Kiehl's

亞瑪遜白泥毛孔深層清潔面膜

呢排覺得毛孔有d粗大而且T字位岀油較利害，所以揾左呢隻口碑唔錯嘅面膜嚟敷。
其實佢嘅cp值真係唔錯，唔係太貴有一大瓶，而且每次用量都唔使好多，敷上去涼涼哋，冇特別刺激嘅香味，呢樣我係幾like嘅。不過唔知係咪因為我鼻翼兩邊比較缺水，頭兩次敷嘅時候有少少輕微刺痛嘅感覺，不過適應左之後就冇嘢喇。
講返用後感，我依家大約一星期用一至兩次，如果做返控油或者普通清潔，我覺得係做到嘅，但係如果要另外一啲function例如係嫩膚美白等等，咁就要add on其他product啦，佢只係for好基本嘅保養。敷完洗面之後嗰種感覺亦都唔係好爽嗰種係有少少潤，所以塊面唔會話好繃緊，都幾舒服。
如果用曬呢瓶，我有可能會回購，for返一般日常保養。