底妝效果 推薦好用產品

Emma W好用推薦：雙色眼影極易上妝。其質地柔滑，輕輕一抹，容易暈染，讓新手也能輕鬆上手。雖然只得2款顏色，但簡簡單單就是美。其實日常妝容可以唔需要用到16色盤，都可以做到唔同效果，只要你識得化眼妝。所以其實雙色眼影適合新手老手用。 另外，眼影持妝時間長，不容易脫妝，不容易暈染。最重要的是，Ettusais 的雙色眼影價格較為親民，性價比高，係一個唔錯的選擇。 適合肌膚：任何 成效度：4/5 持妝度：4/5

綺羅香好用推薦：一直都對ettusais雙色眼影好有興趣，細細盒易帶出街，2隻色配搭好唔駛煩，顏色選擇多，依家已經出咗19款，而且唔同款嘅眼影質地會有唔一樣，起初有啲覺得價錢唔平，所以等有coupon時先買咗兩盒，一盒08號乾燥玫瑰，亦都有人叫薰衣草色，另一盒11號玫瑰木，兩盒都係我睇中咗好耐，最想入手嘅顏色 雖然眼影得2隻色，不過容量都唔細，都有3.8克，雙面入面應該算係一個緞面帶細閃，一個霧面色（因為都見有啲閃粉，唔知係咪隔離隻色飛咗閃粉過去），08號係紫色搭橙棕，11號係灰粉搭灰啡，上手試色質感順滑，唔飛粉，伸展性好，易化開，唔會結塊，用掃或者手指都可以輕鬆做暈染，顯色度略低，要疊上兩三層先比較顯色，新手用的話無咁易失手 最後使用感：好想買多幾隻色🤣

龍好用推薦：首先感謝@cosme抽中我作為試驗者之一，CANMAKE係一個我自己私心好鍾意既品牌來。佢除左價格相當親民，仲有產品都相當地好用。(ﾉ>ω<)ﾉ 今次試既係呢一款絲滑潤澤蜜粉，一共有兩隻色。01Beige主打自然，同02紫色主打透明感。 首先講左個包裝先，一樣都係非常之可愛。好吸引，同睇到都好開心❤️。 用感就分開兩邊，01我配合左同月亮粉底一齊用。我覺配合佢個粉底膏一齊用對我個人而言非常之乾。雖然一上個刻真係好絲滑，好抗油，可以keep到3～4個鐘。但之後嘴角、眼下就開始出現乾紋同卡粉既問題。我本人其實一向都有粉底過乾同長久就卡粉既問題，所以唔一定係產品有問題，係佢唔適宜我。 02我就嘗試左當素顏粉咁使用，佢的確有少少焦柔化毛孔既作用。都可以keep到幾耐下，大約都係4～5個鐘。而且無浮粉同乾紋既問題。但如果要再耐就一樣要補一補會好D。雖然佢話可以用水就咁洗走。我用水洗後再用化妝棉＋卸妝油再抹，上面有少少既紫色。所以我既建議係如果用就要好好地用洗面乳洗走個產品去，因為淨係用水仍然有少少既殘留。 總結就係我有機會想要做個有少少機心既女仔就會用來做偽素顏粉咁用。 第一張圖係全素

takemyokane好用推薦：多謝 @Cosme 送出試用❤️ 曾經有段時間十分愛用 Canmake 的紫色粉餅，後來因為轉用其他品牌的蜜粉就沒再繼續用。一直不知道原來也有出同色系的蜜粉呢！這次收到 01 號 Beige 色和 02 號紫色，含有 SPF23 及保濕成份，不用另外塗防曬。包裝是薄身的小盒，很適合帶去旅行。粉撲是超柔軟的毛毛質地。   我通常在上粉底液或氣墊粉底後再以蜜粉定妝。01 號 Beige 色基本上一般膚色都能用，可以化出偽素顏妝容。02 號紫色妝感超有透明感，令整體膚色 Tone up 去黃。可能是因為有保濕成份的關係，完妝時臉部毫無厚重粉感，過了半天也沒有乾裂的感覺。 超柔軟粉撲兩色可選兩色對比

