mandy好用推薦：Paul & Joe Lip Gloss G 亮光唇彩 將會推出新版, 改版意味著如果有喜歡的色號要快點入手, 否則就會停產。 亮光唇彩 的滋潤度很不錯, 而且可以令唇部散發光澤、水潤感 及 透明感。 我常覺得比起唇膏, 只有唇彩才有減齡功能, 所以很愛用唇彩。 我是乘著Paul & Joe近期減價收了兩款家中沒有的色號。 亮光唇彩#10 GLACE 這款是透明唇蜜, 可以疊擦在唇膏之上。 如果大家覺得用慣的唇膏有點單調, 可以嘗試疊擦唇蜜在唇膏之上。 這樣做可以改變唇膏的質感, 具有豐唇的效果及營造玻璃唇的效果。 可是, 疊擦的唇蜜如果是帶顏色, 那就會改變唇膏的顏色。 如果想保留唇膏的顏色, 就要疊擦透明唇蜜。 上圖就是在紅色唇膏上疊擦亮光唇彩#10 GLACE 的效果, 增加了光澤、透明感 及 令唇部更顯豐滿, 而且唇妝呈現出單用唇膏不能營造的休閒好接近氣息。 亮光唇彩#09 ANTIQUITY 我很喜歡這個特別的色號, 顯色其實一點都不深色, 帶很美麗自然的閃粉, 富光澤及透明感。 用來化日妝很不錯~

Chi好用推薦：有點黏，會痴頭髮 淡淡地嘅一層色彩，唔會完全覆蓋原有唇色 光澤感幾靚，可以有玻璃唇既感覺 唔搞佢嘅話，水亮感都hold到幾耐下，但食完野就會完全唔見晒 有淡淡地既香味，塗完一陣就會散走 入面係唇掃，新嘅時候都幾硬下，要整到佢軟身先好用 呢個價錢我覺得有更多更好嘅選擇...應該就唔會買啦 不過個包裝幾靚XD 我有既係07號，橙色，夏天用都唔錯

JoliB好用推薦：Cosme Decorte Cream Brush 胭脂盒外型好高雅，非常討好～我用嘅係RD 451色號，驟眼望上去好似好深色，但擦上面其實好自然！ 胭脂膏自質地非常柔滑、很易Blend 開，能塑造出自然紅潤的效果，而且胭脂上有微微閃粉，可以折射面部光線，有glowing 的妝效，令人滿意！而且聞上去有種好香嘅甜味🍬 值得推薦！

kameari好用推薦：呢一款係意外地唔錯，好順滑易推，係容易上手嘅，而且做到貼服自然效果。用落感覺幾好

bibubibu好用推薦：顏色rikugen 顯色度高 自然顏色 無論有冇化妝都可以用 my lips but better嘅效果 絲滑質地 但容易脫妝

YolandaAuYeung好用推薦：唇膏筆顯色度高，塗抹一層已相當岀色，顏色貼服自然，持久度很好，即使餐後唇色還在。

agnessstang好用推薦：很喜歡的氣墊粉底❤️ 不是新款 已經係2年前出嘅 今年先買嚟試🤣 簡潔嘅奶油白色包裝 粉撲係菱形 尖尖可以更仔細咁上鼻翼、眼底、嘴角呢啲位置嘅底妝 我用嘅色號係Halla 係自然偏白嘅顏色 妝感透薄 唔會有厚重嘅感覺 但遮瑕度幾唔錯 除非係好嚴重嘅黑眼圈同印🐼 大部分嘅黑眼圈、痘印、泛紅都遮到 而且可以喺需要遮瑕嘅位置疊加多一兩層上去都ok 但依然keep到透薄感 減少咗後續遮瑕用量 遮毛孔都唔錯 好容易拍勻 自然透薄嘅光澤+裸肌感✨ 持妝度唔錯 十幾個鐘成個妝都係完整 除咗鼻有少少油 粉盒同粉底補充裝係分開買 唔知係我裝得唔好定點 冇辦法完全合實個粉盒:(

natanatalie好用推薦：#我的崇光感謝祭必買氣墊粉餅 一直對氣墊粉餅都有少少保留，因為我係油肌，好怕用完會油光滿面。。。😞 直到試左NARS水光氣氣墊粉底，我就知揾到一款啱我嘅氣墊了！🥰 佢有超高SPF 50+/PA+++防曬系數，好適合香港而家一年有十個月都係夏天嘅暴曬天氣！而家妝感有自然水感，加上光線折射，會令妝容睇落有韓妝嘅奶油水光肌感覺！夏天用持妝效果都好強，因為佢有保濕成份，一啲都唔乾，但又唔會笠，好適合油肌！❤️

