專櫃保養 推薦好用產品

Kmggigi好用推薦：Kérastase 逆時光至臻修護浴髮乳 — 高級香氣，極致修護💆‍♀️✨ 質地 & 香味: 呢款洗髮乳嘅質地透明、流動性高， 非常容易起泡，泡沫細緻幼滑，洗感輕盈乾淨。 使用時整個浴室都瀰漫住超高級香水味道， 香氣奢華持久， 難怪咁多用家即使價錢偏高都願意回購。 效果: 持續使用後，能感覺到髮質變得更強韌， 髮絲冇咁薄、冇咁易斷。 同時洗完後頭皮唔會覺得乾燥或痕癢， 平衡清潔與滋潤，連細軟髮都適合使用。 質感、香氣同修護效果都一流， 難怪成為重要場合前一晚洗頭嘅「儀式感洗髮乳」。 洗完之後頭髮滑順有光澤，香氣持久又高貴🥳 總結：奢華感滿分，強韌亮澤的高效修護洗髮乳 Kérastase 逆時光至臻修護浴髮乳以高級香氣、輕盈泡沫同卓越修護力獲得極高評價。 雖然價格偏高，但實際效果對得住每一分價錢。 對追求高質感護理嘅人嚟講， 呢支真係值得回購的奢華之選！💛

Sandy好用推薦： youth Revitalizing shampoo 逆時光至臻修護浴髮乳250ml [賦活強韌 水潤光澤] 口號並不是浪得虛名 我試過一次就冇用其他品牌洗頭水嘅產品, 原因如下： 居家奢享頂級體驗、 唔需要走出去做頭療，treatment，淨係用咗佢系列已經頭髮好靚， 都市人時間有限，日頭又要打工，夜晚又要休息同埋要去玩，用最少時間， 按自己嘅時間在 屋企護髮 so easy🙂 如果你哋未買過 ， 強勁推介買一支試下， 我已經50+頭髮開始有毛躁同埋缺乏光澤， 用咗一支之後返去剪頭髮，髮型師話我啲髮質靚咗 仲有angel ring 用過懂的就會明白😄 清新嘅香味，質地泡沫豐富，用好少就可以起泡，一支都幾襟用， 唔好畀佢嘅價錢嚇親你哋，我覺得姊妹們值得擁有， 做一次頭療嘅價錢就可以買到一套基本洗頭水護髮素同埋精華素。why not try 💕 逆轉髮齡，高效賦活成分活性海洋精華，由根源臻活滋養，提升髮絲柔韌度及自我修復力，開啟一段奢華矜貴的美髮旅程。秀髮水潤達+87%*，與受損頭髮比較更顯強韌達2倍^，秀髮瞬間注水，保持亮麗光澤。 唔試下又點知 護髮係咁輕鬆簡單

Kelvin好用推薦：屋企有枝新野，拎黎試下👉🏻 Yves Rocher木莓水漾亮澤護髮醋 資料話有效徹底淨化傷害頭髮的有害殘留物，同時幫助淨化頭皮及平衡頭部油脂分泌，延長頭髮的生命力。 我長期日日gel頭，洗完頭頭皮毛孔有機會有殘留物。我用完洗頭水之後幾滴髮醋，冇泡泡嘅，喺頭皮輕輕捽下，等幾分鐘。 香香甜甜，唔刺激。用完頭髮柔順咗，感覺頭皮乾淨咗咁。冬天頭皮冇咩大問題。夏天易出油，出頭瘡，依枝野應該夏天用有效果。 新年見人，由頭到尾必定保持最好狀態，當然頭髮都要清爽乾淨。全個人沖大吉水，頭髮都要深層清潔，去拜年就sharp 曬⭐️

