減少蓬鬆感 推薦好用產品

lingbb好用推薦：- 想頭髮整齊啲，可以試下呢枝好易買到既順滑液， - 吹頭前噴一噴，第二朝頭髮易疏理啲 - 香味有點撲鼻，但算接受到唔難聞 - 噴完髮尾再吹頭， 脆弱既髮尾會會摸落有輕微硬同堅挺咗 - 推薦俾長髮既美女

mandy好用推薦： AQUAIR DEEP MOIST HAIR TREATMENT LOTION  阿葵亞  水分Hair Pack (a) 瞬間柔順髮液(免沖洗)  含甘油, 雙丙甘醇 及精氨酸, 除使頭髮柔順外, 更可保濕頭髮, 帶淡淡花香  味道討好不會過份濃烈 基本上我每朝醒來, 個頭都好似打過仗咁亂, 估計我睡眠時碌來碌去, 成日轉身   而髮型師建議的整濕成個頭再吹直的方法,   我從來都唔夠時間在要上班或趕住出門的早上嘗試, 或者可以說是沒有動力實行   我亦做唔到什麼在早上洗頭的行為   我只能在5分鐘內用阿葵亞  水分Hair Pack (a) 瞬間柔順髮液(免沖洗) 搞掂個頭   只需距頭髮5-10cm噴上柔順髮液, 然後用梳子梳順頭髮便完成   太適合懶惰又心急的我了 (哈~是我太沒耐性了)   比起直髮mousse, 更喜歡柔順髮液, 因為沒有黏笠感   每天出門前, 都仰賴阿葵亞  瞬間柔順髮液(免沖洗) 才可以順利出門了

christy322好用推薦：我本身頭髮有好多好短既碎毛，扎起頭髮既時候唔用夾既話就會好似好散好亂咁，但本身係唔鐘意用hair gel，因為會令其他頭髮都會gel到硬咗。 上次喺@cosme見到原來有出專門解決呢個問題既產品，即刻買咗番去試。佢係好似mascara咁用，所以好簡單咁梳一兩次就可以將d碎毛梳到貼服晒，而且有淡淡既香味，效果亦都令我非常滿意。黎緊用晒呢枝之後會再買，所以如果大家都有同樣既煩惱，建議都試下呢個產品。 P.S. 喺@cosme見到有兩個款，細掃款係for前蔭，大掃款係for碎毛。我買既係藍色大掃款。

choichoi好用推薦：簡直是前髮命人士之福音也，可以在不黏不油的情況下令前髮固定妥妥，如果你平常造型有鬢髮也適用，想加強的話配合定型噴霧持久度就更理想了

olitong好用推薦：是我用過最好用的洗頭水，我本身是天生微攣一潮濕會變爆炸頭的受損髮質，很難才找到這款洗髮水，用了頭髮很順，掉髮少了，連頭皮分析師都問我用邊款，話我洗得幾好，保濕又乾淨，但最近竟然周圍都買唔到，之後不知怎辦

蝦米好用推薦：幾鍾意呢個牌子 宪完個頭好香同埋洗得好乾淨

Noel好用推薦：剛剛用完一顆，這是回購的新品。知道網上多 comments 話它比較笠，油膩感重。這個我也同意，使用時要好小心，避免重手。回購主因：便宜及易買到。當然，我喜歡束 all back 及盤髮髻，bb 毛及碎髮跑出來，就用它掃一掃，這顆很配合我 life style。

greenk好用推薦：由於我本人比較多碎嘅頭髮，所以一直都會用d定型産品去令個頭睇落整齊啲。 見到呢款定型髮球比較多人介紹，同埋價錢唔太貴就入左手～ 試完就發現的而且確能夠將毛燥頭髮定型～ 每次只需要輕輕一掃已經可以保持髮型整齊，所以成舊有排用👍🏽 另一個好處係産品體積細，可以拎埋出街用都仲得😆 但要留意如果重覆掃幾次或太大力掃，頭髮睇落就會變得笠，特別香港比較潮濕嘅天氣要更加小心一啲。

lily好用推薦：用完真的可以止痕，頭皮也比較少，而且頭髮有薑的味道，但是不是很濃烈，用完之後一定要用護髮素，不然頭髮會很乾。

jojoma123好用推薦：個人十分喜歡那陣陣的薑味,感覺不會太過刺鼻,塗上頭髮後,這味道已迅速傳遍整個頭部，非常refreshing. 至於護髮功能方面,大概連續使用了兩至三個星期,才見髮質有所改善，梳起來比較順滑,開叉情況亦減少

