遮瑕力 推薦好用產品

freezingheart27好用推薦： 這次是自費試的氣墊，一直都很想試這款，選擇的色號是light plus 看過一些評測它是會比平常用的氣墊偏白，但色號感覺上有點難選，一來是不多色號，二來是如果怕暗沉又要選白一點，但一出來可能就會變更白，最後選了個比較多人選的色號試下。 包裝跟其他氣墊差別不大 粉撲是會比較吸粉的類型，所以不好一下沾太多，但厚薄度手感不錯本身是混合性膚質，春夏天泛油，秋冬偏乾 有暗瘡印、色斑、毛孔粗大嘅問題 左面是已上粉底，右面是素顏 遮瑕度約七成，上了一層明顯白了一度 所以如果需要上碎粉，請盡量選擇透明 感覺遮毛孔效果不錯，但鼻頭易積白芝麻 如果毛孔粗的請使用可遮毛孔的primer此款看來不太適合我，色號配合上有點困難，但仍推薦皮膚較白嘅女生 最後謝謝大家看完

wintonggg好用推薦：個人覺得lightful係mac最保濕嘅底妝系列，氣墊出街補妝好方便，同埋個墊都幾好用，不過個人覺得佢暗沉得比較快，同埋一直都覺得mac嘅粉底液好似有D偏黃，除左D好白嘅色號例如N12，所以可能要買白一兩個色以防佢氧化暗沉，保濕度同其他大牌氣墊差唔多，不過性價比應該係大牌入邊比較高嘅一款，可以入手

sunny好用推薦：年輕時候被推銷，售貨員推薦時覺得遮黑眼圈十分強勁，但是用了一陣就已經自己用不好，用了太！多！年！ 就算用不同手法也覺得化妝時時間太長和厚重，最後和買錯了的淺色Cusion融合了，不希望太浪費。

Anna好用推薦：用手指溫度融化遮瑕膏先攞到出黎，遮瑕力唔錯，但系比較難推，同埋少少顯眼底乾紋

royu3好用推薦：很喜歡IPSA 的護膚品，沒想到連底妝產品都做得很出色，成為了我一年四季都愛用的粉底液👍🏻我使用的色號為100。 這枝極致透光粉底液的伸展性高，妝感非常透薄，貼服到好像本來的皮膚一樣❗️而且持久度很不錯，即使外出大半天，完全沒有斑駁的問題，亦沒有出現妝感氧化變暗的情況⭕️ 下圖為前後對比，妝感透薄，相對遮瑕度一般，有痘印的話需要額外重點遮瑕。上妝後令皮膚看上去很有健康活力，在蘋果肌、鼻樑的位置自帶光澤感，非常透亮🌟適合本來皮膚沒大瑕疵、或喜歡淡雅清新妝容的女生。 不過它的質感相對較為清爽，春、夏季使用是很剛好的；但秋冬較乾燥的天氣使用時會顯乾紋❌乾肌上妝前一定要做好補濕，或建議配合同系列的護膚油使用。

crystalhm好用推薦：膚質：乾燥混合肌、輕微敏感 差唔多用哂成支，呢支除左冬天最乾燥既時間用會唔貼之外，其他日子用都好適合。我除左冬天既日子都會用佢，佢係有種second skin的感覺，單上一層已經好自然同精神左，而且會有自然光澤感。上面大約coverage 6成左右，黑眼圈/深的暗瘡印唔會遮得太多，但紅印同均勻膚色係可以的，用掃/手/海綿上都ok，都易推的，唔夠遮瑕度可以再疊加1～2層！平時我會配合碎粉用，上面大約6小時後鼻同面頰會有少少油，但印一印妝感都仲係度，唔會甩太多，基本上唔係出太多汗既話，全日唔補妝都可以，溶妝都唔會核突，會有奶油肌感覺，沒有氧化情況～ 而且我皮膚比較敏感，用超過12小時都唔會刺激到生暗瘡。 但毛孔粗大者要留意，我覺得佢唔太遮毛孔的，溶的時候仲會溶落毛孔度，有白點點咁樣... 甩皮時亦會更顯乾，乾性皮膚做好保濕打底就可以！皮膚比較凹凸的可能需要多少少時間推開，佢近似lotion狀但未至於非常流質。 色調來講佢都係適合亞洲人，我用100色號，比較黃調，上面好自然，一般香港女仔膚色都一定有個色號岩你。 總括來講佢都係一支幾中性的粉底液，上面方法都唔難，可用季節算多，而且價錢都

