海外美妝 推薦好用產品

🌸好用推薦： 今次試用嘅產品係YSL LOVESHINE LIP OIL STICK 全新情迷水光唇膏(左邊嗰枝）。睇一睇介紹，原來佢就係金色嘅ROUGE VOLUPTÉ SHINE LIPSTICK BALM 迷魅亮彩唇膏升級版！嚟張新舊對比圖先:新舊兩款唇膏都係3.2 g，重量同形狀都係一樣嘅。新版嘅唇膏換上銀色外殼同埋全新橫向YSL CASSANDRE標誌，比舊包裝更顯型格同時尚。 我用嘅呢隻色係202 Peachy Glow - taupe nude 蜜桃光澤的裸色唇膏呢個係我喺素顏狀態之下嘅試色。唇膏質地輕薄，顯色度唔算高，反而顯得柔和、自然，如果想要顯色嘅話要反覆咁樣搽。質地柔潤唔黏笠。202呢隻色相當於一般有色嘅潤唇膏，比較接近我本身嘅唇色，係一隻睇落溫柔嘅偽素顏色。因為我本身即使唔化妝都會搽唇膏，呢隻顏色就非常之合適，即使化淡妝或者素顏用都可以，對於追求自然妝容嘅朋友非常友好。 唇膏搽上去之後帶有水光感，觸感絲滑、柔軟。用咗之後有效感提升咗唇部嘅光澤感，同時滋潤雙唇。睇返資料，原來佢今次呢個新升級配方，加咗來自YSL Ourika社區花園嘅無花果精華萃取成分，同時做到補濕同鎖水特

Blooming好用推薦：YSL情迷水光唇膏，我很喜歡水潤唇膏，這款效果很滿意，我去日本搽都夠滋潤度，沒有甩死皮問題，惟transfer嚴重，食完全餐飯已甩7-8成。香味帶點芒果香。

Suki好用推薦：Laura Mercier 柔焦保濕蜜粉用咗幾次之後，真係無得彈，十級好用！呢款蜜粉唔單止柔焦效果一流，仲可以做到保濕，真係完全符合對蜜粉嘅所有期待。 首先講佢嘅柔焦效果，蜜粉質地極度細緻，輕輕掃喺面上，就好似畀皮膚加咗一層濾鏡咁，毛孔即刻被隱形，皮膚變得好平滑，絕對係「磨皮神器」。但更加值得一提嘅係佢嘅妝感非常自然，完全唔會有假白或者扁平嘅感覺，仲會保留住皮膚嘅若隱若現嘅光澤感，靚得嚟好低調。 再嚟就係佢嘅保濕度，呢款蜜粉完全唔會令皮膚覺得乾燥，反而有一種輕盈嘅水潤感，特別適合乾性同混合性肌膚。即使化完妝幾個鐘，皮膚都仲保持住一個柔軟水潤嘅狀態，無卡粉，亦無浮粉，真係好貼服！ 而且，定妝效果亦非常優秀，輕輕掃一層就可以牢牢鎖住底妝，控油力適中，唔會令妝感過於乾爽，但可以有效防止底妝脫落，連戴口罩都唔怕底妝移位。

Emily Leung好用推薦：Laura Mercier 柔光透明蜜粉 - 轉季定妝神器嘅真實用後感 前言：轉季底妝嘅「定海神針」 每到換季，唔單止護膚品要轉，底妝最後一步嘅定妝都好關鍵！皮膚一時乾一時油，用錯散粉真係會搞到爆拆或者溶妝。今次同大家深入測評專櫃人氣王——Laura Mercier 柔光透明蜜粉，睇下佢係咪真係能夠頂得住轉季嘅考驗，幫我哋鎖住個靚靚霧面妝！ 1. 粉質與包裝：低調實用嘅實力派 佢嘅包裝好簡潔，冇乜花巧，一大罐非常實用。一打開個篩網，粉質真係幼細到不得了，好似一陣輕煙咁。撳上手係完全透明嘅，唔會改變你本身粉底嘅顏色，呢點對於追求自然妝感嘅人來講好重要。 2. 上臉妝效：瞬間「柔焦」嘅高級霧面感 呢 part 係重點！用大化妝掃上臉，個效果真係有驚艷到： · 瞬間啞緻：一掃上去，塊面嘅油光即刻消失得無影無蹤，換嚟係一個非常乾淨、高級嘅霧面妝效果。 · 強勁柔焦：個「柔焦」效果唔係講笑，毛孔同細紋真係好似被模糊咗，塊面睇落平滑咗好多，妝感即刻變得更加精緻。 · 輕薄零負擔：雖然係霧面，但完全唔會厚重或者有面具感，好似冇用過散粉咁輕薄，成功鎖住粉底嘅同時，又唔會抽乾皮膚水分，轉季用

wingbks好用推薦：要換啲滋潤啲嘅唇膏嚟迎接秋冬，轉季咀仔比較乾，YSL一定係其中一個品牌我放手袋👜嘅唇膏，咁多年嚟出嘅「夾心唇膏」，外層係護唇精華，中間圖案係晶透亮色粒子，隨嘴唇溫度轉換釋放護唇精華，越搽越水潤，高滋潤度又唔會顯唇紋！

