KANEBO

水漾透亮唇膏

COFFRET D’OR 依個日本牌子大家都聽過
但佢嘅唇膏係香港引唔起嘅討論度（非熱門唇膏）
不過佢係日本/台灣/中國都引起唔少人關注
（台灣/中國都叫佢做咖啡豆唇膏😂）

當初只係買左一枝黎試下
色號RD225
用左之後 發現佢好顯色
（同埋佢依隻偏紅）基本上搽一次
頂盡來回搽多兩次 已經非常足夠
同埋佢唔會好乾 搽之前唔洗搽潤唇膏先
就算佢乾左甩左色 都唔會顯唇紋同死皮
（即俗稱嘅「死潤」/「假潤」）
真水潤感 （潤得黎唔會好油感覺）

見到咁好用 又忍唔住再買多一枝
今次買嘅色號相對淡對同粉啲 RD224
比較日常色系 適合淡妝或者平時落街時搽
個人好少一款唇膏會買兩隻色
但依款個人黎講 非常滿意同中意

佢價錢唔貴 （買時咁岩做優惠
同埋感謝週時佢會做買一送一）
夠潤（唔係死潤同假潤）
唔顯唇紋 甩左色都無死皮
顯色度又夠 兩隻色都好滿意
至於持久度 個人覺得問題唔大
搽深紅色個款 會keep到比較耐少少
（即使飲水都會色係到）
所以用完手頭上個兩支
我會再入手咖啡豆嘅唇膏！