購買資訊

主打清爽，但真係清得太乾淨，保濕力基本停留係淺層，未至於佢講到咁「極致」。我本身屬於混合肌，T字位易出油，但敷完之後兩頰冇特別被滋潤到，只係感覺清涼少少。如果皮膚狀態好，用完會覺得乾淨、膚色有輕微均勻感，但效果維持時間好短，半日後已經打回原形。 精華量唔算多，成塊mask唔會滴汁，但都唔至於乾。cutting方面屬於中規中矩，唔係超難用，但都唔夠貼面，鼻翼同下巴位成日會浮起，影響吸收感。香味方面，有淡淡日本酒味，無酒精感但唔算特別舒服，敏感肌建議先試一小塊。 呢款mask最大優點就係夠清爽、唔黏笠，夏天用唔會太焗。但保濕力明顯唔夠，唔建議乾肌或者皮膚乾燥時用，會覺得好空虛。性價比方面一般，唔貴但亦唔算超值，屬於「有用但唔愛」嘅類型。 ✅ 適合膚質：油肌／混合偏油、夏天使用 ⚠️ 不適合：乾肌、急救補水用途 ⭐️保濕度：★★☆☆☆ ⭐️清爽度：★★★★☆ ⭐️使用感：★★★☆☆ ⭐️回購意願：★★☆☆☆

呢個面膜最出名就係有日本酒嘅成份喺入邊，佢係一包7塊嘅面膜，所以精華液嘅份量都唔會太多，呢啲多片面膜，最好就唔好敷太耐，如果唔係會給返面部水份。 面膜有淡淡地嘅日本酒嘅香味，幾特別，同埋都幾香甜。佢嘅面膜紙好大塊，可以覆蓋我全男人嘅面。而佢嘅精華係水狀，好容易滴出嚟，敷面嘅時候建議瞓喺度。我5分鐘之內就會搣咗佢，之後皮膚就會有清爽、清爽水潤保濕效果，面部滑滑彈彈💧朝頭早用完醒神晒

酒味唔太濃，精華水狀。係包裝拎出嚟精華會滴出嚟，精華好稀。面膜剪裁過大，紙質有啲硬，唔適合大部份女仔。 表面有補濕有補水效果，滲透唔到入去。少少冰涼，沖洗走就冇。短暫補水效果，美白效果不太明顯，訓醒第二朝維持唔到補水效果。 如果貪日本酒味道，可以買嚟試試，但期望不要大💕