shu uemura 植村秀

unlimited 無限輕透持妝粉底液

感謝shu uemura 邀請

呢幾日用咗unlimited無限輕透持妝粉底液，對於一個T字油皮來講幾好，首先係佢嘅質地比較輕薄。第一次用唔識控制份量，所以就按多咗出嚟，但當搽晒上塊面嘅時候，冇厚重嘅感覺，反而係好薄嘅感覺。至於遮瑕力由我打完底第一次嘅時候，面上面嘅瑕疵就已經遮得七七八八，本身面上面有泛紅暗瘡印同埋黑眼圈，基本上再上多一層就已經冇晒瑕疵。佢雖然控到油，但對於我嘴角周圍比較乾嘅地方就有少少甩皮。我用咗幾日每日都戴妝超過12個鐘，返到屋企見到個妝都冇氧化，粉底嘅顏色同初上嘅時候係一樣嘅。整體嚟講粉底適合一啲油皮或者中性皮嘅朋友，亦都適合要戴妝一整日嘅人。