妝感透薄 推薦好用產品

Noel好用推薦：這是我唯一的物理防曬，品牌又點出可作妝前底霜，用完後我會再購買❣ 產品流動性高，易推開，個人會用平時妝前乳霜所需的八成，就足夠塗全面，切勿擠出過量🤗 質地特別，塗上面一刻感覺較膩，推開後油膩感會減退 🌟🌟🌟🌟 不曬黑 🌟🌟🌟🌟🌟 防曬系數 🌟🌟🌟🌟🌟🌟🌟 氣味不好聞，有種太陽油味道，但快散去 🌟🌟🌟🌟 潤色效果不多 🌟🌟🌟 沒有泛白 🌟🌟🌟🌟🌟 *不要擠出太多，產品上面Less is more 必須要搖均啊~

HappyJudy好用推薦：高物理性50度防曬，夏天及冬天時使用上面後質感清爽不黏膩，防曬同時改善膚色不均及提升肌膚光澤度，簡單出街也可當作是防曬使用

Giselle 好用推薦：3CE Tinted Moisture Cushion CC SPF50 PA+++ *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款應該唔係太多人會入手嘅產品🙈佢嘅遮瑕力同滋潤度算唔錯，基本上小瑕疵都可以被遮住❤️但比較嚴重嘅瑕疵例如大痘痘就需要額外使用遮瑕膏🥹另外呢款產品係有比較人工嘅香味，所以我覺得敏感肌嘅小夥伴唔太適合用哦🥹

Hamiii好用推薦：Texture比較厚重 上面覺得有點焗 勝在防曬度數夠高 但我就唔太鐘意

mandy好用推薦：HEIDI DORF 白肌美人 北海道牛奶霜/ 牛奶亮白霜 (40G薰衣草) $98 HEIDI DORF 白肌美人 北海道牛奶霜/ 牛奶亮白霜 有白色、綠色 及 紫色 三款 另有tube (管裝) 是 30g/ $78 如果妳會出街用的話, 買管裝 會更方便衛生。 如果妳大多數只會在家使用, 我會建議大家選罐裝。 因為質感會比管裝更水水嫩嫩, 非常好推及水潤， 能打造出薄透、具透明感 及 提亮的底妝。 由於是淡淡的紫色, 所以在雙頰局部使用或是全面薄薄推勻也可。 品質高價位低， 是一款很不錯的開架調色隔離霜。 含保濕成分： 丙二醇，木蜜醇，乳糖 及 醋酸鹽維他命E 抗氧化成分： 薰衣草油 及 醋酸鹽維他命E     如果之後是配搭無防曬系數的素顏霜 可在HEIDI DORF 白肌美人 北海道牛奶霜/ 牛奶亮白霜 之前 先全面薄薄使用含防曬系數隔離霜或防曬 之後再使用素顏霜 也能提昇面部整體透明感 用化妝棉推開粉底液及上碎粉後的妝效 由於加入HEIDI DORF 白肌美人 北海道牛奶霜/ 牛奶亮白霜作為底霜， 令完妝效果更富自然光澤

greenk好用推薦：呢枝調色霜令我感到好驚喜🤩 佢本身係白色嘅，一抺開會感覺到好水潤，但好快又吸收左，完全唔會笠！ 而且佢個白係好自然，唔會令到你皮膚睇落好奇怪或出現死白情況～ 最正係一枝先賣85蚊，但足夠用一個月起（每次只需要吱少少），真係超抵用！ 佢仲有其他顔色，我用完呢枝下次會試埋紫色～

jojoma123好用推薦：令人愛不釋手的胭脂,單看色澤已很吸引,掃出來的顏色也很柔和,比較易控制,持久度還是可以的,胭脂妝可保持到大半天

Sophia好用推薦：JUNG SAEM MOOL 持久無瑕柔焦裸色氣墊粉底的遮瑕度真的很優秀，輕輕拍一層就能遮蓋住我臉上的泛紅和小瑕疵，黑眼圈和痘疤也能修飾得很好，而且不會有厚重的妝感。 妝效是帶有光澤感的，讓皮膚看起來很透亮，不會過於霧面或油光滿面，呈現一種很自然的健康光澤。它的一大優點是不易暗沉，持妝一整天，不會像有些氣墊粉餅一樣，到了下午就氧化變暗。 我選擇的是22號色，非常適合我的中間膚色，不像一般韓國氣墊粉底選擇只有21號或23號，常常不是太白就是太深。另一個貼心的小設計是它盒中的內蓋有一個mix & touch凹凸紋理的區域，沾取粉底後的粉撲可以先在這個區域印一印，讓粉底在粉撲上分布得更均勻，這樣上妝會更服貼，也能避免一次沾取太多粉底造成妝感厚重。 持久度方面，即使在熱天，帶妝一整天也不會覺得暗沉或脫妝嚴重，稍微用面紙壓一下就能恢復清爽。這款韓國化妝師出品的氣墊粉底真的令人有驚喜，會想再試試另外款式💖 #我的崇光感謝祭必買氣墊粉餅