🌸好用推薦： 今次試用嘅產品係YSL LOVESHINE CANDY GLAZE情迷凝亮唇蜜（右邊），係固體狀嘅lipgloss，對於嘴唇長期乾燥嘅我嚟講絕對係福音！ 呢個係我喺素顏狀態之下嘅試色: 使用前：使用後： 我呢隻色係15 SHOWCASING NUDE奶茶裸色，係一隻比較百搭嘅顏色，冇拎着深、淺色衫，返工定係去街，乜嘢場合都啱用。 唇蜜啫喱狀嘅質地，但口陣陣清香。搽上去之後有豐富嘅水光感，觸感絲滑、水凝。用咗之後有唇部睇落豐盈、有彈性。顯色度高，可以完全遮蓋原有唇色，對唇色較深嘅用家相當友好。由於佢滋潤度非常高，感覺上秋冬天都會好舒服。而且卸妝好方便，一抹就甩，食嘢之前唔使擔心會唔小心食咗唇膏。 睇返資料，原來呢隻唇蜜含有78%唇部修護基底配方，仲有透明質酸和石榴萃取，所以做到長效水潤感，強化唇部肌膚鎖水屏障。唇膏既有修護唇膏嘅效果，又能夠提高唇部嘅血色感同豐盈感，包裝又相當美觀，完全係內外兼備嘅代表作。 #火熱新品

莓莓好用推薦： 「Innisfree 薄荷礦物碎粉」實測：平價貨定係真心正？ 呢個Innisfree 薄荷礦物控油碎粉（嗰盒綠色細細盒嘅）已經火咗好多年！佢真係平靚正！今次同大家講下用後感！ 1. 包裝同質地： 盒仔真係好細盒，方便帶出街補妝。個粉撲都算軟熟，但唔算好厚身。啲粉係白色碎粉，好幼細，好似煙霧咁。聞落有陣好淡嘅薄荷味，唔會好濃好刺鼻。 2. 上臉感覺： 掃上塊面嗰陣，即刻有陣涼浸浸嘅感覺，夏天用真係好爽！好似俾塊面開冷氣咁。啲粉好薄，冇咩負擔，唔會覺得焗住塊面。 3. 控油效果（重點！）： 我係混合肌，T字位好易出油。試過喺防曬之後撲上呢隻碎粉： · 即時效果： 啞面咗，冇晒啲油光，塊面摸落去「滑捋捋」。 · 持久度： 平日大概頂到 3-4個鐘 左右，個鼻頭先開始有少少油光翻嚟。對比佢個價錢（幾十蚊盒），已經交足功課！但要同啲貴價專櫃粉比，就當然冇得比啦。 · 補妝： 出油之後補多層，都唔會結塊或者覺得好厚粉，呢點幾好！ 4. 提亮同遮瑕： 因為係白色粉，有少少提亮效果，但唔會好白或者「假面」。至於遮毛孔，都有少少柔焦效果，睇落皮膚滑啲，但唔好期望可以完全遮到好大嘅毛孔或者瑕疵

Sakura醬好用推薦：Innisfree 礦物控油碎粉 真實測評 📦 開箱第一感覺 包裝：淺藍色小圓盒，少女感十足～ 粉撲：跟盒附送嘅 薄身小粉撲，軟熟但偏細，比較啱用嚟 局部補妝。 粉質：倒出嚟係 白色幼滑粉末，有淡淡薄荷涼感（唔刺鼻嗰種）。 👩🏻 上臉實測（混合肌/T字油/兩頰乾） 1. 控油力：★★★★☆ · 即時效果：撲上臉嗰刻，油光即時 「啞咗」！尤其鼻翼同額頭，即刻變霧面。 · 持久度：夏天出汗天，大概 3-4個鐘 開始泛少少油光（但唔會溶到一撻撻）。 · 小貼士：如果係 大油皮，建議午飯後補一次，效果更持久。 2. 柔焦毛孔：★★★☆☆ · 薄薄撲一層，毛孔會睇落 細滑咗，但唔好期望完全隱形（始終係碎粉唔係妝前乳）。 · 注意：如果皮膚好乾或者有皮屑，可能會 少少卡粉。 3. 定妝效果：★★★★☆ · 化完底妝後輕撲一層，真係可以 延長持妝時間，尤其係口罩摩擦位，甩妝情況有改善。 4. 其他用途（隱藏功能！） ✅ 急救劉海：頭髮油立立嗰陣，撲少少喺髮根，即刻變乾爽！ ✅ 身體止汗：夏天頸背出汗，撲少少可減少黏膩感（但唔好撲太多，會白）。 ✅ 優點總結 1. 平價之王