mandy好用推薦：PAUL & JOE SETTING POWDER 柔光素肌定妝粉餅 Refill $280, Case $120 使用色號#02 Beige 化底妝只需先以糖瓷絲潤隔離乳為肌膚打底，再用柔光素肌定妝粉餅輕輕上妝，只需兩步即完成底妝，夠曬方便快捷簡單，新手也可輕易成功上底妝。 柔光素肌定妝粉餅共有2色，分別是01 clear 提亮膚色 及02 Beige 明亮健康膚色。 柔光素肌定妝粉餅的完妝效果跟其他市面上的粉餅大不同，柔光素肌定妝粉餅的完妝效果是非常清透自然的底妝，是會讓人以為沒上妝的偽素顏！ 我很喜歡柔光素肌定妝粉餅的質地，極之柔滑細緻親膚，令肌膚觸感變得比平時更嫩滑，如果被親面頰，應該會以為是天生的膚質好！ 完妝效果令人驚豔，有自然的柔焦提亮調色效果及稍為修飾毛孔，肌膚彷如天生自帶自然光澤及透明感，遮瑕度不高，但就是舒適透氣，妝感在粉餅界別中算是最透薄自然，讓人誤以為膚質本身很好很健康，而且持久度也不錯。 有這樣幫助自然美肌的粉餅，可帶出街隨時上妝補妝，有一個在手真方便。非常建議約會使用柔光素肌定妝粉餅，男生都很愛自然淡妝的呢！ 喜歡自然光澤健康肌膚的靚靚

Gtam 好用推薦：柔光素肌定妝粉餅的控油能力非常出色🔥可以有效地吸收面部多餘的油脂，讓肌膚保持清爽🌬️乾爽的狀態，並且能夠長時間保持妝容的完美狀態😻 除了控油🌝效果，柔光素肌定妝粉餅還有其他優點。首先是它的質地細膩🧏🏻‍♀️非常容易上妝💆🏼‍♀️只需要輕輕一掃，就可以均勻地覆蓋整個面部，讓肌膚看起來更加光滑、細緻。其次，這款粉餅還具有遮瑕能力👍🏻可以有效地遮蓋面部的瑕疵和暗沉🌗，讓妝容更加完美。

Circlecyy20好用推薦：遮瑕度都幾高 基本上上一d微絲血管或者暗沉都遮曬 係妝感會略顯厚左少少

wintonggg好用推薦：遮瑕度唔錯，水潤度中規中矩，厚重左小小，唔夠薄身，但係都幾帖服

beanya好用推薦：輕輕一抹就遮到毛孔，遮瑕度高，價錢亦都好平，不過好快乾，亦有少少難落。

inkitsung好用推薦：色號16，偏白～ 價錢平，遮瑕度亦明顯較高～ 但始終保濕力不太足夠，較適合油肌痘痘肌

kameari好用推薦：質地雖然唔太厚身，但都係有啲焗會出痘痘，色澤上有少少深不夠貼個肌膚，而且油肌會出更多油。

可好用推薦：此BB霜質地比較偏向乳液狀，擁有一定的流動性，推開後感覺乾爽不油膩，有乳化成粉的感覺，就算不使用定妝產品亦可以持妝三至四小時。此產品的一大優點是防曬力度十分足夠，單獨使用此產品前往戶外活動亦沒有曬黑的情況！ 妝感比較偏向霧面，但出油後會出現卡粉的狀況，需要比較注意補妝的問題。同時，塗上後比較偏向自然妝效，液體比較偏向肉粉色，有白裏透紅，自然提亮的效果，但遮瑕力大概只有三至四成，對於眼周暗沉以及痘印都沒法完全遮蓋，需要搭配其他遮瑕產品，才可以完成比較完整的遮瑕力，比較適合喜歡自然妝感的人。

Bear好用推薦：日本旅行購買的Kate 1號半月粉餅～ 很。好。用。 身為化妝新手，以前只用過雪花秀的粉餅。 這個半白色半膚色的粉餅除了可以均勻沾上上臉以外，還可以沾取其中一個顏色作出仔細修改（例如眼睛下方想要再提亮一點）。 我最愛的地方是它顏色其實不是其他品牌使用的基本膚色，而是淡淡偏粉紅的色調。變成化妝後不單單遮暇，連臉色都健康紅潤了！

