個掃刷好似把梳咁 不過作為一枝mascara嚟講佢都唔錯既 推薦 :)

Sccan好用推薦：眼線液用開都係Kiss me, Dolly wink, Loverliner 三大人氣開架品牌，一向鐘意眼線筆自然妝感但眼油多易暈染， 所以都會揀返啡色系列嘅眼線液，日常通勤妝岩晒。 對比Dolly wink 同 Loverliner ，兩個牌子都好進取，成日出改良版同限定色。Dolly wink 出嚟嘅效果係我比較喜歡，Loveliner 好顯色但好硬， 而且多眼紋嘅話，會順住眼紋化出去。 Dolly wink 就好自然，有啲似用眼影沾水畫眼線嘅效果。 色號：05 淡啡 效果：透明感十足，持久度不錯，捽完都只係甩少少，依個色可以畫埋卧蠶 質地：液狀，水較少，但好貼服 缺點：可能得揀淡啡所以顯色度一般，但加多幾筆都唔會起刷子膠碎；用量大容量少好快會無墨咁

Nicole 好用推薦：色號是03 PINK BROWN 啡粉線條令眼妝增添甜美和亮眼效果，筆尖極細只有0.1mm，而且柔軟有彈性，纖細筆頭可以任意填充睫毛縫隙，畫出來的眼線不會分叉，並且隨著力度不同，能畫出可粗可細的線條。

mcosmetics好用推薦：Dior Forever 呢支遮暇液一直有好多beauty youtuber推薦。我已經用完兩支。試左好多牌子嘅遮暇液係比較滋潤。我本身眼底較乾，帶妝一日容易現乾紋同卡粉，用dior效果係最好。顏色選擇多，容易搵到適合亞洲人嘅色調。雖然價錢唔平但佢都好大支用到好耐～開封耐左覺得有少少氧化，眼色橙左少少，但都好適合遮黑眼圈～遮暇度冇hourglass 咁高，但潤啲薄啲，可以疊加。最大嘅缺點係佢會漏到個蓋入面全部都係，用過兩支都係咁，覺得好浪費同埋有時會整污糟。不過冇hourglass咁差，唔會漏埋出黎。

mandy好用推薦：Dior Forever Skin Correct 24H Wear Caring Full Coverage Creamy Concealer 恆久貼肌修飾遮瑕膏 #1N (Neutral中性色) $ 390 今次介紹的Dior恆久貼肌修飾遮瑕膏 雖然名氣不及其他名品遮瑕膏， 但卻是我很愛的遮瑕膏， 所以很感謝Dior讓我終於找到適合自己的concealer。 尤其是恆久貼肌修飾遮瑕膏可以針對我的黑眼圈， 一面遮蓋眼圈(令雙眼不再顯疲累，雙目更有神)， 一面也可遮掉毛孔，而且使用感輕盈舒適不厚重。 質地有點像粉底液，延展性十分好，可輕易推開， 除了遮瑕，也可以提亮及隱藏毛孔，完妝效果很是自然持久， 還添加了一些保濕及抗衰老等護膚成分， 恆久貼肌修飾遮瑕膏就是好用。 唯一的小麻煩是要請品牌BA代為專業選色唷 (最好請即場示範遮黑眼圈)，否則選了不適合的色系就很浪費了。 含保濕成分: 甘油, 戊二醇, 丁二醇, 卵燐脂, 氫氧化鋁 及 辛乙二醇 抗衰老成分: 甘油, 維他命E 及 歐蓍草萃取 控油成分: 矽石 及 氫氧化鋁 抗氧化成分: 卵燐脂, 維他

Ming好用推薦：一直都用開Anessa嘅防曬產品，不得不說佢哋嘅防曬產品真係好好用，好容易推開，味道又清香，又防水又防油，防曬指數好高，去行山一定會用佢。

bearbear246好用推薦：呢款係凝乳質地 防曬效果不錯 出汗出油都唔甩 但質地唔夠清爽

Emma W好用推薦：睫毛液能夠持久保持妝效，即使在潮濕夏天、或者落雨出汗時，都不容易晕染。 另外，比一般睫毛液，其令效果更長更纖細，又不易起塊狀凝固物，增強了眼部的立體感。 最怕就係防水產品難卸妝，但其唔會有依個難處。用濕左化妝棉輕抹兩三下，就已經卸咗妝，不會對睫毛造成傷害。 適合肌膚：任何 成效度：4/5

cc好用推薦：真係超好用！個掃好細好易用，下眼睫都刷到～適合新手使用，唔會有曱甴腳！ 睫毛纖長效果好好！十分推薦！（我配合埋canmake既持久睫毛液，可以keep住眼睫毛全日都好靚！）💕

