Nicnic好用推薦：Nars 嘅眼影不嬲都唔錯，今次個色號係TAJ MAHAL，包括閃爍金黃色、閃爍淺桃色、帶金粉的亮橙色、啞緻紫紅色（根據官網資料） 顯色度：四隻色有三隻色都好顯色，好smooth，除咗隻啞緻紫紅色🥲，我swatch 嗰陣啲粉上哂手指，但係上唔到手臂，會一Patpat 咁。上眼都有同一個問題，如果想用隻紫紅色做主色調，但係難上色之餘仲好難blend 開，個眼妝烏烏糟糟咁。 有閃粉嘅其餘三隻色表現不錯，閃爍淺桃色🍑，夠滑，夠顯色，打底冇問題，佢個閃爍只係暗閃，啲閃唔算太有存在感。 帶金粉的亮橙色🍊，佢個橙色好適合夏天，有種橙冰嘅感覺，容易blend，上色冇問題，我自己內雙會加個深啡色消腫，如果單用會顯得腫腫的。 閃爍金黃色✨，呢隻勁靚，夠閃，但係如果加埋隻亮橙色會比較浮誇，所以都少用。 持久度：4/5 妝感：用得呢盒眼影盤，就預咗係閃閃的。 閃粉：✅ 禁忌症：唔啱鍾意日常妝嘅女子，喜歡明顯妝感同閃閃嘅女子可以考慮考慮。✨ 回購：❌

JL好用推薦：我買的NARS四色眼影的色號是ORGASM，很喜歡NARS的包裝，簡約型格，而且眼影粉質幼細、顯色度高，我分別試過用眼影掃或手指上眼影，用掃能造出很美的層次，用手指則可輕易把眼影塗得貼服！第二幅圖片為我在百貨公司優惠日購買時的贈品，非常可愛的迷你妝品！

Fng好用推薦：Shu Uemura植村秀無色限聚光豐潤唇膏 -＃LS RD 163， 它富光澤感，有半透明感覺，質地超水潤，適合冬天、嘴唇偏乾用。上嘴後是漆光感，正紅很顯白， 妝感較強。

beanya好用推薦：唇膏本身好潤，有時冇搽潤唇膏打底都唔會乾，或者出哂紋，而色都keep 到大半日。

940727.0好用推薦：第一次用MAC唇彩💄，好靚又顯色。最重要吾顯老。又多顏色揀，而且好持久。👍🏻

格仔餅公主好用推薦：價錢幾化算抵玩，出黎好實色同做到豐唇效果，本身都有乾唇紋但淨係用佢都唔會顯乾顯紋

Fng好用推薦：鼠尾草味道很好聞，有柔和木質嘅芳香， 同埋留香效果持久，缺點價錢偏貴。

lingbb好用推薦：- 唔係講笑，呢款洗頭水係我用過最香使用感好高分既洗頭水♥️ - 質感係厚身但流動性高既水狀 - 沖水有超多泡泡，有好fresh既香味。 - 我睇返成份，青檸、羅勒以外仲有檸檬香蜂草、洋甘菊巴精華 - 用黎按摩頭皮時成個感覺好似去咗高級salon。 - 頭皮用完變得好乾爽，有蓮鬆感，成個使用感非常好 - 如果果日非常唔想洗頭但又必須要洗頭我會用佢 - 推介俾jo malone粉絲、夏天用☺️ - 雖然佢真係有啲貴。 #清潔好物推介

Heychauchau 好用推薦：以性價比來說，的確是不錯的護髮素，一瓶可以用很長的時間，也不會有難聞的香精味，聞起來有淡淡的清香，有修護髮質的效果，讓後續吹頭髮時能增強保護。

agnessstang好用推薦：Moist Diane除咗Miracle you之外 其他系列嘅洗髮露同護髮素我都用過 呢幾年都係keep住用呢個brand 其實所有系列用落嘅質地同感覺都係差唔多 我自己髮質偏乾同毛燥 漂染過好多次💇🏻‍♀️ 髮量多+甩得多🤣 🖤黑色 深層修護 ➡️ 咁多款入面最潤 keep住用啲頭髮望落有smooth咗 🤍白色 滋潤亮澤️️ ➡️ 冇明顯覺得頭髮有光澤咗 用落同深層修護差唔多 但深層會再潤多少少 我自己使用率最高係呢款 🧡橙啡色 順直柔滑 ➡️ 冇撫平毛燥效果 唯一我冇再回購嘅系列 其他系列都有keep住交替使用 🩵藍綠色 清新水感 ➡️ 洗完明顯感受到比其他系列乾 比較適合夏天/油頭使用☀️ ❤️酒紅色 防脫髮 ➡️ 冇明顯感受到甩少咗頭髮 但夠潤 💙深藍色 夜間修護 ➡️ 近期新出嘅系列 修護感比深層修護高

