早年，BB、CC霜在市場刮起了一波熱潮，雖然目前的熱度稍降，可是在底妝市場中仍佔一席位。但大家知道BB霜、CC霜有什麼分別、效果嗎？

雖然CC霜的概念是由BB霜轉化而來，兩者都有保養功能的概念，但BB霜更強調的是遮蓋瑕疵；CC霜則更強調調整膚色、明亮肌膚，相對來說遮瑕力稍次要。

從網友的意見中也看出，BB霜似乎遮瑕力高，但調整膚色能力稍弱；CC霜則相反。

jhope0725：「優點：質感非常透薄，非常適合平時唔喜歡太濃妝嘅朋友。而且佢非常容易推開，遮瑕度亦都非常不錯。佢嘅妝感非常自然，唔會堵塞毛孔，望落富光澤感。

缺點：唯一缺點係佢嘅顏色選擇唔太多，要小心選擇襯到自己眼底顏色，同時又唔會過分顯白嘅顏色，需要花比較多嘅時間。

建議：如果真係搵唔到啱自己嘅顏色，可以買兩隻唔同顏色Mix and Match～淺色可以做埋提亮！」

balabababa：「選擇左01色號，上妝感覺都係偏黃調，真係唔鍾意⋯完全做唔到提亮 / 美白效果，想要妝感睇落膚白既話唔建議揀呢支。遮太陽斑效果都ok。毛孔凹凸不平位置都可以填平，睇落冇咁明顯。
雖然呢支寫住有精華成份，但我覺得保濕力唔高，即使妝前做好打底保濕，到中午已經開始泛油 / 甩粉，個妝變到一撻撻唔均勻、好斑駁咁。
易推開，但持久性差，初期妝感幾靚，但好快會變暗淡。必須要補妝同定妝。

※ 覺得唔適合混合肌
※ 想遮太陽斑 / 黑黃底膚色可以一試，因幫家母用（臉上好多太陽斑）遮蓋效果幾自然。」

hsjvanessa：「朋友送的禮物，這款CC Cream效果令我很意外。
它有SPF50 PA++++防曬，而且質感水潤輕薄，遮瑕度不高，能遮蔽毛孔。
意外地防曬力幾好，而且其色號（01明亮色）很適合我的膚色。

我很滿意其效果，有時返工可以搽佢調下色，自然輕薄，戴口罩也不怕焗～」

在此恭喜3位網友：jhope0725、balabababa、hsjvanessa。