護膚功效 推薦好用產品

Blueblueblue好用推薦：產品原材料係取自社區公平交易。 磨砂可以温和去取皮膚嘅老角質，用完滑好多，味道不怎麼好...

Circlecyy20好用推薦：略續砂粒較粗糙 單用在肌膚的磨擦感會較明顯 我多數會拌淋浴露使用

LenaC好用推薦：Sana 豆乳美肌既極致美白保濕啫喱一瓶集化妝水、精華液、乳液、乳霜、面膜、隔離霜為一體 係預防肌膚粗糙同時擁有美白功效既濃稠多效合一啫喱霜絕對係打造透明細緻白嫩肌膚 #抗黑美白對策 必備之物 質感：擁有形狀記憶既啫喱凝膠 能夠迅速喺皮膚上融化 高滲透力 輕易喺皮膚上拉伸一層薄膜 為皮膚補充水分 保持皮膚光滑 佢嘅大豆豆乳保濕成分配合高純度熊果苷 同埋 大豆異黃酮 達到雙重美白效果！！！！ 唔單止美白 仲有效抑制黑色素形成 淡化色斑😇同時含有防止皮膚粗糙活性成分 可以防止皮膚粗糙和粉刺 用後感：我嘅皮膚好易出粉刺 用咗佢咁耐都無！出！粉！刺！ 而且佢既質感好適合夏天使用 夏天最怕最怕焗佢能夠做到非常輕薄一層 一啲都唔黏笠 而且佢無香料，無色素，無礦物油😉😉 敏感肌膚既朋友絕對可以一試 佢既美白功效亦係無得彈 喺陽光無所不在既夏天 幫我day day 美白 激退黑色素 P.S.已用完一瓶！回購😗 #抗黑美白對策

iliya 好用推薦：集化妝水、精華液、乳液、乳霜、面膜、隔離霜6大功能於一身嘅面膜，係懶人最愛😛

Cherry Man好用推薦：非常適合冬天用，而且非常保濕，原本乾燥又掹掹緊嘅皮膚用完之後完全就冇哂呢啲感覺啦

iliya 好用推薦：呢支洗面膏幾好用，泡沫豐盈，而且洗得幾乾淨，洗完之後唔會有繃緊或乾燥嘅感覺，冬天用都得🥰

Emma W好用推薦：又到年末啦，又係時候要盤點下，邊款護膚品係「我最喜愛」護膚品。 潤燥再生精華面膜通常能有效滋潤和修復肌膚。能夠深層滋潤肌膚，讓肌膚感覺柔滑和充滿水分。特別對於乾燥或受損的肌膚有很好的修復效果，能改善肌膚的整體狀態，例如做完深層清潔後，立即敷返個保水面膜，效果會更上一層樓。 一片潤燥再生精華面膜能盛載3星期分量潤燥再生精華，注入高效人參活膚精萃，能即時修復肌膚保濕屏障，煥活肌膚活力。另外，面膜仲可以當作曬後S.O.S護理。當肌膚會變得乾燥、泛紅，敷上面膜後能鎮定肌膚，達到降溫效果。 面膜的精華液質地輕盈，用後感覺清爽，敷完過左10分鐘內，精華已經吸收曬，加上唔會太油膩。第二日，依然感到面部水潤帶點光澤，唔會有崩緊的狀態。 唯一要改善的，就是面膜的貼合度。敷上面上，要好努力先貼合到，但一會兒、乾左後，又會飛左出來。 適合肌膚：任何 成效度：4/5 保濕度：4/5 吸收度：5/5 貼合度：3/5

Noel好用推薦：終於可以試用這個潤燥面膜 💛 心情超興奮，因為產品價位比較高，個人沒有購買的意欲。有幸因為購買雪花秀套裝商品，獲贈三片❣ 面膜帶有淡淡黃棕色，就像面膜已經浸泡了滿滿的皇牌潤燥精華！面膜線偏薄，能夠很貼面又不易滑落👍 而香味就和潤燥精華液相近，都是滿滿的韓方藥材味道‼️ 面膜滋潤感覺很強，但不油膩💕 面膜精華液 light weight，容易被皮膚吸收❤ 敷完面膜後，最大的感受，係精華能滲透皮膚，面部變得紅潤有精神❣

