Shirlin Ho好用推薦： 今次係第二次用Pantene嘅髮膜 之前第一次用係朋友俾嘅 用過覺得幾好用又方便 所以就再買。 覺得佢方便係可以當佢係護髮素咁用 洗完頭直接揸上頭 之後就可以沖水 好方便 因為我係短頭髮 所以只係用半粒都好夠。 用完第二日啲頭髮真係柔順咗好多 呢個都係我會回購嘅原因。

Floflo好用推薦：朋友介紹 我用左兩次已經發現頭髮好順滑 少左毛燥 一粒其實好大粒 短頭髮可以分兩次用 我用完應該會回購

Kpl6be6好用推薦：有時皮膚狀況不穩定～唔敢用太刺激嘅止汗劑～會用呢支低敏配方～感覺溫和又止到汗～

AmyAmy好用推薦：香氣清新，可以掩蓋到汗味，但係止汗效果就真係一般般啦，勝在價錢實惠

natanatalie好用推薦：性價比很高，價錢十分便宜。質地而推清爽不黏笠，而且有滋潤保濕效果適合乾肌人士使用。

Noel好用推薦：Sofina 防曬，個人一直使用 白色lace 包裝的 jenne系列。後來因為很多朋友都在使用粉藍色這枝高保濕防曬，於是心思思購買🤣 個人使用感受不錯，保濕度很足夠，又沒有太膩👍 而防曬產品係白色，流動性高，塗到面上不會泛白❣最重要：用後沒有曬黑，SPF50+ PA++++，讚❗ 唯一使用時覺得 annoying，係產品既味道，有點似塗改液😥 我用完粉藍色這枝，應該不會回購~ 防曬 🌟🌟🌟🌟🌟🌟🌟 滋潤 🌟🌟🌟🌟🌟🌟 味道 🌟🌟🌟 價格 🌟🌟🌟🌟

msthea好用推薦：呢個係我最喜歡搽喺面部嘅防曬 佢本身帶少少白色 但搽咗上面之後唔會覺得塊面白得奇怪 好自然，但又有少少提亮效果 搽完又唔會黐立立，防曬度數又理想 超級推薦呀！

Jayla好用推薦：質地：不流動乳液，gel狀 顏色：白色，塗開變完全透明 適用人群：喜歡有點滋潤感，敏感肌，嬰兒都得 Anessa嘅防曬多年嚟口碑都好好，而呢支極防水補濕低敏UV乳霜係我嘅秋冬愛用防曬。 SPF34 PA＋＋＋系數唔算高，所以我一般係返工嘅時候用嚟做身體防曬。擠出嚟係白色乳液，比較似gel嘅質地冇乜流動性。搽開之後會見到微微反光嘅膜感，唔會完全吸收晒，摸起嚟都會保留少少滋潤度，所以我會朝早直接省略body cream。搽起嚟膚色冇任何改變，所以冇泛白問題。當噴水上水測試嘅時候見到係一粒粒水珠浮喺皮膚上，證明防水能力相當唔錯。沖涼嘅時候可以正常沖走，冇需要額外卸妝程序，亦冇感覺到殘留。

Silver好用推薦：先講負評，短髮朋友絕對唔可以揀！ 嗰陣用嘅時候兩臉不停keep住岀暗瘡仔，以為自己護膚品/飲食問題，後尾上網一搵先發現原來呢隻喺致痘護髮油榜上有名，因為本人中短髮日常髮型甚至瞓覺髮尾都會掂到塊面，所以即刻停咗唔用，啲瘡真係即刻無爆咁多💩長髮女仔用就應該無問題嘅～ 讚嘅係包裝顏色不錯而且樽頭無蓋，扭去另一邊就可以用呢個設計非常貼心唔需要油手再扱蓋👍🏻香味亦係做到我鍾意嘅小蒼蘭～但真心唔會再用，半樽都放置了

jaye好用推薦：執拾物品先發現自己都用過L’Oréal既髮尾油，香味都幾好聞，清香，一開始用個覺得個質地都算可以，始終係油，未算好輕盈，但的確滋潤到髮尾，亦改善頭髮開叉毛燥既問題，不過自從用左k字頭品牌既髮尾油，就覺得loreal未能做到滋潤而不油膩，會較喜歡k字品牌既多啲。之不過，呢個價錢其實都交足貨，性價比都高！

