Fng好用推薦：benefit蒲公英胭脂 ，都係紅咗好耐嘅妝品。佢淡淡粉紅色，搽落去夠曬自然， 手殘都好容易handle。 如果諗唔到嗰日用邊隻胭脂，不其然會想起用佢，夠曬自然顯白 💖，同埋就算搽多幾層都唔會好突兀， 裝感自然又持久。❤️🩷🧡💛💚💙🩵💜🤎

Sccan好用推薦：胭脂出名好用一定係Benefit， 我買嘅色號係baby pink嫩粉紅珠光，平時買開啞色，今次試珠光效果都非常自然，唔會過紅，有種做完運動紅粉菲菲嘅效果。 而且包裝係紙質好環保又有鏡仔，用左一排個紙盒都唔會好似膠咁易爛，推薦！ 色號：Dandelion 效果：貼服持久，妝感自然透紅，有黃金珠光，適合黃皮白皮 質地：粉質細滑，粉餅實 缺點：我買2.5g細盒裝，附送嘅掃具太細，難控制；想要紅啲要重手啲

羅小白好用推薦：又係一樣無功無過嘅產品，初頭係因為想用佢嚟去暗瘡印，皮膚睇落去透亮啲而買，比較淺色啲嘅暗瘡印確實係有效果，但如果係比較深色啲，或者生得比較耐啲嘅暗瘡印就冇乜效果，皮膚都有透亮咗少少，同埋佢呢個質地好難吸收。 呢個價錢寧願買其他維他命C精華嘅產品都好過買佢，甚至買尊櫃品牌都得啦

綺羅香好用推薦：依家好興用高濃度維C skin care，話可以美白淡斑收毛孔，一聽到美白自然唔執輸要試試，就睇中Dermacept，有最低5%到最高25%，因為要逐步提高皮膚耐受性，要由C10（即10%濃度維C）開始用，講真C10唔係用咗好耐，一個月之後就已經用到最高嘅25%，所以C10對我嚟講只係一個過渡，效果唔算好明顯

Hamiii好用推薦：60分鐘對我嚟講有d耐😅 對腳濕林林咁好唔舒服🥲 效果係有既，但唔係即時甩， 係好似得閒甩d得閒甩d咁😵‍💫 返完一日工，一除對絲襪… 簡直唔知點算.. 一堆死皮 極度建議用完幾日著d準備掉得既襪 著完就掉，唔使再處理😆

Angie好用推薦：敷完60分鐘對腳真係滑咗，不過60分鐘真係好耐，用完一次下次已經冇耐性再用😂

hellolulu好用推薦：參加活動獲贈的貨裝試用品，一試有驚喜～ 首先喜歡它的質感柔滑有點像軟雪糕，而且不帶氣味，不會對敏感肌造成負擔。我習慣早上在洗面和爽膚水後用防曬日霜，大概用圖二的份量在面上和頸很容易推開吸收，感覺有稍稍提亮膚色🙂 最驚喜是用了大約一星期左右，突然發覺面頰幾處痘印變淡了! 😃持續使用數個月下來，新生的暗瘡、破皮等傷口會復原得比較快，疤痕較不明顯，以敏感肌合用的美白產品有此效果是非常有驚喜的，因為對許多美白產品的耐受度較弱，但親身試用後真的值得推薦! 用完手頭moisturizer 會有興趣試用同系列的晚霜加強美白效果😃 作為乾敏肌對它的保濕滋潤度滿意，剛過去的冬天最乾最凍的日子都靠它安穩度過～ 近日氣溫和濕度稍為上升但使用感仍然舒適，可能始終是面霜質地而且防曬系數偏低，不會像一般防曬產品般焗身。不過個人習慣洗澡前仍會先用卸妝水簡單抹一抹再洗面，確保沒有防曬殘留👍至於夏天的使用感則有待觀察😁 產品包裝為扭蓋式圓罐設計，未必所有人喜歡，不過這一點個人不太介意，因為乾肌慣用較杰身的潤膚膏，取用量又大，罐裝取用會較方便，當然如果有密封包裝感覺的確會較衛生。

A&R好用推薦：同一時間買咗晚霜和日霜，想試吓效果是否會更加好。用咗日霜之後，如果要再搽粉底BB cream。感覺皮膚好似唞唔到氣，如果只搽日霜保濕可能好啲，如果再擦其他BB cream或遮瑕膏的話，毛孔好似塞晒，所以最終日霜都變咗晚霜來用😅。結論晚霜和日霜效果都只係保濕。

auntiemuscle好用推薦：係之前cosme活動，聖誕倒數寫reviews時既被獎禮物，估唔到揀中左我，多謝先 excel一路評價都幾高，成日想入手試佢既眼影又覺得開架呢個價錢又略高，一路都冇入手 今次機緣巧合下試佢既底妝，yeah 其實我好少用定妝，春夏先會用，因為皮膚比較乾 其實呢個係蜜粉餅黎，拎出街補妝都好方便啲粉唔會周圍飛 初初見到咁白都有啲驚，因為我都算係偏小麥肌， 粉都幾幼幾滑，跟埋既粉樸都好軟 我都試左幾個配搭，日常如果返工我只係防晒加呢個粉餅，你因為我返工係有款動既上左面都有提亮作用，因為用梗某有色防晒，一到下晝出油個樣暗左，用左呢個粉定妝就冇呢個問題，但如果冬天濕度低，我覺得有啲乾 都試過fdt加呢個粉餅，明顯有霧面感，但唔係啞色實晒果種死白，都保持到大半日清爽 但如果當日肌膚狀態比較乾我都係用掃上，咁樣就薄啲冇咁乾