Flora好用推薦：經化妝師朋友介紹， 化妝前使用這產品可以令妝容貼服啲， 使用後感覺還可以，精華吸收得好快。 價錢不貴，用於每次化妝前CP值高。

Hamiii好用推薦：好易sin落黎 唔比用普通toner敷好得幾多 用頭幾張都還好 其他好快會乾

bibubibu好用推薦：minon主打俾敏感肌使用 而呢一款保濕噴霧我就最鍾意喺沖涼之後立即使用 佢有瞬間嘅保濕效果 噴霧非常之細密 噴上面嘅感覺亦都好舒服 佢好快就會比面上吸收，然後就可以查精華 佢嘅質地基本上同任何後續護膚品都唔會打交 另外有時皮膚有少少行少少敏感嘅時候 我都會用呢一款噴霧 佢有降紅嘅效果 能夠令敏感肌變得穩定

wingshan1124好用推薦：感覺就係水，當然補到濕啦，但功效唔長久囉

格仔餅公主好用推薦：美白既感覺有少少🤏佢有少少提亮同埋均勻膚色既效果，可以去到黃氣，係款幾驚喜嘅開架美白產品

sami.mew好用推薦：保濕強，full完有白少少嘅感覺。

mandy好用推薦：QUALITY FIRST  Queen's Premium Mask 晶鑽女王超保濕面膜 (藍色-美白) 晶鑽女王超保濕面膜 (藍色-美白)的面膜紙厚薄適中， 不易撕破，面膜大小跟我的面型相約， 剪栽立體，可以緊貼面型。 作為美白面膜，保濕力非常好，精華量剛剛好不算多，並不會多到滴出來。 使用感水潤舒適，還以為自己在敷保濕面膜。 使用後，肌膚水潤飽滿，散發自然光澤及透明感，而且富彈性，眼紋及法令紋變得不明顯。 由於保濕力及滋潤度高，敷面膜後會有一點黏膩感，特別是油性肌及混合性偏油膚質，可能會覺得太油潤，最好敷面膜後再用爽膚水去一下黏笠感。此外，如果您不喜歡太潤太笠的面膜，可能在夏季敷cream mask會更適合，反正敷完一定會抹掉，不會有殘餘的黏笠感。 添加了眾多有益護膚成分，可以全方位護膚，兼顧不同功效， 例如: 保濕、抗衰老、美白、鎮靜消炎等，並不是只有美白效果。 以開架面膜來說，定價便宜，品質、使用感及成分都很不錯， 性價比高，值得入手及回購。 含保濕成分: 雙丙甘醇, 甘油, 雙甘油, 水解蠶絲蛋白, 角鯊烷, 荷荷巴油, 山梨醣醇, 甜菜鹼,

lingbb好用推薦：行完山暴曬完，就想敷個美白mask 質地好厚實，包裝寫有30ml精華 拎起塊mask唔算好多精華剩返落袋， 上面對我黎講唔算最貼面 無乜氣味 敷完用黎抹手，先發現塊mask吸收既精華都幾多 面唔會有好黏笠既感覺之餘有滋潤感，👍🏻 9$ 塊黎講我覺得一般般，做到一塊保濕mask做到既野， 無敏感，可能要用多幾次先知效果，但即時提亮就唔覺有 敏感肌又想美白可以試試👍🏻

lingbb好用推薦：冬天乾燥時最適合用有香氛既身體乳，比起噴香水，香味會更自然同持久。 呢枝Summer Hill係C&E呢個牌子一款好經典既香味。 成份有滋潤成份既乳油木果脂、親膚性高既甜杏仁油以及甘油來強化滋養保濕，有呢3個成份就已經做到基本保濕，再以水蜜桃果及金銀花精華做為柔軟細緻肌膚的屏障。 質地係白色的乳液，綿滑既質感， 易推開，延展性很高。 按摩一下肌膚就吸收唔會有黏膩感。 香味好似盒咁俾溫暖既花包圍住既感覺，滋潤感都好足夠，令皮膚軟滑