Akassoo好用推薦：Clio嘅氣墊無論係黑方盒定粉方盒都好出名，而呢款黑方盒（色號3）係我人生中第一次用嘅氣墊粉底。 雖底色號係比較白，但本身諗住3號（自然亮膚）已經係深咗一度，結果原來都係偏白，所以如果下次買呢款嘅話我會試吓買3.5色號。 呢隻嘅好處係佢有SPF50+/PA+++，已經唔使另外搽防曬，黑方盒係啞面妝感，遮瑕力都幾高，持久度亦都好高。 不過個人覺得缺點係會氧化同埋鼻翼都會脫粉，當用咗大概超過八個鐘之後個粉底就會暗，而佢暗咗嘅顏色就反而比較啱我想要嘅顏色。 整體嚟講其實個妝感都幾靚，不過我會繼續試吓唔同類型嘅粉底先再考慮回購。

葉子🍃好用推薦：CLIO氣墊設計真心好靚，我買呢個係水晶奶茶色方盒，設計簡單，但入面好吸引眼球，佢係貓咪限量款，入面加左貓既元素，粉撲同氣墊都有貓印，令到我唔捨得唔帶佢返屋企，佢仲要靚得黎，係真係好用，我買左2號色（自然偏白色），微香，拍上面感覺好水潤、有光澤、貼服、妝感透簿、唔會有焗同掹緊，暗瘡皮膚都無惡化同敏感，最鐘意CLIO既遮瑕力強，好適合我用黎遮斑遮印，趕時間出門拍兩拍就可以，SPF50高防曬足夠日常，持久力唔算強要補妝，但控油平衡得幾好，出少左油，就黎用完，黎更想試下買返細粒裝，方便出街 #我的崇光感謝祭必買氣墊粉餅

bibubibu好用推薦：色號517 質地係satin 有少少光澤感而唔算好水潤 搽上嘴幾滑身 又唔顯唇紋 相當顯色 肉眼見到嘅顏色 搽上嘴就係一樣顏色 唔算好持久 食完野就會冇哂 但以佢嘅價錢嚟講係無可挑剔 性價比高 仲可以配上唔同造型嘅唇膏case 可以買多幾隻唔同顏色都唔心痛

Verna好用推薦：我在網上見到有人介紹，這品牌的唇膏是超平價，而且質素不錯，逛商店時見到，就買來試試 原來這唇膏的唇膏芯和唇膏殼是分開賣的，所以可以自選喜歡的唇膏殼花紋顏色，而且下次再買時，就可以環保一點 我看官網介紹，全部總共有22個顏色，分開7個色系，而我選的色號是#553紅色系，我覺得有點似珊瑚色或者豆沙色，很容易carry和配搭 它的質地很柔滑水潤，因為成份有玻尿酸，所以不用潤唇膏打底也可以，塗上咀感覺很滋潤，而且有點點的光澤感，CP值真的很高 不過我覺得它有點容易掉色，這是唯一美中不足

robinsbk好用推薦：已經空瓶咗3枝🤣 因為我都算係沙漠肌 就算係夏天 個妝全日都唔會點出油 反而係帶妝8-9個鐘後可能會開始變乾🥲 完成哂skincare routine會用呢枝spray打底 再用嚟噴濕個sponge嚟上foundation 搽埋concealer同cream contour之後 會全面再噴多幾下 成膜之後落少量碎粉 用完真係set得貼貼服服 個妝同啲coverage都唔會點溶點郁 仲要唔點變乾!! 但其實佢都係會transfer 如果呻鼻涕個啲抹到都係會甩 不過只要唔掂塊面就無事! 佢補妝用都好好!! 放工前輕輕印一印面啲油/甩咗嘅妝 噴一噴spray再上返啲concealer又靚返✨ 不過有樣嘢仲想提嘅係佢個噴嘴都幾參差xd 佢本身噴出嚟已經唔算幼細 我都覺得尚可接受 但有次我買咗枝唔知點解噴出嚟直線咁打落塊面度LOL 學有個會員咁講:好似用緊消防喉 所以我就擰返上一枝個噴頭落新個枝度 到之後新買個啲都無事 應該只係個別狀況xd

