Yanny好用推薦：我自己本身係中性偏T字位油，皮膚少少敏感 今次係比YSL呢一個粉底嘅設計所吸引 外型非常之型格，用來做裝飾都非常之吸睛 質地偷薄，基本上用好少份量已經可以用晒全面 但係我唯一覺得持久力爭少少，可能因為我本身T字位比較容易出油，而家又係轉天氣準備踏入秋天 所以一出油就感覺好似成塊面好油淋淋咁 持妝效果，我覺得一般 但係遮瑕到我覺得都足夠，如果面上唔係話有好多嘅瑕疵需要遮嘅話都完全cover到 其他人話出遊感覺望落似奶油肌 但係可能我自己就麻麻哋嗰個觀感 覺得望落去似油光滿面多啲

Akassoo好用推薦：今次試用Le Cushion Encre de Peau新出嘅輕透無重羽毛氣墊粉底20號色，以前未用過YSL Beauté呢個牌子，但一直都知道喺粉底方面都幾出名，同埋啲氣墊包裝勁靚。 呢隻新出氣墊粉底亦有主打高性能護膚成分，喺上妝嘅時候同時為塊臉護膚，不過我自己覺得可惜嘅係佢掩瑕力較弱，但可以再喺需要掩瑕的位置上重點印上粉底液。 個人覺得呢一款粉底妝感唔錯，試過上妝超過10小時仍保持得不唔錯，只有鼻翼有少量溶妝（本人係混合偏乾，兩頰位置偏乾，但係T字部位出油）。加埋呢一隻粉底液有保濕成份，混乾皮使用亦唔覺得乾。

KwanTsu好用推薦：去MUF消費，銷售員好好人，送唔同贈品試。本人就混合乾性肌，有次趕出街已經黎唔似裝身，咁岩醒起小姐話如果想好膚色，又唔想搞咁多野，就用佢隻watertone 上面。我攞嘅色號係Y218（試過想買發現斷貨好傷心！） 質感超水狀，我用美妝蛋嘅，超好上面，而且一層都夠力遮，面色即時提亮，簡簡單單畫左條眉加支有色潤唇膏已經可以上得廳堂，間唔時噴保濕噴霧依然可以維持。大力推薦！ 當然如果本身塊面多瑕疵嘅，建議做少少遮瑕，咁就萬無一失！

sammiimelda好用推薦：特登買來夏天用嘅一款粉底 質地比較輕盈 上面都清爽 遮瑕冇其他粉底高 但主要睇中佢夠輕薄 持久度都足夠全日 延展性亦都高 容量少少就夠用全面

dor.r好用推薦：呢支水份精華我早晚用每次一至兩泵，一個月就用完😂精華質地比較稀身，搽上面好快就吸收晒，清爽得來都夠保濕💦鎖水能力都很好，之後再搽其他精華都無打交或出擦子膠碎，証明吸收能力不錯👍🏻用來打底再上妝都保持到皮膚水份✨仲有淡淡的海洋氣味幾舒服，不過秋冬要再加滋潤的面霜先夠

Blueblueblue好用推薦：透明樽身，入面係白色精華，泵頭。 我覺得夏天用保濕度啱啱好，冬天要加保濕面霜。

zetalhc好用推薦：適合任何皮膚的保濕底層精華，我覺得非常容易推開和吸收，之後再apply嘅護膚品都更加容易吸收。成分很天然，敏感肌都適用，我會再回購！

ChingLam好用推薦：第一支已經就嚟空瓶，趁特價買多咗兩支喺屋企用🥰 依款純保濕嘅肌底精華，超易吸收 我最鍾意就係依啲感覺 保濕得黎又唔黐立立👍🏻 佢產品主打係潔面後10秒內即刻搽，就可以補充番洗面失去嘅水份 查完按摩一陣就已經feel到佢吸收晒，之後繼續查返自己嘅護膚品，吸收係提升咗😌 仲未用到佢厭之前都會繼續回購😂

