Candy Ng好用推薦：我認為佢的遮瑕程度係高嘅，適合黑眼圈比較黑的人士使用。 不過，佢嘅質地比較偏乾，好似我咁樣係屬於乾肌嘅人士,要睇天氣來用啦。

rachelnoni好用推薦：見呢款遮暇咁紅，買來試一試。當時BA有特別因應我皮膚情況教怎樣使用。用過之後覺得好好用，我本身在眼底有少少黑斑但無黑眼圈，跟BA教的方法好輕易就遮到。最好就是這款遮暇配不同牌子的粉底都配到。

iliya 好用推薦：Covermark Silky Fit 啞緻柔霧粉底嘅顆粒細而滑，上面嘅效果自然又貼服，而且不易脫妝，但遮瑕能力略為遜色🙈🙈🙈

Nicole好用推薦：一直聽人講Covermark依個牌子嘅底妝產品唔差，做咗幾日功課之後終於決定去專櫃試一下 顏色方面用咗櫃姐推介嘅SN20，上面之後比較自然，唔會過份白 Silky fit 比我想像中更加好用，粉質非常幼滑同細！上妝速度快又方便，上咗一層之後毛孔已經遮得七七八八，皮膚睇落去超級無敵好！妝效非常貼服，唔會浮粉、亦冇乜重粉感/面具感❤️ 唔會卡粉卡到一撻撻或上得唔均勻，眼紋同埋鼻翼位置都唔會卡粉 遮瑕效果可以少量咁疊加上去，唔會太厚重。一到兩層左右已經好勁，大致上可以遮到我嘅紅印同雀斑，但可惜未能夠完全對付到我個萬年黑眼圈XD 用後未見有敏感情況出現，上多兩層都唔覺得有負擔(*^^*) 見到自己皮膚好靚咁越用越上癮！ 目前為止未覺得乾，對乾皮膚非常之友善❤️ 同以前用過嘅粉餅差太遠，甚至好過氣墊！相信今個夏天至愛非佢莫屬 購入價$420，有盒同粉撲。粉盒設計太靚，令我忍唔住成日拎出嚟望XD 外型美觀大方，方便拎出街用~

Karman28好用推薦：見ipsa 遮暇膏咁出名就買左盒黎試下。佢三色既遮暇膏的確係唔錯，帶紅色果個可以方便我用黎遮黑眼圈，而另外兩個一深一淺既肉色可以調色遮痘印同黑眼圈。 不過個人覺得佢本身配的掃太細，平時化妝會有d 難用，所以我自己轉左另一牌子既掃黎用。 同埋天氣濕既時候，遮暇膏會有少少出水/溶既現象，所以我都會放係櫃檯內以防潮濕。

Rin好用推薦：遮瑕膏非常有名 我認為他顏色是不錯的，可以遮到大部份的黑眼圈及痘印 有一個比較小的問題，就是在眼下的話，他不可以疊加層數，因為過一陣子就會比較乾 然後一笑就會非常顯眼紋 有時會有種乾裂感 當然每個人對質感都有唔同睇法，所以我個人認為佢比較乾同有時唔係好岩用 唔代表每個人都係 但佢枝掃好好用🤣🤣🤣 香港買都係貴咗啲 呢盒都應該可以用到天荒地老，未必會再買

Ronni好用推薦：Cdp嘅碎粉真係大大大愛💕 雖然佢真係貴 但係佢嘅質地係超級輕同超滑 用完絕對返唔到轉頭！！！ 同埋佢都幾大盒 我就2個色都買曬 🫣 原諒我用到好污糟 個粉撲好細滑，上面超舒服 同埋佢中間有間隔 唔會無用但一路痴住啲粉 好個人勁鍾意有網嘅設計 之前用過其他牌子嘅呢個設計 真心覺得好好👍🏼唔會一次拎咗太多粉總結：未試過嘅真係要試一次！ 另外～ 如果你係深色皮膚嘅建議用右邊👉🏽 👈🏽左邊有啲啲紫色，皮膚會比較啱用