Fish Tse好用推薦：辛苦咁化完個住妝，就會想盡量keep耐d個妝唔想變花面貓，揀岩定妝噴霧都好重要，我覺得如果想個妝自然d用定妝噴霧比起用碎粉會更加好 哩款定妝噴霧一噴出黎係好細緻既，可以均勻咁樣去分布成塊面通常我會十字噴再打交叉噴咁樣可以確保每一個位置都可以吸收到，而且d噴霧好易就比皮膚吸收左 入面成分有高嶺土同植物萃取物，可以令皮膚告別油光，時刻保持清爽，我多數會係T字位出油多，用完之後我覺得出油係比以往少左，都冇乜甩妝

Nicnic好用推薦：*第一張係140疊176, 超靚!!! 佢係一支我已回購咗嘅唇膏，顯色度中等偏上，可以疊加。妝感輕薄啞緻，搽完過5分鐘就會變霧面。我最鍾意佢係搽上咀超級舒服，好似冇搽嘢咁樣，霧得嚟唔會乾！仲要唔會特別顯唇紋～但都唔會修飾唇紋。持久度方面，如果唔食嘢飲水基本上一路都keep到，如果飲水就會甩小小，食啲油嘅嘢就甩8-9成。 140 Amourex 原來呢隻色係熱賣色，係溫柔嘅蜜桃色，搽上去氣質upup 薄搽厚搽都適合淡妝。不過黃皮要小心，佢個顏色比較淺，容易顯黃。 176 Warm beige 我係已經用完一支，再回購。我大多數薄搽，係偏小小灰調嘅豬潤色。薄搽比較日常，厚搽就型啲！黃皮白皮都入得手！

chasiutung好用推薦：Chanel啞緻柔滑唇釉cream狀質地 質感絲滑輕薄 這款啞光唇釉一點也不乾很水潤不會顯唇紋 剛塗上是有光澤 等一下會漸漸變啞光 色號140 

Q能Q好用推薦：粉質超滑，上面完全冇粉感，磨皮效果好好 買咗2024版，$215有20g性價比幾高 但只適合秋冬，夏天控唔住油

Giselle 好用推薦：Excel 柔絲美肌精華蜜粉（2023 秋冬ver. 01） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係Excel每年秋冬都會出嘅限量版蜜粉( ⸝⸝•ᴗ•⸝⸝ )੭⁾⁾因為呢款係添加咗美容液成份，所以年年一出就會超級無敵搶手₍ᐢ⸝⸝› ̫ ‹⸝⸝ᐢ₎我自己用後覺得超級好用₍ᵔ·͈༝·͈ᵔ₎佢嘅粉質係超級幼細，就算上多幾層都無嗰陣好厚粉好白嗰陣感覺⸜( ´ ꒳ ` )⸝♡︎而且佢可以做到模糊粗大毛孔嘅妝效，望落去有種皮膚好好嘅錯覺ヾ(*>∀︎<)ﾉﾞ另外佢嘅粉撲真係超級無敵舒服(o´∀︎`o)ﾆｺｯ超級軟而且又大，基本上拍幾下就已經定好晒全臉妝容而且用嗰陣又唔會唔舒服(〃'∇︎'〃)佢嗰盒嘅設計屬於壓落去就已經可以沾到粉，唔需要倒轉嗰盒倒到周圍都係粉(≧︎▽︎≦︎) ❤︎ ❤︎ 佢嘅定妝效果屬於一般般嗰種，around 4個鐘頭就會開始係鼻翼附近開始有浮粉嘅情況(◞︎‸◟︎；)所以油肌嘅小夥伴呢款唔太適合你哋(இдஇ; )另外因為佢係好大盒所以都唔太適合帶出街隨時隨地補妝(꒦ິ⌑︎꒦ີ）

Anna好用推薦：一直都用開 IPSA 的零瑕修飾遮瑕霜 EX SPF25 PA+++，︀心得就係覺得佢好實用，︀小小的一個盒仔就可以幫到我所有的遮瑕需要，︀無論喺屋企、出街或者喺公司，︀隨時隨地都可以用，︀方便容易使用效果亦非常好，︀再加上價錢又唔貴、質量又好、信心有保證、又可以自行溝出需要的份量、不會過多或過少。