mandy好用推薦：RMK Liquid Foundation Flawless Coverage 原美零瑕絲絹粉底液 SPF20 PA++ $420 原美零瑕絲絹粉底液帶保濕成分， 質地較水感，延展性高，極易推開及上妝。 可以完美遮蓋毛孔及面上的泛紅位置(really flawless)。 妝效自然透薄不厚重，使用感舒適，不會感到很焗或很悶熱。 完妝為自然不誇張的光澤肌。 防曬保護足夠讓一眾在室內工作的OL使用， 如需戶外活動則可預先用SPF50 PA++++的防曬。 可惜持妝度較為一般，午後需要稍作補妝。 成分方面，除了防曬成分，同時加入保濕、抗衰老等美肌成分，可以化妝同時護膚。 含防曬成分: 二氧化鈦, 桂皮酸鹽, 鈦/二氧化鈦 及 氧化鋅 保濕成分: 矽靈, 雙甘油, 丁二醇, 氫氧化鋁, 氫化卵磷脂, 角鯊烷, 乳木果, 乙醯葡萄糖氨, 玻尿酸鈉 及 水解蠶絲蛋白 控油成分: 氫氧化鋁 抗氧化成分: 角鯊烷, 乳木果, 乙醯葡萄糖氨 及 玻尿酸鈉 抗衰老成分: 角鯊烷, 乳木果, 丁二醇, 鈦/二氧化鈦 及 玻尿酸鈉 鎮靜消炎成分: 乳木果, 乙醯葡萄糖氨, 氯化鋅 及 玻尿酸鈉 油性

Iamegg好用推薦：脂漏性皮膚終於搵到唔會敏感甩皮嘅粉底液😽 本身因為皮膚容易乾燥敏感，用唔岩產品會即時紅腫痕癢，所以每次試新產品都會心驚膽戰🥴 化妝師推介下買左RMK呢隻粉底液，因為頸同面兩截色，買左102色號。上面效果非常自然，遮暇度比較低，但做到透薄自然均勻膚色嘅效果。 本身皮膚偏乾，如果乾燥天氣使用會溝1-2滴Haba鯊烯美肌清油一齊用😉出左成日街粉底都冇暗沉氧化，仲愈嚟愈貼✨推介！

kayla.me.me好用推薦： 乾燥敏感肌專用獲日本權威皮膚科醫生認可 佢可以針對我嘅乾燥敏感肌 長效補水,將水分鎖緊於肌膚底層，都好保濕

Noel好用推薦：如你喜歡使用高保濕又能維持清爽感覺的精華，這枝就能夠滿足你的需要❗精華液呈白色，乳液狀，中度流動性，塗抹到面上非常順滑，易推。 精華液夠 lightweight，為皮膚注水，同時不油膩不黏笠，四季都適合使用，春天潮濕時也可考慮這枝。至於淡紋效果就一般般，反正塗面後少了乾紋，都可以 👌 Curel 產品安全，性質溫和不致敏，推薦給所以肌質的朋友。

Silvia好用推薦：本人皮膚混合偏乾，皮薄轉季仲會敏感下。CPB係我唯一一支用到見底，要撩出來用😂 質感好水潤，上臉好滑好好推（用蛋輕拍）拍出個水潤透肌，但遮瑕度又唔錯。已經回購第二支，秋冬天剩係用到佢。不過係好焗，炎熱夏天不適合，秒溶。另外就係價錢貴。

