LAURA MERCIER

柔光透明蜜粉

依個碎粉係LAURA MERCIER既大熱。好開心有機會試用依個碎粉。 今次試用果然無令我失望， 令我更喜歡依個品牌既產品。 今次試用包裝內無左個原裝粉撲， 所以用左自己既粉撲，唔知用番佢原裝既粉撲會唔會更易上粉同貼服。雖然無原裝撲， 但都無損我試用依個大熱碎粉既體驗。 撕掉入面既保護膜後， 蓋緊個蓋， 之後搖幾搖個碎粉盒， 打番開個盒， 就可以用粉撲/粉掃印少少個碎粉。

每次都好易攞到適合既份量， 唔會次次都痴好多粉。用粉撲慢慢由額頭印起， 已經睇到個膚色明顯有左光澤，無左因為搽cream而引起既油光。皮膚即時睇到細滑左 。

眼部果度， 同平時一樣， 上薄薄一層粉就得 。由於粉比較幼細， 無咩卡粉既情況出現。
相對比較持久， 不過大熱天，出油多點都要補一下再保持果重貼服柔光效果。


同樣用左黑滑絲絨紙盒包裝， 內有一盒29g 的碎粉盒。碎粉盒好有質感 ，有高檔既感覺。 好大盒， 有成29g 。應該可以用好耐，我起馬都可以用到一年。

又貼服又大盒， 有成29g 既碎粉 。CP 值相對其他開價碎粉高。幾推薦其他人入手試下。係外國經常見到依個牌子， 香港就相比少見。