Rosa好用推薦：遮瑕膏質感延展性很好，非常容易推開 我主要使用在眼袋淚溝位置，遮蓋得非常好 而且好滋潤唔會太乾 有三款款式係可以選擇 我有時會自己混色都非常方便 我覺得這款遮瑕膏適合任何皮膚膚質使用 價錢有適中 我非常推薦給所有人使用 而且佢已經內有遮瑕掃 無論用掃上或者手指上都非常貼

Cy好用推薦：#我的秋冬愛用彩妝 要推介M.A.C呢支#602Chili色唇膏，佢係matte身質地，顏色係橘橙紅色調，有點磚紅感再加點橘啡調中和，營造出又唔會好死紅又帶點橘感嘅復古感覺，而且隻色嘅復古感好適合秋冬妝感～係我秋冬愛用品之一！用後感: 雖然佢係matte身唇膏應該最好做好唇部打底先，但我係冇做任何唇部打底擦上咀竟然佢嘅滋潤感都不錯，冇令嘴好乾。而佢嘅顯色度好高，薄擦上咀都有好好嘅氣息同效果，擦上咀感覺都好順滑，如果唔係大力抹咀的話持久度都算ok可接受。 我皮膚係偏黃調，但擦係唇上完全唔會顯黃，反而幾顯白，係一款適合黃皮膚使用又唔會顯黃嘅磚橘紅色～幾乎係唔同膚色都可以用嘅唇色亦可以令整個妝容帶出好氣息，大推！

Mai_whatcha好用推薦：這三支唇膏是幾年前在M.A.C的旺角門店購入，因為cosplay而要使用藍色和黑色的唇膏，現在官網上已經不見了 色號分別是：ruby woo BB6、in the spirit A86、blue beat 質感很好，超級顯色的，啞色也是我想要的不會反光的視覺效果，總結就是這個價錢的M.A.C唇膏簡直無可挑剔。 希望M.A.C會再出這些顏色的唇膏

瑪拉好用推薦：我係黃二白！用嘅色號係OC-B1！ 當時會買係因為出街個妝浮粉唔貼，想即刻卸咗佢，見呢個粉底好平，所以就盲目入手。 點知一上裝就好貼，當然我係一個油肌，所以呢個三四個鐘之後就會出油好犀利，但係如果用碎粉同定妝噴霧一齊用嘅話，會好持久。補下妝就可以解決到出油嘅問題！ 有五成嘅瑕疵度，再配合遮瑕膏，會得到一個好好嘅妝感，完勝我手頭上大部分嘅粉底，性價比好高！

Noel好用推薦：Media 的明星商品，保濕礦物粉底 SPF25 PA++， 這是我第一次嘗試的粉底霜，整體滿意❗粉底霜呈奶油質感，很 creamy 很柔滑，手指觸感和面部的感覺也很舒服，用 Beauty Blender 上妝很順手，遮瑕度有 ＋7成👌防曬指數就很一般，記緊要用高 SPF打底。 這個底妝很滋潤，乾紋沒有跑出來 say hi🤣 帶妝 8小時，會有些小暗沉，大約 0.5度左右，還好。額頭及鼻側都有點出油。建議用這罐粉底霜時，可配控油力強，而且明亮少少的乾粉定妝。

Fng好用推薦：cle de peau 呢支粉底霜係比較高遮瑕， 用少少夠覆蓋全臉， 同埋妝感唔算好厚， 持久度都高， 每樣都表現中上， 值得回購。

maylam好用推薦：朋友之前用過覺得唔啱佢 所以就送咗比我 呢支粉底霜而家好似已經停咗產 At least香港官網已經冇了 我自己用落覺得遮瑕幾好 對瑕疵同毛孔嘅修飾度都幾高 完妝望落都幾乾淨 不過都因為咁所以妝會比較重少少 我自己都接受到 呢個粉底霜會有暗沉 所以要定妝先會好d 粉底霜嘅控油度中上 大夏天應該唔太頂到 我喺夏天轉秋天咁上下時間用就幾啱 Overall黎講我自己都ok鐘意呢支 不過可以用嘅季節時間唔算多

kykyky好用推薦：LES BEIGES 自然亮肌果凍氣墊粉底好滋潤皮膚，唔會令乾紋明顯，呢款氣墊粉底好輕盈，唔會好厚好濃妝，有調亮膚色功效，用咗成日又唔會變暗，用完都會繼續用。

