找產品
上色持久 推薦產品一覽 724 件
Kristywong好用推薦:本身已經好想買呢盒眼影 ,之前日本啱啱出嘅時候真係完全買唔到。好多謝@Cosme今次嘅試用邀請呀💕今次試用嘅係: 8色眼影盤 #03 本身眼皮成日都唔聽話,泡泡眼嘅我都只係敢用大地色系去消腫🥲 但係見到呢盒眼影個包裝超級可愛,壓花又精緻,細細盒又超級方便,真係好難唔心動🥹🥹 盒仔雖然細細,但係就已經包埋一個小眼影掃同埋有齊唔同妝感嘅眼影 — 由深到淺色嘅粉色,珠光霧面嘅都有;後面仲有個簡單嘅小教學,輕鬆就可以化出唔同嘅眼妝。懶人/新手 friendly 👍🏻 大家都可以自己mix and match 選擇一個啱自己嘅眼妝 😌 粉質方面都好幼細,閃粉唔會太大粒嚇親人😂 亦都唔太會飛粉,好容易就可以blend開,出嚟嘅妝感都好自然。 顏色方面係偏冷調嘅粉色系列,對於白皮膚嘅朋友相對比較友善。霧面色會比起其他顏色顯色啲,但係每隻色唔會太誇張,對新手朋友都可以輕鬆上手,點上都唔會太出錯 😆 至於比較鍾意飽和妝感嘅朋友亦都可以分少量多次咁疊加,非常之咁百搭 😙 試咗幾日,雖然天氣又熱又焗,但係都keep得幾唔錯。對於泡泡眼嘅朋友,建議可用選擇返霧面/比較少珠光嘅顏色做返個漸層,出嚟嘅妝效
<看全文>Chami好用推薦:多謝@cosme 俾機會試用canmake新出既八色眼影盤(03號色), 呢盒眼影色調行粉色系,因為我本身偏黃皮,所以都好少化粉紅色系眼妝,今次難得有試用品終於可以一試😄我覺得呢盒眼影係做得幾好既👍🏻 首先成盒眼影size只有手掌咁大,非常方便攜帶。雖然佢咁細盒,但佢做到8隻由淺到深既顏色之餘,仲要有齊啞光,珠光同閃片,可以配合到唔同需要/場合,非常值得一讚。另外粉質好幼滑但唔飛粉,眼掃用落仲好有質感,柔軟又帶點厚實,完全唔拮眼,good good👍🏻👍🏻 唯一缺點係:我膚色唔襯粉紅色系眼影🥲 但我會繼續用😆 #火熱新品
<看全文>nicolesit好用推薦:最近購入了我的第一盒Lunasol眼影-春季限定色EX38~當初係見到雜誌介紹,見到model上眼好靚、又俾想像中多畫法,所以購入。見到真身更加愛🫶🏻櫻花粉色非常適合春夏季妝容,隻綠色上眼係帶金,有提亮、顯氣色效果💚唯一缺點係唔持妝
<看全文>綺羅香好用推薦:去日本買彩妝,自然唔好錯過Lunasol 眼影,粉質好,顏色選擇多,本嚟好想買15號色,不過實在太搶手買唔到,就揀咗睇落幾實用嘅朱古力系列02號 Chocolat Amer 一打開眼影盤,就有一陣朱古力味,就連壓盤都壓成方塊朱古力一樣,粉質細滑,不過有少少飛粉,唔可以太大力取粉,雖然眼影睇落好深色,顯色度反而偏清透,試色由下而上分別係:霧面暖棕色,帶細亮片嘅米金色,有細珠光嘅淺銅色同霧面深咖啡色 輕手一啲係日常返工妝,重手啲會變smoky eyes,睇落好似同一般大地色眼影無太大分別,都係搵日入手15號,彌補下遺憾
<看全文>Hamiii好用推薦:見個盒幾靚入手 金色同紅色諗左好耐.. 最後入手金色🙃 呢4隻色既組合係幾靚既 屬於橙金色 絕對唔係橙啡😂 非常建議額外➕隻米白眼影打底先上隻橙色 因為佢實在 好 顯 色! 一個唔覺意抓粉多左好易會出事 但整體黎講係幾靚 幾滿意既 唔太飛粉 顯色 價錢又唔貴 可以入手玩下:)
<看全文>Verna好用推薦:這品牌經常和其他品牌crossover,這次是四色眼影盤,而包裝外形就是一粒大朱古力,都幾得意和吸引 我選了銀盒的牛奶朱古力,官網介紹這是氣質大地色,都是很容易配搭和carry的顏色,包括膚色打底色、閃粉珍珠色、珠光銅色和霧面啡色,全部都很實用,都是平常會用到的顏色,沒有騎呢古怪色 它的粉質都幾幼滑,我最喜歡它的閃粉是細細顆的,不太誇張,低調得來又很吸睛,真的很迷人,無論日常返工抑或行街約會也可以用到。而它的持久度,我也很滿意
