LAURA MERCIER

柔光透明蜜粉

今次有幸由@cosme 抽中 試用「LAURA MERCIER全新純淨無瑕底妝系列」
依個柔光透明蜜粉係我既大愛。☺️

由佢既蜜粉包裝已經好靚，黑滑絲絨紙盒包裝更顯高貴既感覺。 到入面啲碎粉品質， 粉末非常細緻，質地細緻輕盈，上妝效果輕透自然，完全無面具感。我用化妝掃輕點幾下再掃上面，就已經足夠輕盈地貼合皮膚，又唔浮粉，柔霧效果令我睇起黎細緻而自然。

係定妝和控油方面，佢表現好好，出街補妝都可以吸收多餘的油脂，讓妝容持久。重要既係，佢不會卡粉，無咩乾紋。☺️
用左後，皮膚好滑， 有光滑細緻。

係室外影有啲色差， 實際上妝後更透白無瑕。
之前影既對比圖 ， 透白輕柔效果非常之好。
總括而言，依款蜜粉非常之優秀，能夠輕薄透明，不浮粉，讓皮膚細滑。我會話佢係高品質的蜜粉，大推依個柔光透明蜜粉。