Desse好用推薦：飛走一個月..喼位相當有限.. 惟有到埗買洗護用品.. 去到大型超市.. 見到有日本品牌就入手試吓.. 最後竟然買多咗支拎番香港🧏🏻‍♀️ BOTANICAL TREATMENT (SMOOTH) 同一隻味.. 佢出咗一個smooth 一個moist版.. 外觀分別要睇個蓋嘅顏色.. 一黑一白🌟 我頭髮比較毛躁.. 就直接揀smooth入手 護髮素質地偏厚.. 中長度頭髮每次用量大約一泵半 💡無矽成份 無矽成份有助減輕頭皮嘅負擔.. Botanist 品牌著重使用天然成份.. 敏感頭皮亦可以好好使用 💡髮絲順滑 用後髮絲有明顯順滑.. 保濕度亦唔錯.. 洗完一啲都唔乾.. 髮絲亦有更貼服 💡淡香型護髮素 如果同我一樣.. 唔太鐘意濃香 可以揀喱一款.. 蘋果味比較出.. 醬果味比較薄.. 但都唔算濃..沖淨後幾乎聞唔到 🪻價錢略貴 相對於其他日本品牌洗護套裝.. 價錢大概高1/3 性價比較低 🪻泵頭易塞 護髮素質地偏厚.. 泵頭比較細.. 容易堵塞 總捨而言.. 功效不錯🧏🏻‍♀️ 值得入手🧏🏻‍♀️ 🌟僅記遠離頭皮 使用說明都有寫… 儘量遠離頭皮.. 以免沖唔淨

inkitsung好用推薦：Botanist 堅持選用有益人類同地球🌏既植物🌳成分作為原料～ 就算忙碌左成日，都可以感受到植物既力量，為大家帶黎療癒身心既時光～🍀🍀 今次我就用白蓋既順滑飄逸型～ 啱我呢d幼細髮質, 想回復彈性韌性既人～ 有陣陣🍎🍏香味，好fresh好relax😘 護髮素都會比較爽身, 就算用多左都唔會覺得笠~

constance好用推薦：晚間修護和頭髮造型後的補濕效果真的很不錯，尤其適用乾旱的髮質。

YolandaAuYeung好用推薦：蘊含五種精油成分 ，所有頭髮類型及髮質都適用，補濕效果相當不錯。

Yeeting 好用推薦：想擁有健康漂亮嘅秀髪可以由每一天清潔頭髮護理開始。依家係屋企都可以享受到專業頭皮護理❗️頭皮淨化和排毒護理簡易3步曲。潔淨、重拾水油平衡同注入水分，令你頭髮重新感受清爽感。 Step 1 「 Shampoo & Conditioner 」 💚繡線菊激活洗髮露 保持水分清爽的洗髮露（淨化頭皮，促進血液循環，可對抗脫皮同頭皮） 🧡橙花強韌潤髮乳 含有豐富的保濕油（椰子油和荷荷巴籽油） 令髮絲保持柔順，散發舒爽清新柑橘香氣 Step 2 Serum 💛深層頭皮淨化精華 滋潤因紫外線和外部刺激而乾燥的頭皮 令髮絲更強韌健康，頭皮重拾水油平衡的狀態 Step 3 Volumizer 💙深層頭皮護理噴霧 可保持頭皮健康，促進髮絲健康生長 用咗一個星期，頭髮真係柔順左（有番光澤感） 同冇以前咁扁塌❤️‍🔥

Circlecyy20好用推薦：清潔力好高 但用完頭髮好乾 好似抽乾曬髮絲既水份 所以用後感麻麻地

wingshan1124好用推薦：真係番梘嘅味道，感覺好乾淨，價錢平，任用都唔心痛，不過唔敢噴太近頭皮，小心生暗瘡啊

jackielai好用推薦：番梘嘅味道聞落好香，令人感覺好乾淨，噴喺頭髮上面啲香味都維持到半日，呢個價錢嚟講都好合理。

Emma W好用推薦："Essential 柔韌防斷髮護髮素"使用後，頭髮變得非常柔順，容易梳理，減少了打結的情況，減少了斷髮的危機。護髮素的香味清新持久，可以last 到半日。

Giselle 好用推薦：Essential 柔韌防斷髮護髮素700ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* Essential呢個牌子算係平價洗頭水牌子入面其中一個比較出名嘅( •̀∀︎•́ )✧︎呢隻算係佢其中一個常駐嘅系列，主打係修護受損髮絲同埋防斷髮( ˶ˆ꒳ˆ˵ )作為一個有漂染頭髮+每日set頭嘅人，我會覺得呢支嘅防斷髮效果唔係太明顯₍ᐢ ›̥̥̥ ༝ ‹̥̥̥ ᐢ₎雖然頭髮係變得無咁乾旱，但漂染完後嘅髮質都仲係好容易開叉同打結(꒦ິ⌑︎꒦ີ)用完後真係有少少失望( ･᷄-･᷅ )而且對比起其他牌子嘅護髮素嘅滋潤效果又唔係太明顯(꒦ິ⌑︎꒦ີ)感覺唔到佢係專門設計俾受損髮絲(꒪⌓︎꒪)

