MAYBELLINE

SUPERSTAY 超持久30H空氣感粉底液 (月光小紫瓶)

多謝cosme抽中我試用呢款Maybelline新出嘅Superstay Foundation☺️

率先講下支粉底液嘅外觀先，有別於佢舊款fit me嘅型格黑色透亮面粉底液，今次轉左成個色調做少女系 - 粉紫色蓋磨砂樽身，好靚好適合仲好有少女心嘅大家💜

多謝@cosme寄左3隻色比我試下邊隻色最適合自己，試完之後我就選擇左C20，顯白之餘亦比較自然。

粉底質地易推而且輕薄，我輕輕用手點左幾點上面再慢慢推開，有點濕立唔會好快就乾，搽完你會覺得只有薄薄一層喺面上，霧面感之餘，亦有光澤，一啲都唔覺化左妝，但又會有簡單嘅遮瑕度。
而遮黑眼圈方面，一層唔夠，但再on top build多層就可以遮到，並且望落唔會覺得厚身同乾身。
唯一缺點係去到鼻同翼位置就會有少少撠粉，因為我個鼻有少少黑頭，搽完你就會見到啲黑頭上面好似有啲白色點點咁。同埋比較大嘅毛孔就唔太遮到。

而佢賣點之一嘅30小時持久之巔，實測過早上搽完之後一路冇補妝去到夜晚基本妝容都仲喺度，但中間用紙巾抹嘅時候都會甩啲。
但去到晏晝面上出左啲油，反而令個妝望落更自然更靚，同埋感覺真係同冇化妝咁舒服，唔會好重妝感。

另外一提，粉底雖然含有防曬，但只有SPF12 PA+++，所以記得要用防曬打底先好上。

總結，「SUPERSTAY 超持久30H空氣感粉底液 - 月光小紫瓶」這款粉底液性價比很高，新包裝不失高級感，功能上亦對得起佢嘅賣點，持久透薄貼面，送人自用皆可👍🏻