不易脫妝 推薦好用產品

綺羅香好用推薦：之前用過etvos嘅妝前粉感覺可有可無，睇YouTube 話用RW妝前粉會令妝效更加好，就入手其中2個色號試用（一共3個色號），一個亮粉色同另一個金黃色，亮粉色利用調色原理，幫助遮蓋黑眼圈，又或者提亮蠟黃膚色，而金黃色可以修飾泛紅，兩隻色號都可以撫平毛孔同凹凸，平滑肌膚表面，更容易上妝，雖然睇落顏色好似好鮮艷，但用量好少，上面唔會一撻撻顏色，我集中上係鼻頭同鼻翼呢兩個毛孔粗大嘅位置，啲粉填滿哂毛孔，後繼上粉底的確平滑咗好多，唔會因為用太多粉狀產品而出現乾紋卡粉，鼻哥出油都唔會點甩妝，的確非常好用

lucrezianoin好用推薦：性價比非常高計一個產品. 打亮效果好自然但係非常sharp! 只要輕輕搽少少已經好有光澤, 價錢又平, 推薦!

jellybeanyay好用推薦：最愛嘅primer！非常適合乾肌使用！其實佢除咗滋潤之外冇其他特別效果，但正正就係因為我好難搵到一支滋潤嘅primer，用完佢再上粉底真係貼好多，特別乾嘅位置可以上多薄薄一層，咁就算出全日街後都唔會卡粉

kwankwan好用推薦：Gel狀質地幾舒服！有控油效果，令眼狀持久一點！有少許香味，不錯！

lucrezianoin好用推薦：好好用嘅一個產品! 唔知點解聞落好香XD 好容易推開, 搽咗之後感覺毛孔細咗好多! 呢個價錢值得購買!

kakawong525好用推薦：我買嘅色號已經係最淺色，但都偏粉徧紅。 敏感肌嘅我，試過佢另一個系列都唔會生痘痘。 但用呢枝就敏感， 妝感偏厚重，遮瑕足，唯一好處就係夠潤， 唔卡粉，但呢個系列用過幾次就無用過了。感到失望

KumaXKuma好用推薦：個人認為不適合乾性皮膚的sis, 我是乾到出油的皮膚，用左佢出油更勁😨 到左中午會變暗左，買過一次就夠了

iliya 好用推薦：呢款蜜粉用完之後可以遮蔽毛孔，但係可能含清酒成份嘅原因，所以有啲吉吉面嘅感覺🤦🏻‍♀️

wingshan1124好用推薦：味道好香，啲粉都幾細，可惜唔岩我皮膚，用完會痕

mandy好用推薦：STAY FLAWLESS 15 HOUR PRIMER   STICK 狀的妝前底霜, 有少少硬身, 可是推開後的質感與 THE PORE FESSIONAL   相似, 皮膚立即幼滑啞緻, 亦使妝效更持久。

粉紅寶寶好用推薦：以前初推出時，作為Benefit忠實用家，馬上購買了，不料之後竟然一波三折。 首先是很難用，向一個方向塗上後，是乾實得不可能抹開的，變相會塗得得不均勻；然後再上粉底時，又要注意必須全面向外以同一方向抹，不可翻手不可來回，也不能打圈或重複塗抹，否則會馬上出現擦膠碎。而這個使用方式，更是由Benefit店員教的，因為我用了兩次後根本無法好好上粉，結果要回店裏向職員求助。 根本是超級難用，但更離譜的是，因為很難用，所以用了數次後就沒有再用，過了幾星期拿出來再試，整支棒直接斷掉！於是拿回到了Benefit，經過相討後幫我做了更換，但因為實在太難用了，包裝盒都沒拆，放在化妝箱底一個月。 終於決定再給它一次機會，但一打開，竟然長滿了白色霉點！最後又是一輪磋商後，換成了別的產品。 完全不推薦，非常難用，品質不知道是甚麼問題，反正一定是我用過Benefit最差的產品。

winnie好用推薦：喺鋪頭試過其他粉底未及心意.. 有職員過黎sell我呢隻粉底..幾貼近膚色.. 膽粗粗買左黎試..🤣🤣🤣 一用愛上...我只係查遮瑕同粉底就可以出街... 堅正...雖然價錢對於我黎講少貴..😂😂😂 但值得擁有👍👍👍

