找產品
妝感透薄 推薦好用產品
1,051 件指數降序
royu3好用推薦：我愛用的色號為12號色，約會必備，是任何季節，任何時候都能用的唇妝產品，已回購多次！ 這系列的唇釉為鏡面，即具光澤感的唇妝感，即使乾燥天氣時使用也能覆蓋唇紋，能避免約會時咀唇脫皮、「乾爭爭」的尷尬情況⭕️看上去色調飽和度好像很高，但上唇後是較透亮的水紅色，是人見人愛的顏色🍒看上去水嫩紅潤，如櫻桃般甜美可口。 而且持久度很好，下圖為用水拭擦模擬飲食後的情況。 如圖所見仍保留淡淡粉紅色，咀唇如原生唇般自然。約會時使用，不會變得蒼白無血色，好感度大大提昇，很討喜呢👍🏻 #夏季戀愛感妝容
<看全文>Noel好用推薦：秋冬季的約會 essential - YSL唇釉❣這枝算是品牌經典產品了，無人不知的金蓋唇釉。唇釉帶點點糖果味，好聞，而且帶微微染唇效果啊～ 產品塗到唇上感覺滋潤，光澤感強，而且一枝能有兩個效果，大愛❣ 1️⃣ 上下唇各點一點再用手指推開，Tinted lip + sheer finish 2️⃣ 直接用海棉頭塗抹，水潤QQ 效果 即使疫情使用率減少了，我還是會收藏的好物💕 #我的秋冬愛用彩妝
<看全文>
arilau好用推薦：一直偏愛透薄嘅底妝，粉底液亦首選較水潤嘅質地，但相對地遮瑕度都會冇咁高。Make Up For Ever呢款粉底就屬於較水潤而遮瑕度不高嘅粉底液 買嘅時候咁啱係轉天氣嗰排，最初用都做到想要嘅透薄底妝效果，之後就發現鼻頭位置乾到卡粉🥲（已經分唔清係粉底液唔夠滋潤定係本身做唔夠保濕） 總括嚟講，如果同我一樣屬於乾性膚質嘅人，夏天用應該效果唔錯，但秋冬用就要先做好保濕或轉用其他更滋潤嘅粉底液🧏🏻♀️
<看全文>mamayi好用推薦：我係一個會按當日肌膚狀況而選擇用邊款粉底嘅人，Make Up Forever 呢支REBOOT就啱曬秋冬季使用。 ⋯⋯⋯⋯⋯⋯⋯⋯⋯ 我偏好用粉底液，但有時太稀嘅怕唔夠遮瑕，呢款就恰到好處，抹上面延展性高，做到透薄嘅效果；而且易於塗抹，節省返工化妝時間。 再者，佢上完妝再搽碎粉，可以營造較啞緻嘅面容。 ⋯⋯⋯⋯⋯⋯⋯⋯⋯ 到中午時，塊面都冇變灰，放工都係輕輕用紙巾印吓，再補返啲碎粉就出得街。 加上佢$380，性價比都高，呢支已經係我第2支。
<看全文>
Kelvin好用推薦：CPB鑽光透薄修護粉底液 其實我比較少用粉底液，平時搽有色防曬/底霜就會出街。依支係我少有肯keep住用嘅粉底液，因為用完皮膚好似BB肌🥚 我膚色偏白淨用的是010色。雖然佢叫鑽光粉底液，但我感覺係微光澤感。質地十分透薄，而且流動性強。我通常用1泵半至兩泵就已經可以搽晒全面。冬天嚟講，我的皮膚都比較乾燥，但保濕度都還好，另有SPF25 PA++中等防曬度😎 用咗大半支感覺無乜遮瑕力，臉上無瑕疵既人會岩用啲，真係好似第二層肌膚一樣。上完妝成個感覺都好完美，感覺係出咗成日街，個妝都冇乜點甩🤣
<看全文>Mei_pk好用推薦：上妝很貼服持久，愈夜愈美麗，但我有時感到有點點氧化，但膚質看上依然好像很好,只是晚了顏色有點深了，不過沒影響妝感，除了貴沒什麼缺點，推介大家如果有資本這個值得入手
<看全文>
