zzzhelen好用推薦：超值之選，買哂都唔肉赤，又有好多顏色玩。顯色度好高，啱哂鍾意玩色既人。粉壓得唔係好實，取粉時要點點點，唔好係咁掃 我手頭上眼影盤黎講有yes please, give me to me straight同埋citrus fizz yes please我最鍾意用黃 mischief 同橙chauffeur 加閃閃butter cake化夏天維他命妝。秋冬又可以用南瓜色GNO同Spoiled give it to me straight 我比較少用，整體偏紅同較深色，不過盤入面既閃粉色好易用。另外，我對be blunt依隻色敏感‼️用完佢眼皮就會起粒粒同埋痕、甩皮 Citrus fizz（未影相，稍後補）好啱日常用，一盒4色，我多數用so tart打底完用求其一隻閃既畫埋臥蠶，眼頭同埋眼中間，咁就搞掂了。有需要先用peel away加深輪廓

Cy好用推薦：呢盒眼影主要係暖色系，以大地色系為基礎、紅色系為輔，比較有活力，我主要都係用大地色個幾隻 眼影粉質細緻，又唔會壓到很實，所以幾易取粉 顯色度方面表現幾唔錯，我主要都係用手指腹上妝已經好夠，基本上取少少量已經好顯色。 佢嘅珠光閃粉都超顯色，飽和度同延展度幾高，算幾好暈染 係手度試色睇得出顏色都幾顯色，而且呢盒都比較易駕馭易上手，性價比都高，用左好耐都仲有好多而且有9格色配搭

HYL好用推薦：MAC三文魚色多用膏 可用作眼影但更適合當腮紅 只是真的上妝速度要快 乾的很快

WSY好用推薦：呢款有少少珠光，同埋上妝好耐都唔會甩，亦都唔會乾到甩皮，幾好用！

龍好用推薦：首先好感謝@cosme抽中我作為試驗者之一，CANMAKE係一個我自己私心好鍾意既牌子來。佢除左價格相當親民，仲有產品都相當地好用。 今次試既係3way卧蠶筆。我一早已經有聽聞過佢既存在。作為一個比較日系既人，我每次化妝都一定會畫卧蠶，所以收到呢支既時候其實好興奮。終於可以試吓係咪真係咁神奇。 有兩隻色，一隻係icy pink, 另一隻係燈色。個人來講，其實應該比較適合燈色，因為膚色比較黃。但最後我試用兩隻唔同色既時候發現都唔係好適合我。有少少失望。睇左話要配合埋眼影咁去用...但我融合完完全唔覺得個支筆有咩作用。因為佢單用係我眼既時候唔岩色，但如果配合埋眼影就其實睇唔出支筆。所以卧蠶方面我有d保留。 另外畫深雙眼皮同眼尾眼頭反而我最驚喜，覺得好自然同埋非常唔覺眼。因為佢筆頭夠幼細同埋隻色夠自然同貼近膚色，所以佢係呢邊比較有作用。 總括來講佢呢支筆都還可以，追求有少少機心既偽素顏就非常推薦來用！

takemyokane好用推薦：多謝 @Cosme 送出試用❤️一直以來跟臥蠶無緣，因為總是畫不好眼下的陰影線。直至遇到這支三合一眼線液，有種相逢恨晚的感覺！   這次試用 02 號橙色和 03 號粉紅色，筆頭超細又易畫。一開始覺得上色很淡，還一度懷疑這樣 OK 嗎？後來發現這樣更容易令自然的臥蠶成形，不會一畫就太深色顯得突兀。除了臥蠶線外，還可畫在塗眼影後的雙眼皮上，增強深遂感；也可以塗在下眼線位置，直接當下眼影使用。   個人認為橙色比較適合畫臥蠶線和增深雙眼皮，粉紅色就比較適合作下眼線，增加血色感。如果喜歡超粉嫩的妝感，更可用來畫成粉紅色的下睫毛呢！ 超幼細筆咀02號橙色03號粉紅色