SUM好用推薦：感謝@Cosme 讓我有機會體驗Scalp-D 「豐盈藥用防脫洗髮露」和「滋潤藥用防脫洗髮露｣。因為最近幾個月出見脱發問題，只要一梳頭就有幾十條頭髮脱落，洗頭嘅時候更加嚴重，每次都會甩好多頭髮，今次係第一次試用防脱髮嘅洗發產品。 試用一個月呢過程，防脱髮效果不算太顯著，不過洗髮水和護髮素的香味、質地和順滑效果不錯，令人想繼續使用，洗完頭也有蓬鬆感和柔順感。長期使用下竟然在洗頭時發覺脱髮情況大減，每次只有數條，而乾髮梳頭時更加只有2、3條脱落。另外，係頭頂好明顯睇得出之前脱落嘅頭髮已經生返出黎，睇得出防脱和活髮效果顯著。 產品容量不算太大，只有350mL，大約比平時用開嘅洗頭水細一半，不過好彩每次只需用一pump便夠，泡沫足夠，所以使用了一個月後洗髮水仍有半枝，而護髮素更有大半枝！其中一枝瓶身有凸紋，即使合埋眼洗頭都可以分辨到邊枝係洗頭水或護髮素。 最後，雖然價格不算便宜，但如果有脱髮問題而又想短期也善的話，我會很推薦這個洗髮產品！

lkylky3003好用推薦：唔知道大家對洗髮露要求係咩？ 作為細柔頭髮用家之一，除咗要求洗髮露可以潔淨乾爽外，對於可唔可以減少脫髮，都係我對洗髮露嘅要求之一。 香港人生活壓力大，情緒緊繃。容易導致男性荷爾蒙增加，女性荷爾蒙減少，引起脫髮問題。 呢款SCALP-D保濕潤澤藥用防脫洗髮露專門就係針對女士荷爾蒙脫髮而設計。 佢有育毛、健髮成份，可以促進頭皮同毛囊膠原蛋白代謝，強健髮根。仲添加咗銀耳多醣，可以深層補濕同鎖住水份。 呢枝洗髮露味道係淡淡的玫瑰花味，唔會太濃，一路聞一路護髮真係好relax 佢吱出嚟容易起出綿密豐盈嘅泡泡，清潔每一根髮絲，但清潔又唔會太強，令頭皮髮絲變得乾燥痕癢。 另外佢嘅潔淨效果都last 得耐，返咗一整日工，頭髮都Keep 到乾爽唔扁塌。 我有搭配埋同系列嘅保濕潤澤藥用防脫護髮膜，用後髮絲可變得更加水潤保濕，梳時變得柔順冇咁容易打結。 用咗一段時間，我對呢枝洗髮乳係滿意，因為頭髮真係強韌咗，梳頭時冇咁多髮絲掉落

Hayat好用推薦：玫瑰香氣的髮油 滋潤但不油膩 我通常在頭髮7成乾的時候 在髮尾擦髮油 接著吹頭用手撥開梳順 吹全乾的時候 頭髮自然也順了 頭髮帶有光澤不乾燥

Minnie Tse好用推薦：一枝細細的 放在公司 頭髮乾旱的日子 塗一點在髮尾 有少許花香味 質地較杰，不是水水的

Circlecyy20好用推薦：係光澤感既粉底 但係滋潤度意外地唔高 要皮膚情況唔太差先岩用 但好在上面效果都靚

sukihhhhhh好用推薦：Innisfree氣墊粉底既賣點之一就係粉盒，粉芯分開買，大家可以自己揀自己鍾意既粉盒款式。 顏色偏白，適合韓妝鍾意底妝偏白既效果。個人覺得遮瑕力麻麻，只係適合臉上無咩瑕疵既人，如果多瑕疵就要另外再用遮瑕膏。不過都做到校正顏色，所以如果臉上無咩瑕疵既話，呢款氣墊粉底用黎日常用係唔錯又方便。 持久度唔錯而且都好貼服唔會浮粉，出街用黎補妝都好方便。

Karman28好用推薦：初頭用感覺好似還好，但後來發現，半天個妝就氧化，灰灰地咁，搞到面色好差。睇黎呢隻粉底液唔太適合我。

Francesca C好用推薦：乾肌朋友推薦~ 平時返工唔洗上全妝，中意用有色面霜打底，仲有防曬30PA+++，係懶人之選!

natanatalie好用推薦：提亮同柔膚感覺好自然，薄薄一層好貼服，唔會浮粉，會每天使用，推薦。

Aivlys好用推薦：這款CC cream的「外在」十分討好， 壓頭式設計可以確保粉底的衛生和控制份量， 粉底帶著雪肌精經典的花香氣味。 說到「內在」呢， 它的用量很省， 按半下壓頭就可塗勻全臉，延展性很好。 因為它是cc cream所以遮瑕度不高， 但是均勻膚色和柔焦毛孔的效果都不錯。 現在每天必須戴口罩外出， 配合持妝的妝前和蜜粉定妝後， 基本上要維持一整天也沒有難度， 它不容易暗沉或脫落/轉印， 但隨著時間推移，油脂分泌會令它變浮， 在燈光下近看可能會有少許面具感。 我用這款cc cream後沒有過敏不適， 而且考慮到它的優點多於缺點， 整體而言非常喜歡，會推薦給大家。 圖一：未上粉底（抱歉失焦了） 圖二：塗好CC cream（遮瑕度不高但膚色變得均勻） 圖三：帶妝約6小時後（粉底沒有脫落，但微微浮起，估計因為口罩內的油脂及蒸氣）