MAYBELLINE

FIT ME！反孔特霧粉底液

一直用左好多年佢既礦物粉底， 對佢礦物產品都有信心， 今次試完了FIT ME 礦物粉底液同遮瑕膏， 朝早七點出門到九點食完飯回家 ，總共上妝大約14小時，都可以保持霧化效果。

出油情況比用其他BB cushion 相對比較， 只有T字位額頭有少少油光， 下午時用紙輕輕印額頭就已經好足夠。 好適合而家春夏嘅天氣使用， 再加上帶埋口罩，又濕又焗，好需要一個唔黐立立，又唔會令皮膚氾油既產品。

有幸試用了FIT ME 粉底液同遮瑕膏，色系有好多種， 好適合亞洲人皮膚， 總有一種顏色適合。 今次可以試唔同色 ， 令我更了解自己適合咩色號， 較深色既粉底我可以用黎做面頰既陰影。 如果唔了解自己用咩色系， 建議可以去專櫃架試試顏色。

皮膚上輕易推開， 不是杰身既質地，粉底用少少已經可推開搽均勻全面。 對於細紋位置， 可以用指腹加按幾下， 就可以令粉底貼服不卡粉。

上粉底好啞緻， 不怕油光既感覺。 春天， 好怕上完cream再上粉底會太光澤， 再出油會好顯肥 ， 啞緻粉底就可以解決依個問題。

粉底耐左會氧化係好常見既問題， 用左半日，面色又唔會變化太多。 依個粉底適合中性偏油既人使用。 啞緻matte會令人一試愛上。