Jasmine Yuen好用推薦：當年呢個牌子好出名，眼影， 指甲油，粉底都有好多，剛出黎工作唔多budget 呢個牌子啲product 性價比高，入門必備。 ✅️使用後,肌膚水嫩亮澤。 ✅️質地透明不粘膩,遮瑕效果自然。 ✅️持久度好一整天依然自然無瑕。唔會氧化變灰變暗

choichoi好用推薦：我既第一支遮瑕產品🤘🏻 當時品牌嘅遮瑕膏同埋胭脂都好出名 佢係吱吱頭 分量對於新手既我來講相當易控制 我主要用嚟遮黑眼圈 因為唔算重度熊貓眼所以輕易就遮蓋到 連本身有啲帶紅嘅痘痘都可以遮到 所以遮瑕度唔成問題 質地偏水潤，唔易有厚粉感覺 上眼之後亦唔會易乾同顯眼紋 持久同貼服度亦唔錯 顏色選擇亦唔少 就算而家都會願意再回購

wintonggg好用推薦：比較水潤嘅質地，tune色都唔錯，當遮瑕遮黑眼圈用都quite good

jhope0725好用推薦：平價版嘅眼底遮瑕霜，佢可以話係fancl 嘅入門版，質感差不多，都係偏水潤，而且眼底調色嘅效果亦都相若 平時出街之前，先用佢喺眼底，之後再加一層遮瑕膏，遮眼袋嘅效果特別明顯，自然咁去除咗眼底下面嘅灰黑色 最重要係佢質感因為夠保濕，唔會好容易顯露眼部嘅乾紋，市面上某啲調色產品，太乾，好容易令到眼袋越遮越明顯，可惜出咗一段時間就冇再返貨，期待佢再有進階版！

Verna好用推薦：這支霜狀遮瑕棒的質地很柔滑，很容易操作，只需要直接在要遮瑕的地方點一點，再用手指暈開邊緣就可以 它的顏色和我的膚色很配合，遮瑕度也不錯，暈開後，面上的瑕疵完全被遮蓋，隱形了 而且它的價錢十分親民，性價比高👍

Milo101好用推薦：偏膏狀的遮暇筆，直接塗在臉上會比較難塗得均勻，通常都會用手指再印開，價格較便宜

jovyjosie好用推薦：這是我用過最好用的粉底液！透薄，滋潤，遮瑕度高，延展性十分好！圖中少少份量，輕輕一抹，就能遮掉手上九成的瑕疵。這瓶是我從日本藥妝店購入的，下次絕對會再回購！妝感啞緻，最適合秋冬裝容💗 #秋冬愛用美妝

Yin_sharing好用推薦：較為滋潤，用完膚色有少許提亮，但我覺得唔多keep到妝容，反而太潤，過咗半日連粉底妝都浮起晒。要真係好乾皮膚用先ok，或者要用好少好薄好薄一層先好啲。

Yan好用推薦：每日用，一支都可以用好耐，所以其實都幾抵用。 我會直接將佢溝隔離霜，少少遮瑕，然後用化妝蛋上妝。因為佢本身都有調色效果，搽完塊面會白咗一度，所以如果再加粉底會好厚妝。相反，我淨係搽佢加少少遮瑕，上妝效果更加透亮同自然。 質地方面，佢都算幾水潤，淨係搽佢唔會有浮妝問題，之後再加上遮瑕都唔會太kick。我覺得佢都幾適合好乾嘅皮膚用！

Noel好用推薦：Iope 氣墊粉紅極一時，這個又是一個失心瘋購買回來，像閒置品🤣 氣墊粉本身不錯，遮瑕度七成，soft matte finish 不會乾，防曬系數盡顯誠意❗而且粉底本身的香氣舒服，沒有大問題。整體不過不失，沒有買的靚靚不用感可惜，如果打算入手，建議可大步跨過～ 粉底的持久度本身可以接受，但是因為帶囗罩，令 transfer 問題嚴重，除囗罩的話鼻和面會甩粉甩到一間間，頗為困擾🤨 用多幾次就變了閒置品，沒有多大動力用😅