Water好用推薦：玫瑰金嘅包裝超精緻！勁靚勁鍾意！呢枝唇膏色號係pillow talk，顏色偏nude，一開係甜甜嘅香氣 可能我唇色較深，上嘴唔太顯色；日常淡妝 / 偽素顏會比較適用。matte finishing嘅關係，有略微加深唇紋：用後感算滋潤，唔會令到嘴唇炆炆緊

mandy好用推薦：Charlotte Tilbury Matte Revolution Lipstick 摩登霧感唇膏 $300 摩登霧感唇膏蘊含保濕成分，有效滋潤雙唇，故上唇妝時也不會感到乾燥，而且不顯唇紋。 帶誘人的朱古力香味，令人更喜歡使用摩登霧感唇膏。 完妝為霧面唇妝，而摩登霧感唇膏最為一熟悉的色號當然就是最有名氣的#Pillow Talk，是非常熱銷的霧面nude pink色號。 #Pillow Talk 平時用Nude Pink的唇膏都好驚顯得唇绝蒼白，而Charlotte Tilbury摩登霧感唇膏#Pillow Talk就沒有此問題，仲好適合用來化偽素顏妝或約會淡妝。如果各位靚靚想挑戰Nude Pink的唇膏，不妨嘗試摩登霧感唇膏#Pillow Talk，絕對是零失敗的色號。 #Pillow Talk Medium 中性色系的Pillow Talk Medium雖然比Pillow Talk稍為深色及帶啡調，但同樣易carry又顯肌膚白，很適合配搭日常的淡妝，是適合每天使用的唇色。 含保濕成分: 矽靈, 微晶蠟, 氫氧化鋁, 紅花籽油 及 醋酸鹽維他命E 控油成分

Chloeincosme好用推薦：🤍 刷頭設計：5/5！Canmake呢支Metalook Mascara嘅金屬刷頭真係超細心～幼細得嚟又有彈性，可以精準刷到每根睫毛，連眼頭同眼尾嘅短小睫毛都照顧到，仲好少會整污糟眼皮，手殘黨都輕易駕馭！ 🤍 妝效：4.5/5！效果自然得嚟又有驚喜～刷出嚟係而家好流行嘅「一束束」纖長效果，唔會蒼蠅腳又唔會結塊，好似本身啲睫毛就咁濃密咁，偽素顏必備！ 🤍 持久度：4/5！防汗防皮脂能力唔錯，正常出門大半日都唔會暈染，卸妝時用溫水就可以輕鬆卸除，唔會搞到變熊貓眼～ 🤍 CP值：5/5！真心好抵，喺日本買幾十蚊港紙就有交易，效果拍得住專櫃，絕對係開架中的戰鬥機！ 總結： 如果你鍾意自然纖長、根根分明嘅睫毛效果，又唔想化妝時搞到周圍都係，Canmake呢支Metalook Mascara絕對係必試之選！細刷頭精準易控，效果清新又持久，重點係價錢親民到可以囤貨～特別推薦比學生黨、淡妝愛好者同追求日常偽素顏妝容嘅你！ #轉季 岩用

Kitty 好用推薦：🇯🇵✨日本旅遊必買！CANMAKE金屬刷頭睫毛膏——新手&潔癖者福音，打造日系精緻睫毛✨🇯🇵 去日本旅遊，點可以錯過掃平價又高質嘅日系彩妝？CANMAKE呢個國民品牌今期推出嘅金屬刷頭睫毛膏，絕對係2025年新品嚐鮮嘅頭號目標！無論係新手定化妝達人，呢支睫毛膏嘅獨特設計同實用性，保證令你一試愛上，仲要即刻包色入手！ 必買理由： 日本限定金屬刷頭，精細到尖叫！有別於傳統毛刷，呢支睫毛膏採用韓國流行後再改良嘅全金屬刷頭，超幼細設計輕鬆照顧眼頭、眼尾同下睫毛，連最刁鑽嘅短毛位都刷得勻稱！單次沾取膏體量恰到好處，唔會一嚿嚿結塊，輕鬆刷出日本妹最愛嘅“成束感”睫毛，自然又精緻。 最驚喜係金屬刷頭構造簡單，用完用紙巾一抹就乾淨，甚至可以直接水洗，啱晒有潔癖嘅你！去旅行帶住佢，輕便又唔使驚滋生細菌。 日本當地價錢只需幾百yen，以而家匯率仲抵到笑！加上CANMAKE成日推出限定色號，好似自然黑同柔和棕，旅行買嚟自用或送禮都啱晒，唔入手真係走寶。 🌟 網友分享冷門用法：想啲睫毛再翹啲，可以抹乾金屬睫毛刷個頭上面啲膏。跟住用火機或者風筒烘熱個刷頭，然後當睫毛夾咁燙上去啊，好多