KDing好用推薦：隻味都係好清爽嘅草本味，所以有時候沖完涼搽喺身度都仍然可以保持種好清爽嘅感覺

Fng好用推薦：鼠尾草味道很好聞，有柔和木質嘅芳香， 同埋留香效果持久，缺點價錢偏貴。

lingbb好用推薦：- 唔係講笑，呢款洗頭水係我用過最香使用感好高分既洗頭水♥️ - 質感係厚身但流動性高既水狀 - 沖水有超多泡泡，有好fresh既香味。 - 我睇返成份，青檸、羅勒以外仲有檸檬香蜂草、洋甘菊巴精華 - 用黎按摩頭皮時成個感覺好似去咗高級salon。 - 頭皮用完變得好乾爽，有蓮鬆感，成個使用感非常好 - 如果果日非常唔想洗頭但又必須要洗頭我會用佢 - 推介俾jo malone粉絲、夏天用☺️ - 雖然佢真係有啲貴。 #清潔好物推介

Theresa好用推薦：眼霜質地較流質，容易推開，而且補水力強

Hazel好用推薦：白色乳霜狀質地延展性高，少少已經可以搽曬一對眼，十分輕薄，唔怕搽咗會起油脂粒，補水力唔錯，未起眼紋前用佢有預防作用，但已經起咗嘅眼紋就唔見有咩減淡功效。

何何好用推薦：一買glycerl既野就有好多sample 試用😃呢支係燕窩精華主打保濕，glycerl啲野真係唔平，我有用開佢呢個系列既face cream所以就有呢個試用。我覺得佢係好吸收既，搽完仲有一層膜係面可以推下按下面，滋潤感有係度，但唔係痴立立果種。秋冬，冷氣下用都幾好。

格仔餅公主好用推薦：搽完有陣膜感保濕度好足好夠，細緻到皮膚紋路亦無生奇怪野，無比足星星係價錢偏進取，每次都係喳小小甘用慢慢用

mcosmetics好用推薦：之前喺英國boots 買，好平好抵用。唔會拎皮膚敏感，用完塊面唔會乾。但卸眼妝有少少乸，所以都係鐘意bioderma紅水多啲。

Aivlys好用推薦：今次分享呢支卸妝水相當冷門， 但絕對係我自己嘅真愛嚟， 每次lookfantastic有特價都會補貨咁滯， 愛用原因第一當然係好平好抵用， 第二係卸淨力對我嚟講恰到好處， 平時化全妝都可以輕鬆卸除曬， 不過我唔用睫毛膏所以唔知卸防水睫毛膏會唔會唔夠力， 但一般眼影+防水眼線液都卸得好好， 第三就係佢好水潤完全唔會刺激到皮膚或者太乾， 卸完就咁再用清水過一過已經覺得塊臉輕鬆曬冇曬負擔， 已經持續回購同囤貨好耐， 真係好好用！

JuneL好用推薦：呢支潔面泡泡一按就可直接推按上面，泡沫綿密，用起來好方便，用後皮膚一d 都唔乾，性質溫和，但價錢貴了點及用得快，唔太化算。

kameari好用推薦：sofina一向日版台版都是很喜歡的牌子，雖然這款是寫為乾燥肌，但油肌用落都不錯，清潔力不錯，滋潤度還好不會笠，而且不會很乾，整體來說是很溫和的感覺。

C-00好用推薦：小弟至少受黑眼圈困惑 一直試過好多唔同嘅產品但係幫助都唔係好大…. 呢一隻係小弟用過覺得最有幫助嘅，用咗一星期左右黑眼圈明顯淡咗、細紋都少咗。 產品本身係比較油潤啲 不過唔會黐立立 都好易吸收 個人覺得效果非常之好 我俾💯 10分推薦

jaye好用推薦：再一次入手c25同c5,c5可用黎作眼精華用，清爽唔乾，可以幫助美白眼周肌膚，用左成支對黑眼圈特別有感，明顯有改善，所以回購持續用落去！

Sarah好用推薦：作為白麝香的粉絲，真係好喜歡這款的香味，沖涼液味道較淡，但好清新，而且唔乾。推薦！

Hamiii好用推薦：買過幾次既沐浴露 隻味好清新，唔算太香 而且氣味都算持久 唔錯唔錯 會繼續買：）

Blueblueblue好用推薦：好欣賞產品有支持公平貿易。 睇返官網介紹，原因樽係 100% 可回收的，可以再次重複使用，好環保！ 鐘意食芒果，所以買埋芒果cream!