Ednababe好用推薦：我最愛的粉底，因為佢夠自然同鐘意佢嘅有光澤感（油肌可能唔適合），可惜遮暇度不高。可加一層碎粉定妝。好鍾意佢淡淡嘅香味。可買refill, 環保。

mcosmetics好用推薦：見到有好多YouTuber都分享乾機適用呢個密粉，所以去咗SOGO啟德 Bobbi Brown 專櫃買。我用pure glow色號。粉質好幼細上面冇份感，但係本人T字位會出油，佢完全冇控油效果。不過包裝好好，有鏡，有塊膠隔開粉撲同粉末，有過篩粉末可以更加幼細，本身附送粉撲都好舒服。希望佢可以出一個控油力多少少嘅版本。

DeniseWun好用推薦：好開心可以收到呢支蟲草抗氧修護精華粉底液同蟲草抗氧修護微光蜜粉。用完粉底液整體效果都非常滿意，係自然透光既奶油肌。下面呢張相係搽完粉底液既效果。 遮咗絕大部分嘅紅印，調整咗膚色。咁跟住就要試埋個碎粉。不過收到嘅碎粉係試用裝， 正貨應該有個網可以隔一隔d粉，令到上粉均勻一d。不過呢個包裝都冇損產品既實際效果， 連埋先前既粉底液，上完碎粉，我原本粗大既毛孔都遮到9成，而且依然唔會乾重保留到粉底液打造奶油肌既光澤感。戴口罩出完街，返到屋企妝容依然keep到，有泛油冇溶妝，而且口罩上沾到既粉係極少，不過因為衛生問題我返到屋企好快掉左個口罩唔記得影低。

Conw好用推薦：covermark粉底已用了十年，每逢需要一整天長時間帶妝，我一定會用covermark粉底。 質感： 霜狀，盒內是固體但觸碰會感到是非常濕潤的霜狀。 延展性很好，少量已可上全面 妝效： 啞光，薄塗一層會有微微光澤，厚塗會較啞緻但未到霧面 中到高遮瑕，可無限堆疊視乎所需遮瑕度 出油後會變奶油肌 4，5小時後會稍稍暗半度左右，剛好會補一補乾粉，問題不大 使用感受： 不建議用掃全面上這粉底，相比其他粉底covermark較［啜］會較難上得均勻。 我通常是用打濕的美妝蛋輕輕印在粉底上取粉，在面頰中印第一下，再以彈壓方式上半臉再取粉再上另外半臉，再取粉上額頭。 薄塗的話取3次粉已足夠，要增加個別地方遮瑕度才需重覆上第二層。兩層的話眼圈已遮掉8成，不需另上遮瑕膏。😍 上完粉用美妝蛋不停印壓全面30秒左右，粉底會［咬］實皮膚，碎粉定妝後，這粉底維持一整天都不是問題。 時間長遮瑕度會降低但不會起白芝麻或一撻撻，補妝亦不會結塊。 色号方面建議靠櫃試試，fr色系個人覺得太粉，選fn色系會較好，日系粉底來說色號不算白，健康膚色也能用。 最重要是不悶痘！❤長時間帶妝都okay 👍