lingbb好用推薦：ysl最有名氣墊之一，誰能抵抗呢款少女粉紅色包妝外盒？真係好令人心動，相比黑色果盒，粉色岩天氣乾或皮膚長期乾嘅膚質用，粉質好奶油嘅細滑感，上面會感覺到滿滿的滋潤感，易推開，會令皮膚帶點亮擇，遮瑕度中等，可修飾非常淺層瑕疵，普遍需要再疊加遮瑕膏先夠遮蓋。 如果秋冬用持妝能力長啲，如果潮濕天會比較易溶妝，溶妝都唔會一達達。 我覺得用黎補妝唔錯，黎拯救非常溶妝需要重新再上粉底時呢款補落去無咁易卡粉。 整體而言我會推薦俾超乾肌！

Yumi好用推薦：本身一直用開粉底液，因為認為粉底液更遮瑕。但因為玻璃樽唔方便去旅行所以去選購氣墊粉底。選擇YSL粉氣墊係有一部分原因係因為外表好靚！而且我膚色偏小麥，都有適合我嘅色號。用有奶油肌的質感，亦唔需要上好多已經達到理想效果。 回購除左因為性能好，而且仲因為買refil價錢好吸引，門巿買都只要4百多。🤩

Fng好用推薦：Laura Mercier 極致潤澤妝前底霜 ☀️ 產品定位：乾肌救星級妝前打底 最佳使用時機：防曬成膜後 → 底霜全臉按壓 → 等待2分鐘 → 粉底液 ✨ 核心優勢： · 沙漠肌福音：實測在冷氣房帶妝8小時仍保水潤，完勝同類產品 · 質地智慧轉化：凝霜觸膚即融成保護膜，填平起皮位但不堵塞毛孔 · 底妝黏合劑：使粉底服貼度提升，解決秋冬常見的浮粉問題 🌦️ 香港季節使用： ✅ 秋冬季（10-2月）：全臉使用，妝效持續12小時不乾燥 ✅ 春夏季（3-9月）：僅在兩頰易乾處局部使用，T區改用控油底霜 ✅ 極端乾冷：可混入1滴護膚油，強化保濕鎖水層 💡 專業技巧： 1. 遇到難推粉底時，將底霜與粉底以1:4比例混合上妝 2. 補妝前輕拍少量底霜溶解卡粉，再補上氣墊粉餅 總結：乾燥季節的「底妝保險」！特別適合香港秋冬季的熟齡偏乾肌，但混合肌務必分區使用～❄️ #LauraMercier妝前 #保濕打底 #秋冬底妝

wintonggg好用推薦：幾滋潤，冬天幾啱，又唔會好厚，同埋都唔會同底妝打交，係幾好嘅base

莓莓好用推薦： 「The Saem 遮瑕液」實測：平價遮瑕王係咪真係咁神？ 係咪成日聽人講韓國嗰支「The Saem遮瑕」好用到癲，又平又遮得？我專登買咗支返嚟試足一排，同大家「拆局」睇下係咪真係咁誇張！ 1. 包裝同質地： 支裝好細支，方便帶出街。個掃頭係绒毛掃咀，可以直接點上臉，算係衛生。質地係偏濃稠嘅奶霜狀，唔係好流質嗰種，推開係啞緻妝效。 2. 遮瑕力（最强賣點！）： 呢樣真係要俾個Like！遮瑕力真係好強悍，絕對係「高覆蓋」級別。 · 黑眼圈： 如果係普通瘀瘀青青嘅黑眼圈，一層已經遮到七八成。好深色或者好凸起嘅眼袋就可能要仔細疊加。 · 痘印、暗瘡： 呢個係佢主場！紅色、啡色嘅痘印，基本上點一吓，輕輕印開，已經唔見咗九成，好似「擦膠」咁擦走啲瑕疵。新嘅紅印尤其有效。 · 毛孔/凹凸： 對毛孔冇咩修飾作用，如果遮凹凸位（例如痘疤），要小心用量，唔係會「卡」喺凹位。 3. 滋潤度同貼服度： 呢度係重點爭議位！要睇你本身咩皮膚： · 油性/混合肌： 你會好愛！因為佢乾得快，之後係全啞光，好貼服，唔易移位。 · 乾性/眼下偏乾肌： 要打醒十二分精神！ 如果你唔做好保濕打底，佢好容易顯乾紋