Fng好用推薦：我喺專門店買，日本粉底感覺大多都係偏黃， 遮瑕度中上，同埋比較滋潤， 適合冬天使用。

mandy好用推薦：Make Up Forever HD Skin Hydra Glow Hydrating and Glowy Liquid Foundation 高清光感柔焦粉底 $440/ 30ml 很多化妝師為客戶上底妝前都會為客戶先敷保濕面膜， 這是為了令之後上底時會更服貼易上妝。 高清光感柔焦粉底就是為了讓大家省去 敷保濕面膜的時間而誕生，號稱是mask+foundation 2合為1的產品哦! 此粉底著重提昇光澤+保濕力+柔焦效果。 高清光感柔焦粉底質地水潤易推， 含有不少保濕及抗衰老等護膚成分， 保濕力很不錯，亦可以高度遮瑕， 完美遮蓋毛孔及泛紅。 底妝帶自然光澤，完妝效果為水光肌， 妝效自然服貼，具乾淨感。 可調整膚色，令肌膚更提亮、更上鏡並帶柔焦效果。 持久度方面，肌膚在午後少量出油， 大家可以按自己需要決定是否補少少妝。 注意: Make Up Forever 高清光感柔焦粉底 並沒有防曬成分，請記得在上底妝前先上防曬呀。 含保濕成分: 甘油, 戊二醇, 荷荷巴油, 椰子果萃取, 牛油果, 醋酸鹽維他命E, 藻膠, 半乳糖阿拉伯聚糖, 玻尿酸鈉, 麥芽糖糊精 及 生物糖

Kura好用推薦：我好鍾意呢一款粉底液，之前去專櫃試色同埋試上臉真係超水潤超貼服，就算我戴口罩好熱都冇脫妝，值得回購嘅粉底液 ，我用嘅顏色係1N00 #火熱新品 #火熱新品 @cosme

karun好用推薦：第一次使用遮瑕膏，另我很驚艷！這款遮瑕膏分冷/暖膚色，我皮膚是冷色調，所以買了11rose beige色號，中間個格會用來遮黑眼圈，好自然，豆豆用深色，如果有需要再與淺色進行渾色是使用，調出適合自己的顏色！ 質地較為creamy，我非常喜歡少次多量加疊使用。

Angie好用推薦：細細盒有3隻色，屋企用或者帶去旅行都好方便，有時重可以自己溝色，cp值高！

LenaC好用推薦：好高興喺@cosme HongKong舉行既會員禮活動被抽中 成為得到Paul & Joe 水凝透亮啫喱粉底霜既幸運兒😇😇😇😍😍😍😍😍 收到一拆開已經好開心 因為粉盒設計很有質感 整個玫瑰金 配立體的橙花浮雕 以及Paul & Joe 的字樣 簡約不浮誇 設計實在令人愛不釋手 貫徹Paul & Joe 既高貴優雅作風❤️Paul & Joe 嘅粉餅盒$140👆 密封式粉盒設計所以唔會外溢 又纖薄易攜帶 附的海綿都好柔軟 很吃粉 入面可拆卸既粉$320 ：我收到嘅係102號色：以下係我既用後感😇 質感：啫喱粉底霜 （蘊含 80% 水質成分 採用橙花水配製😻） 水感既彈性啫喱質地 感覺似一層補水薄膜 貼服度：❤️❤️❤️❤️ （完美貼服既底妝 get! 肌膚上妝後整日保持水凝嫩滑 ) 遮瑕度：❤️❤️❤️❤️❤️ （臉上的有的沒有遮的一乾二淨 沒有任何的瑕疵）😱☺️☺️☺️ 持久度：❤️❤️❤️❤️ （用後粉底持久不脫妝 一整天下來也不會黯沉亦唔會甩晒喺個口罩度） 控油度：❤️❤️❤️❤️ （用後肌膚顯得滋潤 通透 柔嫩 即使到咗下晝出油都感覺似奶油肌 唔會油笠笠） 防曬系

maylam好用推薦：好開心之前收到@cosme 送嘅禮物！ 因為係底妝產品所以斷斷續續咁用咗幾個月先決定出心得！ 首先好appreciate包裝真係好高級好有質感好靚 攞喺手上已經好加分 我收到嘅色號係102 對我黎講比較深色同比較黃 所以我用嘅時候會上得比較薄少少 搽上面涼涼地咁好啱夏天咁熱用 係偏保濕 唔算好控油嘅 我夏天薄d上妝再做好定妝都ok 遮瑕度唔算太高所以好自然唔假面 Overall黎講都幾滿意呢個新品 妝感幾靚 之後有機會想買白d色號嘅喺冬天用！