Kitty 好用推薦：包裝係厚實塑膠樽，入面係粉紅色嘅液體。一打開陣味係好清新嘅果酸味，有少少似樹莓或者莓果咁，唔會俗氣，沖完涼成個浴室都係香噴噴，好舒服！ 🧴使用方法🧴 好簡單咋，洗完頭，將洗頭水同護髮素沖乾淨之後，揸住個樽係頭頂繞三圈，用量剛剛好。髮醋從頭頂開始按摩，均勻搽喺濕頭髮上面，如果想清潔止癢效果好d記得按摩埋頭皮！輕輕按摩下等佢吸收，跟住沖水！ 💖用後感💖 第一次用完已經覺得好神奇！啲頭髮即時順滑咗好多，用手指梳開打結嘅地方完全冇難度，好似幫頭髮做咗個SPA咁！沖水嗰陣感覺到髮質好軟熟，唔會鞋掹掹。 吹乾頭之後個效果更加明顯！頭髮光澤咗，睇落健康啲，而且摸落去真係滑捋捋，自己都忍唔住成日摸😂！之前啲髮尾好乾，而家感覺有咗層保護膜咁，冇咁易打結，朝早起身都冇咁毛躁。 👍優點👍 - 即時見效，用一次就feel到順滑 - 氣味清新 - 平價！一支可以用好耐 - 漂染受損、毛躁頭髮都岩用 👎缺點👎 - 如果你頭髮本身偏幼細，可能唔可以次次用，否則會有少少扁塌 - 一定要徹底沖洗乾淨，留香不太持久 總括來講： Yves Rocher呢支髮醋絕對係性價比高之選！尤其適合頭髮受損、經常打結、缺乏光

愛美文青好用推薦：我已經空瓶了很多瓶Yves Rocher防脫髮洗髮水，連去旅行都帶上旅行裝，真的是超級粉絲！為了保持頭髮的健康和光澤，我制定了每週護髮流程，這裡是我的建議。 星期一，我會進行深層清潔。我使用Yves Rocher的清潔洗髮水，徹底去除頭髮上的污垢和造型產品殘留。接著，我會選擇清潔髮根系列的護髮素，均勻塗抹，靜置3-5分鐘再沖洗。 到星期三，我專注於滋潤修復。這天我會用Yves Rocher的滋潤洗髮水清洗髮絲，然後使用滋潤修復護髮素，輕輕按摩髮絲，靜置5-10分鐘再沖洗，幫助恢復水分。 星期五，我會選擇柔順潤滑的護理。使用Yves Rocher的柔順洗髮水清洗頭髮，然後在洗完後使用柔順潤滑護髮素，特別注意髮尾，靜置5分鐘後沖洗，以減少毛躁感。 最後，在星期日，我進行深層護理。我會使用修護染後洗髮水，這對於染過的髮質特別合適。然後我會塗抹修護染後護髮素，靜置5-10分鐘，以修復受損髮絲，保持染後顏色的鮮豔。 除了這些，我還會每週一次深層護理，必要時使用護髮面膜。保持均衡飲食，攝取足夠的維他命和礦物質也很重要。此外，我會儘量減少使用熱工具，保護頭髮免受熱損傷。 這樣的每週護髮流程

Emma W好用推薦：見Yves Rocher 的皇牌防脫髮洗髮水做緊半價優惠，又聲稱有81%防脫髮效果，就買來試下。 佢係法國品牌，信心有保證；加上高達94% 天然成份，有機龍舌蘭精萃及維他命E、水解天然白羽扇豆種籽精華、0% 矽 、0% 硫酸鹽，感覺買後對地球，對自身都唔錯。 一按出嚟有淡淡香味，洗頭加頭皮按摩1分鐘，平時都會有一團頭髮甩咗出嚟，但持續用後第2日開始，就減少脫髮嘅情況。而其清潔效果明顯，能有效去除頭皮上的油脂與污垢，令頭髮感覺清爽。 但一定要用護髮素。因為我的頭髮係嚴重受損型，若單用其洗頭水，會較乾。所以為達最佳效果，都要搽護髮素。 適合髮質：任何，特別洗頭時脫髮嚴重的人士 成效度：4/5 易起泡程度：4/5

DorDor好用推薦：Kerastase 洗頭水用完頭髮蓬鬆，又有潤澤又有清爽的感覺，不過以洗頭水價錢來說有點小貴。

iliya 好用推薦：呢款浴髮乳嘅防掉髮效果唔錯，用咗一星期左右，洗頭後去水位嘅掉髮數量明顯減少！

iliya 好用推薦：我係配合同系列嘅浴髮乳一齊使用，除咗防掉髮效果唔錯之外，髮絲仲會更強韌而柔滑！

choichoi好用推薦：防脫產品感覺都偏向滋潤，潤澤感高，而這款也不例外，用完以後頭髮感覺較「重身」，要是你有摸頭髮的習慣就會更快出油，建議少量使用也可以隔天使用

