MAYBELLINE

FIT ME！反孔特霧粉底液

多謝@cosme 抽中我試用Maybelline最新主打產品，Maybelline呢個牌子相信大家都好熟悉，係一個價錢親民，又有品質保證嘅開架化妝品牌子😊
以前細個未識其他牌子嘅時候一定會買過Maybelline,其實我都有好長一段時間未用過Maybelline嘅產品，我都抱住一個好奇嘅心態想睇下依家嘅Maybelline會進化成點呢？

好多謝cosme今次比左3隻色號嘅粉底液比我試用，分別係103，112同埋118號色，本身我膚色唔太白淨，係比較偏青黄嘅膚色，所以118嘅色比較符合我依一刻嘅膚色，希望我膚質越黎越好，遲啲可以再挑戰一下白啲嘅粉底液☺️103同112號吱上手試色嘅時候係覺得偏粉嫩，118號吱上手係比較自然嘅色tone, 如果天生膚色比較白淨嘅推薦用103同112號，2隻色都可以做到有少少白裏透紅嘅感覺，絕對唔係誇張死白嘅膚色。

講返最適合我嘅色號118，雖然佢係比103同112號黄少少，係一個淺米色黎，但係咁先適合返眾多亞洲人嘅膚色，呢個Fit Me系列嘅粉底液比我之前用過嘅韓牌粉底液/BB cushion都好推，無論係吱係手定搽上面都好易推開，我本身係偏好透薄貼服嘅妝容，最好就係化完好似冇化果啲僞素顏妝咁，想比人覺得我本身膚質都唔錯🤭Maybelline Fit Me呢枝粉底液真係幫到我，由於我本身T字位係重災區出油，上左粉底液之後係真係有霧面左，冇咁反哂光，雖然都仲係有油光，但已經有好左🫣面部其他位都係好容易上到妝，好貼，就算我只用手指上妝都有好效果，如果呢隻粉底液嘅遮瑕度可以高多少少就好🤏🏻有時有啲部位比較暗沉，膚色不均勻嘅地方就要疊加多一層，不過疊加上去都唔難，唔會因為疊加多一層而出現一撻撻或者手指模印嘅現象👍🏻唔錯

連續幾日返工前都用呢枝粉底液搽薄薄一層，放工返到屋企落妝，經過接近12個鐘，除左望落係比啱啱化果陣啲顏色無咁靚之外，整體上都冇乜挑剔，返工果陣印下塊面，發現面上啲油光係有少左，真係有做到控油，亦唔會因為印走油光而帶走粉底液，依然會係乖乖咁係面上，基本上係做到不易脫妝嘅效果☺️

評一評係我心目中分數
易推好用：⭐️⭐️⭐️⭐️
遮瑕度：⭐️⭐️⭐️
CP值：⭐️⭐️⭐️⭐️
想回購：⭐️⭐️⭐️⭐️⭐️