olitong好用推薦：最初用不會感覺效果驚人，但越用越愛！ 其產品優點在於用後會讓人覺得你是天生好膚質，感覺很透明，雖說是透明碎粉，其實暗地讓你膚色白了兩度又不會感覺很厚妝，而且海綿撲很柔軟，拍在臉上感覺很舒服，用後臉部變得很爽很滑卻完全不會乾（試過用其他牌子碎粉會乾到甩皮），而且氣味香香的，一瓶可用足全年，雖然價格少貴但份量頗多，回購第三次👍🏻 ✅輕透自然 ✅顯膚質好 ✅香味清淡好聞 ❌價格偏貴 ❌撲粉時易掉粉在深色衣服上 整體推薦度：7.5/10

chasiutung好用推薦：Ysl明彩筆 2號色 當時我想買遮瑕 店員推介我買依款 質地水潤 用後感覺一般 遮瑕度低 黑眼圈同痘印都遮吾到 聽朋友講依支係提亮筆/光影筆之類 但因為我本來係為遮瑕而買 所以顏色用作提亮都無乜效果

Noel好用推薦：與 bestie 一起購買 YSL 明彩筆，當時超火紅，無人不曉❗當初我硬要把這枝當成遮瑕產品使用，結果很崩潰，拍出來的照片，用了明彩筆的位置很奇怪😅 還是不要遮下眼了，只用作提亮吧！例如額頭及鼻子，掃上薄薄一層，再拍開，有助明亮該範圍。明彩筆的質感很保濕，又容易控制份量，自帶掃子，超方便👍

arilau好用推薦：一直偏愛透薄嘅底妝，粉底液亦首選較水潤嘅質地，但相對地遮瑕度都會冇咁高。Make Up For Ever呢款粉底就屬於較水潤而遮瑕度不高嘅粉底液 買嘅時候咁啱係轉天氣嗰排，最初用都做到想要嘅透薄底妝效果，之後就發現鼻頭位置乾到卡粉🥲（已經分唔清係粉底液唔夠滋潤定係本身做唔夠保濕） 總括嚟講，如果同我一樣屬於乾性膚質嘅人，夏天用應該效果唔錯，但秋冬用就要先做好保濕或轉用其他更滋潤嘅粉底液🧏🏻‍♀️

mamayi好用推薦：我係一個會按當日肌膚狀況而選擇用邊款粉底嘅人，Make Up Forever 呢支REBOOT就啱曬秋冬季使用。 ⋯⋯⋯⋯⋯⋯⋯⋯⋯ 我偏好用粉底液，但有時太稀嘅怕唔夠遮瑕，呢款就恰到好處，抹上面延展性高，做到透薄嘅效果；而且易於塗抹，節省返工化妝時間。 再者，佢上完妝再搽碎粉，可以營造較啞緻嘅面容。 ⋯⋯⋯⋯⋯⋯⋯⋯⋯ 到中午時，塊面都冇變灰，放工都係輕輕用紙巾印吓，再補返啲碎粉就出得街。 加上佢$380，性價比都高，呢支已經係我第2支。

Hamiii好用推薦：質感輕薄易推開，隻色都自然 但好快會現乾紋，要溝d精華一齊會好小小 持久度比較一般， 食完飯印一印咀都好易會帶走左..