Nicole 好用推薦：夏天最愛用的洗髮水，解決了我頭皮時不時發癢與產生頭皮屑的困擾。 質地是半透明藍色凝露狀，帶有清新舒緩的香氣。加水起泡後泡沫細緻豐盈，洗髮時頭皮能感受到一股清涼感，非常舒爽，卻不會過度刺激。清潔力足夠帶走頭皮油脂與髒污，但又不會讓髮絲乾澀。最明顯的效果是使用後頭皮立刻感覺潔淨清爽，頭皮痕癢和可見的頭皮屑問題確實大幅改善，頭皮環境變得更健康。我的使用方法是將頭髮充分打濕後，取適量於手心加建議搭配同系列護髮素或髮膜滋潤髮尾，效果更佳。

Fng好用推薦：容易搓出泡沫， 香氣幾好聞，同埋洗完之後有空氣感， 頭髮冇咁扁塔，可以維持一整日。

Fng好用推薦：因為本身用草本染髮膏，所以特別容易甩色，通常兩至三個禮拜就要補染一次，用咗呢隻洗頭水之後，明顯染髮顏色keep得耐咗， 一個月先補染一次。

KDing好用推薦：鎖色效果唔錯 唔會令頭髮好快甩色 特別岩飄染頭髮 唔會話用完會乾

TsuenMa好用推薦：#L’Occitane en Provence 草本護髮洗頭水 本身有染開頭髮，前嗰年仲做埋漂染，基本上對頭髮都造成咗一定嘅傷害，髮質偏乾同埋硬，如果淨係用洗頭水嘅話啲頭髮會更乾更硬，所以一定要用護髮素。但係如果用咗呢一隻洗頭水嘅話，其實都已經夠晒滋潤，如果加埋護髮素用嘅話，把頭髮嘅順滑程度會令到人感到好舒暢、開心。💓 雖然係草本成份，但係呢隻洗頭水唧出嚟，唔會係奇怪嘅綠色，而係淡淡嘅黃色，偏少少啡調，獨特嘅香味，令人哋覺得好清爽舒服。 對於受損法則嘅人，都推薦試吓用吓呢隻洗頭水！🧏🏾‍♀️

Nicole 好用推薦：我的髮質是比較偏乾的，因為之前又染又燙導致 髮質很差，所以一直偏愛順滑的洗發水～ 這款洗髮水有修護功效，而且無硅配方，所以入手試試。 味道還是挺好聞的，草本味道；容易起泡，沖洗也挺方便，沖完水之後頭髮也挺順滑。

Haidy好用推薦：SOGO 感謝祭買的~ 和防脫髮洗頭水一起買！這款護髮素用起來不會有明顯的矽靈感覺！櫃姐說可以塗上頭皮的~只要沖乾淨也不會長暗瘡！ 氣味和防脫髮洗頭水一樣！兩樣配搭起上來，不錯，不錯。不過感覺防脫髮洗頭水更有用！ 使用了大概一個月，感覺頭髮強硬了很多！真的缺少了很多！

YolandaAuYeung好用推薦：質地略帶淺黃色乳液狀，由於蘊含輕盈的植物油複合物有助於護髮，所以帶點滋潤感，流動性佳。氣味怡人，帶有微微果香的草本香氣。 使用時，立即感受到髮尾被滋潤，撫平不貼服的毛躁。 使用一段時間後，令我的頭髮變得更強韌不易折斷，亦更易梳理，打結開叉的情況大大改善。最令我十分驚訝的是髮量有所增厚！髮根帶點稀疏的部位，開始生長岀幼嫩的毛髮來！ 雖然價格有點昂貴，但保育秀髮是值得的！

Katrina好用推薦：用左3個幾月，頭皮出油量有明顯減少到。以往訓醒個頭就開始油，尤其後腦位置開始變笠。依家出左一日街都仲保持到乾爽感覺。配合埋同系列既護髮素頭髮有變得比較柔順，而且味道唔刺鼻，應該係原料味，聞落幾舒服。 但個人認為佢做唔到防脫髮效果，表示無感。

