OPERA

LIP TINT N

前前後後已經買咗3支！
原先係因為連續喺@cosme年度榜見到佢排一位，知道佢喺日本好受歡迎。到香港正式出個定價計落仲平過日本…完全無慮即決！
第一支入手嘅係5號coral pink，喺日本有「花嫁色」嘅稱號，可愛得嚟唔會過份甜美嘅顏色十分百搭。
因為太好用，第二日就入手咗2號pink用嚟襯妝。呢個色女仔啲Sweet啲，而且因為係tint嚟就算Kiss都唔會甩色，約會就最啱駛👍
暫時最後一支買嘅係限定色10號glitter red，係一隻有透明感嘅紅色，隻色唔會太死實太豔，比普通嘅紅色唇膏更wearable~
總括嚟講呢隻唇膏係可以唔用腦咁隨便搽都靚！滋潤度超高根本唔駛打底，完全顛覆lip tint=乾呢樣嘢！
顯色度方面雖然個色比較透，但搽兩三層個色都夠，同埋上嘴後過一陣啲色都會比剛搽果陣明顯，所以又唔駛見佢搽上手冇乜色就放棄。持色度都算好好，除咗食嘢一定要補之外普通飲嘢都可以唔駛補，亦唔算好難卸。妝感就真係好日系，有透明感水水嫩嫩咁。
計起嚟性價比真係極高，超推薦👍👍👍