Aivlys好用推薦：構思好新穎， 嘗試將粉紅色嘅打亮液同氣墊粉底融合， 但實際上並唔容易做到， 因為每次沾粉都好難避開氣墊中心嘅S形打亮液， 或者避開粉底剩係沾打亮液， 所以都係乖乖將兩者融合使用～ 貼服度、遮瑕度、持久度都有中上水平， 對當時仲係氣墊新手嘅我嚟講亦容易上手。 最大缺點係色號選擇太少， 一般白肌都只可以用自然色否則就會太白， 可以一試但唔特別推薦。

lucrezianoin好用推薦：呢個product適合春天夏天使用, 因為控油能力幾好, 持久得黎可以減少面上泛油嘅情況! 不過質地偏乾, 冬天就唔太推薦.

choichoi好用推薦：很喜歡它帶甜味的香氣，能修飾肌膚看上去平滑點，比想像中驚喜

tiffwy_好用推薦：有淡淡的香味而且都大盒, 是有顏色的粉底?定妝粉 可以定妝同抗油,而且最後再多修飾一下 如果膚況還可以的話,只上這個都行

LorraineTsung好用推薦：好用還好用...但個設計就真係唔係幾好🤦🏻‍♀️ (唔知係我呢個問題定大家都係咁) 佢會經常性流出黎🤷🏻‍♀️搞到成個盒都係🤦🏻‍♀️ . 講下佢好用之處先👍🏻 首先喇佢有抗氧化同能夠阻擋花粉🌸對皮膚既傷害👍🏻而且不包含"防腐劑,滑石劑"敏感肌膚都用得👆🏻 搽上面既感覺好貼服同唔會覺得好厚咁(我既皮膚偏乾同比較易敏感) 而且持久度都好好,有時仲可以hold 到大半日都無問題👏🏻 佢既容量雖然有20g但成日都流出黎就真係扣分👎🏻 . 分左2隻色 有金色既 "自然" 同 相中既 粉紅色 "遮暇" 咁我都係因為外觀問題所以先買粉紅色😛 如果皮膚唔係特別太多紅印要遮既其實金色都已經好足夠👌🏻

Noel好用推薦：由於每次 Flowfushi 推出新品，都會帶來搶購熱潮，這個日系 Cushion 底妝就自然成為話題❗因此，就心思思買了粉色盒的 Cover Cushion，一方面因為外貌協會作怪，另一方面就係對高 coverage 的追求❣ 作為日本第一款 Cushion，我很欣賞粉撲的設計，尖頭的水滴型，有助內眼角和鼻翼上妝👍 粉底水潤，乾肌使用沒有負擔~ 而遮瑕力方面，應該有 5成，可以堆疊到7成，只能說日系妝容中偏高遮瑕力。 色選方面，無論 Natural Cushion 或者 Cover Cushion 都有兩個色號； #01 皮膚很白的朋友可用 及 #02 一般黃皮膚朋友。色選少，而且未必適合健康膚色的朋友~ 加上，香港天氣炎熱潮濕，夏天使用 Flowfushi Cushion 容易溶妝。全面拍上底妝後，感覺很滋潤，不過看上去，有點油油膩膩的，效果不靚，要快快上定妝粉🤣 比較建議秋冬天使用，充分利用它的水潤效果，但也要記得上乾粉。 由於購買後，想做底妝測試，結果很災難… 不是面部或者妝容出事，而係隨身物品遭殃了… Cushion 單價較高，但包裝盒實在有點馬虎😔 雖然蓋好了才放到手

Noel好用推薦：由於愛上 Perfect One 的 BB霜，就順道購買了 CC Cream❣ 同樣地，色號也是 #Natural。白色軟管支支包裝，配上玫瑰金色蓋子，共含 25g產品。 產品用量很省，大約一顆黃豆左右，就可以塗完全面👍 產品水感滋潤，有少許流動性。上妝過程有點像在面上推開乳霜，延展性佳❤️ 使用時，沒有難聞的味道❗ 修飾面部方面，毛孔修飾力達到中上，遮瑕力大約3成。而產品非常貼服，緊緊貼合皮膚，但沒有卡到紋理之中，大愛❗上完 CC Cream，面部看上去很清透，自然💕 瑕遮略略減少，有點偽素肌妝容😍 如果假日不想化全妝，我會選用這枝 CC Cream，具有少量遮瑕力，又能調整膚色不均👍 感覺 lightweight 又滋潤皮膚❣ Perfect One CC Cream 無添加香料及防腐劑，使用時非常安心。加上產品防曬系數足夠 SPF30 PA+++，塗完防曬再用 BB霜就萬無一失👍