natanatalie好用推薦：最推薦的遮瑕液！❤️ 相信有化過妝嘅女仔都會明，黑眼圈問題係好好好困擾！亦會令化妝時間長左好多！一隻好嘅遮瑕液可以遮得好啲，又可以遮得快啲！🤤 呢次我揾到一支又平又好用又襟用嘅遮瑕液推薦俾大家！托朋友喺韓國買好似幾十蚊，香港亦有好多地方有得賣，買佢都非常方便！價錢無得輸，幾十蚊用到好耐，重點係，好！好！用！🫶🏻 首先講下包裝，佢係支裝，有一個掃頭，我會直接用佢掃喺眼底！再用化妝棉慢慢印開，用手印一樣咁容易！我自然色黃皮膚，用15Natural Beige好啱用！好吸引我嘅一點係佢有SPF28 PA++嘅防曬，而佢嘅質地好清爽但唔會乾，我本身有少少眼紋，有啲遮瑕液用完會顯眼紋，用佢就無呢個問題。而且就咁用佢就會遮得好好，會即時提亮返眼底，唔需要再溝色。至於持妝度，我都好滿意，我呢啲油性肌膚化左一整日，都唔會點溶妝，keep到個妝容大致完整。🙆🏻‍♀️ 除左用嚟遮黑眼圈，我仲會用嚟遮痘印，效果都非常之好。一支可以用到好耐，我日日化妝，而且瑕疵都唔少，一支大概用到4個月，非常抵玩，性價比好高！🥰 非常滿意呢支遮瑕液，絕對係我嘅底妝必備單品！😜

Tszki好用推薦：TOO COOL FOR SCHOOL 藝術課堂三色修容粉 9.5G #NO.1 一個立體修容盒，包含三種色調，可以完美無瑕、提亮和修容臉部。  ⭐️ 由超輕的顏料製成，輕鬆融合，增強膚色，讓你擁有完美、自然的膚色。  ⭐️ 專為亞洲膚色而設計的三色暖黃色調修容盤 ⭐️ 輕鬆自然地塑造深邃陰影輪廓，而且仲有高光，妝容看起來天生美麗 ⭐️ 多功能使用，可修容、深化眼窩、塑造鼻影、修飾髮際線、打造鎖骨陰影

Shirlin Ho好用推薦：呢盒TOO COOL FOR SCHOOL嘅三色修容粉餅係韓國非常出名又好用 佢最深色個格我會用嚟修飾髮線同腮骨,試過用完之後同事話我塊面細咗添呀🫢🫢 而中間個格會做鼻影 最淺色個間會做eyeshadow同鼻樑highlight 總括嚟講呢盒嘢上色非常自然,可能係因為佢附送個掃有關係啦,所以用完呢盒都有機會回購第二盒👍🏻👍🏻

Tszki好用推薦：我這支唇膏是11號描述為一種美麗的莓粉色（berry pink），既深邃又帶有一絲明亮度，適合全年使用。 質地比較滋潤，有少許甜甜果香，維持力比較強。 質地順滑、不黏膩，富含60%的精油成分，提供中等遮蓋力和高度光澤感。YSL包裝精緻奢華，大愛！

Vivian好用推薦：12號色帶紫調的玫紅色，不太日常的顏色，顯色度高光澤型唇膏，質地OK滋潤不會顯唇紋，但沒有成膜甩色比較嚴重，YSL其他唇部產品會比較好

HeiWa好用推薦：今日同大家分享NARS 最新推出嘅 Light Reflecting Foundation 原生光亮肌粉底液。 皮膚睇落好同差，真係好影響顏值；所以 喺各類化妝品中，粉底係最值得同需要投資嘅品項！所以我個人對粉底嘅要求都幾高，用過植村秀、Armani、Gerlain、貴婦底妝Albion、MAC等等。如果遇到好粉底，貴少少都值得的。 我皮膚無重大瑕疵，但有面黃問題；鼻頭、鼻側兩邊毛孔比較粗大；皮膚缺水，所以有時會出現卡粉問題。所以自然透薄、質地滋潤少少嘅粉底比較符合我嘅需求，最緊要千祈唔好氧化同卡粉！！ NARS Light Reflecting 呢枝粉底主打提亮膚色，強調折射光線，令肌膚睇上去更透光，都切合近年強調「無瑕素肌感」嘅大趨勢，亦符合我嘅粉底偏好～ 首先講下粉底液嘅質地。大多數粉底液都有少少杰身，但原來佢係水狀，唧出嚟嘅時候真係有啲出乎意料！水狀粉底液均勻易推、延展性高，上粉時已經feel到佢好滋潤👍🏻因為我有卡粉問題，所以唔鐘意偏乾嘅粉底。呢枝粉底嘅潤澤感非常合我心意❤️不過我建議個粉底樽可以改善下！因為水狀粉底真係唔太適合用唧出嚟，唔太容易控制份量、又會搞到個唧口