何何好用推薦：無論冬天同夏天，都要做足防曬，呢支sofina ip防曬smooth milk之前一直回購，日頭返工會當佢日霜用，唔泛白，夠潤，又輕身滑身，防曬系數好夠，spf50+ pa++++, 雖然冇乜調色效果，但上面係舒服唔乾。 但係呢年香港周圍搵佢都搵唔返，得返同系列smooth cream.... 可能要係日本先有？？？

LenaC好用推薦：Sofina 既呢枝美容防護霜 防曬度極高SPF50+PA++++ 但配合佢獨特嘅植物菁華同高保濕ceramide配方 一啲都唔杰唔油膩唔黐立 質地極之水潤 係白色超水潤乳狀既奶油質地見佢防曬到咁高以為塗抹後會或多或少有啲黐立感 但佢完全冇 用後感覺似用緊保養品 好易推勻 且能迅速和肌膚融合塗後感係非常光滑平順 發揮SPF50+PA++++高效防曬之餘 仲可以為素顏增加光澤感佢既護膚保濕成分更加可以同時為肌膚抗氧 做到保濕、修護、防曬 全天候抗老化！非常推薦！

貓餅好用推薦：做完輕擎運動又唔想沖涼，最好用呢啲嚟抹身，抹完後成身乾淨晒，唔會再黐立立，仲可以降溫，呢隻香體紙啲香味都唔錯，幾好用

WSY好用推薦：夏天嘅時候帶一包出街，方便又好用，細細包咁慳位。用佢嚟抹一抹身，頸同手嗰啲位即刻涼爽咗好多，亦都有淡淡嘅香味

Kura好用推薦：呢款磨砂膏係長期 @cosme 榜單上非常有名，用完皮膚真係變滑咗，但唔係假滑個種滑，係用完過咗幾日皮膚都keep住滑嫩嘅感覺，磨砂膏嘅質地係似雪葩咁，但磨砂粒子好幼細，用上皮膚都唔會覺得有好大感覺，但係用完皮膚唔會覺得乾，同埋唔會有種油luplup嘅感覺，保濕滋潤度都唔錯，同埋沖涼過水就可以清潔得非常乾淨，我皮膚黑色素沉澱嚴重嘅位置用咗幾次之後都會變淡，令到我整體嘅膚色都變得均勻咗，我通常會一個禮拜用一次，但夏天會用得密d，因為夏天出油比較多，身體角質會厚d，但經常用都唔會好心痛，因為價錢唔算貴，所以非常高性價比，仲有唔重香味，非常好用，我會繼續回購呢款磨砂膏 #我的崇光感謝祭必買去角質 #去角質 #我的崇光感謝祭必買去角質

Heychauchau 好用推薦：一直有耳聞Oh!Baby身體去角質磨砂膏不錯用，最近到藥妝店買來試用看看。磨砂和平常使用的差不多，顏色是呈白色，沒有加上額外的色素，沒有難聞的香氣，而且性質溫和，目前使用過程中沒有強烈不適。每週使用一至兩次，可以清除皮膚表面的死皮，以及老廢角質，使用後讓皮膚看起來很滑嫩，以及有水潤和通透感。 這款蠻適合喜歡比較簡單一點磨砂膏的人，畢竟是使用天然成分為原材料，性質也很溫和，而且也沒有香料、色素，以及礦物油。即便沒有加上額外特別成分，也可以達到去除老廢角質。相對其他磨砂膏，Oh!Baby身體去角質磨砂膏的性價比較高，570克價格也大概是15x，使用時間也可以接近/超過兩個月（如果有按照時間表使用，一週一至兩次），持續使用可以讓皮膚變得啵亮、乾淨，目前預計是會繼續回購的產品之一。

zetalhc好用推薦：第一次使用番梘沖涼，覺得馬鞭草呢隻番梘味道好香同埋好容易起泡，帶出去旅行好方便！

Fng好用推薦：個人唔鍾意馬邊草香味， 但其他 各方面都表現幾好，起泡得快，又夠綿密，洗完之後唔會皮膚乾燥。

維他他好用推薦：Missha bb cream 係最早期興起嘅bb cream , 又唔似搽粉底咁，但又有粉底嘅效果，最鍾意佢遮暇度好高，毛孔修飾得好好，但用完會略嫌唔夠自然，唔夠偽素顏XD 但整體都好好嘅，防水防汗方面都唔錯

A&R好用推薦：呢款BB cream用後之後感覺有驚喜，遮瑕度很高，令到膚色光亮提高，唔會好暗啞，滋潤效果也不錯，同埋都好貼服皮膚，防曬指數都很高，會繼續回購