<看全文>Chami好用推薦:多謝@cosme 抽中我試用canmake一系列新產品🥰 今次寫既係最新限定City Lights Eyes 閃爍亮彩眼影✨ 收到既試用品係01 Russet Brown啡紅色 同市面上大多數單色眼影一樣,都係兩隻手指咁上下細盒,一打開係閃令令珠光,非常bling bling✨✨未搽上眼前先喺手捥試色,質地非常順滑,超級顯色,同實物顏色冇色差,珠光好幼細,靚到嘩一聲☺️ 用喺眼上效果都一樣冇得頂,順滑貼服,好容易推開,亦都非常顯色,加埋閃閃而幼細既珍珠粉末,十分我真係要俾十分!重點係,用法方便,用手指直接沾上眼皮,搽兩下已經完成。如果趕住出門口或者平常返工,單用呢盒眼影已經足夠❤️ 重點係,$50一盒有呢個質素,性價比超高!大愛❤️❤️❤️ 試完呢盒01,已經決定包色💸💸 官方網站資訊: 01 啡紅色 02淺啡金色 03 蘭花淡紫色 04 絨面粉紅色 #火熱新品
<看全文>candybbyeah好用推薦: 單色眼影 超細的一盒 大概只有兩個手指公加埋嘅size 包裝簡單可愛 呢個顏色係帶有啡色的感覺嘅香檳金 係一個超級容易配搭的顏色 平時我淨係會單查呢一隻顏色係個眼皮上面 咁就已經完成咗個好靚嘅眼妝我會攞個無名指係個眼影上面掃幾下 就已經攞咗好多顏色上嚟 然後輕輕咁樣查上去個雙眼皮度 成隻眼就會變得好sharp好好睇同呢隻閃好特別 喺啲燈照落嚟嘅時候感覺好似識得發光 如果大家想化一啲同平時好唔同嘅感覺就可以試吓
<看全文>jhope0725好用推薦:呢枝真係#此生摯愛唇彩! 呢支唇彩一如其名,質感好似棉花一樣輕薄,唔會抽乾嘴唇水份,唔顯唇紋,疫情之下戴住口罩,查咗佢都唔會覺得笠、而係形成咗一層薄膜喺嘴上面。好light,好舒服。 佢顯色度、飽和度都好高,輕輕一層,已經令到成個嘴好立體,影相會好精神。我用嘅顏色係14號,上嘴唔會太紅~ 佢持久度算中上,未至於可以全日都唔補妝,但係維持四、五小時都冇問題~ 相片中嘅我搽咗呢支唇膏,會見到飲筒上面都有紅色唇印,但係出乎意料地,唔影響成個唇妝嘅效果,食完飯輕輕印下個嘴已經ok,唔一定要補妝!而且佢嘅好處係落妝會好乾淨同方便,唔會好似其他tint咁食死左個嘴唇。 唯一美中不足嘅就係,呢支唇彩嘅掃我略嫌太大,未必可以準確勾畫嘴唇嘅輪廓,如果大家係屋企化妝,有多啲工具,可以配合棉花棒,紙巾等等,如果出街補妝,輕輕由嘴唇中間上色,再自然合上嘴唇抿開,就會natural d! 私心推介,希望大家都搵到啱自己嘅色號! 
<看全文>瑪拉好用推薦:持久唔掉~就算飲水食嘢整到都只會掉少少,我呢個係11號色,本人黃二白,暖皮膚搽上嘴係好靚嘅玫瑰色~
<看全文>agnessstang好用推薦:我用緊嘅色號係3.75 Warm Medium Brown 偏深嘅啡色 易畫 十分顯色 可以輕手少少畫 如果唔係會太深色🤣 好容易勾勒到自然嘅眉型 防水持久 顏色自然 有12隻色 可以配合翻自己嘅髮色選擇~
<看全文>Kirby好用推薦:Benefit貴為國際眉妝品牌#1 用過佢既眉筆真係返唔到轉頭 🌼用後感 Goof Proof 筆尖採用三角形扁平設計 因為自己眉形本身唔好睇 習慣會畫眉峰 較好角度好容易勾勒出我想要嘅眉型 同時可以用尖頭部份畫眉頭既細碎眉毛 質感亦好好畫 容易上色 眉筆另一頭附有眉刷 輕刷填補部分更自然 筆身外形係比一般眉筆粗既三角形 手感良好 ✅整體效果持久 顯色度高 符合多方面要求 
<看全文>橘子貓好用推薦:Matt Touch Blush #10 多年前朋友送贈的台灣手信,當時香港還未有essence的櫃枱呢! 朋友選色很有眼光, #10色是粉西柚色帶微微珠光,淺淺掃一層上臉顯得好自然,再多掃一層是元氣的粉紅珊瑚色,一點都不會有螢光感,顯白有年輕感! 腮紅粉質也很不錯,細滑不太飛粉,上臉很細緻,也貼膚。顯色度中上,壓粉挺實,每次取粉不用太多已經足夠,5g用到很久很久,性價比極高。 看腮紅凹凸押花已經被用得近乎平掉,就知道我很喜歡這款腮紅❤️簡直是平價開架彩妝必入單品。 #平價彩妝
