Loreal Paris

昇華修護美髮油 多效修護 (乾旱髮質適用)

本人的髮質屬於極度乾燥派，髮尾全開叉，髮量又多又硬，經常比人話望落似禾稈草，再加上電左髮之後更差，所以經常會買唔同嘅髮尾油同髮膜黎試，希望可以搞好把頭髮。所以今次一知道抽中體驗試用L'OREAL PARiS「昇華修護美髮油多效修護 (乾旱髮質適用)」，真係超級興奮同開心，今次亦係我第一次成功抽中@cosme嘅試用🤫真係好多謝cosme🥰

好喇講番試後感，本來從未用過L’Oréal嘅護髮產品，今次試完之後幾驚喜。

首先，一吱出嚟啲油質地偏水狀，唔會太黏膩，一搽上頭，頭髮吸收得好快，好快手上的油就全被吸收，效果都好即時，頭髮望落冇咁乾旱。我通常會搽幾次，第一次喺洗完頭濕髮時，等吹得嗰時都吸收到，吹完頭冇咁乾。第二會在出街前造型時搽，等頭髮望落貼服啲。
其次，呢款護髮油的味道好清新，聞落有啖啖花香，唔似係啲人造味好難聞。

總括而言，今次的試用體驗不錯，會推介俾朋友。