LANEIGE

水潤修護睡眠唇膜

粉紅色固體，一遇熱就會液體化，作為韓國產品有固定幾重下嘅香料味，如果唔鍾意香料味嘅可以接受唔到，因為瞓覺搽完一定聞到。佢有陣甜甜嘅味，附有個膠匙用黎搽。液體化後質地好黏，超級黏，令個匙嘅清洗幾唔方便。冬天搽上嘴厚厚一層，第二日個嘴唔會乾，個嘴會吸收大部分得番少少留係個嘴度。如果夏天落一層，起身可以抹一抹嘴去角質死皮，幾work。主要其實同潤唇膏用途差唔多，不過質地厚D咁。我平時無敏感，不過有其中幾次用完個嘴辣辣地，唔知係唔係我個嘴太乾所以先會痛，個次我一搽完即刻抹番就唔痛。整體黎講唔錯嘅產品。

更新：
Keep住有用下，但對上一次用完個嘴敏感，個嘴唇邊紅曬，應該唔會再用。
更更新：
用完從此嘴唇變敏感肌❌從此搽咩都痛😡😡