Nicole好用推薦：第一次用粉底霜就比咗Covermark，同另一款粉餅silky fit一齊買嘅，都係對乾皮膚好友好嘅底妝產品(*^^*) 之前都上網睇過唔少資料，當時都已經好心動下，去專櫃試嘅時候就馬上愛上依個產品，即刻比錢買咗 色號揀咗FN20，比較自然嘅顏色，中中挺挺唔會好似其他日本牌子咁偏黃 雖然望落去係膏狀，但上到皮膚嘅時候就變到好似液體咁好好推，完全唔會出現一舊舊或者上得唔均勻嘅問題！ 用好少就已經足夠上曬成塊面💕 我估一盒用大半年都唔係問題 依款產品本來就比較高遮瑕度，所以本身薄薄地上一層已經可以做到好優秀嘅修飾效果，我臉上面嘅毛瑕丶雀斑什至泛紅嘅地方都已經遮曬，我會係均勻膚色之後再用少少嚟做返重點遮瑕，真係未見過自己皮膚咁好，手機啲美顏相機app全部都Del得😭 上完之後會有少少妝感，但用量控制就好就唔會好厚重或者好似帶咗面具咁（好好好少咁上XD），都幾自然輕薄❤️❤️ 保濕力唔差，就算皮膚乾都值得一試，夏天掃多層碎粉就唔洗怕出油問題 至於敏感皮膚，我用完之後都未見泛紅、痕或者起粒粒 目前比較可惜嘅係比較貴，Refill就5XX，連盒買就$735 但搵到一款啱用嘅粉底，貴少少

royu3好用推薦：M.A.C 唇膏一向價錢親民，又多選擇， 而這枝923 Stay Curious 是M.A.C唇膏之中 我最愛的一個色號💕 它屬於霧面質地、卻十分順滑！ （天氣乾燥時需用潤唇膏打底）杏桃色中帶點珊瑚色調🍑 不挑膚色，且很顯氣色，又不會太鮮艷， 可說是任何場合都能用的顏色。對暖膚色很友好，春季膚色更有顯白效果！ 甜美溫柔，超討喜的顏色(˶‾᷄ ⁻̫ ‾᷅˵) 超推薦！ #大人感妝容

Candy Ng好用推薦：好適合冬天的顏色，充滿霧感，又不是太乾，有點滋潤感的奶茶色449 號顏色💗 我用上臉，感覺它特別顯白，而且上嘴有絲絲的香氣感，而且都靚的☺️☺️☺️ 以CP 值，品牌來講，其實它係好用的👍✌️

bibubibu好用推薦：買了顏色06號 呢盒lip&cheek gel係唇頰兩用 一盒就搞掂唇妝同胭脂 拎出街補妝好方便 雖然佢咁細盒 但入面已經附有鏡仔 方便補妝 妝感啞緻 唔算好持久 都幾出色 用手指就可以上妝 買嚟出街補妝都唔錯

Ky111好用推薦：之前買落 估唔到佢原來停左產 明明又上色 又對乾肌友好🫠 之後冇得買都唔知點算了🫠🫠🫠

mandy好用推薦：RMK Liquid Foundation Flawless Coverage 原美零瑕絲絹粉底液 SPF20 PA++ $420 原美零瑕絲絹粉底液帶保濕成分， 質地較水感，延展性高，極易推開及上妝。 可以完美遮蓋毛孔及面上的泛紅位置(really flawless)。 妝效自然透薄不厚重，使用感舒適，不會感到很焗或很悶熱。 完妝為自然不誇張的光澤肌。 防曬保護足夠讓一眾在室內工作的OL使用， 如需戶外活動則可預先用SPF50 PA++++的防曬。 可惜持妝度較為一般，午後需要稍作補妝。 成分方面，除了防曬成分，同時加入保濕、抗衰老等美肌成分，可以化妝同時護膚。 含防曬成分: 二氧化鈦, 桂皮酸鹽, 鈦/二氧化鈦 及 氧化鋅 保濕成分: 矽靈, 雙甘油, 丁二醇, 氫氧化鋁, 氫化卵磷脂, 角鯊烷, 乳木果, 乙醯葡萄糖氨, 玻尿酸鈉 及 水解蠶絲蛋白 控油成分: 氫氧化鋁 抗氧化成分: 角鯊烷, 乳木果, 乙醯葡萄糖氨 及 玻尿酸鈉 抗衰老成分: 角鯊烷, 乳木果, 丁二醇, 鈦/二氧化鈦 及 玻尿酸鈉 鎮靜消炎成分: 乳木果, 乙醯葡萄糖氨, 氯化鋅 及 玻尿酸鈉 油性