Sarah好用推薦：自己本身好喜歡the body shop 芒果系列的香甜味，非常清爽，而且好滋潤，推薦！

Cici Wong好用推薦：呢支保濕啫喱係我夏天嘅最愛，搽上面有點涼浸浸，唔似啲cream咁濃稠，唔會焗住塊面， 佢主打包含12杯水精華成分，例如仙人掌精華及多種保濕精華，結合透明質酸和維他命原B5，而且不含油脂。 我本身屬於敏感肌，有啲位置間中紅腫，就會用佢厚敷嗰個位，能夠有效退紅，緩和不適。由中學至今已回購至少10枝，乾/油肌應該都適合，不過乾肌冬天就未必夠滋潤，要再配合其他cream。 質地係：薄荷綠嘅啫喱狀 好水潤易推開

Noelle S好用推薦：家中男士只係用呢個護膚品，游泳後塗上感覺很好。保濕啫喱質地輕盈清爽，泵裝又方便衞生，價格相宜，可以一試。

Miu Lai好用推薦：皮膚容易敏感敏感泛紅? 可以試下積雪草! 積雪草有助修復和舒緩, 含有大量的營養物質，除了積雪草苷、羥基積雪草苷之外，還有多種維生素，例如是常見的維生素B、維生素C，還有多種礦物質：鈣、鎂、錳、磷、鉀、硒和鋅等等，同時有效幫助肌膚對抗環境外在的侵害，強化肌膚的防護力, 對於皮膚有很多好處。 用後感: 本人皮膚為混合型敏感膚質, 水質, 空氣等轉變都會剌激到皮膚而出現過敏、泛紅和痕癢, 嚴重會不停長粒粒… 1. 面膜保濕程度十分好, 面膜很貼面! 質地絲滑。 2. 用後即時白! 滑! 亮! 皮膚有明顯提亮, 有即時修復的效果, 很水潤, 泛紅的地方都得以舒緩。 3. 於轉天氣的季節用積雪草面膜有減低季節性敏感既發生, 持續使用有效提高肌膚的穩定性。 4. 有關積雪草有抗豆豆、消炎等功效, 個人就覺得效果一般。 一星期用2-3次，持續使用會見效果。 作為抗敏、保濕、修復、防禦集於一身的面膜, 推薦!

Fish Tse好用推薦：相信大家都有聽過積雪草，佢可以幫助肌膚修復、消炎、抗菌同舒緩等功效，對於經常性油脂分泌過多生暗瘡既sis好有效 品牌主抗適合敏感肌人士，所以唔洗擔心。mask除左有積雪草成分之外仲有納米乳液成分有助精華液吸收，但我覺得補濕成分稍為比較迅息左少少 但舒緩消炎既效果整體而言都不錯，有時皮膚敏感少少紅既時候敷左哩款mask都會降紅

lingbb好用推薦：- 聽講係特別版，身體乳質地清爽不黏笠，延展性好推，非常快吸收，有一定滋潤感但唔算超潤。冬天或非常乾燥時就未必夠潤。 - 香味係比較果香，幾清新，感覺幾夏日。 - 我個人幾鐘意前調既梨香。 味道：前調：檸檬、青梨、佛手柑/中調：梨、蘋果、小蒼蘭/基調：麝香 - 推薦大家去專櫃感受一下！

iliya 好用推薦：Sabon嘅野洋梨silky body milk比一般嘅body lotion稀，比較適合夏天使用。而野洋梨嘅味道係甜甜嘅果香味，俾人一種活潑嘅感覺！