COVERMARK

草本漢方修護粉底霜

Covermark呢個brand其實都幾得意，佢係有分黃色tone同藍色tone去分每個人膚色。 粉底係cream 狀質地，所以比較厚身，但好易推開。對於一啲深色嘅色素，例如係深紫色嘅暗瘡印，我覺得佢嘅coverage大約係6成左右，另外要再加遮瑕膏，但係如果泛紅皮膚，佢又遮得幾好，有8成左右，可以喺上面再加多小小粉底就遮得曬，毛孔黑頭嗰啲遮得好靚。

粉底嘅妝感係有自然有光澤，冇乜面具感，但係一定要加碎粉落去，如果唔係塊面一定會癡塵，佢係摸落去會有小小笠，但係塊面又唔會覺得厚重嗰種感覺😂😂出油之後會變成勁靚嘅奶油肌，覺得有少少似Cdp嗰種越夜越美麗feel，我個人建議用sponge 上會好啲。

其實佢呢個草本粉底話係有養膚嘅功效，我個人就唔太感覺得到，但佢冇令我皮膚變差，同埋就算佢係cream嘅質地都冇令我生暗瘡。油皮膚我覺得冬天用都幾好，好貼服唔會甩皮，同埋好少會甩粉，用紙巾印一印都係鼻同下巴位出油多嘅地方會有少少粉，暗沉嘅問題都冇點出現，但夏天用就真係會小小溶😂。

我覺得唯一嘅唔好處就係佢係要用個棒仔撩出嚟，感覺唔係好衛生同埋會驚有塵入左去。