Kriskirs09好用推薦：Nars 自然亮采持久粉底液 當時係專門店想買粉底液 店員就sell咗我呢一支 佢幫我即時試咗上面覺得效果唔錯 佢唧出嚟嘅質地比較cakey 化妝嘅時候都比較快乾 推開嘅時候已經感覺到好黏稠喺手上面試嘅效果都會感覺到比較乾 的確呢一隻粉底液係比較適合油性皮膚 以下係我嘅上面圖：（上妝時間比較耐）買完返屋企發現自己上粉底嘅時候 好！難！用！🤢 一開始我係用cushion上妝（打濕咗 發現上得唔均勻仲有啲一嚿嚿嘅感覺 試咗幾次之後發現用乾粉撲上面會好啲 或者直接用手指上😵 小妹用後感 覺得佢嘅遮瑕力都算唔錯 平時用一層都已經應付到日常瑕疵 如果追求完美無瑕嘅底妝就要再加遮瑕膏 佢都屬於越夜會越靚嘅粉底液 皮膚出咗油之後同佢融合咗會比較自然 早上化完即時嘅感覺算幾厚粉 佢喺面上面都真係太有存在感 另外鼻翼都有少少積粉 後來我借咗俾另一個朋友試用 佢係屬於乾肌 以下係佢嘅上面圖：佢有啲暗瘡印嘅位置係直接有甩皮嘅情況 但係佢都認同遮瑕力係幾高🤔 總結而言 小妹都唔係專業化妝師 所以上面嘅效果都有機會因人而異 我就覺得有啲難用
<看全文>Fng好用推薦：NARS natural radiant long wear foundation， 妝感係少少光澤，同埋粉底液流動性唔強，比較厚身， 要分開局部上臉，如果唔係乾咗好難推得均勻， 遮瑕力中上，但係夏天用，感覺皮膚比較焗一點，如果係乾肌使用，去到夜晚會現乾紋。
<看全文>
mandy好用推薦：CHANEL LES 4 OMBRES BYZANCE #318 PARURE VÉNITIENNE $595 CHANEL的4色眼影盤粉質柔滑不飛粉，容易上妝。 4色眼影都可互相配搭到，非常實用，不存在癈色。 右下的眼影第一眼以為是白色，其實是很美的幻彩色， 可以用作眼影打底，具少許提亮效果。 左上的玫瑰粉色及右上的香檳金色均可以用作眼影主色， 可以按照喜好選其中一色作主色。 左下的啡色，可以用來描繪眼線，可有效放大雙眼。 CHANEL的4色眼影盤外盒設計簡約華麗而且貼心， 不佔空間，內附鏡子及眼影掃，方便隨時隨地上妝補妝。 顯色方面剛剛好，即使上多幾層眼影，也不會太鮮色或具濃 豔感。特別喜歡CHANEL的4色眼影盤配色，每個眼影色都很美很經典不過時，可以一個眼影盤走天下，在不同場合都可以派上用場。
<看全文>Vlee好用推薦：色號 #268 顏色配搭非常適合黃種人皮膚 健康膚色使用唔會顯得污糟 雖然顯色度不算高，反而容錯率就高 非常適合新手使用，可以逐層疊加 啡紅色一格顏色唔會俗氣，易carry 偽素顏可以只使用啡色三格 夏天使用都冇溶妝，眼皮沒有出現摺痕 持久度算高 
<看全文>
PorscheB好用推薦：初初好期待試新cushion 明明好多人說帶口罩也不脫妝 唔知點解個人感覺係比較厚， 好似戴咗面具， 而且戴口罩時一樣會甩。 比較好嘅，就係個cushion 墊幾好用 有啲窿窿 唔會拍一次 就將所有粉底印出嚟 始終覺得韓國化妝品唔太啱自己皮膚
<看全文>LorraineTsung好用推薦：Laneige Neo Cushion💕 今次分左2款👈🏻 一款係粉紅色外殼-妝感偏光澤感(保濕) 一款係薄荷綠外殼-妝感偏啞光 因為我本身唔太鐘意光澤感既粉底🙊 所以我揀左薄荷綠色😉 . 一開始因為覺得外型好靚所以就買左 本身無乜太大期待🙈但係絕對有驚喜👍🏻 因為我一帶口罩就好易出汗 平時啲粉底會甩左好多落口罩🤦🏻♀️ 但laneige呢款係我無定妝都基本上無甩(圖4) 而且持久度好好同唔會暗沉💪🏻 另外粉扑設計好特別(圖2)據說係可以令到底妝再貼啲🤔 我係用左CT Magic Cream之後就直接上妝！ 但係無卡粉同乾👍🏻不過有好小小既顯毛控👈🏻 不過妝感好靚！顯毛控可以靠碎粉/Base搭救💪🏻 而且遮瑕度我都覺得好ok！一般痘印同紅都遮到(圖3) 仲有粉底可以防藍光同SPF42 PA++🌞 遮瑕度:❤️❤️❤❤️️🤍 持久度:❤️❤️❤️❤️🤍 保濕度:❤️❤️❤🤍️🤍 . 色號我覺得只要唔係白雪公主/白到反光 買21號色已經好夠！ 21N->黃調 21C->粉調 . 個人膚質👈🏻 敏感乾皮有痘印 中性調一白