Jasmine Yuen好用推薦：透薄粉底遮瑕能力比較低，我覺得好似似係有色既防曬，如果皮膚無乜瑕疵用係ok的，但防曬系數低只有spf10，夏天來講個防曬唔夠強，所以不太推薦

choichoi好用推薦：沒有特別驚艷，算是品牌中相對令我失望的產品，有點透薄過頭（汗），而且遮瑕度屬一般般

940727.0好用推薦：依款粉餅搽完吾會好厚粉，有一定嘅遮暇程度，但又唔會好死白。仲有防曬20+++，方便快速完成底妝。

Raquel好用推薦：油性皮膚用左佢 唔洗一個鐘已經出油 cushion base係幾得意，因為得佢先有 但真係好麻麻 防曬度數又低 一盒15g用得4星期左右 （ 日日用既話）

zanilia好用推薦：氣墊型方便補妝 紫色個款去黃效果好好，但偏白，同需要定妝

missp好用推薦：普普通通🤷‍♀️🤷‍♀️ 我個盒係100PK 除左一盒有哂4樣野好方便之外，其實無乜特別🤷‍♀️ 粉質係幾好，幾滑，胭脂顏色都幾靚幾自然😌 但整體黎講顯色度太低 無論胭脂，光影定陰影 搽左都好似無搽咁，除非真係搽好多好多😂 同埋持久度都麻麻，唔太推介

LPM好用推薦：基本上配色係唔會中伏 粉質中等 易blend 枝掃唔差 帶出街/travelling好方便 不過佢又無好outstanding 如果有時間會揀其他產品 妝感會再靚d

ffffflora好用推薦：哩字唇膏包裝好簡約好靚 我揀嘅系BE322號色 上手嘅顏色似焦糖奶茶 質地較cream好推 唔會乾 質感濕潤 上嘴望落好水潤 揀左好耐先揀到哩隻色 太多色揀喇~^^之後會再買其他色

YolandaAuYeung好用推薦：Fasio這個化妝品牌一向質素有保證，於是在云云品牌中，也買了它的唇部產品試！ 唇膏質地絲滑，能輕易均勻上色，塗一層顯色度已十分高，並帶有自然光澤，增加唇部立體感，效果能媲美較昂貴的專櫃品牌啊！

Noel好用推薦：大學時間入手過一枝 Clinique even better 粉底液，因為價格相對專櫃便宜，加上當時皮膚不穩定，自自然然地選上了 Clinique❗記憶中它是一枝很好推的粉底，延展性良好，用海綿也可以推到很薄（當時還未興美妝蛋呢！）喜歡它輕透之餘，又能遮到痘印👍 ✔ 抗敏感 ✔ 高遮瑕 ✔ Lightweight

Fng好用推薦：givenchy 四格蜜粉 可提亮膚色 同埋質感絲滑，令皮膚望落去毛孔隱形🥰， 控油同保濕都表現中等， 跟盒嗰個化妝掃就好拮面， 唔知點解咁劣質🤐。

KDing好用推薦：粉質都幾幼細 不過我覺得碎粉版本會最溝粉多D 粉餅就要焗住用掃無咁方便

橘子貓好用推薦：因為包裝吸引而購入的，四個正方小格拼而大正方的胭脂，一盒雙色，連同羊毛掃，小巧精緻，方便攜帶。 #04 Rite，驟眼一望似只得一色，其實是兩個相似的少女粉嫩色，一邊偏暖橘，一邊偏冷粉。因為偏粉嫩的胭脂色我習慣薄薄地上一層，所以我會將兩色混合使用，十分顯氣色。 限量色 #10，我叫它為「蕃茄炒蛋色」，橘紅那邊十分顯色，完完全全是元氣橙色；黃色那邊是腮黃，帶閃，不太能單獨使用。這個色號不單能作胭脂，當眼影也十分可以，手指上色顯色度極高。 胭脂摸着質地不粉感，上到臉頰有點偏似胭脂膏，能很好「巴」在皮膚上，相對來說持久度高，但較難暈染，對新手來說未必太友好，建議用掃少量多次慢慢上臉。 最大敗筆是盒內的胭脂掃，掃毛是羊毛的，帶一股騷味之餘，還扎臉。

Circlecyy20好用推薦：造型幾靚 包裝設計好特別 但係 用上臉唔覺得好特別 唔算粉質特別好 或顯氣色

Fng好用推薦：BE286 米白色，用嚟畫 臥蠶 啱啱好，粉質幼細，少少打亮效果，妝效自然， 不會浮誇。

Lumi Kwan好用推薦：反向用，啡色用光位橙色用暗位，係有種玩味感。不過色系唔算出，勝左夠平，亦中意呢款冇閃粉

Circlecyy20好用推薦：這款addition的唇膏 是011號色 對黃皮友好 因為唇色較淡 所以一旦上偏紅一點點會顯誇張 但這些不會顯得浮誇 反而薄薄一層對提亮氣息很好 除下口罩後 每天日常都需要唇膏 而外出旅行用的唇膏更不能用一些易出錯的顏色 這款則是剛剛好 恰到好處 #出國必備彩妝