Hamiii好用推薦： 多謝@cosme既心得獎品 放左好耐，終於拎出黎用 呢支精華本身功效係修復髮尾 但我本身無咩髮尾乾燥之類問題，就評價唔到 本身頭髮好軟，好幼，好易斷🤢加上毛躁頭 所以好難搞😮‍💨 用左呢支精華，有效強靭番頭髮，甩少左d 毛躁亦有改善，但最重要頭頂多左baby hair😌 貴就貴d,但偶爾買下都ok既

Yeeting 好用推薦：想擁有健康漂亮嘅秀髪可以由每一天清潔頭髮護理開始。依家係屋企都可以享受到專業頭皮護理❗️ @johnmastersorganicshk 🌵頭皮淨化和排毒護理簡易3步曲。潔淨、重拾水油平衡同注入水分，令你頭髮重新感受清爽感。 Step 1 「 Shampoo & Conditioner 」 💚繡線菊激活洗髮露 保持水分清爽的洗髮露（淨化頭皮，促進血液循環，可對抗脫皮同頭皮） 🧡橙花強韌潤髮乳 含有豐富的保濕油（椰子油和荷荷巴籽油） 令髮絲保持柔順，散發舒爽清新柑橘香氣 Step 2 Serum 💛深層頭皮淨化精華 滋潤因紫外線和外部刺激而乾燥的頭皮 令髮絲更強韌健康，頭皮重拾水油平衡的狀態 Step 3 Volumizer 💙深層頭皮護理噴霧 可保持頭皮健康，促進髮絲健康生長 用咗一個星期，頭髮真係柔順左（有番光澤感） 同冇以前咁扁塌❤️‍🔥

JessicaB好用推薦：☔️「為雨天天而誕生の洗髪水 HIMAWARI 向日葵EX活養健髪系列」 由日本🇯🇵製造， 🧡從葵花嫩芽發精華中提取有機向日葵籽油，為髮絲造成天然保護層 🧡高效鎖水💧深層滋潤 🧡前中後調散發多層次香味及淡淡花果香 🧡注入氨基酸，溫和去除污垢，潔淨髮絲 🧡適合受損、幼弱和乾燥髮質 🧡重塑崩壞髮芯，令髮絲回復柔韌有彈力 🧡天然有機成分，無矽．減輕髮絲負擔

Candy Ng好用推薦：大家頭髮不是極到旱，毛躁都不要選擇它。因為它真係好滋潤到你會覺得頭髮好油，及有頭皮問題。 好似我比較乾旱，毛躁頭髮用它，都要選擇季節時用，夏天用它，一定不喜歡。要到冬天先可以拎出來試用🙈 我開左2年，先用到一半。

Sarah好用推薦：香味幾吸引，但用完佢一定要配合護髮素，如果唔係可能會頭髮比較乾。

Nicole 好用推薦：我用來解決我頭髮毛躁的問題。裡面有幾種植物萃取，還有薑的精華，我本身喜歡薑的味道，有中藥護理的感覺。 用完頭髮真的會柔順，驚喜的是不像其它潤髮乳一樣特別滑，不會洗不乾凈。毛躁問題改善了很多。

ying好用推薦：噴頭噴出黎嘅份量適量, 唔會好似泵頭一泵會太多搞到個頭油林林, 呢隻雖然係髮油 但係清爽得黎又好夠滋潤, 本身個頭好多毛毛亂飛, 用完呢支個頭就會keep 住平滑一日 唯獨個香味麻麻地

Hamiii好用推薦：的確好香 但 標榜既smooth and sleek就用完一包都感受唔到 毛躁頭繼續失控 要靠番朝早支護髮油先勉強出到門口 唔係咁好用

Sesame好用推薦：味道清新，頭髮順滑，包裝精美

lucrezianoin好用推薦：上年喺日本購入, 一直擺咗喺屋企冇用過@@" 味道係唔知乜野精油嘅香味, 有啲似去做spa咁都幾舒服XD 用咗頭髮順左, 紮辮都冇咁容易打kick!

ying好用推薦：好好用, 對於頭髮好多毛毛嘅人黎講 想個日整齊啲必須要用呢個 可以幫你痴埋啲毛毛 又唔會好似個美髮球好易用太多已睇上去好笠 又可以幫啲蔭定一定型 good

yoyoyiuyiu1好用推薦：氣味清香，用完頭髮柔軟，香氣十分討好，連同事也讚我頭髮很香很好聞，魅力up!!