<看全文>
Milo101好用推薦：這款高光膏是過年妝容提亮好幫手，性價比高，非常之推薦！ 首先外觀討好，有類似鑽石切割的造型，燈光映照下不同角度都有光線反射，好配合產品本身。 02號粉水晶色，好百搭的粉色高光。質地是慕絲狀，用法都多元化。如果想突出啲，可以用手指上，閃感更明顯更華麗。平日妝容如果想自然啲，用蜜粉掃更方便，好似融入皮膚的隱約光澤感。或特別細緻部份，例如用眼影掃點亮眼線中央、眼頭位提亮。 性價比很好，幾十蚊就有一盒，用左好耐都仲有好多。體積細小美觀，無論家用定去旅行用都好方便。
<看全文>KDing好用推薦：係介乎粉狀同膏狀之間既highlight，上面效果幾自然，唔會似粉狀highlight咁有碎片既感覺，反而有自然反光感，即刻提亮左輪廓。 我多數都係用完碎粉後用，因為碎粉前用會遮蓋左個效果，用係碎粉後就可以保留到光感外，都唔會同碎粉打交。 拜年就係要用highlight令自己睇落容光煥發，但又要保持偽素顏既感覺😂 光澤度：4/5 自然度：5/5
<看全文>
綺羅香好用推薦：近日想出門時先發現，我手頭上嘅眼影都偏向秋冬系，反而無乜啱春夏嘅顏色，於是就去咗化妝品店諗住平平地買幾盒，記得細妹以前幾推薦canmake 梳乎厘眼影，見出新霧面版本，就揀咗M04珊瑚粉色 霧面版嘅梳乎厘眼影全盒得左上格係亮片，蜜桃底色配亮片比較疏，不過勝在夠幼細，疊加兩層係陽光照射之下非常閃，右邊嘅粉紅色同珊瑚橙帶有非常輕微緞光，飽和度較低，要疊加三層左右先比較顯色，左下朱古力啡堅霧面兼高顯色，上一層已經好夠 眼影盒後面自然附有canmake 一貫嘅貼心教學，不過如果怕失手，我反而建議眼部打底之後，淨係上粉紅色或者珊瑚橙淺淺一層做打底色，然後用朱古力啡增強眼尾，最後用亮片打亮眼中，眼頭同埋卧蠶，簡簡單單完成一個眼妝 梳乎厘眼影粉質非常順滑，超出我對開架眼影嘅期待，用手不斷來回捽都唔會飛粉，上眼皮貼服，亮片都唔會飛到成塊臉都係，我比較鍾意附帶棉棒，尤其係幼嘅一邊，啱啱好上眼尾同卧蠶，棉頭唔會痴實眼影粉，確保全部眼影粉都可以上哂皮膚度，期待日後會出更多顏色
<看全文>星海之夢好用推薦：之前見佢做推廣嘅時候就買咗M04色系，作為新手好容易就可以跟住佢後面嘅建議做到相似嘅效果，m04色系偏向活潑嘅感覺，美中不足嘅地方就係好容易甩粉，整體感覺都唔錯。之後又買咗m01色系， 大致上同m04色係使用效果同缺點都差唔多，都幾推薦化妝預算唔高但又係新手嘅人去買呢一款。
<看全文>
samanthang1117好用推薦：質地清爽，帶小小保濕滋潤感，我混合偏乾肌適合，延展性高易推開， 有淡淡爽身粉香味 原相機直出，搽完的確有提亮膚色，冇咁暗沉蠟黃 防曬力足，仲有輕微修飾毛孔功用！ 平時出街都好夠，化妝前當佢base咁搽，唔會同後續化妝品打膠/出擦膠碎！ 用卸妝水倒落化妝棉抹就OK，唔會生粒粒或者暗瘡👍🏻 鍾意佢個頭偏幼，容易控制到唧出嚟嘅份量 購自龍豐，又唔算上網講到咁難買喎🤭會再回購👍🏻
<看全文>Clovercc好用推薦：Elixir Tone up妝前打底，有防曬SPF50+ PA++++ 之前在日網已好多人推介，早前去日本旅行行了幾間店都沒貨，終於在原宿@cosme買到了！ 一用已經好喜歡，可以話係返唔到轉頭！（真心） 首先質地是滋潤不帶流動性，但延展性非常好，自帶有粉紅色，上面後有提亮效果，但不會嚴重調色、不會泛白，有微亮光澤感，即時改善了皮膚乾紋/細紋，有一點點均勻膚色。 因為我是混合偏乾，化妝很容易出現卡粉顯紋問題，用它後感覺皮膚更滋潤，後續上妝都好貼妝！*已經試過多款粉底液/cushion, 都完全不會發生打架、起屑問題！* 很讚😍 現在有時如果不用化妝，都會用它做防曬，夠滋潤又高防曬系數，令皮膚望落更潤澤！👍🏻 必回購🔥🥰
