Nature Republic

蘆薈舒緩保濕啫喱

居家必備嘅蘆薈啫喱！
曾經喺2013年左右賣到成行成市，
但同時亦有好多假貨流出呢。
呢款蘆薈啫喱都幾多功能，
我自己會用嚟鎮靜敏感皮膚、當面膜敷，甚至係當多合一凝膠嚟用，
佢鎮靜敏感皮膚效果唔錯，
針對敏感地方敷一層等十分鐘左右就基本上會退紅退敏，
而當面膜咁全臉敷，
更加可以令皮膚變得嫩滑，
但個人唔推薦將佢當多合一凝膠用，
因為都會容易起擦膠碎。
呢款產品嘅優點係性價比高同多功能，
缺點就係香精同酒精等添加得太多，
以致氣味非常濃烈同人工。
自從Nature Republic閂咗西洋菜街店之後就少咗個可信途徑回購，
所以暫時應該未必回購住。