Noel好用推薦：購買主因，當然因為有 Brown 🧡 Blush cushion 相對平時的 Foundation cushion 細盒，顯得非常可愛❣ 連氣墊粉撲也縮小了，超可愛~ 由於使用氣墊粉型式，胭脂能夠拍到很薄，如果想加強血色感，亦可以透過堆疊增加 pigmentation。 色號：PK 01 🍊 珊瑚橘色 顯色 🌟🌟🌟🌟🌟🌟 持久 🌟🌟🌟🌟🌟 包裝 🌟🌟🌟🌟🌟🌟🌟 價格 🌟🌟🌟🌟

yntynt好用推薦：包裝做得精緻，個人皮膚比較黑所以要用多幾次先顯色

Noel好用推薦：這個膏狀眼影，質感超得意，在 counter 多手摸過後，就很難忘記。因此，翻轉頭就購買了最喜歡的紫色💜 #Wishful Thinking 深紫色間淡淡銀紫色，帶有大量閃粉，非常適合節日，或者 full glam 晚妝❣ 眼影觸感柔軟，比較 colourpop 眼影膏更軟更滑，沒有粗糙感覺。而且顯色度高，顏色略暗，有效加深眼部輪廓。加上，產品非常貼服➕持久，整天帶妝 ok，又沒有暈染到下眼👍 雖然眼影係膏狀，但是不會很濕潤，不會在眼皮造成積線😍 整體使用感受良好，而且包裝高檔，黑色玻璃小瓶，配上閃粉蓋子，很美💕 唯獨價錢比較貴，這個預算可以購買其他品牌的多色眼影盤了~

Tiffany好用推薦：眼影膏包裝好閃閃閃，好引人眼球。眼影比較閃，要自己花心思去配色，不太日常，新手易失手。

Fng好用推薦：PK 01 牛奶粉色， 透薄，要上多幾層先至顯色， 妝感自然， 缺點係有啲飛粉。

KDing好用推薦：其實係平價嘅胭脂用落嚟粉質算幼細，但係話又好特別嘅感覺又唔算，都係日常妝用

royu3好用推薦：使用方便，我購入的是綠色，專門針對紅點、痘印及泛紅問題。由於是CC質地，所以比較透薄。 先輕輕用將遮瑕液點在需要修飾的地方，在用指尖/遮瑕掃暈開。 遮蓋前遮蓋後可見手上原有的紅點有變淡，遮瑕力還不錯。是CP值高的一款開架遮瑕產品👍🏻

mandy好用推薦：Paul & Joe Lip Gloss G 亮光唇彩 將會推出新版, 改版意味著如果有喜歡的色號要快點入手, 否則就會停產。 亮光唇彩 的滋潤度很不錯, 而且可以令唇部散發光澤、水潤感 及 透明感。 我常覺得比起唇膏, 只有唇彩才有減齡功能, 所以很愛用唇彩。 我是乘著Paul & Joe近期減價收了兩款家中沒有的色號。 亮光唇彩#10 GLACE 這款是透明唇蜜, 可以疊擦在唇膏之上。 如果大家覺得用慣的唇膏有點單調, 可以嘗試疊擦唇蜜在唇膏之上。 這樣做可以改變唇膏的質感, 具有豐唇的效果及營造玻璃唇的效果。 可是, 疊擦的唇蜜如果是帶顏色, 那就會改變唇膏的顏色。 如果想保留唇膏的顏色, 就要疊擦透明唇蜜。 上圖就是在紅色唇膏上疊擦亮光唇彩#10 GLACE 的效果, 增加了光澤、透明感 及 令唇部更顯豐滿, 而且唇妝呈現出單用唇膏不能營造的休閒好接近氣息。 亮光唇彩#09 ANTIQUITY 我很喜歡這個特別的色號, 顯色其實一點都不深色, 帶很美麗自然的閃粉, 富光澤及透明感。 用來化日妝很不錯~

Chi好用推薦：有點黏，會痴頭髮 淡淡地嘅一層色彩，唔會完全覆蓋原有唇色 光澤感幾靚，可以有玻璃唇既感覺 唔搞佢嘅話，水亮感都hold到幾耐下，但食完野就會完全唔見晒 有淡淡地既香味，塗完一陣就會散走 入面係唇掃，新嘅時候都幾硬下，要整到佢軟身先好用 呢個價錢我覺得有更多更好嘅選擇...應該就唔會買啦 不過個包裝幾靚XD 我有既係07號，橙色，夏天用都唔錯