jaye好用推薦：質地是偏稠既水狀與啫喱之間，流動性都好高，好易推開，雖然是偏稠，但一推開就好快被皮膚吸收，搽上臉好輕身、清爽，同時做到馬上保濕同鎖靜皮膚而唔笠，紅茶味就聞唔到，不過係天然既淡淡清香味，係舒服既味道，個人用左2星期度，見到皮膚水潤有光澤左，望落透亮左，相信係紅茶複合物既有效成份做到抗氧化既作用，至於緊緻度同v面就仲未有明顯效果，用多兩星期再睇睇。性貨比不過不失，最近專門店都有做唔同既推廣，鐘意同想試下新產品既都可以去睇下試下，相對較優惠，敏感皮膚都唔怕試，個人係敏感肌用左都無問題。

Lumi Kwan好用推薦：曾經有一段時間我對於佢嘅紅茶系列去到瘋狂程度，所以都有買到紅茶緊緻塑顔精華，紅茶系列嚟講係抗老化中價產品，對比於另一個古源系列，價錢親切好多。不過既然用得上提升緊致度做賣點，用後感我就覺得唔夠Clarins強，用完賞面後唔會有立即提升同拉緊嘅感覺，正貨裝都夠用兩個月，用後唔覺得面部輪廓有咩改善，反而Clarins會覺得有，所以我都冇再回購了。

Lumi Kwan好用推薦：有一排冇洗面膏用，就買咗支無印頂住先，佢優點一定係平！咁本身佢都話自己敏感肌用得，應係成份較簡單。都算多泡泡，但洗面產品好簡單，只要做到清潔清爽嘅效果就OK，洗完後又唔會話覺得太乾，但當然對比起一啲專做美妝嘅品牌，佢確係比唔上人哋，不過以呢個價錢嚟講真係好抵用。

Tiffany好用推薦：加了杏桃汁和桃葉精華成份，可以潤澤肌膚，所以卸妝力比較低，適合卸防曬。

amyng888好用推薦：質地水感快滲透，一次過幫皮膚保濕、緊緻、撫平皺紋，可以好好呵護乾燥、敏感肌😊

KDing好用推薦：真係皮膚急救既時候先用 質地較為厚身一D 但即時效果都睇得出係補左好多水 但都真係偏貴

Giselle 好用推薦：D.U.O 皇牌卸妝按摩膏 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係高清潔力嘅都卸妝膏*ˊᵕˋ)੭佢嘅卸妝效果幾優秀，就算係用咗防水嘅化妝品都可以卸得好乾淨(✿︎´ ꒳ ` )♡︎卸完妝後皮膚又唔會因為太強嘅清潔力而變得又乾又緊⸜( ´ ꒳ ` )⸝♡︎另外佢每盒都有附送一個匙羹仔去挖啲膏體嚟用，非常貼心(◍︎•ᴗ•◍︎)唯一缺點就係都幾貴，有足夠經濟能力嘅小夥伴不妨入手試試₍˄·͈༝·͈˄₎◞︎ ̑̑ෆ⃛

shadow影子好用推薦：膏狀的卸妝產品，輕輕在面上按摩便能化成油狀，能夠溶解頑強妝容，並且去除面上角質層，卸妝同步滋養皮膚。

羅小白好用推薦：又係一樣無功無過嘅產品，初頭係因為想用佢嚟去暗瘡印，皮膚睇落去透亮啲而買，比較淺色啲嘅暗瘡印確實係有效果，但如果係比較深色啲，或者生得比較耐啲嘅暗瘡印就冇乜效果，皮膚都有透亮咗少少，同埋佢呢個質地好難吸收。 呢個價錢寧願買其他維他命C精華嘅產品都好過買佢，甚至買尊櫃品牌都得啦

綺羅香好用推薦：依家好興用高濃度維C skin care，話可以美白淡斑收毛孔，一聽到美白自然唔執輸要試試，就睇中Dermacept，有最低5%到最高25%，因為要逐步提高皮膚耐受性，要由C10（即10%濃度維C）開始用，講真C10唔係用咗好耐，一個月之後就已經用到最高嘅25%，所以C10對我嚟講只係一個過渡，效果唔算好明顯

Kura好用推薦：已經空瓶咗好多次嘅卸妝油，質地唔似油，更似清爽嘅乳液質地，我通常會用黎落日常妝，眼影睫毛膏唇膏呢d比較難落走嘅部分用呢一支卸妝油都可以輕鬆清潔，呢款卸妝油無香味，無酒精，我通常乾手乾臉搽上臉等10秒再加水乳化就可以清潔得乾淨，用完皮膚唔會生粒粒，一d都唔覺得油，係非常好用嘅卸妝油，價錢偏貴小小，不過都值得一試，我係乾性肌膚用完都唔會覺得乾，產地係日本，非常推薦俾大家呢款卸妝油 @cosme