Vivian好用推薦：單純保濕功效的妝前底霜，半透明的啫喱狀質地，雖然沒有防曬或潤色效果，但保濕力十分足夠，對於混合性偏乾膚質即使冬天使用都不錯，唯價錢不算便宜，如想要多功效性價比高的妝前底霜可能不是最好選擇

Nicole 好用推薦：肉粉色啫喱質地，推開後非常非常水潤，只要一點點就可以塗滿全臉，基本上沒有任何潤色、提亮功能，最主要的是細致毛孔，非常適合乾皮，油皮還是不要入手了，身為油皮的我帶妝四小時全臉冒油光😑我只能冬天時使用，只用在局部比較乾的位置，可以預防卡粉斑駁。

橘子貓好用推薦：Suqqu是我的愛牌，品牌的彩妝產品基本上都很適合我，尤其這款粉底膏，是我秋冬常用的粉底之一，難得適合我偏油的混合膚質。 我膚色是黃一白，所用的色號是#101，粉底顏色很貼合我膚色，底色不會偏黃，有提亮膚色的效果，上妝一整天粉底也不太會氧化。 我最愛在秋冬用這款粉底，因為香港天氣變乾，我皮膚沒那麼愛出油，Suqqu這粉底保濕度剛好，可以打造出奶油肌妝效。同時，不會卡粉在眼下乾紋，讚！另外，這款粉底遮瑕度也很不錯，達到中上程度。我手臂上剛好有一個新鮮的、突出的傷口，跟剛剛清理完的暗瘡很像，可以證實一下粉底的遮瑕度：用手大範圍塗上了一層粉底的效果，傷口已被遮掉大部份紅色：用遮瑕掃重點再上一層粉底膏，傷口不仔細看已經找不出來了：Suqqu粉底膏真是既不卡粉，又有遮瑕度，不會有面具感，十分難得。沒有長大痘痘的時候，基本上我用這一瓶粉底就可以滿足我所有的底妝需求。推薦給秋冬皮膚輕微出油至偏乾的肌膚。 至於持久度方面，始終Suqqu這款是粉底膏，不能跟主打持妝的控油粉底相比。但只要在肌膚出油的位置用上控油的妝前，加上好好定妝，我是混油肌在戴口罩的情況下，整天妝感也可以維持得很好，只有跟口

nicolebuzz好用推薦：💛💛💛 SUQQU產品雖然貴，但真係好值得！而且每樣產品都可以用好耐，所以一去日本就買了幾樣產品試用。 SUQQU粉底霜聲稱係「零粉感」及「貼膚」。我只是用手指及美蛋上產品，立即有光澤感、貼膚，與肌膚融為一體，就算一整天都可以Keep到完美既完妝效果👏🏻👏🏻👏🏻 粉底霜既的保養成分，初初聽到都怕自己唔適合，但我係混合性肌膚，都可以做做到輕奶油底粧，加上碎粉更加可以不用補妝，Keep到一整天！ 如果想有完整透亮既奶油肌膚，就可以試用一下💜 #秋冬愛用美妝

Suki好用推薦：妝前打底：美肌亮膚防曬隔離霜（薰衣草紫） 💜 產品介紹： - 名稱：美肌亮膚防曬隔離霜（紫色） - SPF：高防曬值 - 顏色：薰衣草，紫色 用後感：❤️❤️❤️❤️❤️ ✅ 質地輕盈：呢款隔離霜質地輕薄，推開後非常容易吸收，唔會有厚重感。 ✅ 顏色效果：紫色能有效修正膚色，令肌膚看起來更加明亮，改善暗沉。 ✅ 妝前打底：適合作為妝前打底，能令後續底妝更加服貼，妝感更加自然。 ✅ 保濕效果：使用後肌膚感覺水潤，能保持妝容持久，適合乾性及混合性肌膚使用。 ### 上裝次序： 1. 清潔肌膚 2. 使用爽膚水 3. 塗上精華液 4. 使用保濕乳液 5. 塗上美肌亮膚防曬隔離霜（紫色） 6. 最後進行底妝 總結：❤️ ⭕️ 無限回購：如果你想要一款能提亮膚色並有效防曬的妝前產品，呢款美肌亮膚防曬隔離霜真係唔可以錯過！