Ning好用推薦：呢個價錢黎講非常值，380/大大支，可以用好耐。 已經買過2次，準備黎個第三次🥳 完全能夠打造富有光澤感嘅自然日系妝容，上妝亦好貼服～

Au1234好用推薦：感謝@cosme 嘅試用邀請！今次試用嘅產品係shu uemura植村秀無限輕透持妝粉底液(色號564)，相信有留意開美妝產品都應該知道依隻敢出名嘅粉底，今次終於可以試用❤️‍🔥 先講包裝方面，設計係行簡約風🤍正方形磨砂玻璃樽身加黑色圓蓋，整枝粉底液唔算好大枝，可以好輕易就放到入化妝袋入面，相信帶出門或者旅行都唔會好佔位置！ 質地係偏流質，延展性高，用掃或者粉卜都好易推開，上面亦幾薄，唔會好焗悶👍🏻但依隻粉底推開後好快就乾，所以試妝嘅時候就要快啲手鋪好係塊面😂 至於遮毛孔算幾高，整塊面7-8成嘅毛孔都填補好，望落亦唔太明顯！遮瑕方面就算中間，比較暗沉嘅痘痘印或者暗瘡只係遮到5成，圖片入面係用咗一層粉底去遮眼線筆嘅效果，所以如果遮瑕能力更高會再開心啲🤔 持久能力方面，亦算幾高，試用10日期間，每日上妝超過10hs，但放工返到屋企都只係甩咗1-2成，妝感保持都好好！但顏色上我揀錯顏色，本人屬於warm tone，但564色號對於我嚟講實在太黃，可能日後用依隻粉底就要溝其他顏色去用🥹強烈建議大家去專門店試多幾種色號，就可以確保自己唔會揀錯🤣總括嚟講，體驗完依隻粉底感受好良好會再買，但就

Sarah好用推薦：@cosme @cosmeHongKong 底妝心得：這是shu uemura 的王牌粉底產品，有霧面和亮澤兩款。由於香港天氣時常潮濕酷熱怕會油光滿面，所以選購了霧面。 不過失了預算，在冷氣房中工作時皮膚有乾燥感，用這個的時候下眼底明顯會有卡紋。不過遮瑕度算很高，有很好的提亮和修容作用。 我選的是574號色，比自己皮膚淺色了很多，可能用674會更自然（但就沒有了提亮作用了）粉底液質感比較適合冬天使用，推開後有點厚，可能是自己不適應。但只要用蜜粉定妝，面也幾乎也不會氧化變灰，算是妝效持久。小小一瓶應該可以用很久。

Fng好用推薦：淡淡花香 ，大大罌，有排都用唔完 ，用來定妝， 四五小時會微微出油，對於油性肌膚來講可能覺得控油能力一般，但係我係偏乾肌膚 ，所以用起上嚟覺得啱啱好， 仲會越夜越美麗，令底妝更貼服。#我的最愛碎粉

bibubibu好用推薦：呢個蜜粉好推介 佢係透明嘅 冇閃粉 適合秋冬使用 唔算好控油 唔會話掃完上面塊面即刻乾爽唒滑唒 但係佢又set到妝 附送嘅粉卜好彈 用佢全面大範圍上粉好適合 同埋性價比高 勁大盒 可以用好耐

Ki Lyko好用推薦： 一直聽說這支遮瑕膏很好用, 因為價錢實在太貴,所以考慮了很久才終於買了, 唇膏狀, 用掃上會比較好, 別看他小小的一支，但其實每次只需用少量就可以了, 所以可以用很久, 上手效果 : 其實它遮瑕度算很高, 只要用少量也能夠把凸起的暗瘡也瑕得很好, 比想像中滋潤, 不太乾。

Ko好用推薦：最近去咗日本，喺免稅店買咗 Cle de Peau 呢個牌子嘅遮瑕膏。佢質地好滑好易推開，輕薄咁塗上去都唔會有負擔感，印象中免稅店好似得四隻色，我買黎遮黑眼圈。遮蓋力算強，可以輕鬆遮掉黑眼圈同埋其他面部瑕疵，不過因為我係千年黑眼圈，所以要喺個眼底度調左色先再上呢一支遮瑕膏。我眼底一向好乾，但佢用落唔會乾，修飾眼紋嘅效果中上，我眼紋好深，所以無論用咩遮瑕膏都會現形，所以中上其實我都算滿意㗎啦。不過佢價錢有啲貴，我盡可能都會喺免稅店先買，可以平差唔多2百。 圖1，2產品圖 圖3 搽虎口，可以見到啲紋唔會遮得哂 圖4 遮瑕力算係幾好