chewyfruit好用推薦：NARS 原生光亮肌粉底液（Natural Radiant Longwear Foundation） 測評 先講我嘅化妝情況： · 膚質： 混合肌，T字位出油，面頰有時會少少乾。 · 要求： 鍾意有光澤、睇落皮膚好好嘅妝效，唔可以太厚粉。 NARS 原生光粉底液好適合我！ 1. 妝效：★★★★★（正！） · 個名冇改錯，真係 「原生光」 ！唔係油光滿面嗰種，係皮膚自己透出嚟嘅健康光澤感。 · 用完會覺得塊面「嘭」起身，睇落好精神，皮膚好似本身咁好。 2. 遮瑕度：★★★☆☆（中等偏強） · 算係光澤粉底裡面遮瑕度幾高嘅一款。普通毛孔、暗瘡印、泛紅，薄薄一層 已經遮到七七八八。 · 如果瑕疵多，可以局部疊加，都唔會覺得好厚重。 3. 持久度：★★★★☆（唔錯） · 我混合肌用，唔會好快溶妝。出咗油之後，個光澤感會更加靚，係「愈夜愈美麗」嗰種。 · 建議油肌嘅你，一定要用碎粉係T字位定妝，咁就可以維持成日。 4. 質地同色號： · 質地係乳液狀，幾好推，唔算好厚。 · NARS嘅色號出名多同準，建議真係要去專櫃試清楚。 總結優缺點： · 優點： · 光澤感超靚，好

chasiutung好用推薦：Ysl恆時輕透霧光粉底液 spf20 新版同舊版都有買過 先講講皮膚狀況 我膚色黃皮1.5白 混油敏感肌 夏天出汗同出油量都算多 有痘印  質地: 新版Ysl恆時輕透霧光粉底液 質地同舊版吾同 粉底液流動性強 上妝更好推 更輕薄  色號: 新版我買嘅色號係Ln4 舊版係b25 新版色調偏黃調 舊版色號氧化後偏紅 對我黎講新版色號更合適 新版粉底液改善左粉底氧化暗沉嘅問題 💕 妝感: 舊版嘅妝效更奶油肌 出油後反而妝感更靚 不斑駁 無溶妝 有種出油同粉底自然融合嘅感覺 新版嘅妝效更霧面更雅致 控油力更強 妝感更輕薄 上妝後有點乾 鼻翼眼底會卡粉堆積 妝前要做好保濕🫶 持妝： 新版嘅控油力更強 但持妝效果沒舊版好 半天左右會斑駁同少量溶妝 舊版不太控油 但出油後妝效仍然好靚 一整天妝感都好靚但會少量暗沉 總括： 我個人比較喜歡舊版嘅奶油肌妝效 喜歡新版嘅粉底流動性 喜歡新版嘅色號同埋改善左粉底氧化暗沉嘅問題 兩支整體都算吾錯

Tszki好用推薦：YSL（聖羅蘭）提供多款粉底液，主要分為適合油性/混合性肌膚的「恆時輕透霧光粉底液」（All Hours Foundation）和適合乾性/中性肌膚的「明彩透亮粉底霜」 新升級配方含有77%護膚精華成分和透明質酸複合物，在上妝同時提供肌膚水潤感。 提供自然霧光妝感，質地輕薄，不感厚重，猶如第二層肌膚。 其強大的控油能力和持久性，尤其適合在夏季或潮濕環境下使用。  持久控油和霧面妝效，甚至連敏感肌都可以使用。

chasiutung好用推薦：Ysl 恆時啞緻蜜粉餅(透明) 第一次用依款蜜粉餅感覺同nars 嗰款蜜粉餅好似 但用落發現吾一樣😉 我膚色黃皮1.5白 混油敏感肌 夏天出汗同出油量都算多 有痘印 Ysl 恆時啞緻蜜粉餅 方型黑金粉盒設計太靚啦😍依款蜜粉餅有兩層 一打開有鏡 第一層係透明蜜粉餅第二層內附雙面粉撲 個粉撲都好好用 出街補妝真係好方便👍 Ysl 恆時啞緻蜜粉 粉質幼滑 上臉係啞緻霧面妝效 有淡淡嘅香味(我好鐘意依個香味) 上臉有提亮效果 不泛白 一抹去油光 一抹隱形毛孔 有種一鍵磨皮感覺💕有輕微粉感 