royu3好用推薦：☀️夏天好物介紹☀️防曬篇 主打防曬最高系數SPF50+PA++++及超強大修飾膚色功能的它，無論在日、港、台也有超高人氣！ 最多人談論的薰衣草紫色，確實是有出色的美肌及即時亮白膚色效果，已回購過2次。 但今次要講的是新色之一的薄荷綠，簡直驚艷到我！(　ﾟдﾟ) 它除了肌膚塗抹後變得透亮之外，還能修飾泛紅。 先講講我的皮膚比較薄， 皮膚底下的血管清晰可見，而且一曬就很容易泛紅。包裝是很signature 的漸變色換成黃加藍的配搭。 擠出來的防曬是綠綠的～ 質地水潤易推開，不會感覺很乾， 但也沒有很大的黏笠感，這點很讚呢！塗抹後的膚色明顯亮白了， 而且大部分紅點都被修飾掉！ 只要將雙手拼在一起，不難看出分別！ 左邊是塗抹前 右邊是塗抹後（有墨的那邊）對比薰衣草紫色，個人感覺這款更適合我， 它比紫色更有效提升泛紅皮膚的透明度， 不會變成過白，十分自然！ 跟我一樣有泛紅問題的朋友，可考慮選購薄荷綠。 美中不足的是，它沒有防水功能， 所以比較適合於沒有太大運動量的日子，例如於office上班等較少出汗的情況下使用。 如果要長時間在外、很容易出汗， 還是建議用防水防汗的防曬產品（私心推薦A

Kura好用推薦：平價好用嘅眼線筆，筆頭夠細，我係新手畫眼線都容易掌握，可以好精準咁畫到我想要嘅效果，我鍾意用黑色，但唔係黑到非常惡個種黑色眼線筆，畫完成條眼線都好柔和，夏天用出街全日都唔會溶，返到屋企用普通眼唇卸妝就可以清潔得到非常乾淨，同埋價錢非常親民，cp值非常高，我個人覺得適合新手值得一試嘅眼線筆 @cosme #眼線筆 #眼線液

940727.0好用推薦：最近有出睫毛膏同埋眼線液套裝，之前有用過舊版嘅眼線液，幾鍾意因為好顯色。2025年一定要用佢

Wing好用推薦：**質地輕盈精緻**:質地好輕盈滑溜，上妝時感覺好滑順,易融入肌膚，冇厚重感。 **遮瑕效果出色**:呢支粉底液有遮瑕能力，可以均勻膚色 **自然貼服妝感**:上妝後會好自然咁融入肌膚，冇明顯粉底痕跡

mssylviaa好用推薦：已經用到第三枝power frabic，因為底妝嚟講真係唔錯。 質地🌟🌟🌟 比起Dior、Lancôme，Armani相對冇咁液體，但流動性高，好易推，同埋唔會上手就好快乾，新手都好易handle。不過相較之下，我覺得上面後感覺冇其他牌子咁薄。我自己夏天用掃上，冬天用手上。 遮瑕度🌟🌟🌟🌟 質地偏厚身，我覺得遮瑕度比其他牌子高。簡單紅印一抹都遮到，不過如果係紅腫暗瘡就要另外加遮瑕膏。 持久度🌟🌟🌟🌟🌟 早上化妝，去到夜晚先會見到明顯浮粉，持久度十分高。我通常去到下午就會輕輕用紙巾印印粉，補補碎粉。不過長時間戴口罩的話，沾粉情況都嚴重。 色號🌟🌟🌟🌟 我用3.5，黃調自然白，大部份亞洲人都啱用，有自然提亮功效。不過記得當初都曾經中伏，專櫃staff揀咗隻深一度嘅顏色俾我，結果我用咗少少就冇再用。所以最好認真去專櫃試清楚先買。

kat好用推薦：上月去日本旅行， 很多時間停留在室外，但覺得冬季陽光不怎樣猛烈，所以防曬就只塗臉。 結果有塗防曬的臉幸保不失 ; 沒塗防曬的手變 得又乾又黑 , 手背和手掌是2截色 。 這款50度 防曬救了我臉的小命。 最重要的是它不黏稠，對皮膚沒負擔。

