MAYBELLINE

FIT ME！反孔特霧粉底液

首先多謝@cosme 邀請試用呢款Maybelline粉底液！
呢款粉底液都見唔少人分享過今次終於有機會親身試用😍今次收到嘅色號係109，118，120，樽身用玻璃樽相當有質感，3支使用後發現109就最適合我(可惜運送期間爆左😿）

粉底液主打16小時長效持妝，我係油性皮膚，毛孔同 瑕疵都比較多， 平時都好努力搵一啲控油又持久嘅粉底，呢款粉底液質地都偏水潤好易推開， 雖然上咗面 係霧面妝感 ， 但係都唔會覺得好乾同卡粉，妝感比較透薄唔會好似帶咗個面具咁，岩哂鐘意自然嘅女仔😍

缺點就係瑕疵多嘅地方就一定要配搭遮瑕膏使用 ， 近排比較多暗瘡印， 我搽2層粉底加遮瑕膏大約遮到7，8成左右，遮毛孔效果就有驚喜，岩岩完妝個妝感係幾靚！

至於控油效果就冇預期咁勁，可能我最近皮膚換季出油太勁，如果唔加碎粉定妝幾個鐘就出油，配合碎粉一齊用就覺得都keep到大半日，暗沉程度都可以接受，以佢價錢黎講都算一款性價比好高嘅粉底👍🏻👍🏻