Lumi Kwan好用推薦：凌角feel讀者必看: 而家興韓系氛圍感，重點大面積胭脂，面部強調水潤「波光感」，有減齡、修飾面型效果。所以我會兩隻色mix黎用，今次示範warm tone。 用上空氣感礦物胭脂warm soul，係一個珠光色，中意佢有珠光，我面大好需要立體感，呢個色有膨漲蘋果肌效果，我從顴骨外側往內刷，可以往下延伸到面中、最低唔超過鼻翼就ok，化返低飽和眼影就剛剛好。 時尚胭脂 Pursue your passion嘅色調，就用返做修容，可以重覆頭先珠光位，overlay用，但就記得只打修容位置就ok。 如果當日淡妝，我會用warm soul橫掃，掃埋鼻骨位，帶點可憐感，我腮骨勁，唔可以太凌角feel

auntiemuscle好用推薦：mac mineralize blush入左手好耐 我果粒仲要係舊版 但真係要讚佢 因為佢都係烘焙出黎 啲粉好幼 上埋係好輕透 想顯色啲可疊擦 佢疊擦左係顯色左 唔會係一舊粉響面既 但其實一層都好夠色 持久度都好好呀 用掃輕印上面效果係好啲 掃住咁上當然持久度但啲又冇咁顯 特別推介dainty呢隻色 佢warm tone pink 帶閃 白至中膚色都岩 同埋我覺得佢係岩四季既色黎 陽光打落個閃到勁靚 唔係珠光似油光果種 呢粒係一步到位 推介～

Lumi Kwan好用推薦：以前每一個少女都一定會有一盒，當其時我買咗嘅係粉紅色，仲要有一個有寶石嘅掃，感覺好夢幻。佢都比較容易上色，冇飛粉情況，不過閃粉比較多，如果已經脫離少女時期，唔太建議用，會有少少扮後生嘅感覺。而家香港已經冇得買了，要買就要去日本。

Noel好用推薦：Layer blush 係個人第一塊 Jill Stuart 胭脂，由於水晶公主風實在很合胃口，從此就跌入深淵🤣 照片中的胭脂已經沒有使用，雖然看上去差了一點，但就是不想掉啊~ 個人喜歡的用法： 先用化妝掃沾取大量左角的淡淡米黃色 ➡️ 再沾其餘三格顏色 / 只選其中一色 ➡️ 掃到面脥 一塊胭脂能做出多個變化，而且帶有JS 化妝品香味🥰 如果對包裝鏡盒有要，而又有充足的預算，實在要入手一個啊❗

葉子🍃好用推薦：刷頭好細，但用時分量都好易羅太多，顏色都幾靚，不過keep得唔算耐，好彩唔會周圍甩色，價錢亦好平

綺羅香好用推薦：好早之前已經想試液體眼影，但一直買唔到啱心水，見呢度有人介紹EH嘅眼線液，估可能都做到想要嘅妝效，特登走去門市買，睇官網應該有4隻色，不過鋪頭得兩隻色，01銀白色同03蜜桃色，都好足夠應付平時妝容 眼線液筆尖又幼又尖，可以好精準點綴眼頭同臥蠶，又或者疊擦眼線，每一筆畫出嚟都滿滿嘅藍紫色閃片，快乾，摸上去無粗糙感，不過大力捽都係會甩，因為見好多人話好易甩到無影，就特別先用定妝噴霧噴一噴筆尖，畫完再用少少碎粉定妝，增加持久力 另外因為畫出嚟太閃，唔建議係臥蠶就咁畫一條線，會好假，係眼頭，臥蠶中間，眼尾各點少少，幫眼妝加分之餘，又唔會搞到好奇怪

