shu uemura 植村秀

unlimited 無限輕透持妝粉底液

多謝@cosme抽中比咗個試用嘅機會~我用嘅色號係584
首先講下我嘅皮膚 我係中性皮，冇明顯嘅皮膚問題，有比較深嘅黑眼圈同鼻翼泛紅。圖一為我素顏嘅狀況。
因為膚質所以秋冬用呢枝會偏乾，我妝前會用比較潤嘅面霜打底，之後再上一層防曬。呢枝粉底嘅流動性都唔錯，好易推開，不過成膜都算快，所以要化得快啲。
一般嚟講用一泵就足夠化哂成塊面同頸。由於我冇乜大嘅瑕疵，所以對我嚟講遮瑕力都相當足夠。圖二為啱啱上完妝嘅狀態。
圖三為上咗妝6小時嘅膚況，並無明顯暗沉嘅情況，甚至隨住時間嘅推移更加貼服，適合長時間帶妝嘅底妝。