Yin_sharing好用推薦：質感輕盈水潤，妝容都幾貼服。而且遮瑕力及持妝度都唔錯。只要妝前做好保濕，全日嘅妝容都keep得唔錯。

raissa好用推薦：第一次買kate嘅粉底。覺得效果都唔錯👍🏻質地好容易推開，唔係太多嘅量就可以擦曬全面。我本身嘅皮膚有啲乾，做左少少簡單嘅保濕再上粉底，都冇乾嘅感覺。少少霧面嘅效果都係我鐘意嘅感覺😍。妝感都唔話好重，偏向自然嘅感覺。 但遮暗瘡嘅能力就差左少少🤏，黑眼圈就都ok遮到💪🏻。 如果皮膚狀態唔錯嘅時候，呢隻粉底真係唔錯！

HYHY好用推薦：平時用開kate眉毛產品, 今次都係用第一次用kate 的粉底液. 好處：岩岩上臉會有小小光澤感, 保濕度很夠, 好易推開, 質地好水潤. 可以推到好簿好貼臉. 亦都能夠幫我均勻膚色. 壞處：遮瑕力不足

Fish Tse好用推薦：就黎又到聖誕啦！出去玩梗係要化返個靚妝影多d靚相去紀念下個節日啦！ 唇膏係唔少得既環節，揀岩唇膏可以令個氣息睇落去差好遠，想係聖誕受矚目，可以考慮哩款啞緻柔滑唇膏 唇膏既外殼係黑色配搭金色唇膏殼比人有種高貴既感覺令人愛不釋手 我買既係63號色ESSENTIELLE，哩款唇膏有荷荷巴油衍生物同埋乳木果製成柔滑配方好順柔睇落去雖然係咁啞緻桃紅色，但都有種濕潤盈滿既感覺 仲有一點佢既顯示度非常之高，搽一層已經充滿色彩，用既時候直接搽上唇上由中心向外塗抹就可以了

mandy好用推薦：Chanel ROUGE ALLURE VELVET LUMINOUS MATTE LIP COLOUR 啞緻柔滑唇膏 #58 rouge vie $380 啞緻柔滑唇膏一如其名完妝效果是Matte啞緻， 成分以保濕及抗衰老成分為主， 所以使用感並沒有一般啞緻型唇膏的乾燥， 而且持久度也很好，喝水後唇妝還在， 只是大吃大喝後需要補一下唇妝。 顯色方面是零色差，#58(為贈品)是較深的紅色， 顯皮膚白，比較顯成熟及適合在晚妝使用。 含保濕成分: 荷荷芭酯, 氫化蓖麻油, 乳木果, 醋酸鹽維他命E 及 矽靈 抗氧化成分: 乳木果, 醋酸鹽維他命E 及 維他命E 抗衰老成分: 乳木果, 醋酸鹽維他命E, 維他命E 及 棕櫚醯三肽-1 鎮靜消炎成分: 乳木果, 醋酸鹽維他命E 及 維他命E 油性滋潤成分: 乳木果 控油成分: 氧化鋁 及 矽石 美白成分: 維他命E

Viannie好用推薦：性價比極高，百幾蚊就有16色，好適合初學者/學生/想試多種顏色嘅人入手。我選擇咗呢盒USP09 phoenix 入手，顏色偏向紅橙黃tone, 貪佢多色玩。顯色度唔錯，係粉質唔夠細緻，一次過拎太多會上色唔均勻，不過勝在多元化，一盒有齊啞色，柔和珠光同較粗粒閃粉嘅色都有，可以做多種變化係幾好嘅。

Rin好用推薦：呢盒大名鼎鼎嘅NYX 16格眼影，我覺得基本上係會化妝嘅人人手一盒 眼影呢係用得非常之慢嘅其中一樣產品咁但佢嘅配搭又非常之多，所以呢有陣時就會買到成屋都係眼影 我覺得佢幾好用，係因為佢可以慢慢疊色，就唔會驚一下帶咗上去，然後就一達喺度 都有啲人話佢顯色度好高嘅，但係我覺得佢顯色度未算話好高，因為有一啲真係一上去你就救唔返 而且佢嘅飽和度較低，唔會突然之間好sharp 適合大部份嘅皮膚 可以做到好多唔同嘅妝效到適合一年四季用嘅