<看全文>Tiffany好用推薦:產品算得上係平,$30左右有交易 顯色比想像中更持久,平價之選 順帶一提,比粉餅好用多
<看全文>Nicnic好用推薦: 03 暖陽奶茶 04 南瓜烈酒 05 乾燥無花果 持久度:🌕🌕🌕🌕🌑 妝感:glossy 閃粉:❌ 佢個質地係潤但又持久嘅,打破平時潤就一定唔持久嘅定律😂。佢甩嘅先甩光澤、潤嗰part,但係顏色仲係stay喺嘴喥💋即使印落紙巾喥,都無乜色,好神奇!🤣🤣唇紋方面,唇紋深嘅人表示唔覺有好明顯嘅修唇紋效果,不過都冇加深嘅~☺️ 不過佢有染色效果,所以愈補唇膏,個顏色會愈濃郁。而且都要比啲心機卸妝~ 03 暖陽奶茶 我最鍾意嘅色,淺淺嘅奶茶色,任何時候唔想用腦諗搽乜之選,好白搭,基本日常妝都襯到。因為佢色號淺,愈補愈深色嘅情況唔明顯。 喜愛度:❤️❤️❤️❤️❤️ 04 南瓜烈酒 南瓜色底調嘅紅色,薄搽好顯氣色、精神,厚搽好顯膚色同牙白。呢隻色嘅妝感比較明顯,素顏搽就會有啲奇怪。 喜愛度:❤️❤️❤️❤️ 05 乾燥無花果 顏色係無花果色,有少少紫調嘅紅色,薄搽,厚搽會成熟啲,有機會顯老😗。潤澤嘅質地令佢喺陽光下閃閃發光✨✨ 喜愛度:❤️❤️❤️💕
<看全文>綺羅香好用推薦:Kate怪獸唇膏順滑滋潤唔再講,能夠將帶透明感嘅光澤型唇膏做到持久不脫色真係好犀利,唔駛再驚係飯宴時唇色甩到一撻撻咁尷尬,都唔駛出街就要諗搵廁所補唇膏,因為顏色好多,為咗揀色號做咗好耐功課,等到決定要買嗰時,貨架所剩無幾,難得偶然撞到補貨,再唔買真係對唔住自己,一口氣掃咗4個色號,因為怪獸唇膏全部顏色都係黑色長條形包裝,淨係得底部label標明色號,為咗方便自己唔駛逐個打開嚟確認顏色,痴咗label上去方便辨認 我係白皮+偏深唇,今次分別買咗2號甜潤果紅,3號暖陽奶茶,5號乾燥無花果同7號荊棘玫瑰,呢4支都係非常熱門色號。 2號係偏粉嘅玫瑰紅,如果化淡妝可以薄搽呢隻色,我有時想偷懶唔化眼影,淨係上底色+畫眉+眼線+胭脂,加上2號色唇膏,會顯得個人有氣色同睇落後生啲,極端啲素顏薄搽都仲得,不過比較啱白皮,黃皮慎選 3號係淡橙杏桃色,本身好怕偏橙偏黃嘅唇膏,搽上去好似病人咁,但係3號低飽和反而容易接受,黃皮白皮都啱搽,而且非常百搭,好適合配搭春夏妝容,有時眼妝偏向濃重嘅時候,就會配3號唇膏,薄薄一層唔會太突兀 5號係超熱門色號,不過呢隻係官網圖標係藍調偏暗嘅泥土色,換句話黃皮慎選,亦
<看全文>Chami好用推薦:多謝@cosme 抽中俾我有試用既機會🫶 收到既係canmake 絲滑眼影液01 啡紅色,係同系列眼影液中比較深色既。 (按官方網站資料:01 啡紅色;02 淺粉紅;03 酒紅色;04 裸粉色) 一開始見到實物咁深色,都有啲擔心唔係好適合自己,因為平時偏好淡色/大地色眼妝。但blend開之後又接受到wo🤣 blend開後顏色偏向啡,紅既比例較少,好啱平時返工用👍🏻 最鐘意係佢啲閃粉唔係啲大粒閃粉,推開之後好似珠光咁好靚。推既時候都好順滑,唔會推推下kick住變到一撻撻。 使用心得:第一次用直接點落眼皮再逐點推開,但覺得份量控制得唔太好;第二次用就嘗試先點落手,再用手指逐啲逐啲點落眼皮,會比較自然👍🏻 試用完呢支01,有啲心思思想買其他顏色試試,因為真心用起上黎方便快捷又靚🥰 #火熱新品
<看全文>candybbyeah好用推薦: 呢個係一支液體嘅眼影 細細地一支 但係個容量都幾多 顏色係偏啡色嘅香檳金 係幾百搭嘅一種顏色 佢個用法都幾簡單 打開佢裏面會有個綿頭掃 個size有啲似棉花棒大少少 用佢將啲眼影液查上去個眼皮上面  我覺得支捧唔係幾好用,佢個面頭有啲大 本來佢個用法係要想係個眼睫毛附近嘅位置 但係因為個頭太大,所以好難將啲眼線液畫得咁仔細 變咗好容易上得太多 佢呢個眼影液上咗皮膚之後好快就乾 所以要快啲用手指去推開佢 鋪出嚟嘅顏色就會好自然好靚
<看全文>