格仔餅公主好用推薦：岩哂鍾意裸肌妝感既sis，好自然又順便均勻到肌膚既顏色，佢遮瑕唔太勁會留返少少自然感，所以化開濃妝既人可能唔岩心水

Angie好用推薦：因為個包裝而買嘅🤭用落感覺一般般，有少少焗，唔適合春夏天使用，秋冬用還可以接受

sscxy好用推薦：當初因為多啦A夢外殼先至買既氣墊，遮瑕度不錯，滋潤度亦可以，唔會太笠，妝感亦都唔會太假

Candy Ng好用推薦：遮瑕程度都幾高。 不過，如果你係乾肌的人士使用，就要小心。佢的質地偏乾，用佢之前保濕效果要做得好足，先可以令妝容睇上去自然。

Angie好用推薦：配合遮瑕掃用會比較好，如果唔係有啲難推，同埋本身質地都偏乾，唔建議冬天使用

lingbb好用推薦： 一物多用通常都好吸晴，呢款有哂提亮同遮瑕令人心動。而且可單獨使用或在粉底後使用。👍🏻👍🏻 但使用方面對我黎講有難度🧐 遮瑕質地係厚身d而且唔算好乾， 但用手blend我覺得有d難遮，需要用掃先易遮到紅印， 提亮既質地明顯薄好多， - 係遮瑕咗既位置上提亮要非常小心，好易會推走遮瑕 - 使用完後，覺得試用品比起筆會更加方便，因為有哂幾隻顏色，可以適合唔同顏色既瘡同印， - 而且想像到用筆直接上遮瑕會好難使用，因筆頭比較圓，最後都係用手指或掃上。 - 而提亮方面比較適合好暗沈既瘡用，但使用上都非常困難。 - 所以我遮完應該唔會再疊加提亮， 提亮會用係我自己喜歡既地方如Ｔ字位﹑眼底﹑咀角位置。 - 另外呢款遮瑕遮唔到較凸起既瘡位，質地係好滑身但遮瑕度唔算好高，如果係細微瑕疵如雀斑會比較易遮。整體而言唔會入購了。

Hazel好用推薦：鍾意佢雙頭筆型嘅設計，結合遮瑕同提亮於一身，簡單一掃即時遮住黑眼圈、色斑、痘印同埋毛孔等瑕疵。同時又可以提亮膚色、突出眼部輪廓，眼周即刻回復立體飽滿。

zetalhc好用推薦：呢個粉底遮蓋瑕疵同毛孔嘅效果好好，而且成份控油好適合油性皮膚或者夏天用，持久力都唔錯，搽咗蜜粉出門一日都唔會點脫粉

Noel好用推薦：個人非常喜歡的BB Cream 產品，感覺遮瑕力➕保濕度都剛剛好。而毛孔修飾力係我最欣賞的功效，令毛孔變得收斂不易見❗ 一扭開黑色蓋子，就能夠聞到一陣Anna Sui 產品的優雅香味，早上使用感覺舒暢❣ 我使用的色號係 #02 自然色，比面部皮膚深色了少許，但可以 match 頸項膚色👌 Anna Sui 米色 BB Cream 係霜+啫喱狀質地，具備良好的延展性，用量很省啊🤗 感覺比較韓式 BB Cream 更透薄，自然👍 個人喜歡用手指 / 氣墊粉撲上妝。產品的遮瑕力不俗，塗抹1層大約可以得到6成遮蓋度，重點瑕疵可以堆疊多1層，eg 鼻周泛紅 / 暗瘡印，都可以遮到🤩 妝效方面，使用這個 BB Cream 的妝感自然而偏向霧面 finish。而且產品強調：“吸油”➕“抗汗”，雖然底妝光澤感較為遜色，但持久力及控油效果理想，全日感覺清爽透薄❗ 這枝防曬系數誠意滿滿，SPF50 PA++++。外觀上，只是塑膠管包裝，但都在蓋子上心思做了雕花🌸 唯一，比較容量及價格，會覺得貴了一點~ 遮瑕 🌟🌟🌟🌟🌟🌟 滋潤 🌟🌟🌟🌟🌟 控油 🌟🌟🌟🌟🌟 持久 🌟🌟🌟🌟🌟🌟 毛孔修飾 🌟🌟🌟🌟🌟

Tiffany好用推薦：都幾適合乾肌使用，質地輕又易推，保濕得來，可以條飾毛孔。日常使用都一流。

Jasmine Yuen好用推薦：- 遮蓋力非常強，可以有效地遮盖色斑、痘疤、黑眼圈等。 - 遮瑕膏質地細膩，容易推開。 - 產品具有防水和防汗的特性，可以長時間保持妝容不脫妝。 - 冬天也適合使用，感覺滋潤，即使用眼底遮黑眼圈也不易出乾紋

iliya 好用推薦：呢款遮瑕霜嘅遮法效果都算唔錯，唔需要厚搽都可以遮蓋到痘痘色斑嘅7至8成，但係略嫌有啲乾，要做好皮膚嘅妝前保濕再用會較好效果！🙌🏻