在眾多護唇產品中，網友對哪些產品特別有好感呢？有好感的原因又在哪呢？

一齊來看看網友對各種「護唇產品」最一針見血既點評吧！

LorraineTsung：
「足足回購了5支既潤唇膏。
本身我個咀成日都會爛咀甩皮同有唇炎，但至從朋友介紹左我用之後，就無再發生過以上問題！
係唇炎都無再起過，而且唔會再成日甩皮，極度推薦敏感咀既朋友仔一定要試下用！」

Anna：
「我覺得705號色 (soft berry) 幾靚，望落好自然，同埋我覺得佢出黎嘅色多多少少depends on你本身嘅唇色，唇色深嘅人用會幾深色(啡啡底)，但系唇色淺嘅人用，出黎嘅效果真系好靚好自然，啡、粉、橙色調嘅平衡做得好好，超百搭。
同埋佢嘅滋潤度好高，但過左個幾鐘會開始覺得少少乾，同埋甩色。」

Alba：
「我自己係深唇色人士，之前學生時代有包哂3隻色，因為返工唔凖查唇膏，唯有查有色嘅潤唇膏顯得個人有氣息啲。當然都冇令我失望，隻隻色都都實完，而且仲可以當打底咁用。

如果用咗呢支潤唇膏之後再上唇膏，就會令到之後上嗰隻唇膏隻色，會偏向滋潤唇膏嘅顏色。比如用咗橙色既潤唇膏之後，再用啡色嘅唇膏，咁就會出咗隻啡色偏橙嘅色，令到個唇色更加特別。」

Alba：
「呢支我係睇網上好多人推介話比唇膜更方便，有效同好用。雖然佢唔平，但就效果來講完全值呢個價。因為只要臨瞓之前，薄薄咁擦一層係咀，第二日洗完面會feel到個嘴唇夠滋潤，同埋唇紋好明顯淡左！

我唔係好建議出街用，因為佢質地比較「杰」身，會易啲黐到頭髮，尤其夏天有層野係個咀度會好唔舒服。相反，作為sleeping lip mask就真係一流！」

chinn：
「首先一定係包裝靚又有少女心！第二滋潤度唔錯，質地屬於清透glossy。
我買嘅係04偏橙色，每次搽嘅顏色深淺都會啲唔同，都好靚顯血色又自然，可堆疊幾層都唔會覺得好heavy。」

PCT：
「Burt’s bee 標榜100%全天然，雖然我冇咩儀器可以測試到。不過以前天氣一轉，嘴唇會特別敏感乾燥紅卜卜，好容易不知不覺舔嘴唇。自從連續用左2支同埋佢嘅蜜蠟潤唇膏之後就解決咗呢個困擾。
直到現在都冇復發，雖然冇再持續用，但不時都會用下。
BTW，呢款潤唇膏並冇強烈嘅蜜糖香甜味，對嘴唇嘅滋潤感並唔係凡士林嗰種厚重感有層膜嘅潤，只係薄薄一層默默地滋潤嘴唇。」

如果大家有留意近日的新聞，也大概會知道消委會公佈了市面上，有些護唇產品的致癌物質超出了標準！
平日我們用的護膚、化妝品，都需要與肌膚接觸，甚至如潤唇膏、唇膏這一類，好容易食會「食落口」，因此安全一點也是好的。

如果本身不是很了解護膚、化妝品的成份，不如在@cosme上，看看其他會員的評價！
在@cosme平台上，有一些「成份控」的會員，常以成份角度評價產品，提供了十分實用的資訊。

在此恭喜5位網友：LorraineTsung、Anna、PCT、Alba、chinn