<看全文>
Viannie好用推薦：用過粉紅色玫瑰香味好鍾意，想試埋粉綠色白茶香，但唔鍾意個味道😔 功效其實一樣，主要係果日唔化妝，搽完防曬就用佢，薄薄上一層好似定妝咁，塊面冇咁立立令，冇咁重黃氣白少少會精神啲，最正係夜晚唔駛用落妝產品🥳
<看全文>Giselle 好用推薦：Club 白花素顏護膚蜜粉餅 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款同櫻花味就功效差唔多一模一樣(*´□︎`)ｧﾞｰ唔同嘅係呢款白花味係呢個系列嘅常見款，而櫻花味屬於期間限定款(｡-`ω´-)ﾝｰ白花味就即係百合花味，個人覺得陣味唔算特別濃₍ᐢ⸝⸝› ̫ ‹⸝⸝ᐢ₎佢另外仲有玫瑰味*ˊᵕˋ)੭有興趣嘅小夥伴可以睇自己鍾意咩味再決定入手邊款( ⸝⸝•ᴗ•⸝⸝ )੭⁾⁾佢係控油方面算係一般般，雖然係出油量係有減少到，但唔算好出眾( ˙༥˙ )俾佢更平嘅控油產品都有更好嘅效果(´._.｀)而且搽上臉後覺得塊臉變得死白咗，做唔到偽素顏嘅自然感(´・ε・｀)而且用一整晚之後塊臉會變得超級乾，做唔到話保濕嘅功能(´Д`|||)所以唔太建議臨瞓前搽，最好就係化淡妝or唔需要化全日妝嗰陣用會比較好‧⁺◟︎( ᵒ̴̶̷̥́ ·̫ ᵒ̴̶̷̣̥̀ ) ❤︎ ❤︎ 雖然啲粉因為壓得太實所以沾取嗰陣要大力少少，但勝在佢粉質細膩，搽上臉都唔會飛粉( ˘͈ ᵕ ˘͈ )佢嘅粉撲屬於又大又軟嗰種，趕時間嗰陣拍幾下就已經搽好全臉｡+ﾟ(*´∀︎`*)｡+ﾟ
<看全文>Noel好用推薦：ColourPop 暖調的4色高光盤，黑五優惠時購入，一盤四色，每色都是大大的 regular size OMG❗超有誠意的高CP化妝品。高光包括了帶黃色、粉色、珊瑚色 undertone，基本上一年四季都可以用這般走天漄❣ 高光粉壓得很實，不易飛粉，手指觸感很滑👍而且顯色度高，屬於高調的 highlighter，喜歡低調高光的，請避開。唯獨帶粉色的高光有一點點顯毛孔，沒有另外三個好用啊！ #我的秋冬愛用彩妝
<看全文>zzzhelen好用推薦：lunch money係一款好啱一般偏白膚色用，有少少香檳色，好自然。我幾鍾意佢有少少濕潤既感覺，唔會飛粉。少少就夠哂閃，可以用好耐
<看全文>
Noel好用推薦：開架美國品牌 NYX 以性價比搶佔了年輕人的市場，這款 Makeup spray 就剛好代表了品牌的特性：價格佛心，定妝效果佳❗黑色這款 Setting spray 係 matte finish，對於追求霧面肌的我而言，真的很吸引😝 NYX 定妝噴霧包裝簡約，噴咀達中度至細緻，沒有噴水柱／面部出水珠的 fail 情況，讚👍產品味道一般，但不算難聞，加上容易消散，個人認為可以接受。 使用習慣：化妝過程中使用 2次 1️⃣ 防曬後噴一次，當作 makeup 打底 2️⃣ 粉底後加噴一次(輕手) 再上定妝粉 基本上全年使用都 ok 沒有問題，CP值滿滿 👍（只是，再好的 setting spray 對著囗罩都係冇反抗力，粉底還是會沾囗罩的，所以沾不沾囗罩這個問題，不會影響我的評分。） #派對完美底妝
<看全文>Hamiii好用推薦：飛美國好鐘意入sephora試試試 然後買買買 佢有好多traveler set 方便我呢d狂travel既人 呢支係其中一個traveller set裡面包既 個人感覺mist都細既 定妝能力都高 但一帶口罩就gg 一除會見到一整條痕 個人黎講就麻麻地啦🙂↕️
<看全文>