KDing好用推薦：用完頭髮無咁易出油 同埋都見到頭髮既光澤感唔錯 但價錢偏貴左Dd

zzzhelen好用推薦：我真係好愛依個品牌既產品，依款洗頭水我專係香港春夏、潮濕炎熱既日子使用，佢有薄荷，洗完頭係全頭都有清爽既感覺。我配搭埋同系列護髮素使用。 佢既清爽除咗係體感上，實際上頭髮都會比較篷鬆，張相係我瞓完一晚影添架啦。有時放假係屋企懶，無洗一日頭都唔會笠。

貓餅好用推薦：一款可以去頭油嘅洗頭水，洗完之後，頭皮好舒服，佢係gel狀嘅洗頭水，清爽，香味而入，用嘅時候個頭有少少涼涼哋，適合夏天使用

Ceccinmydin好用推薦：Kiehl's 氨基酸洗髮水用過小樣後一試愛上，個人已多次回購👍🏻 佢係透明啫喱狀，好易起泡，搓兩下就有好多泡泡，洗起上嚟好溫和，完全唔刺激頭皮，感覺好舒服🥰 帶有椰子香味，聞落好自然唔會假，洗完頭之後都有淡淡香味留住，心情都好啲 用完覺得頭皮好乾淨，油膩感即刻冇晒，不過髮尾有少少乾，要用返護髮素保濕 我自己頭皮偏油，感覺清潔力啱啱好，洗完頭髮摸落去幾滑，唔會打結，吹乾之後都幾順

Water好用推薦：呢枝洗頭水係贈品常客，每年生日禮物都有佢，唔好以為咁樣代表佢唔好用，相反佢潔淨力好夠，泡沫又細緻；游完水用呢枝洗頭可以好容易洗乾淨泳池水嘅殘流物質，而且有淡淡椰子味，非常討好。油頭皮如我用完會覺得好清爽，唔好處係洗完啲頭髮會有乾澀嘅感覺，要用番比較滋潤嘅護髮素去平衡番！

YolandaAuYeung好用推薦：產品介紹： - 適合所有肌膚 - 輕易起泡 - 加入天然薰衣草和香根草精油 ，95%天然成分，蘊含來自社群公平貿易的橄欖油 質地：4.8分 質地清爽，輕易從瓶子取岀適當的分量，流動性強高，香氣清新洋溢著治癒的薰衣草味 起泡度：4.2分 用手打圈約30秒後起泡不算多，但可用輔助工具起泡海綿，造岀濃密綿綿的泡泡 滋潤度：4.6 細柔泡沫潔淨過後，過水後雙手肌膚明顯變得柔軟水潤，用後手背的乾紋都消失了 #火熱新品 #專櫃抵買好物

格仔餅公主好用推薦：恬靜既薰衣草香，啱晒忙成日之後好好享受沖個靚涼，唔會好乾，唔搽body cream都得

Vivian好用推薦：低泡配方，清潔力及保濕力一般，用後不過不失，當時高度漂染後想找一支不會乾澀的洗髮水，感覺只適合冬天及乾性髮質

brenda好用推薦：買聖誕倒數日歷內的旅行size,滋潤型洗髮露，香味不錯，但就是難起泡，除了滋潤沒有別的感覺，相對起他的髮膜和頭皮磨砂真的比較失望

格仔餅公主好用推薦：好得人鍾意既少女系甜香，男士可能就唔太用得慣啦，而且佢滋潤感比較高，岩乾燥/中性髮質用，油頭就盡量避開啦

YolandaAuYeung好用推薦：是秀髮的superfood! 營養成分豐富滋潤，用後使秀髮更加豐盈、潤澤、健康，特別適合乾旱、毛躁的頭髮使用。

Fng好用推薦：味道很好聞，修護效果明顯，用完之後頭髮觸感好柔順，亦冇立黐黐情況，頭髮不會扁塔。

Ni好用推薦：淡紫色乳狀質地 好塗抹推勻 使用後瞬間替頭髮補水 髮絲柔軟 尤其香味特別喜歡 使頭髮柔順又不粘膩的護髮乳

annielittlecake好用推薦：質感輕盈清爽，流動性強，有陣陣清新自然嘅香氣。用手打圈後容易搓出豐富泡沫，一般大約5蚊銀份量就足夠清洗全頭，頭髮較長者就可能需要再按情況添加份量。用後感覺清爽潔淨，能有效徹底清潔頭髮同頭皮。洗髮後髮根變得更蓬鬆更有立體感，幫我改善髮型扁塌的問題，感覺髮量增多頭髮都變厚咗。