Littlemon好用推薦：萬年回購單品，好好用！我鍾意佢上完個妝好貼，輕，薄得黎又有一定遮暇力。前幾日消委會指市面上得六款air cushion係唔含致癌成份，呢款係其中一款，更加令我繼續鍾意佢😍后另外有出粉底液，遮暇力更強，如果需要遮多d可以揀果款。而扣一分係因為佢得兩隻色，未必個個人都岩。

chengcheng好用推薦：好用 遮瑕道好 夠保濕 唔乾 ，會再回購

lucrezianoin好用推薦：用咗之後啲毛孔唔見咗XD 凹凹凸凸冇曬! 而且唔乾燥, 令到個妝貼服咗好多. 平靚正!

PCT好用推薦：以前冇習慣用妝前乳液，並唔覺得有咩特別。直至收到cle de peau呢支乳液🧴先發覺係需要用嘅。 用前搖一搖，擠出嚟係淡粉紅色偏液體狀。 *敏感肌嘅朋友要留意喔，乳滾帶微微酒精味。 上臉容易推開，感覺好快吸收左唔油膩，我個人比較喜歡佢冇調整膚色嘅效果，用完之後就可以上粉底液等化妝品。 試過做幾次對比，搽咗呢支妝前乳液打底後，可以令整個妝冇咁容易出油，底妝可以keep得耐啲，大約能夠持續6-7小時，過後輕輕用紙巾印走面油，妝容依然保持8成左右。 特別係戴口罩嘅情況下，用咗同同未用嘅效果，係除口罩嘅時候就更明顯，冇用的話口罩上鼻梁、下巴位會hi甩晒啲粉底。

lucrezianoin好用推薦：係台灣買一支foundation加埋支掃都唔使$100超抵! 買左OC10, 質地有啲似精華咁比較稀, 好容易推開, 而且好保濕唔會有碎碎! 推薦!

mandy好用推薦：WHOMEE Multi Glowstick                                                                     $160 這枝集眼影、胭脂 及 唇色於一身, 是名副其實的 多用途彩妝棒。 而某些色號 則可作 highlight。 質感柔滑又易用, 是受到注目的皇牌產品~   #Mabu 作為蕃茄紅色的 多用途彩妝棒, 可同時用作 眼影、胭脂 及 唇色, 極為方便。 能即時化出迷人具血色感的 清新妝容。 柔和自然、剛剛好的顯色, 亦令蕃茄紅變得更易carry。 是初次使用也能不失敗的 蕃茄紅色彩妝品~ #Sister 這個是比較少日系開架品牌推出的  多用途彩妝棒, 而帶少許閃的 粉紫色就更少見。 此色號 可同時用作 眼影、胭脂 及 唇色。 由於是較柔和的粉系又富透明感, 所以很自然顯色不會難用。 比較喜愛用作 眼影及胭脂。 因為唇部如果單用 粉紫色, 總覺得有點不夠血色。 於是, 我在粉紫之上再疊上 Nude Pink 來減少蒼白感。 #brother 可用作具透明感的米色Highlight。 自然的顯

shirleywong好用推薦："GIVENCHY高級訂製恆久粉底液" 能打造出自然🌾輕薄的妝容 ，而且均勻膚色的效果😍非常好，能為肌膚提亮✨及有一定遮瑕度 ，如果冇遮瑕膏在手🙌，直接用粉底液遮眼圈👀也可以 ，而且本人T字位比較易出油， 所以會配合控油底霜一起用，令持妝效果更好💯。 這支粉底液可徹底緊貼肌膚，修飾毛孔、🌞色斑等瑕疵，締造✌第二層的👑完美肌膚， 💝簡直係—支完美粉底液。 👍是—支😘值得推薦🌠的粉底液！

lucrezianoin好用推薦：好細緻嘅霜狀質地, 唔係非常顯色但係好自然, 可以令到妝容更立體. 不過價錢有啲貴, 同樣價錢有其他更好嘅選擇.