jhope0725好用推薦：我自己一向都係Innisfree嘅胭脂 fans，一來好顯色，二來好貼服，唔會點飛粉。今次呢個山茶花胭脂仍然不例外，顏色好鮮艷，而且花蕊同花瓣用咗唔同顏色，溝埋又會有另外一種效果。 佢做立體浮雕實在太靚，不過可惜我唔小心，一返到屋企就跌崩左個角🙁🙁不過唔緊要，同大家分享佢嘅鮮艷顏色 佢顏色好顯白，我係偏黃肌，喜歡用鮮色令到皮膚望落去白淨啲，佢正正做到呢個效果。圖中左邊係來回搽3下，右邊就來回大約5下，睇到深淺色分別！大家上面就要blend開d 我上面用左佢3個鐘先開始慢慢淡色，大家唔洗擔心要成日補妝，溶入皮膚之後就會變左皮膚透紅嘅感覺，有d似天然俾太陽曬完嘅感覺。來緊夏天，想要個summer look用佢做眼影嘅highlight都得，夠實色。呢個胭脂推介！

JL好用推薦：第一眼見到這款山茶花浮雕胭脂已急不及待入手一個，我買的是1號山茶正紅色，別看它紅得像唇膏，其實上臉效果可濃可淡，因為它含有水份的彈性質地可隨意用手指塗抹，塑造清爽透亮的妝效。另外它的不脫粉功效很適合戴口罩時使用，我試過用小眼影掃把這胭脂輕輕掃在眼尾位置，即時化出潮流韓國妝容！

royu3好用推薦：感謝 @Cosme 送贈這款全景光感立體眼影，終於有機會試用 Visee 的眼影產品。這盒眼影，包含4 種不同質感，操控光影，捕捉光線，從而突顯眼部輪廓，打造明亮眼妝。 色號為BR-2色，冷暖色調兼備，根據Visee 官方的簡介，較適合深暖膚色的朋友，但我認為透明感較重的冷膚色也OK⭕️粉質非常幼細，壓得實所以沒有飛粉情況⭕️而且light soufflé base兼具底霜效果，能貼合眼部肌膚，使妝感更自然👍🏻 試色依次序排列由上至下A-E： A為珠光質地的淺米色，可作為提亮色 （直接跟我的膚色融合了，完全看不出來） B為加入了銀色閃粉、金屬質感的米灰色 C為偏暖的淺磚紅色 D為霧面的卡其啡色，略嫌顯色度有點低 E為偏冷色的深啡色以C色作主調的話，能營造少女感的溫柔氛圍； 以D色作主調的話，適合冷膚色、較易襯托出型格個性。 一盒眼影5種顏色、4種不同質感，營造兩種不同風格，絕對是百搭眼妝的好選擇👍🏻

Noel好用推薦：Visee 眼影產品係信心保證，個人而收了好幾盒不同系列👍 老實說，Visee 不同系列的眼影，除了包裝 case 的分別外，眼影拼色、妝效、品質都大致相同，未入坑的靚靚挑 Visee 就對了❗最近子瑜還代言呢！ 驟眼看，以為眼影係四色 quard，打開有驚喜的第五個色🤣 眼影粉質幼細，觸感很滑。而右上的灰色底×銀閃色有 surprise，即使只用來單塗，已經超好看❣眼影粉壓得很實，不飛粉，平日快快化妝趕上班，用手指 apply 也沒有困難💖 基本上這款五色眼影，可以打造到兩個類似的眼妝。而最下方比較實的啡色更可用作眉粉／眼尾加長，真的一盒可以救全家，一物三用，爆CP值❗❗真的沒有時間化妝，我就帶著這盒衝出門👌

Kpl6be6好用推薦：以前跟風買落～的確順滑易上色～但對於油眼嘅我～會好易暈染開～唔會回購喇～

葉子🍃好用推薦：早些年人氣產品，但試用過真心唔得，雖然筆芯好易上色，搽上去好順，但個眼搽完會化開一撻撻

Fng好用推薦：Excel AB05 肉桂米啡色， 啱黃皮膚用，跟底妝好融合， 妝容透亮， 如果想顯色嘅話，要上多幾層。

iliya 好用推薦：漸變色嘅胭脂可以因應衣著打扮及場合配合唔同妝容使用，性價比超高！