Puffysheep好用推薦：因為頭髮比較稀疏所以買咗呢支洗頭水 佢有分light同埋rich 我鍾意用ligh多啲 佢會容易有泡泡 自己嗰個味道同質地真係要睇下啲人鍾唔鍾意 因為佢係有一種特別嘅中藥味 不過洗完頭之後就冇咁覺嘅 洗完個頭都覺得舒服嘅 至於你話有冇甩少咗頭髮我又冇特別感覺 可能自己成日轉洗頭水啦

Ni好用推薦：質地淡綠色乳狀 擠出一點點就有綿密的泡沫 有淡淡薄荷味 也有點涼涼的 洗後頭皮清爽卻保濕 頭髮也不打結 用了第二瓶了 那一個月頭皮比較乾爽不長痘痘了 觸感 味道 成效都不錯 #火熱新品

Heychauchau 好用推薦：這款洗髮水用起來比較清爽，主要是針對頭髮和頭皮清潔，清理多餘油脂和髒污。如果每天使用，我覺得有點滋潤度不夠，可以間歇性使用，當作頭髮護理。

Fng好用推薦：啱夏天 頭油多嘅時候用， 洗完感覺清爽易梳理， 香氣就一般般啦。

KDing好用推薦：夏天用佢嘅時候個頭皮會覺得好乾爽，但係洗完之後又唔會乾到係好似草咁樣

TsuenMa好用推薦：L’Occitane 頭髮護理草本系列 💇🏾‍♀️髮質：本身有染開頭髮嘅習慣，所以頭髮髮質都係偏乾少少，髮尾會比較毛燥；而對上年就更加漂染咗，所以對頭髮嘅負荷就更加多，要好好保護返把頭髮。 🍏產品功效：主要係為頭髮正常至油皮頭髮為對象，可以為頭髮帶嚟清爽、輕盈嘅感覺，可長時間保持乾淨。換句話說，佢應該能夠幫你減少頭髮上面嘅油脂，同埋抑制生成，從而減輕頭髮嘅油膩感。 🌿成份：用咗五種天然嘅精油，包括薄荷、薰衣草等。其中佢注重薄荷能夠為頭髮帶嚟想要嘅去油效果，保持髮質嘅美麗同埋乾淨。 🌵質地：唧出嚟係偏新嘅乳白色cream狀，推開上頭髮唔係滋潤嘅感，偏向Gel狀洗面嘅感覺，推開就會唔見咗啲product。 🌱香味：因為佢係草本成份，其實有一種偏向中藥嘅味道，有一絲輕微會聞到薄荷，唔係傳統上我哋追求清新花香嘅香味，但係如果要追求成份天然，草本嘅修護，呢一個氣味就係合乎情理。 🍃用後感：本身產品應該係好好嘅，但我就應該要買返適合髮質偏乾、滋潤啲嘅嗰一種產品；不過佢都可以好好咁保護到頭髮，keep住頭髮順滑，我都已經好滿意喇🫶🏾

Tobimak好用推薦：去澳門玩嘅時候揀咗一間歐舒丹做主題嘅酒店，所以可以試到好多歐舒丹產品，而其中一樣就係草本療法修護護髮素了。  呢隻護髮素有一陣草本味，但不是特別香。佢唔似普通護髮素咁樣一搽上頭就會有種順滑感，所以有種卡住卡住嘅感覺，不能為我頭髮解結，要慢慢拎把梳黎梳順佢先得，一不小心更會令頭髮斷開，所以稍為麻煩。而且用完之後亦沒有順滑感，亦沒有覺得頭髮健康咗。 呢個產品我不會考慮回購，因為只是有種為用而用嘅感覺，沒有效果。