Fng好用推薦：防曬糸數夠高，容易推匀，不會泛白， 同埋質感就清爽，之後上底妝唔會同粉底打交， 控油能力亦好好。

Lumi Kwan好用推薦：之前睇好多日本雜誌，啲編輯都極力推薦，而且呢個產品成日都拎日本獎項，所以上次去日本嘅時候我刻意買咗一盒。以前覺得碎粉係一件用極都唔完嘅產品，但唔知點解用呢一盒嘅時候我大約用四個月，就用完啦。粉粒好微細，佢仲有另一款顏色係珠光，但因為我怕會好似成面油咁，所以冇選擇。入面有一個粉撲，我仲貪得意買多一個粉撲可以有替換，粉撲超級柔軟好舒服，但有時我都會用粉底掃去上妝，上左妝之後覺得皮膚好滑淨，就算之後再加highlight，都輕而易舉。我剛剛由去完日本返嚟，所以都冇貨買咗一盒，我會長期支持佢。

YolandaAuYeung好用推薦：蜜粉粉末超級細緻柔滑，延伸性好。優秀的透薄感，原因是「Bouncing Powder 彈潤粉體」技術，令肌膚產生絲滑潤澤質感，輕柔地覆蓋肌膚，令肌膚整日也呈現自然明亮光澤，仙氣Level UP!! 用後感: 蜜粉粉末超幼滑，驚艷不已的絲滑觸感，令人一試難忘! 質地非常貼薄，能有效提亮肌膚色澤，就像第二層肌膚，透岀素肌感，連毛孔也完全隱形了，自然遮瑕修飾，沒帶一點厚粉感，即使帶着口罩，也不泛油，持久度很好，這是我定妝必備之恩物！ #細緻碎粉

lingbb好用推薦：- 秋冬最乾既時候上粉，不少得bobbi brown既皇牌冬蟲草精華粉底液。 - 一小滴就好易推。推到半塊面，因為配埋佢既精華非常smooth非常滋潤既感覺，帶有光澤既finish - 之前覺得自己乾肌時一定好需要用所以買咗成枝，結果就用極都用唔完 - 香港天氣比較潮濕，對我黎講唔係成日都用到，一定要天氣乾時先好用，香港既冬天又唔耐，乾既日子都唔耐， - 如果熱一點就會好易溶🥵。 - 天氣乾無咗佢又唔係好得，有時皮膚乾但天氣濕，我會集中用係乾既位置，出油位置就避開 ，希望快點用哂 #我的秋冬愛用彩妝

Hazel好用推薦：佢有淡淡嘅中藥味道，唔算勁流質但好水潤，搽上塊面有種涼浸浸嘅感覺，延展性都唔錯，不過遮暇力一般．

皮皮爱马桶好用推薦：感谢@Cosme这次Benefit试用体验, 本人也是首次使用这个品牌。老规矩先上一张大合照。图中左上方为Benefit柔雾控油毛孔细致霜(旅行装2支)，右上方为强力无重定妆喷雾（旅行装2支），下方为柔雾控油蜜粉（虽说是迷你装，但是好大一盒，比我在别家买的正装还要大） 本人夏季肤质为混合偏干，两颊中性肤质，T区比较容易出油，尤其是鼻翼非常油。为了体现产品定妆效果，本次测评分为左右脸进行，其中观众视角左脸使用了Benefit定妆三件套，右脸则没有定妆。 首先上一张素颜图，只做了基础护肤步骤，上了水、精华、乳液。  然后右脸上妆前乳，用化妆蛋轻轻拍开；左脸上Benefit柔雾控油毛孔细致霜，用手点涂后抹匀。   全脸上粉底液，用化妆蛋拍均匀。左脸用Benefit柔雾控油蜜粉定妆，可以看到粉质细腻，而且是肤色，上脸不会假白;右脸无定妆。左脸再用Benefit强力无重定妆喷雾定妆，按照说明以一个手臂距离喷上；右脸无定妆。刚上完妆对比图: 左脸有定妆:右脸无定妆: 持妆6小时后对比图，可以看到未定妆的右脸已经有微微浮粉+脱粉氧化:左脸则基本和刚上完妆的区别不大，妆效保持较完好:由此总结得出，B