Noel好用推薦：Tatcha 係我早年接觸的美國 high end 品牌，第一次接觸這個白色 Hadasei - 3系列。這款潔膚油含✅山茶花、✅米糠油，成份比較滋潤，乾肌 friendly！產品呈淡淡黃色，流動性高，接觸到面上化妝品後，就快速開始卸除，並且遇水乳化，帶走皮膚污垢❣潔淨力非常好，人見人愛那種啊 💯 潔面後皮膚感覺 care free，很清潔，而且山茶花油令皮膚滋潤，沒有乾燥或繃緊❗“除了貴，沒有毛病” 膚感滿分的卸妝體驗💕 感謝品牌的試用品啊 🤍

bibubibu好用推薦：雖然佢係一支精華素 但其實佢係洗面之後嘅第一個step 用完佢先用爽膚水 佢嘅質地好清爽 好似水一樣咁流質 非常容易吸收 仲有效幫助後續產品嘅吸收 用完佢 塊面變得好滋潤軟熟

粉紅寶寶好用推薦：沒想過有補濕力那麼強，卻又不起碎碎和快速吸收的產品！請留意這是護膚前用的肌底液，是每天洗面後、爽膚水前使用的。但因我習慣用爽膚水把未能徹底洗淨的污垢再抹一次，所以我會洗面後先用爽膚水抹，再用此產品，再直接把爽膚水倒到面上按摩。 成為美評之星後收到cosme送贈的60mL貨裝，在網上看過評論，得知是偏水狀的產品，而包裝的日文寫著是護膚前的肌底液。 原本打算留待夏天使用，因水狀嘅都是較清爽的，但早前一、二月天氣有點乾，便開來試用，沒想用效果極好，吸收迅速而且後續不論按摩多久都不起碎碎，就算戴上口罩後都一樣沒有碎，而且補濕維持了一整天，完全沒有因化妝的乾粉而有崩緊的感覺，非常值得回購！ 在網上查過應該還有大支120mL裝，價錢好像是$6xx，應該會比60mL裝抵買。

zetalhc好用推薦：適合任何皮膚的保濕底層精華，我覺得非常容易推開和吸收，之後再apply嘅護膚品都更加容易吸收。成分很天然，敏感肌都適用，我會再回購！

ChingLam好用推薦：第一支已經就嚟空瓶，趁特價買多咗兩支喺屋企用🥰 依款純保濕嘅肌底精華，超易吸收 我最鍾意就係依啲感覺 保濕得黎又唔黐立立👍🏻 佢產品主打係潔面後10秒內即刻搽，就可以補充番洗面失去嘅水份 查完按摩一陣就已經feel到佢吸收晒，之後繼續查返自己嘅護膚品，吸收係提升咗😌 仲未用到佢厭之前都會繼續回購😂

jaye好用推薦：質地都係透明啫喱狀，比西柚味道個款更清爽，period前有時背脊會生下粒粒，個陣用可以更快幫助消炎鎮靜皮膚，平時好岩天氣潮濕、春夏用，冬天用會略微乾d。

Milo101好用推薦：茶樹沐浴露也是沐浴gel狀，洗澡時會有微微涼感，清潔力強，去除多餘油脂

hellolulu好用推薦：參加活動獲贈的貨裝試用品，一試有驚喜～ 首先喜歡它的質感柔滑有點像軟雪糕，而且不帶氣味，不會對敏感肌造成負擔。我習慣早上在洗面和爽膚水後用防曬日霜，大概用圖二的份量在面上和頸很容易推開吸收，感覺有稍稍提亮膚色🙂 最驚喜是用了大約一星期左右，突然發覺面頰幾處痘印變淡了! 😃持續使用數個月下來，新生的暗瘡、破皮等傷口會復原得比較快，疤痕較不明顯，以敏感肌合用的美白產品有此效果是非常有驚喜的，因為對許多美白產品的耐受度較弱，但親身試用後真的值得推薦! 用完手頭moisturizer 會有興趣試用同系列的晚霜加強美白效果😃 作為乾敏肌對它的保濕滋潤度滿意，剛過去的冬天最乾最凍的日子都靠它安穩度過～ 近日氣溫和濕度稍為上升但使用感仍然舒適，可能始終是面霜質地而且防曬系數偏低，不會像一般防曬產品般焗身。不過個人習慣洗澡前仍會先用卸妝水簡單抹一抹再洗面，確保沒有防曬殘留👍至於夏天的使用感則有待觀察😁 產品包裝為扭蓋式圓罐設計，未必所有人喜歡，不過這一點個人不太介意，因為乾肌慣用較杰身的潤膚膏，取用量又大，罐裝取用會較方便，當然如果有密封包裝感覺的確會較衛生。

A&R好用推薦：同一時間買咗晚霜和日霜，想試吓效果是否會更加好。用咗日霜之後，如果要再搽粉底BB cream。感覺皮膚好似唞唔到氣，如果只搽日霜保濕可能好啲，如果再擦其他BB cream或遮瑕膏的話，毛孔好似塞晒，所以最終日霜都變咗晚霜來用😅。結論晚霜和日霜效果都只係保濕。