ettusais

魔束捲翹睫毛底膏

好開心中咗@cosme嘅試用！見到咁多人讚好我都忍唔住即刻開咗嚟試。

首先講下包裝，新包裝真係靚過舊嘅好多，設計行簡約嘅路線，轉咗全黑嘅磨砂面，好有質感。

然後我最欣賞係個applicator嘅設計，刷頭好幼細，我本身係內雙都可以掂到睫毛嘅根部，由下而上咁梳可以好自然咁做到濃密嘅效果，而且佢每次apply嘅份量啱啱好，真係手殘都用到。

最後到妝感，搽出嚟會見到啲細細條嘅黑色纖維，就咁單搽呢枝已經做到自然濃密嘅效果，我平時懶就會單搽然後夾下就算，持妝度都可以，至少唔會溶到變熊貓眼。

整體嚟講我覺得呢枝mascara base真係唔錯，功能又多，仲要只係110蚊，用完應該會回購。