excel

時尚四色眼影

見到@cosme出左一篇文章講黃色眼影，諗住會有介紹呢盒excel新色CS09，點知冇，所以好想介紹比大家。一直都好想買excel眼影，見到佢出春天新色果時打算買，但係第一眼睇CS09同10都好似好難carry，因為一隻好黃一隻紫藍。但係望望下又去搵下日本youtuber示範，就對呢兩隻色越黎越順眼，最後就買左CS09番黎挑戰下。

我覺得呢盒黃色比我想像中易carry，可能係因為佢係暖黃色，所以顏色都唔會太sharp。同埋佢都有跟一個啡色眼線色，跟excel個教學畫就冇失手。學日本妹話齋，呢盒真係好有透明感，好春天好顯氣質好可愛。

我覺得佢可以改善既地方係顯色度，model張poster顯色度高好多。暖黃色本身係黃皮膚身上都冇乜存在感，我依家都會狂加黃色上去增加存在感！！

黃色眼影真係好特別架，皮膚白既女仔不妨試下^_^