b.glen

礦泥潔面乳

原本見cosme 都幾多好評，心動想入手，但見礦泥怕清潔力太強，最尾都冇買到，多謝 cosme 送咗枝比我使用🥰 實際早晚用咗一個幾星期，使用後感係清潔力的確唔錯，就算我冇做深層清潔，都會見到黑頭少咗啲啲。

令我意想不到嘅係潔面乳質地都幾滑身，唔同磨砂膏咁有顆粒，同一般潔面乳差唔多只係唔會起泡，用完唔會即刻覺得塊面好乾，但當然例牌都要搽返化妝水同保潔乳液啦。

我臉頰位本身都易敏感同泛紅，但用呢隻都冇敏感問題👍🏻呢隻潔面乳都算適合我，不過唯一係價錢真係有啲貴，同埋每次用量都唔少，用咗一星期多啲就已經冇咗1/4，性價比還好，唔介意呢個價錢嘅話可以試試。