shu uemura 植村秀

unlimited 無限輕透持妝粉底液

終於都等到shu uemura嘅粉底
一直一直都好想試吓呢個牌子嘅產品
冇諗過上面效果係咁靚
包裝呢個已經唔使講 簡約又有格調
我對磨砂質地真係冇抵抗力
粉底色號上手覺得好似黃少少
但上到面顏色岩岩好 同我平時買嘅色號差唔多
冇乜流動性 但好易推開
延展性好強 成膜速度唔算快
唔需要分區上妝咁麻煩
一層遮瑕力有八成 兩層可以去到八成半九成
呢個真係震驚到我 好少粉底可以遮到咁好
特別我係瑕疵肌 遮瑕真係幾重要
之後到佢哋大推嘅透薄零負擔
我岩岩已經講遮瑕力度高 好多時遮瑕同透薄只滿足到一樣
但呢枝粉底真係可以同時做到
妝感唔重 遮毛孔都幾好
平時用開高遮瑕 所以已經習慣咗有厚度嘅妝感
第一次試到咁透薄嘅感覺
終於明白咩叫做可以抖氣嘅妝容
然後到最重要嘅持妝 完全感受到零油光
上妝幾個鐘依然係好似岩化完個種乾爽控油嘅效果
如果係平時嘅話 鼻翼兩邊已經會少量出油
而shu uemura係冇呢個情況出現
長時間戴妝都冇個種溶妝 或者覺得有野煱住塊面
氣化情況係0
總概嚟講 呢枝粉底對我個人可以話係完美