yoyok好用推薦：作為ysl常客，上次咁岩set裝包埋粉餅加外型好靚就順手買埋。 本身每日返工都會化少少妝，皮膚都好易出油，一直都好驚溶妝。 Ysl粉餅就成為左我日常最愛既粉餅，個人覺得包裝好方便，本身自帶隔層方粉餅棉，盒底都有透氣設計(有啲小孔)，而且白色粉餅出黎都唔會係死白色。 化妝最講究都係定妝，講到控油同持妝效果，ysl粉餅都算係我最推。控油至少last到8個鐘，就算全日係冷氣地方都完全冇問題。同埋，上次唔小心跌落地，粉餅都冇乜點碎到，加分。🤣 利申：真係自費，真係用過先推。

Fng好用推薦：ysl water stain我買咗612號色，佢質地偏厚， 係有少少帶橙色嘅鮮紅色，非常顯白， 同埋進食後就算甩咗面頭嗰層，個嘴都會有五成顏色喺度，但滋潤度就一般。

chasiutung好用推薦：Ysl持色水唇釉 質地偏水潤 不黏立 成膜後不掉色 不顯唇紋 顯色度高 剛上唇是偏淺粉色 會慢慢變深 味道怪怪的有點苦 606 色號 淺唇塗顏色偏粉嫰 深唇塗會紫粉 色

Kmggigi好用推薦：感謝@cosme 贈送Laura Mercier Real Flawless Weightless Perfecting Foundation LM粉底果然名不虛傳，完美演繹自然光澤妝感！✨ 今次收到OC1色號，係偏白膚色嘅完美選擇！ 色調自然，唔會過於偏黃或者過白， 用後整體妝感既清透又均勻。 呢款粉底嘅質地非常水潤輕盈， 一推就開，延展性高， 完全唔會有卡粉或者厚重嘅情況， 就算係乾性皮膚都可以駕馭得住， 仲帶有淡淡嘅滋潤感，使用體驗非常舒服！ 粉底帶有光澤妝感，令肌膚呈現健康嘅水光效果， 妝效自然又有質感， 特別適合鍾意低調又有氣色嘅妝容 遮瑕度屬於中低，能夠有效修飾膚色不均同細微瑕疵， 但如果有較明顯嘅痘印或者斑點，可能需要額外遮瑕 不過對於鐘意輕薄自然妝效嘅人嚟講， 呢個遮瑕度已經非常足夠，絕對能夠打造出輕盈無負擔嘅日常妝容😆

YYeman好用推薦：Laura Mercier 柔霧粉底液用後感：真係做到嗰種高級霧面！ 喂，各位姊妹！最近轉咗用Laura Mercier隻柔霧粉底液，真係要同大家分享下。本身我係混合肌，T字位好易出油，夏天一到成塊面「立黐黐」，所以專登揀呢支主打霧面妝效嘅粉底。 第一印象：個質地好得意 一揼出嚟，係啞緻嘅乳液狀，推開嗰陣好順滑，水感幾好，唔會話好快乾。上臉之後，個感覺即刻唔同晒！ 最正嘅地方：個霧面妝效真係冇得頂 上完一層，塊面啲油光真係即刻冇晒！個妝感係一種好高級、好乾淨嘅全霧面，好似本身塊皮膚就係咁靚咁，完全冇面具感。唔會好似某啲粉底咁，霧到成塊面「粉咁啞」，好自然。對於我哋呢啲油肌、混合肌嘅人嚟講，呢種效果真係夢寐以求！ 持久度如何？ 我試過帶妝成日，朝九晚六，出街仲要搭車行吓街。平時用開嘅粉底，晏晝已經要拎粉餅出嚟撲。用呢支，到中午T字位都只係有少少光澤（唔係油光咁恐怖），用紙巾輕輕印一印，個妝都仲係好完整，冇溶到一撻撻。控油能力真係要俾個Like！ 遮瑕度中等，追求自然 如果你有大粒痘印或者好深嘅黑眼圈，就可能要後續加遮瑕。但對於普通嘅毛孔、暗沉同泛紅，佢修飾得好好，出嚟個效果係「你