jellybeanyay好用推薦：呢盒粉餅是從@cosme STORE購入❤初初係比佢個包裝吸引，估唔到有驚喜！ 我買嘅係01色，係一隻淺米色、幾乎透明。包裝好高貴feel，好欣賞佢有粉撲同鏡，可以拎出街補妝！靚粉質非常幼滑，唔會飛粉/結塊。上面後有輕霧面嘅妝感，自然唔會死matte。用喺眼底唔乾，唔會點卡粉令眼紋睇落明顯，好貼服。我皮膚有時會乾到出少少油，呢隻粉餅都兼顧到控油同保濕，不過我出油唔勁所以唔肯定油肌用嘅話夠唔夠力。 So far呢隻係我用過最好用嘅日本開架粉餅！

bibikiu好用推薦：支精華有兩個size,買咗支細嘅試吓。我只係晚上先用呢支。紅豆大細可足夠塗勻兩隻眼周。質感比較滋潤但又唔會令你出油脂粒。米白色，冇香味。 用了幾次已經見到眼肚附近細紋淡了。我相信如果長時間使用效果應該更加。

SYJU好用推薦：十分喜歡Elixir 這retinol 眼霜, 我每日早晚都有用, 用了一段日子覺得很有較, 細紋真的不見了, retinol係可以增生底層骨膠原, 希望可以改善埋頸紋, 我覺得用retinol 一定要配合防晒及精華先快D見效果, 支retinol wrinkle cream 係用得最快, 基本上額頭、頸及虎紋我全部都搽曬, 我亦有用它的 V面晚霜在眼尾向上按, 一定要拯救剩餘骨膠原及增生骨膠原！

Hamiii好用推薦：買左支番黎日常清潔用， 本身對佢卸妝能力無太大期望 結果同預料既分別唔大😅 卸妝能力一般， 綠茶味幾好聞， 應付普通落街搽既防曬綽綽有餘， 平時粗用，唔需要太強卸妝力既時候都幾岩用

HE1DY好用推薦：綠茶味幾好聞，有茶味的甘甜。搽上面卸妝系十分之沁涼舒適，成份天然溫和，只需要㩒幾次就已經可以清潔晒成塊面，性價比頗高。吾化妝個陣用都得，可以清潔埋面上塵埃。

Angie好用推薦：轉季時候使用，皮膚無痕癢不適，保濕效果幾好，性價比高，會再回購

AmyAmy好用推薦：效果比較溫和，適合敏感肌膚使用，清潔力都OK，又唔會令到皮膚好乾

mandy好用推薦：innisfree Jeju Root Energy Mask #Kohlrabi 濟州根莖真萃活力面膜-大頭菜   功效: 緊緻、亮澤 質地: 安瓶   大頭菜成分具有抗氧化功效。 保濕力強, 精華量滿滿, 而且不會多到滴出來。 惟我的嘴不夠細, 面膜的嘴巴洞實在不太夠位。 使用感極優秀, 敷面膜時令人放鬆心情, 靜心休息, 感到源源不絕的保濕注水。 肌膚收緊的感覺及效果不太明顯。 使用後, 肌膚瞬間變水潤及富光澤的水光肌, 整個人看上去更有精神。 含保濕成分: 甘油, 雙丙甘醇, 甘油醇26, 丁二醇, 甜菜鹼, 海藻醣,  維生素原B5, 精氨酸, 乙基己基甘油, 玻尿酸鈉, 甘油丙烯酸/丙烯酸共聚物, 透明質酸鈉交聯聚合物, 水解葡糖氨基聚糖, 水解透明質酸 及 玻尿酸 肌膚修復成分: 甘油, 玻尿酸鈉, 水解透明質酸 及 玻尿酸 鎖水成分: 甘油, 玻尿酸鈉, 透明質酸鈉交聯聚合物, 水解透明質酸 及 玻尿酸 抗氧化成分: 葵花籽油, 精氨酸, 積雪草萃取, 玻尿酸鈉,  牡丹根萃取, 德國洋甘菊花萃取, 擘藍提取物(大頭菜), 水解透明質酸

zetalhc好用推薦：呢個係innisfree嘅緊緻面膜，可以令到皮膚更有彈性同埋令皮膚補充水份，敷完第二日上妝都貼咗好多

🌸好用推薦：日本旅行時買嘅，夏日限定鼠尾草味睡眠凍膜。啫喱嘅質地，上面清涼舒適，曬完太陽之後用可以起到紓緩作用。鼠尾草嘅香氣令我覺得有洗滌心靈嘅感覺。不過我唔慣敷gel mask過夜，所以厚敷一個鐘就洗咗。保濕同軟化角質效果不俗。

Kpl6be6好用推薦：喺日本藥妝店購入～打開覺得啲黃色小粒子好可愛～gel狀質地用落清爽～敷過夜後洗去依然感到肌膚水潤有感～