Jolicious好用推薦：好開心得到@cosme 邀請，得到Benefit The POREfessional 柔霧控油系列試用機會，呢個系列一向口碑好好，每逢夏天日常需要維持抗油抗汗嘅妝容時，油肌人士對benefit The POREfessional一定唔陌生，係最穩陣嘅首選！ 今年夏天，The POREfessional推出左全新升級版，其中之一係「柔霧控油蜜粉」 💖將「柔霧控油蜜粉」重點上左易出油嘅部位，包括T字位同鼻翼兩側，粉質好滑好細緻，帶調色效果，掃上面零粉感偏貼服自然，而且明顯睇到毛孔被柔化 ✦上妝同時用左同系列「柔霧控油毛孔細緻霜」同「定妝噴霧」，測試控油同持妝度 🔼剛上妝效果 🕗持妝8小時 上妝後嘅行程係出入户外(高達32度另加一兩陣驟雨）同室內（商場同餐廳溫度大約22度)，去到第4-5個鐘，鼻翼有微微出油情況，比起平時2個鐘已出油，出油量明顯減少，輕輕用紙巾印走油後(無進行任何粉底補妝)持妝度無乜影響，而且面臉表面明顯係比平時清爽唔會黏笠笠，8小時後，成個妝容都仲係幾完整keep到近8成，對油肌人士黎講係好大嘅福音！

Haidy好用推薦：去完泰國蘇梅島，完全冇黑過返嚟！ 油係油少少㗎喇，但係放黑能力真係冇得頂🥹 大家記得用呢款嚟查身！搽面嘅話，好容易生粒粒~ 不過佢仲有另外一款gel防曬，嗰隻搽面都幾好！ 超級推薦大家如果要同陽光玩遊戲嘅話查佢！

iliya 好用推薦：ANESSA一向都係好出名嘅防曬牌子，除咗防曬度高同防曬效果好好之外，塗上去又唔會好黏笠，最適合係夏日炎炎、天氣悶熱嘅時候用，而最重要嘅係塗上去之後又唔會白咗一大撻咁，效果自然，唧唧裝外出攜帶及補塗方便，真係防曬恩物！！！ #專櫃抵買好物

mandy好用推薦：Sana New Born 3 in 1 Eyebrow New Born 3 in 1 自然柔和眉筆 #B7 (Marron Brown 栗子啡色) $66.90 (已打85折） from Don Don Donki 3 in 1 =眉筆+眉粉+眉刷 Sana 的 3合1眉筆在開架品牌中非常具人氣， 定番的色號亦有8款，除了B2偏向黑色系之外， 其餘7色都是不同調的啡色系， 很能配合不同的髮色。 而當中最熱賣第一位是B6，第二位則是B2。 使用方法： Step 1 : 用眉筆一根根勾畫出理想眉毛形狀 Step 2 : 再用眉粉順著眉毛形狀均勻塗在眉毛上 Step 3 : 用眉刷梳理好眉毛 橢圓形的眉筆頭很好描繪眉毛， 令畫眉更順暢及容易。 顯色方面是自然啡色系，而且深淺度剛剛好，不會太深色或偏向啡金色系。 眉粉可以均勻調整眉毛由眉頭到眉尾的顏色， 並且令整條眉增添柔和自然顯色的感覺。 最後用眉掃整理整體眉形，眉掃很方便易用，只需輕輕一掃便可完成眉妝。 SANA New Born 3 in 1 自然柔和眉筆 的持久度很好，不是那種一卒就消失的眉筆， 基本上一整天不用補妝。

agnessstang好用推薦：朋友推薦嘅眉筆👧🏻 已經用緊第3/4支 眉筆眉粉眉刷3 in 1嘅設計好方便 不過得一邊有蓋 好搞笑🤣(唔影響使用) 我用緊嘅色號係B10 Dark Brown同B14 Smoky Brown B14好似係限定色 係日本買嘅🇯🇵 B14帶少少灰 B10就係普通深啡色 性價比高 易畫 好容易勾勒到自然嘅眉型 持久度ok 顯色度方面帶妝係冇問題 如果係素顏(完全冇搽任何粉底/素顏霜)嘅話要大力啲畫/畫多幾下先顯色 顏色自然 有>10隻色 可以配合翻自己嘅髮色選擇～