Tszki好用推薦：Laura mercier 啞光玫瑰胭脂  此系列胭脂注入了極細緻的「玫瑰柔光微珍珠粉末」，能捕捉並反射光線，呈現帶有微光的玫瑰色澤，有助於平衡冷暖色調，提亮膚色。 色號包括 Peach Shimmer 和 Very Berry 等，為雙頰帶來光澤感。 同樣具有高度顯色和長達 10 小時的持久力。  Laura Mercier 胭脂的粉質非常細膩，壓得實且易於取粉，不易一次過塗抹太多。妝效自然，能打造出彷彿肌膚由內而外透出的健康光澤，不顯厚重或粉感。 #火熱新品

Fng好用推薦：Laura mercier 嘅胭脂 出名顯色又高持久度，試過真係， 我購入 大熱色號CHAI， 非常之百搭， 任何妝容基本上都配搭到，唔會突兀。

Tcc好用推薦：因為皮膚比較乾，夏天出油量不多，想找比較滋潤的粉底，睇到有介紹這款乾肌人士比較友好，所以就買來試試，用後感覺的確不容易有繃緊的感覺，遮瑕度亦十分不錯（重度黑眼圈，只用粉底遮，能遮7成左右），但成膜度方面，不太會成膜，要用碎粉好好定妝，只用噴霧定妝是不足夠的

Josephine Lau好用推薦：本人混合性皮膚，四季都能使用。 無論是在冷氣房或者外出都不會脫妝。 可以維持8-10個小時也沒有問題，遮瑕度不錯，不會卡粉。 不論是香港、日本、韓國、台灣都使用過，冬天在北海道也試過。 覺得很適合混合性皮膚。

Fng好用推薦：MAC Lightful C+ 光透防曬底霜，呢支帶防曬嘅提亮底霜，聲稱能打造光透妝感。 質地與即時妝效：👍👍👍 (光澤感強) 佢係帶微微珠光嘅淡粉色乳液，質地水潤，好易推開。上臉後確實能即時提亮膚色，中和黃氣，帶來一種通透嘅光澤感，皮膚睇落更飽滿同精神。後續上粉底亦更貼服。 保濕與黏膩度：🤔 (秋天轉季剛剛好) 對混合偏乾肌來說，佢嘅滋潤度喺夏天明顯過高了，秋天就okay。完成後皮膚有種黏膩感，彷彿一層油膜冚住，在夏日濕熱天氣下令人不太舒適。這種膚感亦令後續底妝的舒適度大打折扣，相反地， 秋冬天氣濕度低，就剛剛好。 持久度與控油力：❌ (夏天不達標) 由於本身質地潤澤，在香港悶熱環境下，T位出油速度明顯加快，妝容融化速度比使用一般控油妝前更快，不到中午就已泛油光，毛孔亦更顯眼🫩🥴。追求持久啞緻妝效的話，它並非夏日首選。 總結： 一支更適合✅️乾燥季節使用的提亮型妝前乳。其光澤感和保濕力在秋冬會是優點💡，但放在香港夏天，對混合肌來說就變成了過度潤澤的負擔，嚴重影響妝容持久度。除非你是極乾性肌膚，或只需短時間在冷氣環境下活動，否則不建議在盛夏全臉使用。 #轉季

Jayla好用推薦：以Base嚟講佢嘅防曬系數好高，有SPF 50 PA+++。 質地係偏厚身，不過用粉底掃上好容易推開。淡淡嘅粉紅色上臉之後係完全冇妝感，但會有少少提亮效果，好似氣息好咗咁。但如果明顯瑕疵嘅話都係需要用遮瑕膏遮返。由於佢比較滋潤，我一般只會喺秋冬天使用。

poonpoon好用推薦：蜜粉偏細蜜，屬於保濕型蜜粉，我簡呢隻係膚色，有少少遮瑕，可以提亮面部膚色。 保濕效果好，濕潤一啲都唔乾身💧佢有一個濾網，可以阻隔多餘嘅蜜粉，取粉少少起霧，不會過於浪費。而且配搭一個黑色粉撲，黑色粉撲可以睇到取粉量，粉撲質地舒服柔軟。按上面冇粉感，妝感輕薄。 因為我係乾性皮膚，夏天對我嚟講係夠，保濕力比美貴婦牌子，唔會乾唔會起皮，水貨百幾蚊有交易🤝

Bendict好用推薦：MAC嘅碎粉 粉體好細 我如果懶化妝 會用Primer 之後直接上碎粉 呢個時間MAC 呢盒碎粉幾好 因為我試過其他顏色碎粉 始終透明碎粉比較啱男仔😹 控油效果唔錯 修飾毛孔能力都幾好同埋MAC呢個碎粉盒個設計非常好 有濾網 每次用粉撲取粉可以控制到個量 另外粉體會更加均勻😺 如果想粉感無咁重 可以用碎粉掃上 😀