Sarah好用推薦：細細枝好可愛，金屬手感好好，放手袋好方便。顏色接近自己膚色，質地水潤，感覺自然，不過唔太持久。而且真係容量少，計落其實幾貴。

Sym97好用推薦：水潤光澤，上唇自然不脫色 唇膏係偏粉紅透明色，有啲似果凍，上面既閃粉只係裝飾用，本來沒有閃粉。 塗上嘴唇十分自然而且唔會油膩，加上有美容液既配合，撫平唇紋並且減少乾燥甩皮情況。戴口罩都唔會沾染到唇膏，唔會脫色👍🏻對於嘴唇成日處於乾燥+甩皮既我嚟講，依隻幾好用。

jaye好用推薦：呢盒Orgasm X 胭脂限量版，包裝超靚，顏色都好靚，Orgasm胭脂粉色自然紅暈，orgasm X更為偏向蜜桃色和珊瑚色，兩隻色粉質都一樣超細緻又柔滑，易暈染均勻，顯色度高，要輕手啲，當然亦可以任意疊加，由自然色調以至大膽鮮艷的高彩度色調都做得到，另外個金色閃粉同樣細致，可作為眼影亮片，十分貼服，自然又精神，日夜妝容都唔會覺得誇張或濃艶。仲有，成盒野不含香料不含酒精，好岩敏感皮膚既我，好鐘意！

ferferfer好用推薦：中間orgasm 隻色上面真係好自然好靚，右邊嘅orgasm X 就絕對唔好貪心，用少少已經好上色，金色highlight 色都好自然

zetalhc好用推薦：畫得好順滑，超級適合新手。而且一筆就可以營造臥蠶，非常容易，眼影筆好上色同埋好自然，持久度都好好，可以防水防汗。

Circlecyy20好用推薦：好易畫 用係卧蠶位最怕易溶妝 呢款算持久力唔錯 唔會怕好易捽甩

Puffysheep好用推薦：買呢隻主要係因為覺得個成份都唔錯 洗完之後個頭唔會唔舒服唔會頭痕 我應該會回購 屋企人都鍾意 性價比高

Lilian Ching好用推薦：雖然是成份較天然的無矽洗髮精， 但裡面的植物油成份比較滋潤，似乎不太適合油性髮質。 用後頭髮會變得有光澤 但也很容易變得油油的 如果是偏好清爽洗髮精的人可能需要留意這一點

🌸好用推薦：質地滋潤，但係非常黏笠，搽咗上嘴之後完全係處於一個唇彩還唇彩，嘴唇還嘴唇嘅狀態，而且佢一捽就甩，持久度等於0 😅 唯一嘅可用之處，就係佢個包裝好靚。

Tiffany好用推薦：滋潤係非常滋潤，但質地都非常黏笠，搽多少少都會有種想滴落嚟嘅感覺，唔好用。

chasiutung好用推薦：左上有個白色眼影打底膏 有閃粉 眼影顯色度高 顏色配搭不錯 甜美系眼妝 可以用黑色畫眼線 香檳色畫臥蠶 有自然立體效果 但粉質粗糙不幼滑 容易結塊 不易推開 而且不持久會溶妝

mandy好用推薦：Heroine Make持久亮澤寶石眼影   Jewelry eye color (02動人閃啡Beige Gold)   眼影盤的包裝簡單及帶少許少女公主風,  配合內裡的閃爍眼影, 低調而高貴。 02動人閃啡Beige Gold 的顏色非常自然漂亮, 是每個女子都適合及能夠 carry的顏色。雖是閃啡, 效果卻自然不浮誇, 不論上學、上班或是放假都可以使用, 可以隨時放在化妝包備用。 由上班至下班, 顏色沒有脫落, 眼影的持久度令人滿意。 (懶惰的我可以放心不用補眼妝了) 使用方法: A (lasting base) 是(霜狀)持久底霜, 由於質地幼滑, 容易塗抹在眼窩位置, 不需要特別技巧已經極之貼服。另外3格的粉狀眼影, 粉質幼細,同樣易於在眼皮上色。    Heroine Make「持久亮澤寶石眼影」只需簡單依從4步驟, 便可自行打造自然富層次感深邃的大眼眼妝。作為開架品牌, Heroine Make 的化妝品總是為大家帶來驚喜。如此高品質又實用的眼影盤, 價位竟是如此實惠, 相信每個愛美的女子都會十分喜愛Heroine Make「持久亮澤寶石眼影」。